Аудио опрема: Слушалки, засилувачи, звучни карти, звучници, HI-Fi (аудиофилска дискусија)

[Metuzalem]

И јас бев загреан за ваквите појачалца, после го најдов ова, што ми изгледа логично (дека Кинезите нема да стават low-pass filter за да заштедат).

 

[bicikle]

еми филтер треба да има во напојувањето, и нема врска со ова што го пишувал, генерално типов слушнал многу интересни зборчиња и јако му е да ги користи. Или па таков утисак добив, low pass филтерот е уствари едно кондензаторче кое чини неколку центи... low pass filter ќе ги скрати ниските тонови, а не високите, а што нема уредот заштита за overclip, детекција за еднонасочен напон, то е друга работа, но во нормален режим нема потреба. Е сега ако стават overclip заштита, појачалото ќе биде многу тивко, а ко ќе почне да дисторзира, имаш осет дека "грми", но слушаш дисторзија, а не тоа што композиторот сакал да го каже. Овие се слаби појачалца со слаб квалитет, и на 24в би извадило некои 30 w и тоа на 4 оми, другото е дисторзија. Панасоникот на сликата е далеку надмоќен во секој поглед над овие зебанцииве. Ова, е така нешто да галами, или за в кола ако не ти се реди радио...
тие 325kHz што ги добил на излез се од осцилаторот во самото појачало ( ова е ниска фрекфенција за да добиеш добар звук), и е присутна кај сите појача од д-класа, само кај по добрите е добро потисната, доволно добро па и на осцилоскоп „не се гледа“, освен ан профи, но таја не ја слушаш,а звучникот „не ја регистрира“, едноставно порди фрекфенцијата и индукцијата, звучникот има висока импенданса(динамичен отпор) на оваа фрекфенција, па треба да е од редот на киловати како би се померила мембраната, а и да се помери нема да ја чуеш.
Било кое појачало ко ќе го преотовариш на излез дава еднонасочен напон, што знали индукцијата по краток период престанува да има улога, односно се заситува јадрото на звучникот, при што останува само термичкиот отпор на намотката од звучникот и струјата си тече непречено, нема интерација со магнетното поле, значи не се троши да го сузбие магнетното поле и да се претвоти во движене(како би произвело звук), при што енергијата се претвора САМО во топлинска и нагло се зголемува температурата. Е сега ако е слабо појачалото ќе го рокаш до даска како би добил на интензитет, ако е по јако појачало нема да имаш потреба да го носиш до работ на неговите можности и би останал во „безбедна зона“.
е сега кратки и ретки интервали на „клипинг“ нема да го оштетат звучникот, но постојано „возење во клипинг“ сигурно ќе го оштети.
Со намотка, индуктивен елемент до некаде може да се справиш со оваа појава, но и таа има свои карактеристики т.е. не е семоќна, или па ќе ја троши многу енергија за да се покрени самата( поради хистерезата, дел од енергијата тука ќе се претвара во ел. мганетно поле итн...), па многу ќе намалува од интензитетот на звукот.
д-класа Мора да има ваков елемент, но после заситување на јадрото скоро нема ефект...
Има доста добри д-класа појачала, што даваат доста пријатен звук, со разни режими на работа, па направија што даваат 99,99999% ист звук со лампаши (за аудиофили), но таков уред чини минимум 4 цифри (во долари), и освен за продукција, мониторинг, или ептен некој што е музичар не гледам причина... Панасоникот е нај рационален за слушање музика, гледање филмче....
Имаш лимитери и компресори како не би влегол во „опасна зона“, ама тогаш ова појачалце или ќе биде гласно на ниво на нормален разговор, или треба да земиш екстра осетливи (скапи) звучници...
не дека не може да се направи минијатурно појачалце со енормна снага во однос на димензиите, но овие не се.
Од мене толку, од Бога повеќе

 

[Metuzalem]

Во самиот линк што го даваш за д-класа пишува дека треба да има Low-Pass Filter (барај Butterworth). Во мојот линк се тврди дека го нема.

И да е само интерференција, зар тоа не е страшно? Да им пречи на сите електронски уреди наоколу? Кабелот од излезот на појачалото до звучниците ти е антена (предавателска).

Иначе, браво за трудот што си го напишал сето тоа. Јас имам правено (самоградено) појачала многу одамна, но веќе сум заборавил поголем дел од теоријата.

 

[Oktar]

tl;dr, уредот од алиекспрес е обично лањо. Неможе и јаре и паре, посебно не кај кинезиве. Дури и ако го погледнеш даташитот на засилувачот TPA3116, ке ти стане јасно за што станува збор, т.е. за исклучително ефтин и секако со низок квалитет и перформанси засилувач кој е наменет за генерички уреди колку да свири нешто (наведени се ЦРТ телевизори, па сега ти види). Дури и никаде не се споменува 100 вати туку макс 2х50 вати и тогаш има лоши крактеристики. Дури и да еве некако магично направат да е 2х100 вати, знали ке треба и напојување од барем 300 вати, јер ова е далеку од оптимален и наштиман уред, ја не би го ни доближил до домот, според мене претставува хазард а тек па да го вклучам во системот за домашна забава. Фуј!

П.С. Тоа чудото од емитер, не е лошо да го тргнат делот со "врвен квалитет", искрено не верувам дека освен што "грми јако" нуди нешто повеќе.


П.П.С. Ок сега сватиф, на членот му треба за во кафиќ/кладилница/бурекџилница, не за дома и далеку од аудиофилија. Друже, иди купи нешто што можеш да си го дозволиш од нептун или па побарај по пазар3 не се заебавај со вакви глупости. Плати со го на фактура, одбиј си ддв и спиј си мирно.

 

[Chicco69]

еми филтер треба да има во напојувањето, и нема врска со ова што го пишувал, генерално типов слушнал многу интересни зборчиња и јако му е да ги користи. Или па таков утисак добив, low pass филтерот е уствари едно кондензаторче кое чини неколку центи...

Друже, погрешно си разбрал. Се работи за излезниот филтер (индуктор + кондензатор), што е баш low-pass filter како што пиша Метузалем.

Овие "дигитални" појачала имаат огромен шум и зрачење во високиот спектар (up to 1MHz), и ваквите филтри се 'mandatoriy'. Освен што без овој филтер појачалото би имало очајни резултати на мерење (па и субјективно), високофрекфентниот шум може да пречи и на други електронски уреди во негова близина. На крајот на краиштата во нормалниот свет си има и закон за тоа...

И јас бев загреан за ваквите појачалца, после го најдов ова, што ми изгледа логично (дека Кинезите нема да стават low-pass filter за да заштедат).

На овие ѓубренца ни 6 филтри не им помагаат. :hay:

Кој сака квалитетно 'дигитално' појачало, баталете ја Кина и правец Холандија.
Hypex е референца за квалитет по багателни цени (за тоа што го нудат). Сите понови модели на NAD ја користат нивната технологија, но се многу лошо имплементирани (премногу штедење) и не би ги препорачал.

Инаку моделот NC400 може да се носи со сите извикани модели на Krell, Mark Levinson, Classe, McIntosh...
Резултатите од мерењата се импресивни, еве и споредба со Accuphase E-270. :crazy:

Ако се оди поскромно, модулите UcD180HG и UcD400HG се одлични (технички и сонично), исто така и финансиски прифатливи.

Е сега бараат напојување (трафо, грец, филтерски кондензатори), познавање од електроника, како и за мене најголемиот проблем - пристојна кутија со прецизно избушени дупки за влезни/излезни конектори, напојувачки кабел и сл.
Тука до некаде и Али може да заврши работа (сепак Кинезите се неизбежни). :hay:

 

[bicikle]

Low pass треба сите да имаат, ама нема врска со тие 320 килохерци, еми филтерот е за напонувањето да не смета на другите уреди, тој сигнал што го праќа засилувачот до звичникот со тие 320 кхз и не е толку опасен, ем е слаб, ем антената е ниско ефикасна, па ќе има некое мало рстојание, безбедно, освен ако не ги пуштиш кабелот од звучникот со некој кабел што работи бап на 320кхз, па да има видно влијание.
Инаку лоу пас филтерот на влез е едно кондензаторче од 1 микродарад 100в, (и 10в ќе рка работа, демек за квалигет на звук 100в), и ако баш толку сака да заштеди кинезот ќе стави некој керамички како најефтин, а можеш и сам да го додадеш, 10 денари е... Не е тоа нешто кој знае каков проблем, па ни тие 320 херци на излез, нема ни да ги слушаш ни да прават некои кој знае какви сметњи.
Напојувањето е башка приказна, генерално класично трафо е "закон", а ако е свич напојување треба да е стварно добро дизајнирано, како не би се одразило на крајниот сигнал т.е. звук .
Е сега тоа филтер фри, не знам баш што му значи, ваљда има вграден, па не треба накнадно.
Октар, и јас сум скептик према д-класа, отинуствари е модулатор, не ени појачало, но на повисоки фрекфенции вадат неверојатно добар звук ( со вклучени "пеглачи" на звук), индуктивни елементи и кондензатори, баш синусоида вади, со многу мало thd. Ко бајаги ова од емитер вадело добар звук, ама пак ќе речам, технички гледано не е појачало. И да, секако ваков уред (од али експрес) треба да се држи подалеку од дома
Чичо тој е филтер за скалата да ја прави синусоида, ни тој не е скап, а бога ми, не знам ни колку може да работи без него, повратната индукција ќе го спржи. Би му дошло нешто како "storage", во случајов. Е лоу пас филтер, ама треба да има друга фунција, да ги дели на некој начин звучникот и појачалото, барем кај овие свич напојувања таква улога има, и ако е лошо димензионирана при првиот погилем терет горат.
Лоу пас филтерот би требало да ја прикрие фрекфенцијата на осцилаторот, но по некој стандар појачалото треба да пропушта фрекфенции до 100 килохерци ( демек влијаело на звукот). Мислам дека ако пратиш пулс од транзисторот до звучникот директно, нешто ќе прегори, па затоа е тој излезниот лоу пас.

 

[igor_xxxx]

Како што спомнав тука, се решив да се подновам денеска со нов iPad.

Причината за купувањето е строго поврзана со мојот моментален систем, односно да се добие контрола врз целосната интеграција помеѓу мониторите, вуферите и собата.

Втората причина е нешто друго, но за тоа малце подоцна.

Уште првиот пат кога ги најавија Neumann KH750 вуферите, со @InSides не “привлекоа” две работи, (1) физичката форма - 10” компресиона кутија, која што перфектно се вклопуваше со димензиите на KH310a мониторите, и (2) можноста за комплетна контрола/интеграција на системот преку интерниот DSP систем на вуферите.Уште пред да се купат, планот беше вуферите со нивното DSP да бидат “центарот” на системот.

За да се пристапи до DSP системот, потребни се (1) iPad, затоа што апликацијата (Neumann.Control) работи само на него, и (2) вуферите да бидат поврзани во мрежа (duh )

До сега, интеграцијата помеѓу вуферите и мониторите беше со користење на аналогните сетирања за бас менаџмент на самиот вуфер, од причина што апликацијата немаше поддршка за интеграција на мојата комбинација (до пред недела дена), и што немав iPad.

Neumann.Control претставува систем за комплетна интеграција на новата генерација монитори на Neumann (DSP), а сега и има поддршка за комбинација со аналогните монитори како моите.Иако самите монитори веќе имаат солидни подесувања за акустичниот простор, тоа не може да се спореди со “финото” и прецизно подесување кое што може да се направи преку DSP-то.

Главните предности што мене ми требаа и ги нуди апликацијата се:

-Подесување на индивидуални параметри за локација на секој монитор/вуфер во системот;
-Избор на точка на интеграција на вуфер/монитор (фрекфенција, октава итн);
-Можност за точно дефинирање на сите звучници во системот и нивна независна контрола;
-Два режима за работа на DSP корекцијата на сигналот спрема акустиката на собата, односно:
-Guided: каде што се внесуваат еден куп информации за локацијата и околината на секој поединечен монитор, па според алгоритамот на Neumann се генерираат филтрите за корекција на сигналот;
-Manual: Каде што рачно може да се прават PEQ корекции на одредени точки, time delay, фрекфенцијата на интеграција итн.Оваа опција е можеби помоќна за финален резултат, но си бара поголема анализа и резултати на мерење со трет софтвер, пример REW.
-Контрола на глас, што ми е нешто многу важно и корисно во одредени ситуации;
-И многу други опции што не се до толку важни во моментов.

Моментално сум во почетните фази на интеграција, но веќе се осеќа дека DSP-то е моќна алатка и има подобрување, кое што очекувам да се зголеми, посебно откако ќе почнам да анализирам и со REW што се случува и да правам мануелни корекции.

Единствениот недостаток во моментов на апликацијата е што се уште моите вуферите се релативно нови и малце доцнат со воведување на одредени функционалности.Пример за мојата ситуација е што не можам да дефинирам систем на два монитори со два вуферите во една “зона/конфигурација”, па морав да направам “cheat” и да ги дефинирам левиот и десниот канал како засебни системи.Теоретски нема никаков проблем бидејќи ми се поделени каналите на лев и десен до секој вуфер, ама е глупаво и треба да си го средат тоа.Веќе им се жалев и чекам одговор, иако гледам дека им е во листа на функционалности што ќе се воведат.

Е сега со користењето на овие функционалности го губам статусот на аудиофил, “јер аналогно си е аналогно братче”, ама нејсе, јас и грамофонот ќе го терам преку нив

И така, да се има некоја занимација по дома, еве некоја рандом фотка, има премногу чекори за сетирање, овие поглавните делови за контрола.

И некоја фотка од целосниот систем, мислам немам простирано тука:

Другата причина за набавка на таблетот, не толку важна како првата е користењето на Roon и Tidal за слушање на дигитална музика.Комбинацијата на овие два сервиси значително ми го зголеми уживањето на слушање музика, откривањето на нови артисти/албуми, а сето тоа прекрасно изработено и интегрирано во Roon кој што е фантастичен софтвер/интерфејс.Посебно добра е интеграцијата на локалната библиотека на музика од NAS/УСБ/Било-која-локација со онаа на Tidal (или друг сервис).

За целосно доживување на одличниот интерфејс и сите опции што ги нуди Roon, мора да се користи таблет, кој што за разлика од Швабите во претходниот пример, не мора да е iPad

Еден пример само, реално има премногу за покажување

И така, тоа се случува во моментов, ако некој стигна до тука супер, јас вечерва немав баш обврски па се распишував за небитни работи

Ако некој го интересира нешто повеќе, нека праша.

Да не биде постов оставен само на "зборови", да постирам и некои прелиминарни резултати до кои што стигнав во изминативе недели.Во последниве неколку недели (месец дена) интензивно се занимавав со интеграцијата на вуферите, мониторите и собата, и си имав зададено задача да пробам кој ќе биде најдобриот резултат што ќе можам да го постигнам со класични методи (позиционирање, аналогно EQ, акустичен третман итн), како и со "модерни" методи, односно DSP.Да бидам јасен, мојата методологија се базира на тоа прво да се исцрпи се што може од класичните методи, а DSP да биде минимална и прецизна корекција... што и е така во мојот случај.

После многу експериментирања, имам заклучено дека мојот вкус е генерално во согласност со преферираната Harman/Synthesis Target Curve, па генерално во таа насока се движев и сега.

Мерењата се извршени со REW , а микрофонот е калибриран MiniDSP UMIK-1.

Главната пречка што знаев дека ќе биде во собата е локацијата на десниот монитор/вуфер, односно оџакот кој што претставува делумен агол во собата и влијае на ниските фреквенции.Од тука дојде потребата да и покрај самата интеграција на вуфер/монитор, да се направи поголем напор за да се избалансираат двата вуфери и да имаат ист (сличен) одзив.

Најмногу време до сега изгубив да ја постигнам колку може таа симетрија, и да се елиминираат несаканите пикови низ собата.

Disclaimer: Сите резултати и преференци се базираат на моите желби и размислувања како сакам сетапот мене да ми звучи, за мојот избор на музика.Целото сетирање се одвиваше (и сеуште се одвива) со баланс помеѓу слушање и мерење, а не само едното или другото.

Иако мерењето на двата канали заедно дава подобри резултати, решив за ниските фреквенции да се фокусирам на посебните мерења бидејќи разликите во одзивот навистина правеа за мене значајна разлика.

Првиов пример е најдобриот резултат што можев да го добијам без користење на DSP.Ова звучеше сосема солидно, но се гледа дека во <100hz опсегот нема добра симетрија помеѓу левиот (кафеаво) и десниот (зелено) канал.Разликата најмногу се осеќаше во специфични ситуации каде што имаше движење на басот по сцената, односно "влечеше" на десно заради тој делот од 45-100hz.

Ова не можеше никако да се среди со аналогното EQ заради тоа што не постоеше начин да се таргетира само таа област.

Good, but not enough.

Вториов пример (црвено лев, сино десен канал) е со користење на DSP за интеграцијата меѓу вуферот и мониторот, но во овој случај се користени PEQ филтри за корекција на опсегот <100hz.Во моментов приоритет беше да се средат ниските фреквенции, а тие неколку области што двојат во средните фреквенции лесно ќе ги решам, но и на уво не ги приметувам баш.За null-от на 40hz (десен канал) ќе размислам на кој начин да го подобрам (ако може воопшто), но во моментов не осеќам ама баш никаква потреба.

Сега можам да кажам дека балансот помеѓу вуферите е одличен и е одлично вклопен со остатокот од системот.Најважно беше вуферите да не доминираат, туку во позадина да си работат

Good enough

*Извинување за цртата на сликата, ама ја приметив откако ја собрав целата опрема, а заборавив да направам копија од мерењето

Ќе има сигурно уште некоја корекција на оваа крива, но тоа ќе биде ептен минимално и генерално за неколку точки во средните тонови што ми бодат очи.Поентата на крајот на денот е да звучи одлично во пракса, а не пред компјутер, а тоа го имам.

Прашања, коментари, совети ?

 

[tomaso]

Си пробал со bass traps да си поиграш малку? Нормално ако WAF (Wife Acceptence Factor) одобрува
Ќе се изненадиш од резултатот. Без никави еквилајзери и други боења на звук има големи подобрувања.

 

[igor_xxxx]

Си пробал со bass traps да си поиграш малку? Нормално ако WAF (Wife Acceptence Factor) одобрува
Ќе се изненадиш од резултатот. Без никави еквилајзери и други боења на звук има големи подобрувања.

Позади вуферите се

На граница сум со акустичните третмани - било кој дополнителен нареден панел е голем ризик

 

[InSides]

Сега можам да кажам дека балансот помеѓу вуферите е одличен и е одлично вклопен со остатокот од системот.Најважно беше вуферите да не доминираат, туку во позадина да си работат

Еден од најцелосните системи што сум ги слушал локално, без размислување. Системот беше многу солиден и без вуферите, но сега е целосно друг муабет. Кривата јасно ја покажува способноста на вуферите да репродуцираат сигнали во инфрафрекфентно подрачје.

Многу ми се допаѓа пристапот во користењето на DSP, особено како последна ставка, финално пеглање на нерамнини. Претходно е направено се што човечки може да се направи со позиционирање и акустички третмани.

Фали малку аналоген призвук, ама тоа е друг муабет.

Си пробал со bass traps да си поиграш малку? Нормално ако WAF (Wife Acceptence Factor) одобрува
Ќе се изненадиш од резултатот. Без никави еквилајзери и други боења на звук има големи подобрувања.

Иако ќе излезе уфрлување пред авторот, во системот има две аголни бас стапици, кои се максимално димензионирани во просторот и системот.

Она што е навистина проблематично во користење на бас стапици во оваа соба (па и во било која нормално димензионирана домашна соба) е фактот што минималната димензија на бас стапица, за да биде и малку ефективна во инфрафрекфентно подрачје, особено под 80Hz, побарува дебелина од најмалку 120 милиметри, а пожелно е најмалку 240 милиметри. Додај на тоа димензија од најмалку 600 х 1000 милиметри, и да видиме кој може да го смести тоа во соба, дури и да не го исфрли на клоци significant other.

 

[Oktar]

Кривата јасно ја покажува способноста на вуферите да репродуцираат сигнали во инфрафрекфентно подрачје.

Толку е јасно што си ја гледам кривата и си слушам музика како да сум таму...


Шала на страна, респект за ентузијазмот, јас не сум толку посветен ама се радувам за вас момци. ПоздраФ!

 

[InSides]

Толку е јасно што си ја гледам кривата и си слушам музика како да сум таму...

Извини - сакав да кажам дека е јасно од кривата дека системот има капацитет за звучен output во тоа подрачје - има доволно снага.

 

[Oktar]

Извини - сакав да кажам дека е јасно од кривата дека системот има капацитет за звучен output во тоа подрачје - има доволно снага.

Јасно!

 

[igor_xxxx]

Фали малку аналоген призвук, ама тоа е друг муабет.

I see what you did there

 

[bicikle]

^ то е то клај ламбашми предзасилјвач, ако баш толку си запнал. Или предзасилувач со германиумски транзистори, ќе ти шуштат ем си етријата ќе ти ја изместат

 

[Gaston]

Мене ми личи дека овој го тера оној да си купи грамофон.

 

[Sapphire]

Во план ми е да ја земам деновиве, некој да каже некакво искуство доколку има нешто од Focusrite Scarlett.

Scarlett 4i4 | Focusrite

 

[100JKO]

Во план ми е да ја земам деновиве, некој да каже некакво искуство доколку има нешто од Focusrite Scarlett.

Scarlett 4i4 | Focusrite

Немам искуство со 4i4, но имам со Scarlett Solo и морам да кажам дека сум презадоволен. Моментално го користам за микрофон и за свирење на гитара. Нема delay(лаг) додека свирам и е многу полесно за снимање.

 

[igor_xxxx]

Мене ми личи дека овој го тера оној да си купи грамофон.

Овој се има зафркнато со грамофон, па пробува да го зафркне и оној

 

[InSides]

Мене ми личи дека овој го тера оној да си купи грамофон.

Врска нема.

Овој се има зафркнато со грамофон, па пробува да го зафркне и оној

А за што се другари ако не за да се зезнат меѓусебно.

 

[Gaston]

Овој се има зафркнато со грамофон, па пробува да го зафркне и оној

А зашто ги збираш плочине? Немаш намера да ги пуштиш?
Газдата на Vision (овие што носат Genelec, NAD...) секогаш купува по две исти плочи. Едната ја слуша, другата у архива.
Ти само архива?

 

[igor_xxxx]

А зашто ги збираш плочине? Немаш намера да ги пуштиш?
Газдата на Vision (овие што носат Genelec, NAD...) секогаш купува по две исти плочи. Едната ја слуша, другата у архива.
Ти само архива?

Се извинувам што не бев доволно јасен - мислев дека е разбирливо дека се троламе со членот од погоре

LP колекцијата се зголемува во исчекување на грамофонот ...кое што трае и трае (пинг @InSides )

 

[Глупав]

имам едно по малку "параоично" прашање на кое не знам дали му е токму тука местот или на нова тема...
имено во последно време (во последниов месец) гледам и пред сè слушам некои едукативни видеа...
Видеата се со премногу лош аудиски квалитет, значи има премногу шум во нив и премалку чист глас на говорникот...
Е сега си размислувам ако гледав лоша слика при тоа на лош монитор ќе ми влијаеше на очите...
Прашањето ми е :
Дали може да дојде до нарушување на слухот,
поради фактот што слушам такви видеа (со некваллитетен звук)
при многу поголем волумен на појачалото ???
NOTE: Бидејќи почнаа да се јавуваат некои предзнаци
(ама не знам) дали (само се совпаѓа случајно или) во право размислувам???

 

[InSides]

Во план ми е да ја земам деновиве, некој да каже некакво искуство доколку има нешто од Focusrite Scarlett.

Scarlett 4i4 | Focusrite

Конкретно 4i4 не, но имам искуство со:

• Scarlett 18i20;
• Scarlett 8i6;
• Scarlett 2i2.

Користени се и за продукција и за репродукција, и немам никакви замерки на квалитетот на хардверот и стабилноста на софтверот во подолг временски период.

Ова е за мене клучно (стабилноста), затоа што колку и да е звучно извонреден интерфејсот, паѓа во вода на првите проблеми. Имав такви проблеми (најчесто емотивни) со EMU 1212m. Извонреден интерфејс (користен исклучиво за репродукција) но убедливо најлошите драјвери со кои се имам соочено. Хардверот отиде во ѓубре поради софтверот.

 

[InSides]

...кое што трае и трае (пинг @InSides )

Great things take time, young Skywalker.