Избор на клима уред (линк со резултати од мерења има во првиот пост)

[Lokvan]

Еве ти искуства измешани за Хансол и за Амбер
...
Треба да им се каже на народот дека ако зе зима нешо кинески еве пошо се препорачува само ГРЕЕ дури и ти често ја препорачуваш, дека за температури околу 5-6-7 ќе бидат стоплени и нормални сметки, ама за температури околу 0 и надоле каде вистински се гледа моќноста и ефикасноста на еден клима уред дали ќе бидат стоплени е прашање, амаа сметките за струја ќе им бидат изгор.

Абе друже, се вртиме со муабетиве.
Уште еднаш (пошто ги линкаше Бугариве и претходно), убаво е што има искуства - па и вакви негативни. Само биди малку објективен, и дај нешто поконкретно од мозочни прдешки на полуписмени Бугари.

Ништо лично кон наведените, само пишувања дека „800 вати на 1с надворешна е премногу“ тоа се многу паушални изјави. Што е „многу“ за Бугаров? Дали грее 100 м2, или грее 10 м2? Стан, куќа, или шатор? Баби и жаби?


И сега тебе лично нешто да те прашам. Те молам да одговориш, а не да избегнеш муабет откако вака банално си постираш некакви бугарски HVAC трагикомедии.
Дали се точни констатацииве долу, или не се:
- Ако Бугаров е загреан на ниски температури со една клима, нели тогаш таа клима има задоволителна моќност на ниски температури? Без елаборати, само да или не.
- Нека е таа клима најлошата инверотор клима на светот, не знам како СОР нека има, ама колку пати е тој СОР подобар од СОР-от на радијаторот 2 kW Смајдово што Бугарот го фали дека економично греел. Мајката, радијаторот Смајдово економично греел ама климата иако го загревала не му греела економично.

3 пати помали сметки за греење не му се доволни. Неписмени глупости од луѓе што мислеле дека со клими бесплатно се грее. Треба повеќе муабет?
Или тој другиот Бугар што 1.2 kW струја му се поскапи од ХХ кубици дрва.
Нека цепи дрва тогаш. Или нека купи Мицибуши, ќе троши 0.8 kW наместо 1.2 kW - ама греењето пак нема да биде бесплатно.

Не знам на што се грееле претходно, ама се обложувам дека поскапо плаќале за греење - освен ако кај нив во Бугарија дрвата не се дупло и повеќе, поевтни од кај нас.


Како и да е, муабетов ми е дека ти смешни бугарскиве приказни, или било чии приказни, кога се покажани вака без податоци и без контекст.

Имам и наши вистински мерења од МКД од хасол но не сакам да ги споделам бидејќи ми се дадени во доверба.

Во наше колективно име овде, замоли го за дозвола (анонимно се разбира) да ги постираш мерењата на нашата тема за мерења:
Резултати од мерење на потрошувачка на клима уреди и други уреди топлотни пумпи (читај правила)

Се разбира, ако си мерел со мерачи за потрошувачка и со фотографии од истите. Секако и да ставиш информации за просторот (волуменот) на просторијата, и каква изолација има.

 

[Chicco69]

Хансол 3.5-ка е врвна клима во сите параметри и тоа за смешни пари во однос на тоа што го нуди. Малку е послаба од "чувената" FH35VE во максимален топлински оутпут и ефикасност, но затоа чини дупло помалку од тој врвен модел на Mitsubishi.

Надворешна единица од 43 кг, Sanyo Twin-Rotary kompresor (CRSS C-6RZ110H1A) и двоен надворешен изменувач со греачи на компресорот и тацната, 1.3 КГ R410A фреон и тн. Внатрешната единица тежи 11 КГ, има 7 брзини, максимален издув од 750 м3/h, вградено Wi-Fi и тн.

Цела есен се продаваше на акција за 37000 ден, а последнава недела (до вчера) за смешни 34000 ден! Ако тоа не е Best Buy, што е?!?
Од продадени околу 1000 Хансола во последниве 2-3 години (претпоставка), се јавиле двајца или тројца што доаѓаат дома после работа во изладена куќа и ги уклучуваат на максимум (30C) и се жалат како Хансолот не успевал да загрее за кратко време и правел дифрости. :crazy:
Секој што има барем малку искуство знае дека не е проблемот во климата, туку во погрешно користење на истата, па дури и да се работи за одличен модел како што е Хансол.

Еве јас користам Хансол од лани во 50 години стара куќа со исто толку стари двојни дрвени прозори и двокрилна дрвена врата. Ѕидовите се од полни тули (дупло редени) 25 цм + 1 цм внатрешен малтер + 4-5 цм надворешен малтер (жбука што колку толку има накакви изолациони својства), значи вкупно 30 цм. Единствена интервенција што ја направив за подобрување на изолацијата е што прозорите ги поминав со дупли изолир траки и послав стаклена волна меѓу дрвените греди (10 цм). Плафонот гледано од доле е малтер и трска врз ковани даски и горе дрвени греди. Поентата беше со минимум пари и ангажман, најефикасно да се намалат топлинските загуби.

Просторот што го грее тој Хансол се 16 м2 соба (каде е монтиран) со константно отворена врата, 9 м2 ходник каде е надворешната врата (која се отвора 100 пати дневно) и 4-5 м2 купатило. Значи вкупно 30-на квадрати.
Греам најчесто на 21C, понекогаш на 22C. Хансолите малку пребацуваат, значи во реалност давам 1 - 1.5 C повеќе, што значи се грееме на 22-23C (не сме зимурливи).
Еве што кажува мерачот:


За 58 дена, 13 часа, 23 минути, потрошени 440 KWh. Тоа му доаѓа околу 313 W на час.
Да нема забуни, колку и да е Хансолот добра клима, не е перпетум мобиле и не ги нарушува законите на физиката. Едноставно имаше многу топли денови во минативе два месеца. Во почетокот на грејната сезона понекогаш климата беше исклучена околу пладне (баш кога е евтина тарифа ), имаше и три снемувања на струја по 30-40 мин. Како и да е, тоа се вкупно не е повеќе од 20-на часа... Имаше многу топли денови со дневни температури од 12-14C, кога Хансолот модулираше со 100W... Последниве ноќи со температури под нула потрошувачката се движи од 430 - 790 W, исто според очекувањата. Знам и да убацам во 3, 4, или 5 брзина (нели ги има вкупно 7) и да бркам подобар COP во ладните ноќи ако сум буден...

Бидејќи бев многу задоволен со првиот Хансол, пред еден месец си земав уште еден. Тој е во 20 м2 + 6 м2, во истата куќа со идентична (не)изолација. Бидејќи имам еден мерач, вториот не го ни мерам. Има многу полесна задача, плус има една (секогаш затворена) собна врата према ходникот (и надворешната врата).
Еве уште една фотка од монтажата на вториот Хансол ( да се обрати внимание на прозорот и надворешниот ѕид од куќата).

Дополнување:
Доводниот напонски кабел (на последната фотка) е привремено поставен на мое инсистирање, планирам посебна линија и автоматски осигурач директно од разводната табла (никако да најдам време да го завршам тоа). :innocent:

 

[Lokvan]

За 58 дена, 13 часа, 23 минути, потрошени 440 KWh. Тоа му доаѓа околу 313 W на час.
Да нема забуни, колку и да е Хансолот добра клима, не е перпетум мобиле и не ги нарушува законите на физиката. Едноставно имаше многу топли денови во минативе два месеца.

Баче, потрошувачката на топлина е релативна работа. Зависи од топлински загуби, и од топлински потреби. Тоа што ги буни луѓето е дека морало да се има изолација за да се грееш со клима уред. Ова секако не е точно и мака мачам да објаснам (и ирл, и овде) дека моменталните топлотни потреби секако мора да се задоволат, или ќе ти биде ладно. А ако веќе мораш да се грееш на нешто, зошто да не се грееш на најевтиниот и најкомфорен начин на греење: Греење со клима уред. Зошто да плаќаш неколку пати поголеми сметки за греење со електрично парно или грелка? Или зошто се мачиш со дрва - со палење оган, ложење, луфтирање од чад, чистење ќумбиња и оџаци, сечење и цепење и редење на дрвата, па секојдневно влечкање нови количини дрва за горење.... И пак да плаќаш повеќе (со цената на дрвата во последниве пар години).

Топлотните потреби се различни кај секој, различни количини киловат часови месечно. Дали тие потреби ќе се задоволат со клима уред, или со електрична греалка, електрично парно, или па со горење дрва... Тоа се истите тие киловати топлинска енергија која е потребна, па сеедно со што се грее било кој. Разликата не е во топлотната енергија. Разликата е во цената на коштање, и во конфорот на користење.

 

[FLEGMA]

Волку контрадикторности човек и да сака намерно да направи нема да може. Од кај да се почне затоа што цело време ги мешаме брзините.

Ова секако не е точно и мака мачам да објаснам (и ирл, и овде) дека моменталните топлотни потреби секако мора да се задоволат, или ќе ти биде ладно.

За да ти се задоволат топлотните потреби треба да имаш парно кое работи на [вметни енергенс овдека]

А ако веќе мораш да се грееш на нешто, зошто да не се грееш на најевтиниот и најкомфорен начин на греење: Греење со клима уред.

Најевтин, да! Најкомфорен не е. Ако тебе (или на друг) му годи да го дува нешто за да биде загреен тогаш go for it. Сплит систем клима не е комфорен начин на греење. Комфорен начин на греење е (како што кажав погоре) парно со топлотна пумпа воздух-вода при што котелот ќе има можност да биде „потхранет“ со струја/пелети/дрва/гас

Зошто да плаќаш неколку пати поголеми сметки за греење со електрично парно или грелка? Или зошто се мачиш со дрва - со палење оган, ложење, луфтирање од чад, чистење ќумбиња и оџаци, сечење и цепење и редење на дрвата, па секојдневно влечкање нови количини дрва за горење.... И пак да плаќаш повеќе (со цената на дрвата во последниве пар години).

Затоа што кога ќе ги ставиш на куп трошоците за струја + трошоците за струја за готвење + трошоците за струја за топла вода = на иста цена (дури и поевтино) на греење на дрва.

Јас не знам каква претстава имате за светот но уште еднаш ви кажувам дека не седат сите во станови од 60 квадрати ниту пак сите имаат совршена изолација (камо да беше така)
Кога ќе постигнете температура од 22 степени (мерено на под) со сплит систем клима јавете ми.


120 квадрати, 2 детски, две спални, днева + трпезарија и куња со сплит клими? Да, може! Ама со 4 инвертери кои ќе трошат по минимум 1200 денари месечно при што цената ќе биде поголема или еднаква на греење со дрва (или пелети)
Кај ќе ја ставаме топлата вода за 4 члено семејство?

Затоа пак во ситуација на двособен стан или гарсоњера лудост е да се користат дрва. Со сплит систем во куќа нема да бидете загреани.
Она што ќе го постигнете со сплит е (прилично) големо одложување на горење на фосилни горива.

 

[Lokvan]

Каде гледаш контрадикторности, Флегма?

- Најкомфорен вид на греење, кажувам од аспект на тоа дека стискам копче (почни) на есен, и потоа стискам копче (застани) на пролет. Од тој аспект на комфорност мислев.

- Воздух вода систем е покомфорен?
Од аспект на чуството на топлина која иде од подот? Да, во право си - поубаво е да се има такво нешто. Но тоа кошта прилично ебано многу пари. Можат да си го дозволат колкумина, еден од ијлада? Еден од десет ијлади еверојатно е поточен број.

За повеќето нас другите, воздух воздух (читај: клима уред) останува како убедливо најевтино греење. Без разлика колку би сакале воздух вода, топловодно подно греење. Или па вода вода, геотермални топлотни пумпи, зошто да не... Зошто да не, ако парите не влегуваат во равенката. Но влегуваат, парите и тоа како влегуваат во равенката, и посебно овде со овдешниов животен стандард.

И да... Готвење?
Баче, јас жена ми на плин готви (јас за печења сум задолжен, ама тоа на струја работи рерната). Сите оброци се домашни готвени, минус неколку излегувања во кафеана месечно. Средната величина на плинските боци, полнам окулу 12 литри плин на секои 3-4 месеци.

Освен кога варам ракија, тогаш побрзо лета плинот. Неколку боци ги арчам за кратко време.
Но те молам не го ставај готвењето како огромна ставка во трошоци за струја. Има евтина алтернатива, и многу покомфорна за користење од заебавање со дрва. Освен ако некако не сакаш да се обидеш да ме убедиш дека 3-4 пати годишно полнење на боца со плин, е потешко од малтретирање со дрва, палење, ложење, чистење, носење дрва, цепење дрва, редење дрва, итн, итн.

Кога ќе постигнете температура од 22 степени (мерено на под) со сплит систем клима јавете ми.
...Со сплит систем во куќа нема да бидете загреани.

Јас сум задоволен. Од греење со инвертер клими. Загреан сум.
Не сум мерел температура на под. Обично седам на кауч или на столче.

Јас не знам каква претстава имате за светот но уште еднаш ви кажувам дека не седат сите во станови од 60 квадрати ниту пак сите имаат совршена изолација (камо да беше така)

Пак за ова?
Дали на некој му требаат 6kW... Или му требаат 16kW... Секако му требаат тие киловати. Разликата е дали ќе ги плати евтино, или скапо.

 

[ARMac]

Јас сега за сега БЕГ парно не гасам. Работи и климата кога сме дома и постигнувам 24ц во 70 квадрати (на маса не на под). Во најладното ќе треба да ја чкрапнам и втората клима за таа температура.

Проблем кај мене е што (во стан сум) под мене не живее никој а комшијата со кој делам највеќе ѕидови се грее само после 17 часот со клими.

Ова ствара проблем. Под мене додека живееа луѓе се грееа на парно и дома беше прекрасно, разликата е огромна сега. А мислам дека и прозори им се оставени 24/7 отворени.

Подно греење е прекрасно има еден пријател некој систем во Сопиште вграден уште кога се градеше куќата, но кошта доста.

 

[Lokvan]

Стави внатрешна изолација и не го греј комшијата?

 

[mdeni]

Проблем е што легално е да се исклучи парно во стан. Тоа не СМЕЕ да е легално.

 

[DelphiUser]

Глупаво да, но мора да биде легално и човек да има избор како и за се во животот. А педерски е некој да исклучи парно во стан и да очекува комшиите од трите страни да го греат гратис до 18 степени. Од БЕГ нема ништо подобро, 25 степени во сите соби и во WC, нит палиш нит гасиш нит му ја мислиш нит се секираш, нит сервисираш, нит евтина струја се замараш, за тебе зима не постои.

 

[Vladekosa]

Да не се карате другари еве што ми одговорија од BFM за мојот стан од 70мк2за поставување на топлотна пумпа. вкупна цена со комплетна инсталација ,цевки радијатори и работна рака 4200ев. Еве и доказ поздрав

 

[mdeni]

Нешто не си сфатил. Во ценава спаѓа монтажа на топлинската пумпа и топлинската пумпа. Без останатиот дел.

 

[Vladekosa]

Јас ги прашав се комплет цевки , радијатори топлотна пумпа и работна рака, ми го дадоја овај одговор. Скапо за нашите македонски услови сепак .И 30'С степени да е дома сепак е многу.За тие пари колку што би ја платил сигурно би греел повеќе од 10 години на два инвертери за цел стан .

 

[pinky]

Има и поевтини варијанти.

 

[Tajson]

Да не се карате другари еве што ми одговорија од BFM за мојот стан од 70мк2за поставување на топлотна пумпа. вкупна цена со комплетна инсталација ,цевки радијатори и работна рака 4200ев. Еве и доказ поздрав

Ваков одговор без дадена спецификација, без опишана која топлинска пумпа, колку киловати, дали е дц инвертер итн... За новоградба додека уште се гради, ваква понуда е одлична и решение на долги стази. Ако веќе живееш во станот и наполнет со покуќнина, не секој може да издржи мајстори да му војуваат низ куќи.

 

[DelphiUser]

Lokvan, мислам дека ми е јасно што те буни. Да, климите се најевтино средство за греење заради COP факторот, но, повеќето клими на -15 испорачуваат само 2KW топлина (а на -20 не работат) што скоро за сите апликации е премалку, посебно за таа температура. Кога ќе го запалат југословенското шпоре кое ослободува 10KW топлина (на -20 степени) друго кажува. Не се залагам за шпориња, тоа се најголемите загадувачи во државава (после Фени и Рек битола), но тоа е вистината.

Инаку никој не зборува за тоа каква еколошка катастрофа прави Фени во кавадаречкиот крај.

 

[Tajson]

Lokvan, мислам дека ми е јасно што те буни. Да, климите се најевтино средство за греење заради COP факторот, но, повеќето клими на -15 испорачуваат само 2KW топлина (а на -20 не работат) што скоро за сите апликации е премалку, посебно за таа температура. Кога ќе го запалат југословенското шпоре кое ослободува 10KW топлина (на -20 степени) друго кажува. Не се залагам за шпориња, тоа се најголемите загадувачи во државава (после Фени и Рек битола), но тоа е вистината.

Инаку никој не зборува за тоа каква еколошка катастрофа прави Фени во кавадаречкиот крај.

Да не изигрувам '' дрвен адвокат'', читајки го досега никаде не видов дека е збунет. Кога ќе ти пристуди и климата нема да ти даде доволна топлина, запали го ''југословенското шпоре'', на -20 никој нема да го постави прашањето за загадување, туку за преживување. Ама 130 дена во зимата се погодни за греење на клима, останатите 20 дена не ги есапиме, тие ако се случат секој пропратен медиум ќе заврши работа.

 

[mdeni]

Не се ни 20 дена, какви 20. Дали се 20 саати кога е под -15 во Скопје годишно. И тоа во најладната зима што беше 2016/2017.

 

[DelphiUser]

Добро, -15 степени биле 10 дена во зимата. А -10 колку дена се, третина зима? На -10 доволно се 2.3 KW? На -5 доволно се 2.8KW? Зборуваме за максималниот капацитет на климите, кој ако го користиш цело време во дефрост ќе влегува.

 

[mdeni]

 

[DelphiUser]

Табеливе се како од сител на времето извадени. Две недели уназад е -8. Кај се температурите од -5,-10, -15, -25? Или ова се дневните темепратури, тогаш пеки, ноќе паѓаат 15 степени.

 

[mdeni]

Под -8 немало зимава и тоа минимална забележана неколку саати. Skopje December Weather 2018 - AccuWeather Forecast for Skopje Macedonia

Ќе видиме дали ќе има. Тешко дека ќе има. Освен некој саат. Дневните се над 0, 95% од зимата.

 

[DelphiUser]

Немало -8 а на графикот покажува секој ден дека е -8.
Башка другите градови се доста поладни од Скопје.

 

[Lokvan]

Делфи, -8с може да биде навечер во 4 саатот кога повеќето од нас спиеме и кога струјата е во евтина тарифа.

Колку се просечните дневни температури месецов (а заедно со Јануари се најладните месеци)? Окулу (и изнад) нула степени се температуриве дење. До толку не е ладна зимава да со он-оф клими може да се греат луѓево.

Tретина зима било -15с...?
Дајте да бидеме објективни.

Tретина зима -15с тоа ни преклани во најсилната зима не беше. Ете го Дени само што линкал статистики од Норвершкиот Метереолошки Институт (што да правиме кога нашиве домашни метереолози се неписмени за правење статистики и нивно објавување онланј).
Еве го линкот некој ако сака да види:
Weather statistics for Skopje

Еве и од друго место, тие се статистиките за просечните температури:
Country Historical Climate - Macedonia


едит:

...повеќето клими на -15 испорачуваат само 2KW топлина (а на -20 не работат) што скоро за сите апликации е премалку, посебно за таа температура. Кога ќе го запалат југословенското шпоре кое ослободува 10KW топлина (на -20 степени) друго кажува..

Па ако де, нека си имаат луѓето бекап ќумбе. Пола кубик дрва, или цел кубик еднаш на две години нека имаат. Не се само тие дузина денови со минусни температури, некогаш може и струја да снема, дефекти во мрежата и слично...

Сите ние овде сме против загадување, но пола кубик дрва се многу подобра опција од 10-15 кубици дрва по семејство. А ни тие пола кубик нема да ги потрошат, кога ќе им се заарни да не се замараат со дрва - ќе им седат дрвата така, за резерва.

 

[mdeni]

Просекот на температурата во Скопје во текот на зимата е над 0 степени за Дек-Јан-Фев. Идеално за греење со клима е Скопје.

 

[Lokvan]

А Скопје е меѓу поладните локации во Македонија. На многу места е потопло и уште попогодно за греење со клима уреди... Во Гевгелија на пример, и со Нео он-оф клими успешно се греат (не знам Баки дали е член и овде на IT).