Генерална дискусија за ДДКОМ

[igor_igor]

Игор, има една многу голема разлика во твојот случај и овој случај.

Во твојот случај ти си добил сосем нов производ спакуван, но со фабричка маана.

Рефус беше, го добив во обична кесичка со декларација, немаше никаква кутија и пропратни елементи.

#реално гледано единствен проблем тебе ти е што Даниел е у целиов муабет.

Не бе другар, нема врска тоа.
Ако не беше Даниел ќе беше некој друг, сосема небитно во случајов.
Ова го бранам како концепт.

 

[The_Real_Vojvoda]

Жал ми е што е вакво искуството, Стеф е добро човече, не заслужува вакво искуство. Никој не заслужува. Но лично сметам дека се работи за грешка од небрежност, а не намерна превара, демек чекај да го заебеме човекот, ќе му дадеме репарирана или каква и да е плоча.
Газдите треба да се психички пореметени за да имаат таков однос, бидејќи долгорочно тоа носи штета. Штетата секогаш носи помали профити и негативна репутација. Негативната репутација може да доведе до клуч.
Моето видување е дека Стеф си барал плоча, ДД нашле на лагер некаде ( пошто немаат свои производи, туку се препродавачи), ја порачале плочата, сметале дека нема да и е ништо пошто имале доверба во добавувачот, дошол Стеф, си ја земал си отишол и толку.
ова е една така попозитивна теорија, можеби и е спротивното, добавувачот можеби ги известил дека нешто е правено со плочата, и овие си преќутеле... не ја знаеме целосната слика, знаеме само една страна, а другата ја погодуваме. Суд се носи со факти, но тука ги немаме целосните факти.
Ако се изврши некоја аналогија во некој поглупав пример, многу лесно може да се сфати она што сакам да го кажам. Кажува еден другар, на друг, за инцидент со некој трет другар. Вели: “ Ме опцу“... и сеа тука се носи заклучок, ауу како можел така, ма муабет не му правам ни јас веќе.. А другата страна не ја знаеме. Можеби е стварно отиден човекот и онака за ништо тоа го направил, можеби овој го испровоцирал на педерски начин, и овој му возвратил со пцофка. И така судот, и покрај тоа со очигледен факт, не е објективен и реален. Токму и поради тоа е измислен судот/кадија. Објективна и неутрална трета личност, која не е под никакви емотивни влијанија од актот, кој може да донесе реална одлука, или нереална доколку е инспириран од шарени хартивчиња. Иначе ако сите си суделе едни на други... па кој човек ќе донесе одлука ван негова корист, секогаш он ќе биде оправданиот и оној кој е во право.
Сепак иако работата е завршена, сметам дека треба да се известат ДДКОМ за ова, и да си ургираат во иднина и да нема вакви компликации. Ете Даниел го направи тоа, и сега си знаат што е и како е.
Мада, пак ќе се извадат на тоа дека: “Ние не знаевме... требало да ја донесе плочата, ќе му ги вратевме парите ( пошто нема на лагер замена)“. И така негативната слика ќе се заборави, бидејќи процедурата не е целосна...

 

[Daniel86]

#реално гледано единствен проблем тебе ти е што Даниел е у целиов муабет.

Реално гледано, ова е најточниот муабет во целава тема, на одредени личности им пречам јас, не целава ситуација, и сега наместо на мене, вината му ја префрлаат на Стефан. Баш нефер. Сериозно ќе размислам дали воопшто некогаш повторно ќе креирам вакви теми кои треба да служат за да помогнат некому, наместо за лични препирки.

 

[Astro]

Нареден чекор е да се обидеме со сите сили да им ја уништиме репутацијата.

Вистина не разбирам што се правиш на Тошо. Ние не уништуваме ничија репутација. Тие самите си ја уништуваат. А, ти уствари мислиш на ширењето на информацијата за нивната превара и дискусијата во врска со неа? Е тоа батка не е уништување репутација, тоа е вршење на форумска должност - информирање на останатите за нивната нарушена репутација поради измама во тек.

Ок, разбрано, еве јас давам чесен пионирски збор дека нема никогаш ништо да купам од ДДком и на сите што ги познавам ќе им пренесам и они да не купуваат ништо од ДДком. Се надевам сега сте задоволни?

Тоа не е мојата цел, а верувам не е ни на останатите. ТИ купувај си од каде сакаш, овде не дискутираме за купување или за одбегнување, туку само за внимателност и свесност. Тоа што ти ги „браниш“ (тоа не е бранење без ниеден аргумент, тоа што се дешавало во Анхоч не е аргумент бидејќи е драстично различен случај) е твоја одлука после добивањето на информацијата дека се измамници (колку и да е неразбирлива за дел од нас) и тоа е твој проблем, не наш. Твојата одлука што понатаму со нив тоа е исто твој проблем, нема врска дали некој е задоволен или не. Наше е само да се информираме и предупредиме.

 

[Daniel86]

Би ја замолил администрацијата на мое лично, а и на барање на Стефан, да стави еден клуч на темава, мислам дека беше доволно. Ако може. Ви благодарам однапред.

ping @Fatal1ty_ @psyside @tomi @SaleSk било кој од вас дечки.

 

[martinmilcev]

Темава во најмала рака е одлична информација, со оглед на тоа дека луѓето овде купуваат мноогу хардвер, добра информација е за тоа на што да се обрне внимание и да се внимава, не гледам ништо негативно.

 

[psyside]

Темата затворена на барање на оргиналниот отварач, и онака преминавте во меѓусебни префрлања и завземање страни (од околу)

 

[D]

Темата затворена на барање на оргиналниот отварач, и онака преминавте во меѓусебни префрлања и завземање страни (од околу)

Sry @psyside, @Daniel86, но реално чувствуваме дека има потреба баш конкретнава тема, особено што крена прашина а празници се, многу луѓе допрва денеска и утре ќе се отрезнат и ќе дојдат при PC, да стои темава уште отворена за да може секој да се изјасни. Јасно е дека тој што сака нешто да каже може да си отвори нова тема, ама конкретно темава е споделувана и со тоа има потреба истата да дозволи и на други страни [ако сакаат] во неа да се изјаснат...

 

[NecrotoX]

Јас мислам дека вакви теми треба да постојат за да ги држат IT фирмите кај нас "in check" што би се рекло, секој утре ќе знае дека ако направи некоја дубара тоа лесно може да биде ставено на тапет и нема да помине туку така. Нема потреба членовите да се препукуваат измеѓу себе, едноставно секој има право да си го каже својот став без лични напади кон други членови и тоа е тоа.

Што се однесува до проблемот, она што сакав да го кажам вчера е дека најубаво е некој официјален претставник на ДДком да дојде во темава и да се изјасни за ситуацијата. 5 минути работа е, а и со оглед на тоа што постот на ФБ гледам дека стигнал до скоро 2000 луѓе кажува дека убаво би било да посветат малку внимание.
@gamer-eddie мислам дека соработува или во најмала рака има некаква поблиска конекција со нив, па може или он да се изјасни или да пренесе информација до погоре.

 

[Astro]

Јас мислам дека вакви теми треба да постојат за да ги држат IT фирмите кај нас "in check" што би се рекло, секој утре ќе знае дека ако направи некоја дубара тоа лесно може да биде ставено на тапет и нема да помине туку така. Нема потреба членовите да се препукуваат измеѓу себе, едноставно секој има право да си го каже својот став без лични напади кон други членови и тоа е тоа.

Што се однесува до проблемот, она што сакав да го кажам вчера е дека најубаво е некој официјален претставник на ДДком да дојде во темава и да се изјасни за ситуацијата. 5 минути работа е, а и со оглед на тоа што постот на ФБ гледам дека стигнал до скоро 2000 луѓе кажува дека убаво би било да посветат малку внимание.
@gamer-eddie мислам дека соработува или во најмала рака има некаква поблиска конекција со нив, па може или он да се изјасни или да пренесе информација до погоре.

Те поддржувам во идејата. Но знаеме сите што ќе се случи нели?
Ќе се појави некој лик од ДДКом, ќе почне да измислува прикаски за мали деца како не се они сосем виновни, како не виделе, како некој „нов“ не забележал, како се збуниле и слично. Не ни треба правдање. Ни треба јавно признавање на делото и ветување дека нема повторно да се случи, замена на плочата со H110 (еквивалентна пошто нели немаат иста таква НОВА на лагер) и извинубање на сите оштетени клиенти, сегашни и минати (идни не смее да има).

Е после тоа ДДКом заслушува пардон. чунки така е исправно, така е фер, така е етички и другарски.
После тоа се случи ли пак истото? Готово, надгробен споменик јавно на сите медиуми и тоа е тоа. Нека отвараат нова фирма со ново име и нови луѓе.

 

[M.Pix]

Не го сфаќам револтот да се напаѓате меѓусебно. Даниел јасно стави до знаење дека темава е да се внимава на ДДКом, а не да кажуваме како треба да се постапи.

1. ДДКом се крајно непрофесионални со муштериите со тоа што не се искрени и продаваат оштетена роба.
2. Стефф направил грешка што не се обратил кај нив прво. Но не го осудувам, баш напротив го разбирам. Ни јас не би си дозволил да останам без компјутер за празници ниту пак преку недела. Паметно постапил што се обратил кај човек што има познавање и ќе му го среди проблемот. Темава не е за Стефан, за ДДКом е. Муштеријата во случајов Стеф има свое право да си постапи како што он сака. А, доволно бил свесен за гаранцијата и другите околности. Да се фокусираме на тоа зошто ДДКом продаваат оштетена роба без никакво известување.

 

[DDCom]

Здраво дечки

Форумов го следам подолго време од приватен профил, ретко реплицирам на теми најчесто преку приватни пораки.
Ова е мое прво и се надевам последно обраќање од име на ДДКом. Постовите од фирми најчесто ги гледам како правдања или маркетинг и не сметам дека им е место на ИТ форум. Форумот служи за размена на мислења/искуства меѓу корисници, а фирмите треба да ги искористат за подобрување на работата.

-----------------------
Прво ќе напишам кратко инфо за ДДСтор што може да го ставите во посебна тема, зошто често гледам дека има забуни и недоразбирања, иако начинот на работа е нагласен на многу места на сајтот http://ddstore.mk.

ДДСтор е најголемата интернет продавница МК и НЕМА физичка локација, работиме од канцеларија. Имаме минимална залиха, остатокот го испорачуваме по нарачка од магацините на дистрибутери. Работиме преку 15 години и во соработка сме со речиси сите дистрибутери во Македонија и со неколку од ЕУ со поголем рок на испорака за потешко достапни продукти.

Бизнис моделот е едноставен, ценовниците што ги добиваме од дистрибутерите ги ставаме на веб страната, клиентите прават нарачки, им ги испорачуваме компонентите одреден рок. Заработуваме од разликата помеѓу големопродажната и малопродажната цена (што последниве години станува мизерно мала и често работиме со загува, ама тоа е друга тема на дискусија). Нормално на дистрибутерите им одговара да продаваат на големо и да не се замараат со крајни клиенти, па често добиваме повластени цени за одредени продукти за да може да имаме акции и попусти.

Продуктите ги импортираме автоматски и најголем проблем што се соочуваме се информациите за цени и залиха што со исклучок на неколку дистрибутери, едвај ги добиваме еднаш месечно и често имаме недоразбирања со клиенти додека да им дадеме точна информации за цена и испорака. Исто има продукти што стоеле по маркети низ МК, што биле на излог или отварани, а немаме информација за тоа и состојбата за продуктот ја дознаваме после неколку дена откако ќе го добиеме продуктот кај нас. Секојдневно многу време/пари вложуваме во датаентри и пеглање на „фантом“ продукти, ама имаме преку 15 дистрибутери со куп грешки и речиси е невозможно да дадеме 100% точни информации
Сепак оптимистички се надеваме дека во брзо време дистрибутерите ќе ги средат ЕРП софтверите и ќе добиваме поточни информации, со што ќе можеме грешките да ги сведеме на минимум.

Проблем што решаваме со овој бизнис модел е, како што стои на веб страната
„Со презентирање на речиси сите моментално достапни производи на пазарот, Ви даваме комплетна слика на ИТ пазарот во Македонија и понуда на сите производи кои можете да ги набавите на едно место, по актуелни и редовно ажурирани цени. Нашиот тим може да Ви ги набави и најтешко достапните артикли на пазарот.“
Таргет клиенти се оние кои бараат специфични компоненти што не е лесно да се најдат во секоја продавница, или оние што не сакат да шетаат по 100 продавници за да купат нешто.
Клиентите што добро го познаваат пазарот и фирмите дистрибутери, имаат дилерски цени кај дистрибутерите (како што се повеќето членови на форумов), или луѓе што сакаат да разгледаат 10-тина модели во продавница пред да купат, НЕ ни се таргет клиенти.
Не сите имаат дилерски цени кај дистрибутери што работат само големопродажба и не сите имаат вишок слободно време да прават маркет рисрч во која продавница е најевтин делот што сакаат да го купат.
При листање на било кој продукт, при правење на било која нарачка, во делот „ЗА НАС“ е точно наведен начинот на кој што работиме. Тоа што голем дел клиентите не читаат, и често знаат да дојдат кај нас во канцеларија и исфрустрирани да си отидат зошто не можат да ги разгледаат 30000 продукти што ги нудиме

Верувам дека со ова е одговорено на коментарите од типот
„отидов кај нив во продавница и ми рекоа немаат тука ќе ми го набават до утре, нормални ли се сам ќе си го купам од 100 места до тогаш“
„се јавив ми рекоа дека немаат на лагер, им било во магацин. Мене ли ќе ме прават мајмун знам дека го „магацин“ им е ХХХ дистрибутер, сам ќе го набавам од таму“
„Бизнис моделот им е типично балкански - со гол газ риба да фаќаш. Другите нека увезуваат и чуваат лагер а ние само ќе препродаваме нивни работи.“

----------
Околу конкретниов случај со STEFF за матичната плоча. Искрено не ми се верува дека има 3 страни дискусија на темава се и сешто се изначитав, ама ќе гледам на кратко да одговорам.

Јас според коментариве на темава, кога не би бил од ДД би помислил дека во фирмава има вработено 10 кинези со леткуми, поправаат компјутерски хардвер и го продаваат кутриот неинформирам македонски народ, но ете благодарение на ИТ форум и социјалните мрежи вистината излезе на виделина и светот е спасен.

Секојдневно испорачуваме по куп хардвер, таман работа да имаме време секој дел што влегува/излегува да го тестираме. Секој уред има гаранција што НЕ значи дека уредот нема фабричка грешка или дека нема да се расипе во гарантниот рок, туку дека ако има дефект се спроведува постапка за сервис/гаранција. Ова важи без разлика дали купувате дел од 20 или 2000 евра, секогаш може да има фабрички дефект, или да се појави дект во текот на работата. ДДКом е правен субјект и нормално е дека мора да работи според законот за заштита на потрошувачи. Секој клиент има право во рок од 14 дена да го врати продуктот и да бидат вратени пари или замена без никакво образложение. Истото важи и за сервис, за продуктите што има официјален сервис клиентот може да ги однесе дирекно таму или да ги донесе кај нас па ние да ги однесеме, за тие што нема назначено официјален сервис ги примаме во ДДком и ние ги враќаме кај дистрибутерот. Секој клиент има право да побара соодветен дел на замена во времетрање на сервисниот период. Многу често доколку имаме лагер, излегуваме во пресрет и даваме нов уред па ние го чекаме сервисот за замена. Детално законот го има и на форумов: мислам дека е добро секој да го има прочитано и да си ги знае правата, без ралика дали сте купувач или трговец.

Во конкретниов случај се работи со матична плоча со постар чипсет што веќе не се произведува и е потешка за наоѓање. Како што ви го објаснив погоре начинот на работа: Некој од дистрибутерите ја ставил во ценовник, при импорт се нашла на ДДСтор, Стефф ја нарачал ние сме ја испорачале. Во ниеден момент никој не знаел дека е дефектна ниту пак пробал да ја подметне/ували расипана. Кога STEFF увидел дека нешто не е во ред со матичната, можел слободно да ја врати и да му вратиме пари или доколку има да му побараме соодветна замена. Дополнително можел да го донесе компјутерот, бесплатно да ја монтираат кај нас во сервис со што веднаш би се увидело доколку има проблем.
Го прифаќам ова како НЕнамерен пропуст на ДДКом, но и грешка на STEFF што во 5 до 12 пробува да скрпи компјутер за да може да игра за време на празниците.

Како што ви напишав погоре:
Продуктите ги импортираме автоматски и најголем проблем што се соочуваме се информациите за цени и залиха што од некои дистрибутери едвај ги добиваме еднаш месечно и често имаме недоразбирања со клиенти додека да им дадеме точна информации за испорака. Исто има продукти што стоеле по маркети низ МК, што биле на излог или отварани, а немаме информација за тоа и состојбата за продуктот ја дознаваме после неколку дена откако ќе го добиеме продуктот кај нас.

Било кога и да добиеме информација за продукт дека е отваран, стоен во излог или вратен од сервис ги известуваме клиентите. Таман работа свесно да продаваме оштетени продукти што според закон мораме да ги вратиме/замениме и да си рушиме репутација.

До STEFF, од име на ДДКом се извинувам за настанатиот проблем, слободно врати ја плочата утре ќе ти вратиме пари, баш ми е жал што остана без ПЦ за празнициве.
До останатите членови, ако имате било каква конструктивна критика/забелешка слободно контактирајте ме на емаил или телефон ви стојам на располагање.

Поздрав и среќни празници
Ивица
[email protected]
078365277

 

[Fatal1ty_]

Ти благодарам Ивица, за одвоеното време да го напишеш твојот став и мислење.
Вака би требало да постапува секоја-една фирма која ќе биде прозвана на јавен форум.

Доколку сте заинтересирани за (посебна тема-форум) и доколку сакате РЕДОВНО да ги обавестувате и информирате членовите, да одговарате на нивните прашања и слично да обезбедувате попусти за членовите, Те молам контактирај ме по приватна порака.

Поздрав, и благодарам уште еднаш.

 

[igor_igor]

И после Стефан ќе ме зеза јас сум бил ВИП во DD Com, а него му нудат да му вратат пари за веќе сервисирана матична.
Па ово нема ни у Београду бе...

 

[AleksandarCaki]

И сега пак ли не сфативте зошто вакви теми се од голема помош?

 

[Astro]

Секојдневно испорачуваме по куп хардвер, таман работа да имаме време секој дел што влегува/излегува да го тестираме.

А имате ли време да го погледнете барем? Ве интересира ли да прашате уопште кај вашиот добавувач во каква состојба е производот? Имате ли договори со добавувачите да ви гарантираат за состојбата на производите?

With all due respect, ама бизнис моделов не е сосем во ред како таков. Пошто како ќе докажете дека не правите дубара: ако проѓе - проѓе? Не можете да докажете. Како ќе го заштитите потрошувачот да не си го губи времето со вас? Јас некни купив кутија за диск со скршен штрафцигер внатре. Ми го давате по редовна цена и ќутите.

Не може тоа така другар Ивица. Не може тоа така. Го кршите законот. Законот јасно и недвосмислено вели дека робата која е оштетена или со оштетена амбалажа МОРА да биде обележана како таква. Вие тоа НЕ го правите. ГО КРШИТЕ законот. Не е доволно да речете: може да се случи, вратете го. Не! Не може така! Тоа е ВАША обврска!

Затоа, малку помалку време трошете во организација на "ненамерни" дубари, повеќе време трошете во почитување на законот.



Sent from my Redmi 3 Pro using Tapatalk

 

[FLEGMA]

@Astro
Истиот дел сакав и јас да го цитирам. Должност на продавачот е да направи визуелна инспекција ама рака на срце должност и на купувачот е да направи иста таква.

 

[Astro]

@Astro
Истиот дел сакав и јас да го цитирам. Должност на продавачот е да направи визуелна инспекција ама рака на срце должност и на купувачот е да направи иста таква.

Купувачот секако ќе направи инспекција. Ако не може да го направи во продавница ќе го направи дома, но обврската примарно е на продавачот да сортира што е расипано што исправно. Ова се однесува на скриени дефекти ама случајов со Стефф е апла пропуст на ДДКОМ.

Sent from my Redmi 3 Pro using Tapatalk

 

[Daniel86]

Го прифаќам ова како НЕнамерен пропуст на ДДКом, но и грешка на STEFF што во 5 до 12 пробува да скрпи компјутер за да може да игра за време на празниците.

Ивица, нешто со тебе не е во ред. Размисли зошто. И пред да одговориш, погледни ги темите за АМЦ и СЕТЕК, за твое добро.

Не можеш бе ти да продаваш крпени и репарирани плочи како нови, кршиш закон бе ало, па и згора на се правиш некого мутав затоа што у 5 за 12 нашол да склопува компјутер. Ти ќе му кажеш кога да склопува а кога не. Ако сакам на 31.12. во 18.00 часот ќе склопувам компјутер, тоа не е твоја работа. Твоја работа е да го пружиш она за кое што ти е фер платено. Не се работи овде за фабричка грешка, да беше тоа, немаше ни А да кажам, немаше ни да постои темава. Тука се работи за ЧИСТА ПРЕВАРА, намерна или ненамерна. Сигурен сум дека знаеш од каде и како е дојдена таа плоча, инаку не би се консултирале пола саат сите таму за да ископате една плоча во 20 квадрата станче.
Ако мислиш дека репутацијата се враќа со тоа што си пишал едно мислење на форум и ќе рефундираш пишљиви 2000 денари, гадно се лажеш.

Пак ќе повторам.

Внимавајте во иднина!!! Доста хардвер купен откај вас ми проаѓа низ рака, и одсега има да го барам и најмалиот дефект како игла во сено. Не ви е првпат, нема да ви биде ни последен.

 

[krema]

Уште едно постаро лошо искуство со купување на „нова“ плоча од DDcom.
Чисто како за потсетување!

 

[Sephiroth]

Се изначитав 3 страни на темава и дојдов до следниве заклучоци:

- ДДКОМ се криви затоа што продаваат непроверена роба и не ги филтрираат дистрибутерите што сакаат да им подвалат фалична роба.
- Стеф е крив затоа што не им ја лупнал плочата од глава на ДДКОМ, можеби навистина ќе му ги врателе парите за 5 минути или ќе ја санирале штетата. Вака воопшто не им дал шанса.
- Даниел не е крив воопшто за ситуацијава, да сум на негово место и јас би кренал една ваква кампања, мада поголем фокус би удрил на информирање отколку на оцрнување.

И за крај, едно прашање: Дали воопшто сте изненадени што вакви работи ни се случуваат во оваа наша мала слатка држава?

 

[Astro]

Не сме изненадени, но обновата на оваа мала слатка држава треба да почне од некаде.
Сеа ДДком ќе рече: па од нас ли најдовте да почнете?
... и така..

 

[toshex]

Темава е излезена од пропорции. Си ги кажаа сите страни своите гледишта. Кој како сака нека си ги сфати.

Мене ми беше најимпресивно шо овој Даниел може очигледно да оживее матична дури и ако ти пропадне флеширање на биос, шо е доста јако. Не знам дали е тоа просечно ниво на сервисери кај нас, или отскокнува од просекот но ми дава надеж дека и во земјава има луѓе кои работат со длабоко познавање.

Иначе на темата кој и дали е крив, нема да додадам ништо затоа што не е битно и не ви е гајле што јас ко незасегната странка мислам за тоа, и дали истото ќе влијае на тоа од каде и како ќе купувам во иднина

 

[Astro]

Иначе на темата кој и дали е крив, нема да додадам ништо затоа што не е битно и не ви е гајле што јас ко незасегната странка мислам за тоа, и дали истото ќе влијае на тоа од каде и како ќе купувам во иднина

Хаха, добро бар што го кажа тоа, да си знаеме

 

[FLEGMA]

Прашањето се наметнува само по себе. Дали вреди да се ризикува и да се добива негативен публицитет за ситни пари! Општо зборувам.
Дали вреди да губиш муштерии со тоа што ќе ги мрцвариш со денови за да си остварат гарантни права? Дали вреди да бидеш шлампав па да не знаеш што и во каква состојба ти излегува од магацините?

Добро е сетеци, деде-комовци, аем-цеовци и друга екипа да запамти дека постојат твитер, фејсбук и еден куп соц. медиуми каде можат да бидат млатени за 50 евра пари.
Уште еднаш Флегма велит - надевајте се да не дојде Амазон овдека.