Ваше мислење за содржините на IT.com.mk?

[TylerMkD]

Англискиот има преголемо влијание врз светот во овој момент, посебно во ИТ индустријата, така да, deal with it.

Те молам кажи му „да се справи со тоа“, за да те разбере.

 

[Daniel86]

Ја не знам шо толку се фативте за јазикот, поентата е да има помалку монотони и повеќе интересни содржини, па ако сака и на хебрејски нека ги шкрабаат. Секако, граматиката е потребна и те како.
Стартап, стартап, стартап, стартап, епл, стартап, стартап, селфи стартап.... Шукурац и стартап и селфи

Grown ass people taking pictures of themselves on a fucking stick!!!
Morgan Freeman

 

[imperial]

Спасувањето на сопствениот јазик не се прави со технички термини. Ако мислите дека е подобро да измислуваме нови зборови наместо да ги прифатиме интернационалните термини, тогаш ок. Ќе имаме самослик, кое го смислил високо образована личност, а се со цел да се заштити македонскиот јазик. Побрзал загрижениот високо образовен кадар да преведе непостоечки збор ниту во оригиналниот јазик.
Лесно дошол до преводот, кој апсолутно не го претставува она кое го преведува. Само, е јасно, ама она слик највероватно дошло од слика, кое треба да е фотографира, а кое па е ептен македонски збор. И да постои слик, тогаш самослик е уред кој сам слика.
Да не омаловажувам високо образование, ќе кажам дека не е до школото, до акалот е.
Тие со таквото високо образование седат на одговорни места и донесуваат вакви одлуки.
Ќе го осакатите дополнително народот кој е и така половина и повеќе неписмен со диплома.
Не плукаме по се што е македонско, плукаме по ново македонското кое некоја будала сака да го наметне само затоа што мисли дека има високо образование и изигрува патриот.

 

[kebe]

Ништо, само турско ропство ни е спас. Барем така се` е јасно, сите ќе зборуваме на турски.

Јазикот е жива материја, ...
...
Англискиот има преголемо влијание врз светот во овој момент, посебно во ИТ индустријата, така да, deal with it.

Ова ти е само смешен заклучок донесен од смешни примери. Кажи си јазикот е жива материја и глуми јазичен шериф, смислувај нови правила на неук начин без никаква анализа и истражување.

и иако имаме закони и се

Сега тој законот не се спроведува, очигледно, и други интернет-портали и што ти знам не внимаваат на јазикот. Ама ајде баш ќе видиме што ќе стани со тој закон во блиска иднина, дали ќе цела држава ќе продолжи да оди „у курац“ или колку толку ќе застанеме на нозе, и меѓу другото, ќе почнеме да внимаваме повеќе на јазикот.
--------

Тука прекинувам со дискусијава оти стана од оние незгодните. Ако треба нешто понатаму, во боречки клуб да си појдиме. Или пак, да бидиме попрудиктивни и во нова тема да дискутираме за решавање на овој проблем. Евентуално, таа дискусија може да добие на влијание и да излезе надовор од овој форум.

 

[ARMac]

Ништо, само турско ропство ни е спас. Барем така се` е јасно, сите ќе зборуваме на турски.


Ова ти е само смешен заклучок донесен од смешни примери. Кажи си јазикот е жива материја и глуми јазичен шериф, смислувај нови правила на неук начин без никаква анализа и истражување.


Сега тој законот не се спроведува, очигледно, и други интернет-портали и што ти знам не внимаваат на јазикот. Ама ајде баш ќе видиме што ќе стани со тој закон во блиска иднина, дали ќе цела држава ќе продолжи да оди „у курац“ или колку толку ќе застанеме на нозе, и меѓу другото, ќе почнеме да внимаваме повеќе на јазикот.
--------

Тука прекинувам со дискусијава оти стана од оние незгодните. Ако треба нешто понатаму, во боречки клуб да си појдиме. Или пак, да бидиме попрудиктивни и во нова тема да дискутираме за решавање на овој проблем. Евентуално, таа дискусија може да добие на влијание и да излезе надовор од овој форум.

Другар, без навреда ама тебе постовиве ти се граматички погрешни, а проповедаш почитување на јазикот и самоволно воведување на зборови кои моментално не се во идеологијата на академик Блаже Конески.

 

[xnickx]

Ај да се замешам малку и јас во дискусијава, оти по професија сум судски преведувач. Прво, одредени англизми, особено оние кои се новосоздадени и се поврзани со светот на ИТ, многу лесно се претвораат во интернационализми. Причината ви е на сите повеќе од јасна, едноставно претешко е одново да се смислуваат изрази кои ќе бидат еквиваленти, дали поради лексикологијата, или пак морфологијата на јазиците.

Македонскиот јазик го поседува капацитетот за создавање или „ковање“ на нови зборови, но кога некој израз е проширен и општоприфатен, нема потреба од такво нешто. Македонскиот јазик неможе да се „заштити“ од надворешни влијанија со тоа што нема да прифати ништо кое што доаѓа од надвор, може само да затупи. Пример, често на факултет добивавме "handouts" како дел од наставната програма (неколку листови - копии од други учебници или списанија). Како ќе изгледа и звучи кога ќе го кажеме: „Еј, колега, абе ги имаш хендаутите од вчера?“. Кажете го малку поспоро и делува уште поглупо (хенд-аут-ите). Затоа решивме да најдеме просто решение на решлив проблем, за кој другите јазици си имаат соодветен термин, и англизмот не прераснал во интернационализам. Решението: „споделист“, лизга ко путер кога ќе го кажеш, ама тоа си остана локално на ниво на факултет и не знам дали некогаш ќе биде повеќе од тоа.

Да, има граматички и правописни грешки на ИТ.мк, исто така има и на Дневник, Вест, и други портали кои се од информативен карактер. Да се нервирав за секоја грешка што оково ќе ми ја фати, до сега срце ќе ме стегнеше. Општопознато решение за странски имиња или други именки, е пишување на оригиналот или преводот, т.е. транскрипцијата во заграда до оригиналот, особено за оние кои е тешко или не се знае како се изговараат. Пример: „Денес Xiaomi (Шаоми), го претстави својот нов телефон...“, или “Новите слушалки на Logitech (Лоџитек, немој некој да сум го слушнал како вика „логитеч“, ќе пие шамар)...“, итн.

Поентата ми е, некои изрази треба да се преведуваат, некои не, толку. Од македонска катедра волку не се замараат со јазикот, ебааго.

 

[Tajson]

‘‘Ако победеше Хитлер’’ ќе беа термините на Германски .....нели
Никој не алудира на МАКЕДОНШТИНАТА, ги поздравувам колегиве на форумов кои ме разбраа, јас небарам нити го омаловажувам англискиот јазик ама на планетава се зборуваат на поголеми подрачја и други јазици и кога ќе одиш таму англискиот не ти помага многу. Не разбирам зошто не се потрудите да дадете предлози, за некои работи одма одите на линија на помал отпор. Ако ‘‘тебе’’ ти годи некој назив, име и ти е поприфатлив и разбирлив не значи дека така треба да остане.
Еве пример од мојата струка:
Рамналка (машина за рамнење на дрвото) сите прави столари( не ги признавам ова новокомпонираните) ја знаат како Абрихтер(германски), и сега по ‘‘ваше’’ би било најдобро Jointer (англиски), бидејќи така ќе ме разберат во светот подобро или на младинава би им било по природно да го употребуваат.
Или уште по ‘‘вулгарно’’ кажано ако отидеш во Куманово, за аголна брусилка за метал општо позната како ‘‘брусалица’’, и ја побараш и под едниот или другиот назив не ќе ти речат кумановските мајстори: ‘‘дете ти не знаеш тој је сателитче’’.
Унификација на термините треба секогаш и во секоја ‘‘струка’’, некои ќе бидат повеќе некои помалку успешно имплементирани, преведени, прифатени. Ваквите места треба да служат за предлози и размена на мислења, ако мислите успешноста на форумов е во купувам, продавам и какви електронски цигари се користат, тогаш и како што реков целта на постоењето на целиот форум е промашена.
Се сложувам и нема повеќе да коментирам во овој дел на форумот преместете го постов каде мислите дека припаѓа.

 

[Fatal1ty_]

Врска немаме ние од зачувување на сопствен јазик и крилица. Русите си имаат javascript со кирилични функции... Додека ние се расправаме околу џиџи и слични македонски фекалии..

 

[theurednik]

Ок, ќе престанам со расправа за македонскиот јазик тука, бидејќи се работи за комплексен проблем и има експерти што треба да го решат.

Но, да ги објаснам поплаките за стартапите. Во моментов стартапите се важни за сите. Зошто? Затоа што секој иновативен софтвер, хардвер и продукт доаѓа од стартап. Хеј, македонска игра на табла (стартап) собра 107.000 долари од Kickstarter, а мене тоа е поинтересна вест од спецификации на телефон кои може да ги најдете било каде. Дури Xiaomi се води како најголемиот стартап во светот. Dropbox е уште стартап. Хрватскито Remic и неговите електрични супер-автомобили се водат како стартап.

Но во Македонија едвај можеш да изброиш стартапи на прсти. Наместо сите талентирани професионалци да работат оутсорсинг за ... wait for it... стартапи, не е лошо да видиме стартап култура и тука. Државниот фонд дава по 30.000 на стартапи, веќе има две групи инвеститори (можеби и повеќе) што бараат стартапи. И IT.mk во моментов е единствениот портал кој се замара со ова. Зошто? Затоа што ако има повеќе стартапи, ќе има повеќе пари, ќе има повеќе и покреативна работа за ИТ индустријата. Ако сакате да читате рецензии за хардвер, за жал тоа порталот не може да го направи да им конкурира на другите странски портали кои имаат early access до продуктот.

Како што реков претходно се трудиме да има различни вести за сите, иако приоретизираме вести кои мислиме дека ќе допринесат повеќе кон развој на македонската ИТ индустрија.

 

[Daniel86]

Ако стартап селфи се вбројува во индустрија и профитерски бизнис, ондак ја ќе бидам Никола Тесла, може?
Ако сте креативни, ќе отидете двајца, еден уредник, еден фотограф, у било која македонска поразвиена фирма, па направете и рецензија на фирмата и нејзината опрема, и нејзиниот удел во ИТ индустријата, ем ќе соберете некое париче од рекламата за да може да праите рецензии за тазе хардвери, ем ќе имате поинтересни статии кои стварно може да насочат некого некаде, наместо овие ретардираниве стартапи, играчки за деца.. Талентираните професионалци можат многу повеќе да бенефитираат вака. Уствари, талентираните професионалци не читаат МК сајтови многу многу, а некои не ги ни интересира кој што прави.
ИТ.мк, всушност е единствениот портал кој постои во МК кога се работи за технологијата, со исклучок на некои аутомото сајтови и слични тракатанци, па затоа и станува единствен кој се замара со стартапи.
Ви фали конкуренција, да видиш тогаш како ќе ви проработи имагинацијата и креативноста.

 

[Astro]

На провинцииве ќе им дадеме самосталност и демократија или уште ќе ги држиме под опресија? Дури и Кина му даде самосталност на Тајван, останавме само уште ние и Енглезите со Фалкландските острови по се изглеа.

 

[xenon]

Се приклучувам во поздравите и честитките до уредниците, писарите и сликарите на главниот портал. Едноставно не е тоа тоа, стерилна смеса од претежно досадни вести околу безработничкиот пристап кон бизнисот.

Стартап како и НВО, генерално гледано се институции за перење пари, брза заработка преку кредити/грантови и позајмици за на крај никаков реален ефект. Чесни исклучоци постојат но тие би успеале и без формалности од овој тип церемонијално чиновништво.

Она што останува на просечниот, снаодлив, секојдневен граѓанин кој си го тера животот и не се служи со безрбетнички новокомпонирани финти и трендови, е во ваква настрана клима да ја чека апокалипсата со припремени резерви на храна/вода, лекови, алатки, семиња и сл. и потоа да гледа како оваа розева багра угинува сама по себе. Меѓувреме, да пие апови и овошни ферментати доека истата апокалипса не дојде.

 

[TylerMkD]

Како што реков претходно се трудиме да има различни вести за сите, иако приоретизираме вести кои мислиме дека ќе допринесат повеќе кон развој на македонската ИТ индустрија.

Убаво звучи ова на хартија, and then there is this:

http://it.mk/polnichkiot-aksel-rouz/

Аксeл Роуз бара од Google да гo цензурира fat Axel мемeто

Разбирам јас стартапи, култура итн, ама место нов хардвер, софтвер, некој совет, твик, интересна вест, налетувам на ова на порталот, си викам на it.mk сум или на think.mk.

Океј, да бев на Think насловот ќе беше „НАПРАВИЈА МЕМЕ ЗА АКСЛ РОЗ, ОН ГИ ТУЖЕШЕ И НЕМА ДА ВИ СЕ ВЕРУВА ШТО СЕ СЛУЧИ ПОСЛЕ КЛИКНЕТЕ...“

 

[Astro]

Пак бесмислени комбинации од букви за некакви стартапи.
На жена ми и реков ако ме види уште еднаш да читам статии на it.mk да ме удри со флаша од вино по тил.

 

[l1d0v1c]

Многу важно: полна или празна флашата од вино?

 

[Astro]

Многу важно: полна или празна флашата од вино?

Е не знам, тоа е тој дозволен индивидуализам кој и го дозволувам на жена ми по дома, ко демек право на избор. Ама изгледа сум аборавил дека диктатурата од рајот е дојдена хаха.

 

[Costigan_Jr]

@theurednik

На ваше место би ангажирал дечки од форумот да ми пишуваат статии за хардвер, за надокнада (висината нема да биде предмет на дискусија од моја страна). Се разбира - би правел селекција. Како сопственик на порталот би се потрудил тие да добиваат хардвер за тестирање, а тие би потпишале изјава дека сносат одговорност доколку се случи нешто со хардверот додека е во нив, но не целосна туку делумна, бидејќи сепак се работи за пишување статија во интерес на порталот, па да речеме 1/5 од штетата би ја покрил тој што предизвикал дефект, а остатокот сопственикот на порталот, бидејќи сепак - тој е работодавач и е одговорен за селекцијата на рецензентите.

Исто така би платил неколку заинтересирани професионалци кои неможат да најдат работа во државава со својата професија, ака новинари, да истражуваат по странски портали што е популарно и актуелно од ИТ сферата, и би ми спремале вести за мојот портал. Има такви луѓе кои сакаат да заработат некој денар на овој начин и веќе заработуваат пишувајќи за странски портали. Убеден сум дека со задоволство би пишувале за наш портал, но за надокнада.

Би го направил порталот повеќејазичен. Да има македонски, албански и англиски. Рецензиите за хардвер да бидат и на англиски , обавезно. Обичните препишани новости од странски портали немора да бидат на англиски бидејќи секако на крајот на статијата ќе треба да се наведе изворот, кој 99% од случаите е на англиски.

Би додал news feed IT.com.mk апликација која на корисниците на апликацијата ќе им доставува информации за дневните ИТ новости.

Ова се блиц идеи. Ова се работи што ми недостигаат на порталот.

 

[Metuzalem]

3 часа ago во Свет

Смешно е, би ви препорачал да го исправите тоа.

 

[Astro]

Првата идеја ти ја поддржувам. Со тоа што формален договор можеме да имаме, ама то аби било пред давачите на хардверот за да се сигурни дека истиот ќе го вратиме. А за дефекти не верувам дека ќе ни се случат. Па дури и да ни се случат тоа е дел од тестирањето, истите не би требало да се случат и би биле покриени од страна на гаранција. Јас дури можно е да донирам и простор, како мал workshop каде би можеле и да дојдат членовите за време на тестирањето и да се запознаат со тест примерокот. Тоа би било добро. Викам ја од дамна треба ние многу почесто да се дружиме на темата.

За јазиците сметам дека нема да добиеме многу ако воведеме повеќејазичност. Зошто обично тој кој не знае англиски јазик па и не се интересира за ИТ. Анкета и истражување имам правено и дојдено е до овој заклучок.

 

[l1d0v1c]

тоа е тој дозволен индивидуализам кој и го дозволувам на жена ми по дома, ко демек право на избор.

Епа ако и дозволуваш не е битно дали ти си ја испил, дали жена ти, дали двајцата, дали останала пуна. Дефинитивно завршуваш со удар во главата

 

[Astraion]

Би додал news feed IT.com.mk апликација која на корисниците на апликацијата ќе им доставува информации за дневните ИТ новости.

А како мислиш со оваа опција да се монетизира?
Мора некој да ги "гледа" рекламите на порталот. Фејсбук е доволна опција за доставување на дел од информацијата од порталот. Мора целата информација да биде на ит.мк ако сака да се монетизира истата, преку СЕО или реклами.

Искрено, го читав ит.мк некое време, ама понудата на ИТ теми е далеку посиромашна од смартпортал.мк..

 

[l1d0v1c]

смартпортал

Смартпортал = Катастрофално лоша wordpress тема, очајна мобилна верзија, со вакво нешто едвај би прошле во 2010 година. Го имав отворено сајтов баш коа искочи тој период 2013-та 2014-та година и бегав како попарен од пренатрупаниот дизајн.

3 години подоцна, денеска, благодарение на тебе, го отворив повторно овој сајт и ако прошлиот пут избегав од зовриената вода, сега јок

Џабе им се сите добри вести, кога User Interface-от им на ОЧАЈНО ниво.

 

[Astraion]

Колега, никаде во мојот коментар не спомнав UI, wordpress тема или дизајн.
Акцент ставам на понудата на ИТ теми.. си праам кафе и седнувам да читам шо има ново.
Нели оваа тема е во врска со содржините..

 

[l1d0v1c]

Не ни викам дека спомна. Чисто го кажувам моето мислење дека таква добра вест, на таков катастрофален начин сервирана нема да ја читам.

Нели оваа тема е за содржините на It.mk, не за содржините на Smartportal

И се вратив повторно на порталот да ги видам најактуелните вести. Ништо посебно, вести што отприлика се наоѓаат и на It.mk

 

[Daniel86]

Факт е дека има премногу "лежи лебу да те јадам" луѓе, ама исто така е факт дека содржините се тапа. Сликите докажуваат дека порталот плаче за промени.

Newsflash деќки, mission failed. Човек би очекувал нешто повеќе од единствен ИТ сајт во една цела држава.
Со донации на хардвер за рецензија од ИТ фирмите не правите апсолутно ништо, туку го купувате сами и правите непристрасна рецензија. Затоа што гледам дека и оние малку рецензии што е направени се чиста реклама, без многу навлегување во негативните аспекти на производот.
Се извинувам за сликите, морав малку посликовито да објаснам а и уживам да ве правам вака пуздер јавно, имам осет за филинг дека барем малку ќе ви падне незгодно па ќе смените нешто на подобро, се надевам нема да замерите.