Поправка на матична плоча - Замена на кондензатори

[SaleSk]

Како што гласи и самиот наслов. Поправка на матична плоча.
Симптоми: компјутерот се пали од десетти обид со притискање на копчето, а одкако ке се запали "random" се рестартира во се пократки нтервали.
За поправка на матична плоча треба да имате големо искуство, неопходен алат и инструменти, мирна рака и љубов кон работата. Без набројаните елементи нема да може да направите ништо. Темата од оваков тип е доста актуелна. Имено станува збор за едно туторијалче во кое е сликовито објаснето чекор по чекор како се врши замена на оштетени електролити. Проблемите од ваков тип најчесто настануваат заради лоши напојувања. Многу од сопствениците на матичните плочи мислат дека оваа работа е многу едноставна, па еве можност доколку сакаат, нека пробаат и сами нека се уверат во тоа.
Пред да почнете со оваа операција треба да се знаат неколку важни работи:
1. Матичната плоча е електронска плоча која содржи многу осетливи компоненти кои се осетливи на електростатски празнења. Заради тоа многу е важно додека се работи на истата, подлогата да е заземјена, односно сервисерот да користи "врист" (да биде заземјен). Доколку немате ваков "врист" или немате електростатска подлога и заштита, најдобро е пред работа да се испразните со допирање на некоја метална површина која е заземјена (најчесто водоводни и цевки за парно греење-ако се метални)!!!
2. Матичната плоча е електронска плоча изработена во SMD технологија, содржи многу ситни делови, тенки водови и ради тие причини е многу подложна на механички оштетувања!!!
3. Доколку немате искуство со работа на вака осетливи електронски плочи, се препорачува да не започнувате никаква активност, затоа што шансите да ја оштетите плочата се максимално големи!!!
4. Потрудете се сите пропратни елементи од матичната да бидат извадени, односно да се работи без да е приклучена на извор на напојување, да се одстранети сите картички од сите слотови (AGP, PCI и тн), да се извадени RAM мемориите, да се извадени процесорот и кулерот.

Матичната плоча на која ке биде извршена интервенцијата е од тајванскиот производител SOLTEK socket 478. Оштетувањата изгледаа вака:











Како што можете да забележите на сликите, дел од електролитските кондензатори се подуени од горната страна, а на дел од нив се гледа и истечената киселина. Ова во голем дел претставува и проблем доколку истече на водовите од плочата, а со самото тоа може и да ги оштети и нагризе. Доколку тоа не се забележи на време, и доколку киселината навлезе длабоко во плочата и оштети некој од меѓуслоевите, во тој случај нема да може да се изврши никаква интервенција.
За да пристапиме кон интервенцијата нормално ќе ни биде потребен и соодветен алат. Оваа интервенција не бара некој специфичен алат, алатот е класичен, леткум до 25w, квалитетен калај, квалитетна вакум пумпа, сечица, клештичка и нормално големо искуство, спретност и мирна рака. Зошто го спомнувам искуството. Него го спомнувам од едноставна причина што доколку не знаете перфектно да ракувате со леткумот и со вакум пумпата, 100% ќе ја оштетите штампата на матичната плоча. За да се уверите во својата способност, најпрво пробајте ова да го направите на некаква стара матична или некоја друга електронска плоча, колку да видите како ке ви оди работата.

 

[SaleSk]

Електорлитските кондензатори кои ке ги користиме, односно кои треба да се заменат се со вредност од 1000 микрофаради, 6,3 волти. Треба да се заменат вкупно 16 кондензатори. Новите кондензатори се со вредност од 1000 микрофаради, 10 волти со теемпературен коефициент 105 степени целзиусови кои е исто така еден параметар од голема важност. Овие електролитски кондензатори се за на места каде што температурата на опкружувањето е повисока, а знаеме дека тука имаме слаба циркулација на воздух, елементи кои релативно доста греат и постигнуваат високи температури (процесор, чипсет, графичка карта итн).



Одкако ни се спремни сите потребни услови, поминуваме на работа. Значи: Заземјени, подлога, спремен алат, спремни делови.
Првата работа која јас ја практикувам е да ги загреам постоечките контакти и да ги залијам со свеж калај. Сето тоа заради полесно вадење на елементот а и за полесно загревање на површината каде што се залемени ножичките.



Следниот чекор е испумпување на калајот со вакум пумпа. Контактот претходно треба да се доволно загреан за да може да се испумпа комплетно калајот, но и треба да се внимава да не дојде до прегревање и горење на штампаните водови. Уште еднаш ке повторам дека се многу тенки и осетливи!!! Покрај температурата како еден од можните причинители за оштетување на водовите е и врвот на вакум пумпата, на кој исто така треба да се обрне големо внимание при работењето.



Процедурата се повторува на двата контакти на кондензаторот...Доколку не успеете од прва да ги испумпате ножичките, во тој случај повторете ја уште еднашка истата процедура, почнувајќи со свежо нанесување на калај!!! Немојте повеќе од 3 пати да ја повторувате истата постапка бидејќи ке ги оштетите водовите!!! Препорачувам доколу после вториот обид не успеете со вакум пумпа, обидете се истовремено да ја загревате едната па другата ножичка од елементот и воедно нежно да го повлечете елементот нанадвор со цел да го извадите. Еве како тоа изгледа одкако елементот, односно електролитскиот кондензатор е изваден:



Можете да забележите дека има некакво црнило околу дупчето каде што треба да се залеми новото електролитче. Тоа е остаток од смесата која се наоѓа во самиот калај и служи за подобро лемење и не претставува никаков проблем, но на крајот од завршената работа најдобро е да се очисти. За тоа малку подоцна.
Следниот чекор е вградување на електолитскиот кондензатор. Пред ставање на новиот кондензатор треба да обрнеме внимание на неколку работи и тоа: Визуелно да го провериме електролитот од било какви механички оштетувања без разлика дали е или не е нов, и да ја провериме неговата вредност и декларираниот работен напон. Одкако сме сигурни дека се е во ред со елементот, пристапуваме кон негово вградување.
Најважната работа во се е да не го згрешиме поларитетот на кондензаторот. Секој пат внимавајте како го местите електролитскиот кондензатор. Тој има обележено со видливи знаци минус!!! Обавезно проверете како треба да стои на матичната плоча. Ако несакајќи ги замените местата на позитивниот и негативниот пол, можат да се случат несакани последици со кој може да нанесете трајни последици на матичната плоча а и воедно да се повредите. Најчесто доаѓа до пукање на електролитскиот кондензатор и разлевање на киселината на околината.
Да не навлагаме во тие работи, продолжуваме со постапката на замена



Одкако сме го ставиле кондензаторот, ја вртиме плочата, ги подвиткуваме ножичките со цел да не ни испадне самиот елемент и пристапуваме кон операцијата "Лемење". Она што јас го практикувам пред да почнам со лемењето е да направам кратење на ножичките на елементот со цел да добијам поефикасно загревање за пократко време, бидејки површината која што треба да се залеми е многу помала, а со тоа и многу пократко време да го греам местото кое што треба да се залеми. Во спротивно, доколку ножичката е подолга, потребна е поголема енергија да се загрее и местото и ножичката а со тоа и веројатноста да се оштети плочата е многу поголема. Сепак ова е мој начин, што немора да значи дека некој од вас треба да го практикува. Ова се мои видувања за и околу работата. Некој тоа го прави на обратниот начин. Прво ги леми деловите, па потоа ги крати ножичките. Тоа е исто така правилно, и јас го применувам, но во овој случај како што кажав подобро ми е на овој начин Еве како тоа би изгледало сликовито прикажано:





Полуготовата работа би изгледала овака:



Се прашувате зошто полуготова. Па заради тоа што по мене работата е незавршена се додека не се направи и чистење на местото на кое се интервенирало. Остатоци од калај, растечен калафонуим, прљавштина итн. Тајната е во нитро разредувачот. Се разбира мора внимателно да се ракува со него бидејки тој е доста агресивна хемикалија и може да оштети некој осетливи елементи од самата плоча поготово пластичните делови, слотови, лежишта и приклучоци. Остај тоа него може да ви ги нагризе и прстите. Чистењето го правиме така што крпче, газа или пак памук ги натопуваме во разредувачот, и местото кое што сме го лемеле го пребришуваме. Ефектот може да го видите од сликите, поточно од последната слика на која се гледа како изгледа залемениот контакт :







Оваа постапка треба да ја повториме во овој случај 16 пати, бидејќи како што кажав на почетокот беа подуени 16 кондензатори. Од како ке го направиме сето тоа, на крајот ке ви остане ова:



Значи еден куп подуени и истечени кондензатори, кои секако не треба да ги чувате бидејки можат да бидат опасни по вашето здравје.
Конечниот исход на матичната плоча би изгледал овака:





Се надевам дека успеавте да го сватите принципот на работа и дека успеав да ви доловам дел од тајните во практичната работа со леткум, калај и пумпа на малку поспецифична површина, во случајов матична плоча.
Верувам дека ова упатство не ви беше досадно и верувам дека некој од вас ке има позитивни резултати и ке ги сподели со нас. Но искрено се надевам дека ке има негативни резултати Затоа уште еднаш би ве замолил за максимално внимавање при работа од ваков карактер. Доколку нешто не ви е јасно, прашајте пред да почнете со работата. Прочитајте го упатството неколку пати и нема да имате проблем. Обрнете најголемо внимание на четирите точки на почетокот на постот.
Сликите се лично мои, упатството е исто така лично мое и си го задржувам правото за измени, надополнувања и поставување на други места. хихихихи

Поздрав.

 

[olikomerc]

Одлично разработено од твоја страна и детално опишано и верувам на многумина ќе им послужи.

Браво Сале :bravo: и нормално имаш репутација за ова :bravo:

 

[architect]

Браво Сале +1

 

[gokica]

Ете зошто SaleSk е докторот на форумов.

Јас сеуште не сум го прочитал ова исцрпно упатство детално иако ме интересира и ќе го направам тоа но за себе ќе си кажам дека кога мојата матична ќе дојде до ова дереџе ќе си се нацртам кај тебе во сервис, ќе донесам пијачка за да гуцкаш (нема да биде алкохол при процесот) додека се работи плочата, ќе си ја нарамам потоа плочата и те носам во кафеана за да се релаксираш од стресот (сега алкохол е неизбежен).

Браво докторе. Не престануваш да не изненадуваш.

Системов не ми дава да дадам реп+. Не е фер.

 

[Fatal1ty_]

Мајстореееееее!!!!! Иначе ни мене не ми дава гоки Ќе мора првин тебе да ти дадам па после него

 

[olikomerc]

Иначе ни мене не ми дава гоки Ќе мора првин тебе да ти дадам па после него

Дај барем и на мене )

 

[Fatal1ty_]

ti dadov

Сале од кај да си купам вакум пумпа? И колку пари?

 

[olikomerc]

ti dadov

не само ти, уште двајца се сожалиле

 

[gokica]

Офтопик:

Ааа му го зедов редот на системов сега. Всушност овој лимитот на репутациски поени по член ги прави луѓето да бидат повеликодушни.

А кој друг ќе ни го покаже патот ако не еден од највеликодушните на форумов Mr. Fatal1ty_.

 

[maci]

сале имам порано работено со вакум пумпа и со леткум,многу често знае да се стопи врвот на вакум пумпата од не синхронизираните движења на леткумот во едната рака и в.пумпата во другата рака....заборави да нагласиш дека треба да се има големи нерви=живци за да смениш 16 кондензатори
овој леткум од 25вати е најслаб?обично се користат слаби по ватажа за поослетливи,попрецизни работи ко оваа.да не ствараат голема температура со што би ги изгореле или оштетиле деловите.
браво за трудот

 

[SaleSk]

Мене ми требаше околу половина час со се сликање за промена на електролитите...Инаку овој леткум е Ersa со следниве карактеристики: SOLDERING IRON, 230V, 15W, EURO PLUG; Lead Length:1.5m; Max Operating Temperature:350°C; Power Output:15W; Time to Operation:60s; Voltage, Supply AC:230V...Ако нешто ти значи. Инаку со 25 нема да имаш апсолутно никаков проблем, а со 35 ке треба да го познаваш како девојка, а со појак не е препорачливо )
Тоа што ти се топи врвот од пумпата е дека ти е чкарт некој...Точно е дека страда но сеа не е до толку...Зависи и од каков материјал е изработен...

 

[goce ilievi]

супер туторијал.Но мене би ме нервирало кога би требало да сменам толку кондезатори.Немам проблем но доколку имам знам каде да се обратам.
А и за крај не пиша дали плочата,која ја гледаме на сликата по операцијата проработе.

 

[gOJDO]

Докторе, во Охрид има една поговорка: "не давај му на детено риба в уста, научи го да фашчат риби". Кај го имат ова занает бесплатно?

BTW, шо се зезаш со нас? Си залемил и одлемил катаљарда компоненти и си ни купил опрема за лемење од 200 евра. И после ни кажуваш резултати со сликање за само половина час. Кога некој noob како мене ќе проба да леми со некој пазарскиот леткум и пазарски калај од 50 денари кило (наспроти твојот од 50 евра кило) само ќе ја запали матичната плоча. Нит ќе одлеми нит ќе залеми.

 

[RagingDemon]

Браво бе докторе, секоја чест. Само оти не ми ги отвара сите слики нешто... :S

 

[NetworX]

Браво за туторијалот, имам менувано кондензатори на матична и на графичка ама на поновиве не се осмелувам, како што сум станал трапав ќе одлемам се околу освен тоа што треба (може и нешто ќе спојам)

 

[SaleSk]

А и за крај не пиша дали плочата,која ја гледаме на сликата по операцијата проработе.

Ако ја купиш во наредните 60 минути од објавувањето на постот, со неа ке ти дадам гаранција од 3 години.

Докторе, во Охрид има една поговорка: "не давај му на детено риба в уста, научи го да фашчат риби". Кај го имат ова занает бесплатно?

BTW, шо се зезаш со нас? Си залемил и одлемил катаљарда компоненти и си ни купил опрема за лемење од 200 евра. И после ни кажуваш резултати со сликање за само половина час. Кога некој noob како мене ќе проба да леми со некој пазарскиот леткум и пазарски калај од 50 денари кило (наспроти твојот од 50 евра кило) само ќе ја запали матичната плоча. Нит ќе одлеми нит ќе залеми.

Затоа пред и после секоја слика има наведено за проблемот кој може да настане доколку некој сака да проба да работи...На светов има работа за сите, но колку квалитетно ке ја сработи тоа зависи од него самиот :bravo:

Браво бе докторе, секоја чест. Само оти не ми ги отвара сите слики нешто...

Незнам зошто ти правеле проблем сликите???
Можеби глупиот сервер на имиџшек нешто зезал...Кај мене е Ок, неколку пати проверуваф...Другите членови се немаат пожалено...

BTW можам да почнам да давам часови по практична работа за електроника, некој курс да организирам

 

[prichina]

докторе ,ја прашав за мојата звучна...

 

[SaleSk]

Еве туторијалче, а и имаше и за неа исто
Се зезам, ке направиме договор

 

[psyside]

PRO само тоа можам да кажам, т,е PROOO!

FAK, не ми дава да ти дадам репутација дури и после давањето на Оликомерц?

WTF?

 

[masterficx]

На светов има работа за сите, но колку квалитетно ке ја сработи тоа зависи од него самиот :bravo:

многу многу многу респект за ова

извинете за офф...

 

[dulemk]

Супер е незнам што да кажам.

А сорепутацијава што не ставите на времено да не може да се даде на ист член??


Еве ја не се замарам со репутации давање, ама кога ќе видам вако нешто морам, ама зош сум му дал веќе репутација пред некоја недела сега неможам.
Направете барем ограничување по член на времен период ако е возможно.

 

[masterficx]

Др.-е уште малку недостасува за точно да го откриеме твојот идентитет...

имаше некои неуспешни обиди за тоа во темата за модирање на гОЈДО саунд картата ама се поблиску и поблиску сме !!!!

You can run but you can't hide

 

[SaleSk]

 

[Fatal1ty_]

И што толку сакате да го видите?