Зошто е тешко да се најде пракса?

[Noelo]

Скоро веќе од почеток на годинава, пробувам да најдам пракса во некоја од нашиве ИТ фирми за Андроид девелопер. Скоро се учев и учам самостојно од книги или од јутјуб, немам завршено факс. Бев на неколку интервјуа, и барањето од фирмиве за почетник мислам, се премногу. Како да научам според тоа што го бараат ако немам 2-3 год искуство? И прашањата едноставно беа за некој со 2+ год искуство.

И башка за алгортими задачите беа многу комплицирани за некој на мој степен(почетник)

Како да најдам пракса?

 

[Pane24]

Прашањето е дали доколку најдеш некаде да работеш за пракса би работел 1 година за 200е месечна плата ?

 

[bokiscout]

Конкуренцијата е голема, сите знаат/сакаат Java и Android.

Имаш ли сработено некој проект/семинарска, нешто со што би се истакнал пред конкуренцијата? Мора да се истакнеш дека си подобар од другите и дека си заинтересиран/загреан за тоа работно место.

Јас скоро почнав со пракса (C, embeded) и фирмава не интервјуираше и откачи едно 15ина кандидати... Незнам што носеа со себе, ама јас и другарчево што влеговме имавме со што да се пофалиме, семинарски и проектчиња правени на своја рака плус чачкано ствари што не се предаваат по факултетиве... Веројатно тоа беше пресудно.

Иначе отвори ја страната на финки, има неколку активни огласи Java/Android.

А ако имаш проблем со алгоритми ти препорачувам да се вратиш чекор назад и да го совладаш материјалот убаво. Доколку немаш од каде да учиш ќе ти пратам материјали од "Алгоритми и податочни структури" и "Напредно програмирање". Двата предмети се јава и суштитаната им е да дојдеш до оптимално решение па ако добро ги совладаш после тоа не би требало да имаш мака.

 

[dddragan]

Ме збуни малце. Бараш пракса, а прашувале за 2+ години искуство? Малце ми е чудно тоа, во секоја фирма кај што сум бил за пракса (не било Андроид ама сепак, девелопмент) прашањата и интервјуто биле баш за тоа што се наменети - пракса. Да покажеш дека имаш барем некои најосновни познавања од барем дел од технологиите за кои аплицираш за пракса и да покажеш дека си желен и амбициозен за надоградување на твоето знаење.

Гледам погоре спомнаа 200 евра плата за практикант. Јас повеќе од 100 евра не сум начекал никаде, добро е и тие ако ги даваат за пракса.

Мој совет, доколку стварно бараш пракса (малце, скоро ич платена на почетокот се до потенцијално вработување), отвори го линкот погоре што ти го дадоа од сајтот на Финки, отвори ги фејсбук групиве Работа и вработување во ИТ сектор , Сојузен Комитет на Програмери на Република Македонија, можеби има и некоја за Андроид девелопери од Македонија, не сум проверил тоа, отвори го ИТ.мк огласникот и читај ги огласите. Доколку не налеташ конкретно на огласи за Андроид пракса, секоја позиција каде што бараат Андроид девелопер, прати меил и потенцирај дека бараш пракса доколку имаат отворени позиции. Не боли да прашаш, а стварно може од некоја фирма да добиеш потврден одговор. Мора да почнеш од негде.

 

[mdeni]

Не ми е јасно како тоа спомнувате плата, а во истата реченица пракса.

Едино може да има 4000 денари месечно за храна и превоз, ако е пракса.

 

[ImTheDude]

Скоро веќе од почеток на годинава, пробувам да најдам пракса во некоја од нашиве ИТ фирми за Андроид девелопер. Скоро се учев и учам самостојно од книги или од јутјуб, немам завршено факс. Бев на неколку интервјуа, и барањето од фирмиве за почетник мислам, се премногу. Како да научам според тоа што го бараат ако немам 2-3 год искуство? И прашањата едноставно беа за некој со 2+ год искуство.

И башка за алгортими задачите беа многу комплицирани за некој на мој степен(почетник)

Како да најдам пракса?

Мој предлог е да не се ограничуваш на "андроид девелопер". Учи секакви технологии, не си поставувај ограничувања сам.
Инаку, за пракса, т.е. тренинг, пиши ми во приватна порака инфо, ќе те контактирам со детаљи за каде што работам јас, често имаме нови јуниори на тренинзи. Меѓутоа, не е android developers, туку девелопери за мобилни апликации/игри.
Дипломи/факултети не се најбитни, само секако мора да си полнолетен.

И многу битно, 2 години искуство според скоро сите стандарди Е почетник.

 

[Noelo]

Чекајте, прашањата што ми ги поставуваа. беа за некој што има 2+ години искуство. Од каде знам, другарче што исто работи Андроид девелопер веќе 5 години, ми кажа, такви прашања не треба да се постават за некој што бара пракса.
Аплцирав за пракса во скоро сите фирми, со github и со две апликации.

Искрено гајле ми е дали ќе плаќаат пракса или не, сакам искуство. како се работи на вистински проекти.

 

[goranzoran]

Значи системот е следниов:
Прво се плаќа добра пара за "образование" и не само пара него се губат многу време и нерви.
Второ во тоа образование се учат 90% ствари што никад нема у пракса да се применат.
Трето се бара пракса каде бесплатно се работи да се стекне практично образование.
Четврто фирмите може да ги ротираат таканаречените "практиканти" до бесвест.
Состојбата е стигната до тоа ниво да луѓето "плачат" да работат за некој друг бесплатно.

 

[kirev]

Не баш така. Тие што работат без пари, отприлика толку и вредат зашто пазарот на ИТ труд е созреан. Таков кадар не може да ти заврши речиси ништо што можеш да го наплатиш. Ти зема место, време на искусните, а често а малце поднаучи - си бега. Фирмите не се виновни што образованието не го следи производството и не се спремни да го преземат товарот на образувањето на кадри што не можат да ги задржат. Тоа е. Ако има некој умен во државата, ќе се запне да прави кадри што ќе можат да ускочат речиси одма и да работат во рудник за добри пари за нашиве услови.
Затоа не му е лош планот на @Noelo само да има на ум една мисла: You know it's gotta be hard, cuz if it ain' t hard it's weak. - Ice Cube

 

[JensenInterceptor]

Прашањето е дали доколку најдеш некаде да работеш за пракса би работел 1 година за 200е месечна плата ?

Нема да додевам со работи што се у главно јасни.

Земи куцкај сам и покажи добро демо пред работодавците. Ако едно демо не е доволно, направи уште едно. Ако и две не се доста, направи и трето, и четврто итн...
Глупоста е што ова е Балкан и може да те зезаат до бесвест.

Направи си сметка на Upwork или некој сличен и огласувај на полето што сакаш.
А да, не биди толку лекомислен, ако моеш и пари да искамчиш, пошто може да истрошиш време, и за тоа време да не научиш ништо корисно.

Ако те вработат, гледај бар 200 евра да ти е плата. Оние касирекине у Веро, Кам земаат 200 евра.

 

[Pulse]

Значи системот е следниов:
Прво се плаќа добра пара за "образование" и не само пара него се губат многу време и нерви.
Второ во тоа образование се учат 90% ствари што никад нема у пракса да се применат.
Трето се бара пракса каде бесплатно се работи да се стекне практично образование.
Четврто фирмите може да ги ротираат таканаречените "практиканти" до бесвест.
Состојбата е стигната до тоа ниво да луѓето "плачат" да работат за некој друг бесплатно.

+1.
Излага од факултет и нормално, има повеќе поминато часови со флашата во рака од колку на предавања.
Само спомени, ништо знаење.
Јас лично, оддамна „го сватив“ ова ти што го напиша и се откажав од факсот за да почнам да работам, да стекнам искуство, кој ја е*е дипломата.

 

[MarkoHF]

2 Причини:

1. Практикантите кои не гледаат вредност во праксата и гледаат само пари. Не го вреднуваат образованието кое го добиваат и на првата прилика заминуваат (првите 1-2 месеци). Фирмата во овој случај потрошила пари и време за да го обучи работникот за тој одма да си замине. Се случува во работни места каде има многу побарувачка.

2. Фирми кои ги искористуваат практикантите за пракса која никогаш не завршува или им нудат многу ниска плата. Се случува за работни места каде нема многу побарувачка.

 

[odimoski]

Јас лично, оддамна „го сватив“ ова ти што го напиша и се откажав од факсот за да почнам да работам, да стекнам искуство, кој ја е*е дипломата.

Убаво има пишано @Daniel86 во потпис

Заебете дипломи. Научете некој занает. Никогаш нема да останете гладни.

 

[srle89]

Полесно е во Македонијава да најдеш пракса како web девелопер отколку како mobile. Моите 2 центи.

 

[gdamjan]

Искрено гајле ми е дали ќе плаќаат пракса или не, сакам искуство. како се работи на вистински проекти.

земи учествувај на "open source" (т.е. слободен софтвер) проекти. има многу проекти, а и ќе научиш многу - не само програмирање туку и како се работи со други луѓе и сл.

Ако си ученик/студент пријави се на Google Summer of Code

 

[gdamjan]

да се надополнам,
Getting into Outreachy : An open source internship program.
Getting into Outreachy : An open source internship program.