Избор на клима уред (линк со резултати од мерења во прв пост)

[FLEGMA]

Mislev deka te razbrav. Znaci ti mi preporacuvas ustvari inverter klima 12ka? Site li inverter klimi se 12ki ili ne? Moze li da mi pustis konkreten model za 12ka Inverter ?

VIVAX AEMI

 

[gokica]

Чисто сакав да споменам нешто кое го чув во кругови на луѓе стручни во оваа проблематика.

9 и 12K BTU најчесто е истата клима со истите делови. За помал и добро изолиран простор 12К е помалку соодветна од 9К во поглед на економичност и ефикасност. Пред се и е помалку пријатна.

Треба многу добро да се запазат спецификациите. Често пати се прави грешка кога за помал простор се препорачува 12К зашто 9К била „послаба“.

 

[Lokvan]

@Mao климите може да бидат со различна јачина, покрај 12ки има и 9ки, 18ки, 24ки... итн се до големи уреди за други намени. За твоите намени 12ка веројатно е доволна. Велам веројатно затоа што точно може да се знае само со мерење, но со голема веројатност 12ка ќе биде доволна.

Од аспект на препорака за бренд и модел, во твојов случај јас би одел на јапонска клима ако можеш да си дозволиш. На пример Тошиба се едни од најштедливите, иако од друга страна не нудат максимална моќност при најниските температури во кој случај Мицибуши би бил подобар избор (или би бил кога не овде не би имале често релативно благи зими со отприлика 20тина денови со ниски минусни температури). Ако парите се проблем (а не би требало да бидат со оглед на заштедата на струја во иднина), тогаш поназад спомнатиот Gree Hansol моментално е на акција и се продава за убав попуст.

 

[caki]

Планирам да земам клима за греење на простор од околу 35 квадрати. Станува збор за кујна заедно со дневен простор одделен со врата, така што во поголемиот дел од денот ќе се грее само дневниот простор од околу 25 квадрати а по потреба ќе се грее и кујната.

Дилемата е дали да се одбере една појака 12ка како GREE HANSOL кој сега е на акција или пак да се оди на некоја од следниве 18ки?

Haier Tundra
Midea 18
HYUNDAI AC180 Eco M Inverter

Дали некој има искуство со некоја од климите или пак има предлог за тоа која би била најдобар избор?

П.С. Дневниот простор од 2 страни е обиколен со соседи и има 1 надворешен ѕид, додека кујната има 2 надворешни ѕида речиси без изолација.

 

[mdeni]

Дефинитивно Хансолот во случајов. Земај ако не си заминала залихата.

 

[ShakaldS]

Decki me interesira mislenje za greenje se raboti za industriska struja ,sto bi bilo podobar izbor klimi inverter ili mozda greenje na peleti se raboti za pogolem prostor??

 

[mdeni]

Колкави топлински загуби? Тераса е со платно? Или ѕидан објект?

 

[mdeni]

Се помалку сакаат да цепат трупци, се купуваат инвертер клими

Најголем загадувач е установен. Дрва.

Најефикасно греење установено. Инвертери.

Да се спасиме пред зимата и да им препорачаме на комшиите да не не трујат.

 

[Lokvan]

Планирам да земам клима за греење на простор од околу 35 квадрати. Станува збор за кујна заедно со дневен простор одделен со врата, така што во поголемиот дел од денот ќе се грее само дневниот простор од околу 25 квадрати а по потреба ќе се грее и кујната.

Дилемата е дали да се одбере една појака 12ка како GREE HANSOL кој сега е на акција или пак да се оди на некоја од следниве 18ки?

Тие 25 м2 ќе ги загрее било која нормална не-ќумур 12-ка. Хансол ќе ги загрее сите 35м2, со наведените топлотни загуби. Не му се мисли многу, попустот е добар.

 

[tejtmer]

decki ve molam pomagajte...industriska tarifa.45 m2,visina 3 metra...se dvoumam megju lomo lclh 5.5,hansol i amber 3.5(5,5 mi izgledaat preskapi)

 

[mdeni]

Од тие Хансол дефинитивно. И тоа монтиран пониско на висина не повеќе од 210цм и барем 30цм под плафонот.

 

[moongose]

Загадувањето се должи на специфичните географско-климатски карактеристики на просторот во кој се наоѓа Скопје и крајно нарушените природни текови на воздушните струења со непланската урбанизација. Во зима доаѓа најмногу до израз. Точно е дека дрвата загадуваат, но и доколку никој не се грее на дрва, повторно ќе е загадено од останатите загадувачи, само ќе е намалено. Не велам дека не треба да се намали или исфрли греењето на дрва, но тоа нема да го реши проблемот како што може некој да сфати од категоричните тврдења што се изнесуваат тука.

Пред неколку години имаше објавено научна студија за загадувањето и за потеклото на пм честичките зимно време со Скопје, изработена од некој од факултетиве. Анализите покажале дека најголемиот дел се градежна прашина, па чинам беа честиците од течни горива, па потоа согорувањата од дрва. Во прилог на тоа одат и енормните вредности на загадувањето од минатата недела кога дуваше силен ветар и ја крена сета прашина.

 

[Lokvan]

Не сум слушнал за таа студија од факултетите. Но нели се испраќаа мостри во некои лаборатории во Финска, па резултатите недвојбено покажаа дека саѓи од горење органски материи (дрва, јаглен, и ѓубре) се најголем процент од честичките (смогот) во воздухот?

Точно е дека дрвата загадуваат, но и доколку никој не се грее на дрва, повторно ќе е загадено од останатите загадувачи, само ќе е намалено.

Без намера да го занемарувам придонесот на другите загадувачи... Намалување повеќе од две третини на загадувањето (преку запирање на горење дрва итн иверки и слично ѓубре за огрев) јас во овие услови би го нарекол чудо.


едит: Нема логика ништо од муабетот дека најголем дел од загадувањето е од градежна прашина. Па зарем во најлутата зима најмногу се гради. Како што кажав и поназад сите загадувачи се активни преку целата година освен еден загадувач кој е активен само во зима и кој е очигледниот најголем придонесувач за загадувањето да е најголемо баш во зима: горењето на органски материи за огрев (дрва и друго).

 

[moongose]

Аргументот е дека загадувањето е големо зимно време кога се грее и затоа греењето е главниот загадувач. И тоа е точно ако не се земат обѕир географско-климатските услови. Но ако земеме се предвид, се доаѓа до поинаков заклучок, кадешто покрај греењето на дрва и другите загадувачи како сообраќај и индустрија имаат итекако значајна улога. Летно време да се запалат сите ќумбиња како и зима, нема толку да скокне загадувањето како во зима. Зима да не се возат автомобили, ќе опадне загадувањето.

Не ми е муабетот дека не загадуваат домаќинствата со греење, туку дека само преодот на инвертери нема да го реши проблемот. Мора да се делува на сите фронтови. Мора и сообраќајот значително да се редуцира. Дали сте спремни зима воопшто да не возите автомобили?

А не треба моментално да се гради за да има градежна прашина. Има стотици активни и неактивни градилишта преку цела година низ цел град.
Инаку зошто во строг центар зима е подеднакво загадено како и во останатите населби, кога таму има најмалку приватни домови на огрев и нема индустриски капацитети?

 

[mdeni]

Нема тука место за шпекулации. Луѓе правеле истражувања и дознале се што е потребно. Смешно е да се дискутира за било каква друга мерка се додека има греење на дрва, ѓубре и отпад. И на ИТ е детално објаснето претходниве години. Прво дрвата да се решат, особено во градска средина, после тоа било што друго. Никако пред дрвата или истовремено. Основата е најважна, а основата на загадувањето се дрвата.

Користење на дронови во битката против загадување на воздухот

A fireplace pollutes the air as much as 1,000 cars
A fireplace pollutes the air as much as 1,000 cars

Wood heating



Горење биомаса наспрема загадувањето од 50 години стара електрана на јаглен, 3 пати поголема емисија на честички

6 пати повеќе емисија на честички од 50 години старата електрана на јаглен во

Споредба на модерна електрана на биомаса, наспрема работа на гас, 67 пати повеќе опасни материјали во воздухот.

http://www.maforests.org/Chris_Matera_Biomass_Reality_Check.pdf
Сето тоа ѓубре, на сметка на касапење на шумите.

A ако зборуваме за домаќинствата:

http://www.bnl.gov/isd/documents/71376.pdf
Пелетите се најефикасно согорување на биомаса (дрво) денес и се почисти за 3-4 пати од печките на дрва. Но и покрај тоа тие имаат 1800 пати поголема емисија на честички од домаќинско греење на гас. Или 15 пати поголема емисија на честички отколку греење на нафта.

Не е работата да се заклучи колку многу загадува горењето на дрва. Туку поентата е да се сфати магнитудата на загадувањето од горење дрва. Магнитудата е во експоненцијален степен. Кога нешто е 2-3 пати полошо се вели дека е полошо, кога нешто е 10-20 пати полошо е многу лошо. Кога нешто е илјадници ПАТИ полошо од нешто друго, тоа е елементарна катастрофа.

Дискусијата на тема „коли“, е многу смешна кога се работи за магнитуда од илјадници пати.

10.000 домаќинства кои се греат на дрва (4 часа дневно да гори дрво), A fireplace pollutes the air as much as 1,000 cars имаат еквивалентно загадување на грубо 5 милиони просечни возила кои поминуваат 30км во денот.

10.000 домаќинства кои се греат на дрво загадуваат колку држава со 18 милиони домаќинства (Шпанија, Турција) да се грее целата на гас. Тоа е магнитудата на загадувањето за кое зборуваме тука. Степен од илјадници пати.

10.000 домаќинства кои се греат на дрво загадуваат 20 пати повеќе отколку да се греат на струја од електрани на јаглен кои се поставени веднаш до нивните куќи. Загадуваат стотици пати повеќе отколку да се греат на струја од гасна електрана поставена до нивните куќи.

10.000 домаќинства кои се греат на дрво загадуваат колку 10 индустриски капацитети кои горат јаглен, колку 100 индустриски капацитети кои горат гас. Магнитудата на загадување од илјадници и илјадници пати си го прави своето. Степенот на загадување не е ни приближен, ниту споредлив.

Лесно може да заклучиме од приложеното. Ама само ако сакаме. Ако не сакаме тогаш нема да заклучиме.

Сечата ако се прекине, воздухот дополнително ќе се подобри и во поглед на честички и во поглед на концентрација накислород. На три фронта напаѓа грееењто на дрва. Ем намалува апсорпција на CO2 (западен фронт), ем испушта огромни количини на CO2 во атмосферата (јужен), и источниот фронт од WW2 кој е како и секогаш 90 пати поголем од сите други фронтови заедно - неколку тони честички во атмосферата секој ден.





Температури за декември и јануари:

Нормално дека надвор е потресително страшно БАШ ЗАРАДИ ќумбињата, ама муабетот е за Јаглерод Моноксид во случајов, а не за задименост. Доаѓа времето кога жалбите за воздухот ќе се се почести, а тоа е зимава. Особено како што викаат дека ќе е топличка како ланската значи дека пак ќе се соочиме со магла и загадување од горените дрва/ствари.

Само да се вклучат сите клими по Скопјево на греење зимава, наместо да се труеме ќе имаме намалување на вкупните трошоци, повеќе пари во џебот, значително почист воздух, поздрав народ, без ниедна негативност. Едно копче е во прашање. Клик, и се ќе биде во ред. А скоро сите имаме клими по дома. Во овие периоди климите БЕЗ НАЈМАЛ ПРОБЛЕМ постигнуваат да загреат, макар и најефтините и најпростите. Само треба да се употреби тоа копче за палење наместо да хибернираат цела зима. Ете нека се горат дрва, ете нека, ајде. Ама климата да покрие САМО 40% од загревањето, а тоа било која клима може да го направи во секое време (реално 70-100% покрива), значи дека наместо 10 кубика, ќе се согорат 6 кубика во едно домаќинство зимава. Истите пари дадени, ако е за парите - грубо.

И тоа да е најсуво и најквалитетно согорено дрво, ќе има енормно голема разлика во загадувањето. А тек што дрвата кај нас во голема мера не се тотално припремени, пресушени. Тоа ја зголемува емисијата на честички за ред величини! И во тој момент енормното, станува незамисливо големо. Секоја година истото морам да го објаснувам, и па можеби некој некаде ќе сфати кој е правиот пат.


Дека неможеш да се објасниш со луѓето неможеш. Ај тоа. Еве сега иницијативата е почната со субвенции за пелетни печки и намалување на ддв за пелети. Значи пошто нема решение, мора да се оди така. Дел се пребација, дел ќе останат. Од наредна година ќе мора да се качи дрвцето во цена, за да се исфрла од употреба, и на крај после 3 години и акциза да му се опаша заради тоа што тоа е ЛУКСУЗЕН продукт кој настанува со сечење на шуми и во повеќе насоки го нарушува воздухот, а за тоа мора некој да плати. Во случајов тој што користи дрва.


Да, од горење дрва е. Сите знаеме. Цел свет знае. Сите истражувања на светов покажуваат. Да не се лажеме.

 

[Lokvan]

Не ми е муабетот дека не загадуваат домаќинствата со греење, туку дека само преодот на инвертери нема да го реши проблемот. Мора да се делува на сите фронтови. Мора и сообраќајот значително да се редуцира. Дали сте спремни зима воопшто да не возите автомобили?

Се разбира дека сите загадувачи треба да се третираат, но не е логично најголемиот загадувач да се игнорира и да се остави за последен.

Ете погоре убаво е покажано дека постојат мерења и непобидни докази дека едно ќумбе загадува повеќе од 1000 стари аута. Колку ќумбиња има, а колку аута? И најпосле, повторно, аута се возат цела година а ќумбиња масовно се палат само на зима - многу е логично дека еден од главните фактори за големо загадување само на зима, е масовното горење ќумбиња во зима.

Инаку јас лично веднаш би се откажал од автомобилот за цела зима, само за еднаш конечно да утврдиме да ги убедиме сите кој е и кој не е најголемиот загадувач во зима. Ова е важно за да ги утврдиме приоритетите во пристапот кон проблемот (а не како одреден градоначалник, да ги мачкаме улиците со хемикалии за да се намалело загадувањето од автомобили).

А не треба моментално да се гради за да има градежна прашина. Има стотици активни и неактивни градилишта преку цела година низ цел град.

Така де. Ама во зима гледаме неспоредливо многу поголемо загадување. Ти велам нема логика во тезата дека градежната прашина е број еден загадувач. Зошто во зима градежна прашина би имало повеќе? Нема логика.

Инаку зошто во строг центар зима е подеднакво загадено како и во останатите населби, кога таму има најмалку приватни домови на огрев и нема индустриски капацитети?

Чинам муабет за физичката појава наречена дифузија сме правеле и порано на други теми.
Ова е ме подсетува на оној отпорано муабетот за пушење по кафеаните, ако го поделиме на пола без преградување просторот на пушачки и непушачки - следствено и чадот ќе соработува и нема да оди во непушачкиот дел? Или уште поедноставна паралела, кој овде би се напил вода од базенот во кој таму сосема дијагонално одспротива некој се измочал пред половина час?

Дифузија: Расејување — Википедија

 

[moongose]

Заради временските услови.
Зошто кога во зима нема антициклонски влијанија над Скопје, воздухот се расчистува? Ретко се случува, но се случува.
Исто и обратно, летно време ако се појават антициклонски движења во атмосферата над градот, на висина над околните планини, зошто воздухот е загаден?
Зошто во некои градови (Охрид, Струга, Кочани и други населени места) кои се греат на дрва немаат проблем со загадувањето? Зошто проблемот е најмногу кај градовите сместени во котлини?
Или наједноставно, зошто летно време нема магла?

 

[mdeni]

Уште поголема причина сместа да се забрани горење дрво во котлини. Со декрет и највисок правен акт, веднаш.

 

[Lokvan]

Прво мора да ги разбереме димензиите. Значи колку е голема Охридската котлина, колку литри воздух волумен има - и колку стотици ќумбиња има. Наспроти тоа колкава е Скопската котлина, колку литри воздух волумен има - и колку стотици илјади ќумбиња има.

Колкав волумен воздух треба да се наполни од помал број ќумбиња (Охридска котилина), и колкав волумен воздух треба да се наполни од поголем број ќумбиња (Охридска котилина)?

Има многу фактори, ама баш никако не можеш да останеш објективен и да го игнорираш огромниот број на домаќинства кои се греат на ќумбиња во Скопје и Скопско.

едит: Можеме за се да зборуваме, ама се додека не ги гасификацираат домаќинствата, се додека не понудат субвенционирано греење со гас да не биде поскапо од греење со дрва, и не забранат горење на дрва... Ништо нема да направиме овде. Со клима уредиве можеби не го решаваме целосно проблемот ама барем се иде кон подобро. И крајно време е да се даваат субвенции за нешто корисно (клими) а не за печки за пелети.

 

[223-305]

За 6 илјади разлика навистина е многу подобра клима од ломо лцлх... Затоа сега го дадоа попустот, после недели акција на ломото. Само сега се нервираат сите што земале ломо.

Ма ја се нервирам пролетта што земав ломо, не па тие пред некој ден што земале. Што и да е, само нека се освестат луѓево за евтино еколошко греење (барем во однос на ќумбињата). И владава конечно да почне субвенци да дава за клими наместо за ќумбиња (на пелети, ама и тие загадуваат а некогаш дури и повеќе од дрва).

Не е 6к туку 10к е разликата, што не е малце.

Ај сеа, за 24+6 квадрати дневна со ходник во нов стан со еден надворешен ѕид и поткровје, би ставил ЛЦЛХ или Хансол, разликата е 10к и за плус 9к има плус уште еден инвентер за спалната?

 

[yasho]

Дечки, може ли препорака (па и понуда од дечките на форумов што се занимаваат со клими) за пред-сезонски сервис на клима.. Тошиба RAS16-ка, да се исчисти што треба, да се провери... Не е правено одамна, климата си работи ок, ама една хигиена не е на одмет, вака, пред зима...

 

[Alekso1981]

Jas i napraviv letovo golem servis na istata klima cel den fati so demontaza montaza cistenje cini okolu 60 -70 e a ako sakas cistenje na vnstresnata bez demontaza mislam e okolu 1800 den
I vredi sekoj denar.Ne bese cistena kako sto treba 3 god izleze mnogu gubre.Najvazno e na 2 nedeli filtrite da se cistat i toa na isklucena klima i sekoja god vnatresno mienje bez demontaza

 

[yasho]

За миење без демонтажа размислувам, нема шанса да демонтирам... И знам дека треба/вреди, ама ми треба контакт /број од саглам, проверен мајстор, не ми се занимава со расшрафување на климата.
Ако ѝ запнам, ќе ја средам, ама не ми се занимава со тоа, порадо би платил некому што професионално се занимава со таа работа.

 

[krale]

Lomo LCLH 5,5kw
vs
Hansol 3,5kw

предности мани за простор од 40м2 средно изолиран. Првиот е поскап за околу 100е па дали оправдува инвестиција...

 

[Lokvan]

Lomo LCLH 5,5kw
vs
Hansol 3,5kw

5,5kw vs 3,5kw
Или минимум загарантирана моќност, наспроти помала загарантирана моќност ама заедно со поквалитетен производ кој е поекономичен, и кој на големи минуси помалку ќе губи од моќност (како што прават сите клима уреди, но некој повеќе а некој помалку).

за простор од 40м2 средно изолиран

Хансол би требало да заврши работа за 40м2, но се зависи од тоа колку е реална проценктата: „средно изолиран“.