Потреба од фирма за апликација

[Ulrezaj]

Здраво на сите.

Ме интересира дали некој има искуство или можеби има познавање од следната „проблематика“.

Во моментов развивам апликација која што нема да остварува никакви трансакции ниту па јас на било кој начин би заработувал од истата. Всушност сакам да тестирам идеја и како што напоменав, иницијално не би остварувала профит ( што може да се промени во иднина ) па како би одело тоа во однос на отворање на фирма:

• дали воопшто треба да имам фирма
• ако отворам фирма и решам дека таа апликација нема да остварува профит ( да речеме година, две ), како би било се законски, пошто фирмата сепак ќе има трошоци а мислам дека не можам цело време да правам позајмици итн. и како ова би било одржливо законски.

Однапред ви благодарам.

 

[no_retreat]

Штом немаш трансакции, нема потреба од фирма. Како и да е убаво е да се консултираш со правно лице. Да му објасниш точно за што станува збор па да ти даде совет.

 

[gdamjan]

Во моментов развивам апликација која што нема да остварува никакви трансакции ниту па јас на било кој начин би заработувал од истата. Всушност сакам да тестирам идеја и како што напоменав, иницијално не би остварувала профит ( што може да се промени во иднина ) па како би одело тоа во однос на отворање на фирма:

• дали воопшто треба да имам фирма

не ти треба фирма. што планираш со апликацијата? каков тип на апликација?!
за мобилни, интернет апликација, за што? многу си неспецифичен.

• ако отворам фирма и решам дека таа апликација нема да остварува профит ( да речеме година, две ), како би било се законски, пошто фирмата сепак ќе има трошоци а мислам дека не можам цело време да правам позајмици итн. и како ова би било одржливо законски

отварање фирма и не е така тешко - дури, за млади луѓе има и поволности па скоро и да нема да те кошта (не ме фаќајте за збор ама мислам првите 3 години можеш да не плаќаш придонеси и фирмарина).

НО, сепак ќе имаш законски обврски за фирмата, во најмала рака сметководител за завршна сметка.
Пак ќе повторам, немаш потреба од фирма. Во моментот ако имаш некакви стабилни подолгорочни приливи на средства можеш да размислиш за отварање на фирма за да ти си уплаќаш придонеси и да ти тече стаж (или евентуално, ако некои партнери ти бараат да имаш фирма).

 

[Ulrezaj]

не ти треба фирма. што планираш со апликацијата? каков тип на апликација?!
за мобилни, интернет апликација, за што? многу си неспецифичен.

Се работи за веб апликација, за наш пазар. Бидејќи не можам да бидам специфичен, би рекол нешто слично на реклама5.

Пак ќе повторам, немаш потреба од фирма. Во моментот ако имаш некакви стабилни подолгорочни приливи на средства можеш да размислиш за отварање на фирма за да ти си уплаќаш придонеси и да ти тече стаж (или евентуално, ако некои партнери ти бараат да имаш фирма).

Се согласувам, и јас мислам така ама еден сметководител ми вика УЈП ќе те казнат пошто ќе мислат дека затајуваш данок. Му викам па нели треба да го докажат тоа

 

[gdamjan]

Се работи за веб апликација, за наш пазар. Бидејќи не можам да бидам специфичен, би рекол нешто слично на реклама5.


Се согласувам, и јас мислам така ама еден сметководител ми вика УЈП ќе те казнат пошто ќе мислат дека затајуваш данок. Му викам па нели треба да го докажат тоа

ако зимаш пари од сајт сличен на реклама5 - well тоа веќе личи на фирма

 

[Ulrezaj]

ако зимаш пари од сајт сличен на реклама5 - well тоа веќе личи на фирма

Не не, како што претходно напоменав, нема да има банери, нема да се наплаќа од јузери итн. апсолутно ништо поврзано со наплата.

Ако се сеќаваш, и реклама5 беше доста време бесплатна за користење ( на почетокот ). Тој дел не сум сигурен како е покриен законски, да поседуваш платформа/апликација преку која што корисниците ќе ставаат огласи итн. но на истата таа платформа нема да постои можност да има било каква монетизација од страна сопственикот на истата.

 

[gdamjan]

Тој дел не сум сигурен како е покриен законски, да поседуваш платформа/апликација преку која што корисниците ќе ставаат огласи итн. но на истата таа платформа нема да постои можност да има било каква монетизација од страна сопственикот на истата.

ако ти немаш врска со парите, нема што законот да се замара - барем за делот данок.

иако не сфаќам што би била поентава - има нешто што не кажуваш, али ти си знаеш

 

[Ron26]

не знам што се замараш воопшто со ова. Ти немаш ни апликација што прави профит се замараш со фирма. Кроиш име на нероден Петко.

 

[petkotrajko]

не знам што се замараш воопшто со ова. Ти немаш ни апликација што прави профит се замараш со фирма. Кроиш име на нероден Петко.

П.С.
Роден е.

 

[DeeJayZone]

Чекори:

1. Истражи го пазарот (има заинтересираност за таков проект или не).
2. Креирај ја веб платформата / веб страната.
3. Постави правила на игра: Terms of Service, Privacy Policy, Disclaimer, итн...

После ќе му мислиш на наплата, фирма...

Се ќе си дојде на место со време.

Ако за се' мислиш однапред (во детали), никогаш нема ни да почнеш.

П.С. Сметководителот сака да те земе за клиент (веднаш).

 

[gokica]

Јас би ја креирал апликацијата без фирма. Ако се разработи тогаш кога ќе дојде време за заработка ќе си регистрираш фирма / трговец поединец.

Ако воопшто има потреба доменот/сајтот да го префрлиш на фирма, ќе си направиш договор помеѓу тебе и фирмата и ќе го префрлиш.

 

[pipelin]

Како човек кој создаде апликација, и не успеа (се откажав), мој совет е да направиш MVP апликација првично и да видиш колкав е интересот. Ако во етерот има интерес тогаш одиш со максимум напори да добиеш се од она што ти треба, па дури и инвестиции, ги имаме неколку така да може да си ја пробаш среќата.

Реално фирма и не ти треба на почеток, а и понатака не ти треба ако имаш приливи можеш да ги категоризираш како „договор на дело“ за онаа услуга што ќе ја даваш.

Но пошто не човек кој иде од финансии и право, сепак би те советувал ако веќе ептен сакаш да се одлучиш на овој чекор, е да најдеш некој што се разбира во ова а не е обичен сметководител (т.е некој што е малце и IT поткован).

Спојлер: Што е MVP апликација?

MVP (Minimum Viable Product) е поим што се користи во развојот на софтвер и стартапи, кој означува почетна верзија на производот со минимален сет на функции, кои се доволни за да се реши основниот проблем на корисниците. Целта на MVP е:

1. Тестирање на пазарот: Со пуштање на MVP, компаниите можат да проверат дали постои интерес за производот, без да инвестираат премногу ресурси во развој на сите можни функции.

2. Собирање повратни информации: Оваа верзија им овозможува на корисниците да го користат производот, а компанијата да собере важни информации за тоа што им се допаѓа и што не, со цел да направи подобрувања во идните верзии.

3. Намалување на ризик: Наместо да се развива целосно финализиран производ кој може да не одговара на пазарот, MVP овозможува да се намали ризикот со рано тестирање на идејата.

Основната идеја е што побрзо да се стигне до корисниците и да се валидира производот, за да се избегне создавање на нешто што можеби нема да биде побарувано на пазарот.

 

[stefan_mkd]

Пред да мислиш дали ти треба фирма, размисли дали има и кој проблем би сакал да го решиш? Ако не идентификуваш проблем, иди понатаму.

Околу совет за огласник... Батали, ги имало мал милион низ годините и се користат само актуелните два иако на ништо не личат

 

[Astro]

Едноставно е. Фирма правиш за да можеш:

• Да вршиш продажба а со цел да правиш заработка.
• Да евидентираш трошоци кои сакаш да ти ја намалат добивката и да бидат покриени од заработката, како плати и придонеси
• Да пребиваш влезен ДДВ преку наплата на излезен ДДВ

Ти не планираш ништо од ова, така да фирма не ти треба. Не треба да прашуваш ни правник ни сметководител.

 

[Baltatzar]

ако ти немаш врска со парите, нема што законот да се замара - барем за делот данок.

иако не сфаќам што би била поентава - има нешто што не кажуваш, али ти си знаеш

што му се напна на човекот, сакаш да ти ја открие идеата?

 

[kirev]

И лесно е да се вработиш во сопствена фирма ама тешко е да дадеш отказ (мора друг да те вработи за да те тргнат)… Значи ќе се утепаш од плаќање придонеси.
Пробал некој со отворање самостоен занаетчиски дуќан или сл.?

 

[Ulrezaj]

Ви благодарам на сите за мислењата

 

[Astro]

И лесно е да се вработиш во сопствена фирма ама тешко е да дадеш отказ (мора друг да те вработи за да те тргнат)… Значи ќе се утепаш од плаќање придонеси.
Пробал некој со отворање самостоен занаетчиски дуќан или сл.?

Иста е приказната, само некои давачки се плаќаат паушално додека не надминеш некоја граница на промет, после тоа функционираш исто како фирма.

 

[kirev]

Казните треба да се помали, обврските за сметководство … Ама гарантираш со цел имот за дуќанот…

 

[FLEGMA]

Чим не знаеш дали ти треба фирма, тогаш не ти треба.
Не си го комплицирај животот..