Задржување на истиот број при промена на мобилниот оператор

[stefan007]

Го прочитав ова и многу ме израдува па мислам дека треба да го покажам и тука


Агенцијата за електронски комуникации (АЕК) ќе ги казни операторите ако од утре - 1 јули на своите корисници не им ја понудат можноста да се префрлаат кај други оператори, а да го задржат стариот мобилен или фиксен број. На пример, услугата преносливост на броеви значи дека претплатникот може да го смени мобилниот оператор и да го задржи префиксот 070/071, 075/076, 077/078, кој е карактеристичен за мрежата која дотогаш ја користел. Целта е да овозможи поголема конкуренција на телекомуникацискиот пазар, бидејќи мобилните и фиксните оператори ќе треба со поевтини и поквалитетни нови услуги да ги задржат оние претплатници кои досега не заминале кај друг оператор зашто не сакале да го променат бројот.
"Сите оператори од мобилната и фиксната телефонија неделава ги потсетивме дека рокот за комерцијален почеток на услугата е од 1 јули, како и дека, во спротивно, регулаторот ќе го искористи законското право да ги казни со 4 до 7 отсто од приходите остварени минатата година", информираат од Агенцијата.
Од АЕК велат дека во тестирањето на услугата во изминативе 15-ина дена учествувале и Телеком, "Т-Мобиле Македонија" и "Он.тел", но најмногу напредок е постигнат со третиот мобилен "Вип оператор". "Космофон" и вајмакс операторот "Некском", како и некои други воопшто не пројавиле интерес да се вклучат и да видат дали системот функционира.
За најавите од Македонски телеком дека до ноември годинава нема да стартуваат со преносливост на броеви, од Агенцијата одговараат дека нема да толерираат одложување, бидејќи Телеком и останатите доминантните мобилни оператори уште лани писмено ја информирале дека се подготвени за воведување на преносливост на броеви.
Согласно правилникот за преносливиот на броеви, последен термин за старт на услугата е август годинава.

извор ВЕСТ


Секоја чест за одлукава време беше :bravo::bravo::bravo::bravo:

 

[MetalGear]

pa тоа е одлично

стварно одлична вест

 

[Laki Luciano]

Телеком пак ќе прават дубари, тоа е неизбежно во нивното работење. Се сомневам дека до крајот на летово тоа ќе биде регулирано. Инаку доколку сериозно АЕК се заангажирале за овој проблем тогаш :bravo: за нив.

 

[Kupe3]

Добра вест, самошто сега не ќе се знае кој на кој оператор е, така да со сигурност не ќе се знае по која тарифа се разговара.

 

[MetalGear]

е како бе купе

на тој што вртам и ми врти 100% ке знае на кој оператор сум


а доколку е нешто деловно не е битно на кој оператор е

 

[HijackHacker]

ehe, cool :bravo:

 

[Aleks]

Супер ќе е ова ако се реализира како што треба во пракса, имам број купен пред 2 години и тоа златен број, па ако преминувам на друг провајдер не би сакал да го изгубам

 

[Kupe3]

е како бе купе

на тој што вртам и ми врти 100% ке знае на кој оператор сум


а доколку е нешто деловно не е битно на кој оператор е

Не дека е некој голем проблем, придобивките се поголеми во секој случај.

Само тешко дека ќе знаеш на кој оператор ти се сите контакти од телефонот кога ќе проработи на големо новата шема.

 

[MetalGear]

pa kako што почнало следен чекор е изедначување на цените

а на оние на кои вртиш и ги познаваш за полезно знаење на кој оператор се доколку се смениле стави си ознаки на

 

[stefan007]

А што има разлика на кој оператор е кога од VIP на пример цената е иста кон сите оператори

 

[AMD_fan]

Добро е ова, само да почне се практикува.
Ете јас имам пост-пејд број од Т-mobile веќе 5-6 години и кога земав број од COSMOFON пред 1 месец, побарав ако може да ми се додели истиот број што го имам на Т-mobile. Одговорот беше со објасување дека процедурата оди долго, треба да одобрат шефовите од Скопје, па ова она.... и јас им реков дека не ми се брза и ќе почекам. По два дена ме известија дека не може да го добијам истиот број. Бројот не е зафатен (активиран), но сепак не може да го добијам. :ua: Се откажав од идејата и си зедов нов број. Сепак ова е Македонија и сите компании за брзо време учат како да ги виткаат законите максимално без да ги прекршат. :ua:

 

[Laki Luciano]

@stefan007 кај ВИП цената е иста, но фиксните оператори не се ни малку исти. А ти ќе знаеш на кој оператор си, на тој што ќе му плаќаш.

 

[AMD_fan]

Еве ја веста според А1.ком.мк.

Услугата за преносливост на броевите, согласно која еден претплатник ќе може да го смени мобилниот оператор, а да го задржи префиксот карактеристичен за мрежата која ја користел, стартува денеска.

Тоа значи дека доколку одреден корисник на услугите во мобилната телефонија се реши да се префрли на друга мрежа, ќе може да си го задржи постоечкиот број, без разлика дали тој почнува со 070/071, 075/076 или 077/078.

Се очекува дека со воведувањето на оваа услуга значително ќе се зајакне конкуренцијата на телекомуникацискиот пазар, а операторите ќе бидат принудени со нови квалитетни и поевтини услуги да ги задржуваат постоечките претплатници.

Агенцијата за електронски комуникации (АЕК) најави дека ќе ги казнува оние оператори, кои нема да можат на своите корисници да им ја понудат можноста да се префрлат на друг оператор, а да си го задржат стариот префикс.

По најавите на одредени оператори дека не се во состојба да стартуваат со новата услуга, АЕК информираше дека тие ќе бидат санкционирани со 4-7 проценти од нивните приходи остварени во текот на претходната година.