Искуство со преселба на T-Home

[omegaRED]

Чисто да споделам искуство со T-Home и процедурите. Досега не сум имал сериозни проблеми со интернет, корисничка подршка или слично, а сум долгогодишен корисник на интернет/телефон/ТВ, па затоа иако се поскапи од алтернативите не ми пречеше затоа што добивав добра/супер услуга. Но ова случка од вчера/завчера ме извади од такт.
Минатиот викенд конечно се преселив во новиот стан во истата зграда. И во стариот, и во новиот стан имам оптички пакет - едниот 60mbps другиов некој основен 10-12mbps.

Сопругата оди до салон во вторникот (27.01.2015), дава барање за преселба, во салон го примаат барањето и наредниот ден (среда) наутро се јавуваат да закажат посета на лице место во петок наутро - никаков проблем, не е зорт веднаш да биде, сепак имам интернет во двата стана. И истиот ден (среда 28.01.2015) во 13:00 сопругата ми јавува дека нема интернет, ни во новиот стан, ни во стариот. Си велам да не конфигурираат нешто, да не се закуцал рутер, ги ресетираат рутерите, џабе.

Се јавувам на 0800 12345, операторот ми вели, епа да, исклучен ви е интернетот, затоа што не може два пакети на ист број да има. Добро, зошто е исклучен во среда а ќе дојдат на терен до петок? Епа таква ни е процедурата, знаете голема фирма, многу служби се, не може да се синхронизираат. Ме префрлаат од една служба на друга, еден дечко на крај вели ќе пробам да разговарам со колегиве дали може некако да се реактивираат пакетиве, ако има нешто ќе ви се јавам.

Поминаа 3 саати, нема ништо. Повторно се јавувам, повторно од служба до служба ме префрлаат. Тие од оптика велат не можеле порано од петок да дојдат, да ве поврземе со дечкиве за преселба, тие што прават преселби велат не може да реактивираат да ве префрлиме кај оптика. На крај една девојка вика епа не, не може, ќе немате интернет и телефон 2 дена. Затоа што, пази, “ако ставите забелешка на барањето на преселба кога сакате да ве преселат ќе ве деактивираат и активираат тој ден, а ако не, ќе ви деактивираат штом го процесираат барањето, а ќе ви активираат кога ќе можат“. А тоа ми го кажуваат мене после разговор со 10-ти оператор, а не на сопругата кога го поднела барањето?!?!?!

Како за беља, вчера вечер ми требаше remote пристап до работа, ама не можев ништо да направам. Среќа не изгубив пари заради тоа.

Ова е трагикомично. И тоа онака, ни извинете, ни жал ни е, ноншалантно “па знаете голема фирма, такви ни се процедурите“.

Customer oriented my ass. Диносаурус администрација. И јас работам во огромна фирма, во 99% од вакви банални случаи излегуваме во пресрет, без да треба да знаеш некого. А јас морам да активирам еден куп пријатели за да добијам факинг интернет кој го плаќам, и тоа е прашање дали ќе успеам.

 

[Oktar]

Мене ми се случи нешто слично кога ги селевме канцелариите. Самошто јас успеав да се разберам на време дека неможе на две места да има активен линк без разлика што е фирма што троши значителна сума кај нив, морав да склучам нов договор за новата локација, да се преселиме, па да направам префрлање од стара на нова локација, со тоа што веќе има донесено се што треба на оваа локација, и после да го раскинам новиот договор. Бидејки кориситиме гига пакет, тој месец си плативме дупло, т.е. 20К денари, само за да не се доведеме во ситуација да чекаме 3-4-5 дена за да се смилува некој и да дојде да ни пушти кабле.

 

[borcep]

Ма браво за најдобрата телекомуникациска компанија! Екстра премиум задоволство ни е да ве онадиме како сакаме и тоа по најповолни цени на пазарот!

 

[omegaRED]

Апдејт: Пред 10-тина минути го пуштиле интернетот. Среќа имам пријатели кои имаат влијание, па ја истуркале работата. Сепак, и точно тоа ми беше поентата, зошто да мора за вакво нешто да се бараат услуги, пријатели, врски...

 

[MasteR_#0]

Пред 2 и пол години кога се селев, 3 недели немав нет, 2 недели им требаше за да видат дека во зградата има само оптика :zombie:

 

[omegaRED]

Апдејт 2: Повторно немам интернет. Овие се луди.

 

[84n3d]

факт е дека нема ниту еден асален оператор во мк, и еден другар имаше скоро исти зафрканции со one, отиде во салон рече не излегувам додека не се реши проблемот за 5 минути му пуштија интернет.

 

[Luidgi]

Јас вршев преселба на оптички пакет пред една година, договоривме термин и јас дадов предлог јас да си ја извадам и однесам опремата директно на новата локација за да оди цел процес побрзо и тие прифатија.

Интернет имав негде до полноќ вечерта пред да дојде екипа за инсталацијата на новата локација. Кога ја донесоа оптиката во стан, им реков да не тупиме, само да направиме PPPoE конекција и еден спидтест да провериме брзината, имаше некои проблеми со upload и телефон кои се средија за 30тина минути.

Ама веројатно така ми се погодило, на среќа. Дури презадоволен бев од екипата која дојде и си ја заврши работата перфектно и по мој предлог да не бушиме го извадивме кабелот за кабловска и преку истиот канал ми ја пуштија оптиката. Плус ми оставија бааѓи cat5e кабел, ни тргна муабетот.

 

[Dinamit]

Услугата е се додека чини.Ако нешто недај боже не е во ред,единствено ти останува што помалку да се нервираш.
Услугата на персоналот им е катастрофа,и ниту сносат одговорност ниту ништо.
Се случувало порано по 1 саат да ги чекам ако сум имал проблем и да не се јават.Ми се случи вака неколку пати и се вината ја префрлаа кај мене од типот "кабелот проверете дали ви е уклучен,лан картата да не ви се расипала итн"
Последен пат се јавив и никој не се јавуваше цели 29 минути.На крај свртев повторно и на секретарката избрав 1 за приклучок на нови услуги.Тука одма се јавија.
Од тогаш си реков гуд бај телеком.Следниот ден отидов и им ја фрлив опремата.Реков дај да платам се што имам и веќе не ви влегувам.

Ова беше пред 4-5 години некаде,а можеби и повеќе.
На работа користиме интернет од телеком и се дешавало да има проблем.Но бидејќи на некој начин се зависни од нас ако има проблем одма доаѓаат.За 5 минути се веќе пред врата.

 

[FLEGMA]

Најнови вести!!

Млад дечко улетал со калашњиков и пукал во свичевите и рутерите на T-Home. Но не се задоволил само со тоа туку украл ровокопач од блиското градилиште и го скинал оптичкиот кабел со кој со интернет се снабдува остатокот на Македонија.
Органите на прогонот се во интензивна потрага по овој ѕвер.

Бидете така!

 

[Necromancer]

omegaRED баш ми е жал што си имал такво искуство, и имам слушнато за пар случаи дека кога се врши селење на линија настануваат проблеми.

Сакав да искоментирам само дека сум користел услуги од други оператори, и дека Телеком иако гломазни и на моменти инертни, мислам дека имаат најквалитетна услуга и поддршка.

Having said that, се надевам дека за брзо време ќе ти се реши ситуацијата и ќе уживаш во благодетите на брза оптика.

 

[bogoevski]

Сум приметил операториве, иако имаат конкуренција сите се исти турац, агилност нула.
За разлика од нив, ЕВН што треба да ги боли тур, работат толку ажурно ко да имаат незнам каква конкуренција.
Да те утешам, ќе ти го решат проблемот, обично ги решаваат

 

[viksa86]

Одлично јас утре треба да нарачам преселба.
Ме охрабри темава

 

[dangthe]

Моето искуство: Исто така се селев во нов стан пред месец и нешто, и првата мисла ми беше да си го преселам стариот пакет на новата адреса. СРЕЌА дента кога сакав да одам во салон се сретнав со другарче што работи во ИТ секторот во Телеком... му кажав што ми е планот и веднаш ми кажа да не го правам тоа бидејќи од моментот кога барањето ќе биде процесирано ќе имам down time (нема да имам нет во двата стана). Рече дека сите такви срања се должат на стар софтвер кој едноставно функционира на тој начин и единствено може да се среди ако се смени од корен, а тоа иде проклето тешко во големи фирми ... Енивеј, ме посоветува доколку ми е истечен договорот од 2 години, едноставно да побарам нов пакет за новата адреса, и во моментот кога ќе го активираат, едноставно да го раскинам стариот. Исто така ме предупреди дека е сосема можно овој мој план да наиде на негодување кај оние со кои ќе разговарам (во салон, на телефон и сл.) Видов дека договорот е истечен уште во Јули месец и одлучив дека ќе постапам како што ме посоветува.

Се јавив на телефон и побарав да дојде екипа во зградата на новиов стан да провери дали може да се стави оптика бидејќи сакам да активирам пакет. Типката ме праша дали планирам да правам нешто со оној кој веќе го имам на свое име, и и' кажав дека сакам да го откажам откако овој ќе стане активен. Тука почнува интересниот дел, ми вели: "Не може така да постапите!" Прашувам зошто не би можел, имам секакво право... Ми вика: "Вашиот договор се обновил во Јули на дополнителни 2 години", па ако сакам да го раскинам ќе морам да платам пенали. Велам, како може да ми го обновите договорот, има регулатива од АЕК од пред година дена која вели дека ниеден договор не може да биде обновен без јас како корисник да се потпишам на истиот, и плус, од каде пак јас да знам дека тогаш ми истекол договорот, вие сте тие кои треба да ме потсетите на тоа и да ме прашате дали сакам да го обновам, можеби и да понудите некаква поволност за долгогодишен корисник итн итн. Ми вика, "на последните 2 сметки пред истек на договорот, имало текст во кој ме предупредуваат за тоа (истекот на договорот) и ме потсетуваат дека доколку не се јавам 1 месец пред истекот да го откажам договорот, истиот ќе биде автоматски обновен" (пази богати!). Ме фати инат и и реков да ме почека на линија, ги чувам сите сметки кои ми стигнале во хартиена форма. Ги најдов сметките и фала богу, на нив не пишуваше ништо. Значи, драгите вработени во Телеком блатантно лажат по телефон без притоа да можат да се повикаат на одговорност. И згора на се, јас не планирав да се откажам од нивните услуги, туку истата таа услуга да продолжам да ја плаќам, само во друг стан, со нов договор на 2 години. Наместо да се обидат максимално да ми излезат во пресрет, они пробуваат уште да ме насамарат да им платам пенали. Сево ова се заврши со одење во салон, барање на најодговорниот таму, дерење 10 минути во лице и заканување дека ќе ги пријавам во АЕК. Фала богу, наведна глава и ми дозволи да го раскинам стариот договор најнормално.

Во новиот стан пак го користам нивниов оптички пакет, и страшно ми е криво заради тоа, но тоа е само заради тоа што никој не нуди нешто слично или подобро. Но, тотално се разорачав во драгите Телекомци. Совет, чувајте ги сите сметки, докази за плаќање на истите, и информирајте се за своите права како потрошувачи.

 

[omegaRED]

Одлично јас утре треба да нарачам преселба.
Ме охрабри темава

Обавезно пиши во барањето кога да ти се изврши преселбата.