FIFA 2K11 - Review

[Cika]

Што велите за играва? Ја сеа ја стаив да се симнува уште да ја инсталирам и да најдам време да ја играм, иако мислам дека нема ништо ново освен што се сменети некои од дресовите и играчите, но останува да видиме. Пошто ја лично сум голем фан на FIFA генерациите на игри уште од 2005 година, а и за сите тие што толку очекувавме да ја видиме новата Fifa и со оглед на тоа што ЕА ни овозможуваат да ја играме малце порано, бидејќи секоја година излегуваше при крајот на октомври или почетокот на ноеври, мислам дека ќе се израдуваат. Еве и едно видео.

 

[Fiasco]

Би сакал да ја пробам, но немам доволно добар хардвер за неа.
Графичкава е 256 ати радеон. :ermm:

Инаку трејлеров е добар, барем гејмплејот конечно изгледа на бараното ниво.
За графиката нема потреба да се дискутира, од секогаш била одлична, гемплејот беше проблем.

Последната фифа што ја имам пробано е 2007, катастрофа.
Не знам колку промени се имаат случено од тогаш до сега.

 

[Cika]

Па и гејмплејот не е ич променет, едно исто е од 2007 до сеа. Нема што да и текне на овие од ЕА па ние ќе си играме една иста игра само со различен наслов,нови дресови,трансфери и нови фризури на играчите и уште некои опции во менаџерот и во креирањето на својот играч.

 

[D3N1EL]

@Cika у право си ништо нема да им текне, а и на мене не ми доаѓа нешто на ум што би можеле да додадат ново, што го нема во другите верзии...

 

[Busav]

Полоша игра здравје...стадионот како оној во дељадровце уште детелина фали да има... играчите со глави коцкасти... една големо УАААА
Pro Evolution 2011:bravo::bravo:

 

[Fatal1ty_]

Достојна конкуренција на PES конечно.

 

[Fiasco]

Достојна конкуренција на PES конечно.

Ja isproba shefe?

 

[Fatal1ty_]

Ja isproba shefe?

Едно полувреме само

 

[Fiasco]

Едно полувреме само

Ќе тера на 256MB ATI Mobility Radeon HD3400?
Да не ја симнувам за џабе.

 

[Fatal1ty_]

Па штознам,мислам дека ќе работи али не на highest сетингс,види побарај на нет мора да има негде... Јебемлија ја ја играв на 5770

 

[goce ilievi]

Видов нешто дека ќе можело да се игра онлајн 11-11.Има ли некој чуено т.е пробано за ова

 

[Fiasco]

Еј што е со контроливе? Зошто не можам да ги наместам за тастатура?
Како и да ги подесам, ми дава некои си дефолт подавање со спејс, клизач со D итн.. без везе. :ermm:

 

[Busav]

Симнете си ја пес ја има по торентиве

 

[Fiasco]

Ок, за тие што сакаат да играат на тастатура, контролите можете да ги наместите преку fifaconfig.exe во fifasetup фолдерот.

Инаку ова е прв пат да ми се допадне гејмплеј на фифа. Како фан на пес, можам комотно да речам дека жолтите конечно добија конкуренција. Фифа 2К11 е едноставно одлична. Особено ми се допаѓа дриблингот и пасот на топката.

Ме изненади и графиката. Одлично тера на мојата графичка на high quality нешто што не беше возможно на фифа 2009.

 

[kuzman0v]

За разлика од претходните 2 изданија на FIFA, оваа е бомбона. Се гледа дека конечно се потрудиле да направат нешто добро, но сепак треба уште многу да работат за да ја стигнат PES. :bravo:

 

[Cika]

Ок, за тие што сакаат да играат на тастатура, контролите можете да ги наместите преку fifaconfig.exe во fifasetup фолдерот.

Инаку ова е прв пат да ми се допадне гејмплеј на фифа. Како фан на пес, можам комотно да речам дека жолтите конечно добија конкуренција. Фифа 2К11 е едноставно одлична. Особено ми се допаѓа дриблингот и пасот на топката.

Ме изненади и графиката. Одлично тера на мојата графичка на high quality нешто што не беше возможно на фифа 2009.

Ќе тера на Windows 7 и Nvidia 9600, 2 гига рам на max сетинзи? Зашо исто на деветката и десетката правеше проблеми т.е сецкаше при играњето.

 

[Fiasco]

Ова е еден мал review на FIFA 2K11 за оние што се фанови на оваа игра со цел да се запознаеме со она што е ново во оваа сериjа на FIFA.

Секој нов release на FIFA со себе носи некои промени кои на критичарите многу не им се допаѓаат, искрено ни мене. Наместо тоа, EA треба повеќе да се фокусираат на главниот мотор на играта кој ќе донесе некои нови можности како што беше My Career пред некоја година кој направи голем импакт врз целата серија на FIFA. Искрено, секоја година се надевав на подобар гејмплеј но секоја година останував разочаран што едноставно доведе да кренам раце од оваа игра и да се посветам само на PES.

Што е тоа што е ново во FIFA 2К11? Тоа е наречено Personality+, механизам со кој различни фудбалери имаат различни особини зависно од нивниот тип. Играта и движењето на Кристијано Роналдо ќе биде многу поразлично од она Карлос Тевез и многу тензија ќе се гради помеѓу контролерот и играчот. Нивните карактеристики се многу реални, а тоа е она што го дефинира фудбалерот во играта, брзина на движење, додавање, шутирање итн.

Кога го одиграв првиот натпревар на FIFA 11 бев многу скептичен за тоа дали навистина постои овој ефект на играчите. Меѓутоа престанав да се сомневам во моментот кога го видов Лионел Меси каква контрола има врз топката во шеснаесетерецот и постигна гол токму како во реалниот живот. Тоа беше нешто што до сега го немав сретнато на било која сериија од FIFA и PES. Ова ќе им донесе многу позитивни поени на FIFA. Разбирливо, само ѕвездите од рангот на Роналдо и Меси имаат Personality+ бидејќи е потребно многу време за студирање на секој потег од по-анонимните играчи. (Кој би бил заинтересиран за резервен играч на Арсенал?)

World Cup е слична на FIFA 11 само што играчите овде се поагилни и ќе може да се изведе дриблингот 360 како и разни други дриблинг техники. Ако имате доволно искуство во оваа игра, ќе се изненадите колку лесно можете да ја поминете одбраната со овие дриблинзи. Пасовите се одлични, конечно може да се осети она додавање до било кој играч кое е малку ограничено на PES. Дриблинзите многу наликуваат на оние од PES што е добро бидејќи FIFA од секогаш имаше многу дриблинзи но никогаш не беа доволно употребливи во практика.

Новост е начинот на движење на фудбалерите во зависност од нивните години. Нема да го видите Сол Кемпбел како прави спринтови со топката за разлика од Аршавин. Движењето на Патрик Виера ќе се разликува од она на Јаја Туре. Тука голема улога има Personality+. Исто така ќе забележите дека Руни трча по топката во текот на сите 90 минути за разлика од Бербатов кој не го напушта често шеснаесетерецот.

Визуализациите не биле проблем за FIFA ниту сега ниту во нејзините претходници, EA Sports од секогаш се грижеле повеќе за овој домен. Добро е што може да се види дека играчите се наведнуваат надолу кога се обидуваат да воспостават контрола врз топката. Исто така не смеете да пропуштите како репрезентацијата на Англија се подредува за да ја пее националната химна.

Коментаторите не ми се допаѓаат многу, веројатно поради тоа што сум навикнат да го слушам Jon Champion на PES. Овде се Tyler и Gray кои ја прават играта пореална.

Публиката игра голема улога, така што можат да се слушнат автентични звуци кои доаѓаат од трибините кои воглавно повеќето од нив можат да се разберат. Меѓутоа EA Sports мора да поработат на изгледот на навивачите кои сеуште изгледаат како цртани анимации на столици. Се обиделе да го скријат овој аспект така што при замена на играч наместо публиката го гледаме фудбалерот што влегува во игра. Ова требаше многу порано да им текне. Зошто беше толку тешко да се покаже добро дизајнираниот фудбалер наместо лошата цртана публика?

Исто така имаме големи подобрувања кај судиите кои конечно имаат име и лице и не се повеќе само карактери кои трчаат на теренот во претходните верзии. Овој пат тие се повеќе детализирани со сите потребни информации за нив. Коментаторот некогаш ги најавува и нивните имиња на почетокот на мечот (прилично реално).

Пеналите се подобрени така што клизачкиот старт кој го предизвикал пеналот е прикажан во добро издание а судиите се на место за разлика од претходните верзии каде што судијата гледа на другата страна од местото на прекршокот и досудува пенал.

Во поглед на одбраната, AI е многу попаметно од претходните верзии. Ако не сте искусен гејмер, ќе се нервирате многу за тоа што не можете да поминете некој си анонимен одбранбен играч со Меси или кога нема да можете да постигнете гол од корнер.

Голманите се по повнимателни, конечно нема потреба да се откажувате од натпреварот кога ќе видите дека голманот прави некоја неизводлива парада а напаѓачот ја пуштил топката полека по земја, па голманот станува од тревата со векови а за тоа време дошол вториот напаѓач и ја забил топката во празниот гол. Голманите сега имаат добри паради така што се фрлаат од статива до статива за да одбранат некоја топка за разлика од порано кога само ја гледаа топката како влегува во голот.

Еве уште нешто ново, во FIFA 11 можеш да играш како голман.
Тоа е овозможено преку модот 11 vs 11 во Multiplayer Pro. Ова требаше одамна да го воведат, дури и голманот има голема улога тука кое на почетокот е малку незгодно да се контролира но штом ќе научиш како да се поставиш, може слободно да се каже збогум на Ван Дер Сар. Добра занимација доколку во друштовото имате повеќе фудбалски фанатици.

Севкупно, EA Sports конечно направија добра фудбалска симулација која ќе може да конкурира на Pro Evolution Soccer од KONAMI.

 

[Fiasco]

Мислењата од темата на Cika се префрлени овде, за да не се повторуваат дискусиите.

 

[goce ilievi]

прашав и во другата тема.Дали ќе може да се игра онлине 11 против 11?Ако може,ова ќе биде навистина добро

 

[Fiasco]

прашав и во другата тема.Дали ќе може да се игра онлине 11 против 11?Ако може,ова ќе биде навистина добро

Ќе може, во менито Multiplayer Pro.

 

[goce ilievi]

Тогаш доколку некои има заинтересирани понатаму да отвориме тема и да се собереме да свртиме една партија

 

[Commie]

Играва ја плескав на работа на ХВох, верувајте играта е каде каде подобра од фамозната РЕЅ. Ќе речете: што ти е бе тебе РЕЅ е правата ствар. Јас ќе ви речам, каква е таа игра во која секој пас ти е 100% успешен, на Фифа додавањата се реални, играчот може да не дотрча, и 1-2 пасот може да биде пресечен, во РЕЅ тоа не го видов. Исто така многу важна работа, ГИ НЕМА СИТЕ ИЗМЕНИ ВО РЕЅ, да како што читате дечки, Ибра ќе го најдете во Барселона, истото важи и за Робињо и останатите измени. На Фифата тоа не е проблем. Се на се според мене ПОБЕДА ЗА ФИФА

 

[kuzman0v]

Играва ја плескав на работа на ХВох, верувајте играта е каде каде подобра од фамозната РЕЅ. Ќе речете: што ти е бе тебе РЕЅ е правата ствар. Јас ќе ви речам, каква е таа игра во која секој пас ти е 100% успешен, на Фифа додавањата се реални, играчот може да не дотрча, и 1-2 пасот може да биде пресечен, во РЕЅ тоа не го видов. Исто така многу важна работа, ГИ НЕМА СИТЕ ИЗМЕНИ ВО РЕЅ, да како што читате дечки, Ибра ќе го најдете во Барселона, истото важи и за Робињо и останатите измени. На Фифата тоа не е проблем. Се на се според мене ПОБЕДА ЗА ФИФА

Со трансферите секогаш е така на PES... ќе излезе пач за брзо време што ќе ги среди трансферите. FIFA-та од секогаш била топ на Xbox, а на РС тапа... али сега гледа дека оваа година е доста подобрена.
Моментално ја ставам PES 11 да се даунлоадира па покасно ќе пишам импресии и од неа.

 

[Commie]

Фифа и за РС годинава супер изгледа, проверено.

 

[kuzman0v]

Фифа и за РС годинава супер изгледа, проверено.

Сега изиграв еден натпревар на PES и можам да кажам дека и оваа година е подобра од FIFA. Само некако тоа играчите на PES да ги мрзи да трчат