Аудио опрема: Слушалки, засилувачи, звучни карти, звучници, HI-Fi (аудиофилска дискусија)

[Vladimir Filevski]

Најубаво е кога човек своето хоби ќе го претвори во професија - еве јас сум жив пример. Своето хоби за звучници уште пред 15 години го претворив во професија (фирмата Аудио Експерт). Последниве години правам и проекти за акустика.
Мене уште од 7 одделение основно ме фасцинираше хај-фај техниката (тогаш немаше ништо друго, персоналните и домашни компјутери не беа измислени!), а особено ме интересираа звучниците, па уште тогаш одлучив дека ќе студирам електро факултет. Низ сиве овие години многу читав за аудио техниката (со посебен нагласок на звучниците), дадов едно чудо пари за книги и списанија (интернет тогаш немаше), научив многу работи и открив дека колку и да учам, пак ќе има нешто ново што допрва треба да го научам.
Убавината на оваа професија е што во секое време дома и во работилницата имам разни одлични звучници што сум ги проектирал за некои клиенти. Еве еден пример:



Снимено е со мобилен, перспективата е изобличена заради краткиот фокус на објективчето. Сепак, се забележува дека ова не е самостоечка кутија, иако волуменот дава можност за изработка на повисока и поелегантна кутија. Клиентот имаше специфично барање за максималната висина на кутијата, па затоа пропорциите на кутијата се такви какви што се.
Еве ја измерената фреквенциска карактеристика:


Измерената фреквенциска карактеристика отстапува од идеалната рамна линија само +/- 1 dB, а пар од овие звучници чини 990 евра.
Побарајте некој друг звучник со слична фреквенциска карактеристика (ако воопшто најдете таков) и погледнете која цена ја има.

 

[Lokvan]

Некој предлог за буџет варијанта 17см/6.5" звучници/драјвери наменски за во врата од кола, нешто two-way (со високотонец на истиот драјвер)?

Не барам нешто аудифилско ниту па блиску до тоа, само нешто што нуди добра вредност за парите и да ги заменам ОЕМ звучниците кои се прилично лоши.

 

[VerGer]

Некој предлог за буџет варијанта 17см/6.5" звучници/драјвери наменски за во врата од кола, нешто two-way (со високотонец на истиот драјвер)?

Не барам нешто аудифилско ниту па блиску до тоа, само нешто што нуди добра вредност за парите и да ги заменам ОЕМ звучниците кои се прилично лоши.

немаш опција за високотонец повисоко да монтираш? без разлика на квалитет самата положба за високотонец доле у нозе е далеку од идеална прашувам пошто одредени возила дури и да немаат вградено стандард, може да имаат инсталација и позиција за одделни високотонци.

 

[Lokvan]

Во право си, ама буџетот го налага изборот... Такви ми одговараат повеќе заради репродукција на мидрејнџот, не заради вградените високотонци. Пошто изборот за звучници на таква локација (во врата) е или басови/вуфери или full range драјвер (обично или со високотонец, или со конус во средина, за репродукција на високите тонови).
Ако одам на варијанта одделно вуфери + мидрејнџ + високотонци, ќе треба повеќе пари.

Инаку веќе има постоечки високотонци на повисоко место (на шал таблата). Треба да проверам ама претпоставувам дека имаат некоја пасивна скретница со филтер за високотонците а надоле веројатно иде звукот нефилтриран... Можам да експериментирам дали ќе биде подобро со нив или без нив. Ама во основа што и да направам ќе биде подобро од сегашниве ОЕМ звучници. Само ми треба совет ако знае некој за добар модел/бренд во буџет класа.

 

[Vladimir Filevski]

Звучник (за цел опсег) во предните врати е најзастапена изведба, но е најлошото решение од акустички аспект. Уште полошо е кога станува збор за задните врати. Повеќето модели коли имаат предвидено место за високотонец повисоко, во предната табла или во арматурата (касата од вратата) напред, веднаш до шофершајбната. Ако тоа не е случај, подобро е да ставиш две елипси 6х9 инчи зад задните седишта, на задната полица.

Edit: @Lokvan ме претрка за неколку секунди со објаснувањето. Значи сепак имаш високотонци напред, само не си задоволен од звукот? Тие високотонци сигурно имаат high-pass филтер за нив, па макар да бил тоа и обичен кондензатор. Ниско/среднотонецот во вратата може, но и не мора да има свој low-pass филтер.
Проблемот со озвучувањето во кола е што мора да биде многу скапо, за да биде добро (квалитетни звучници и свртници, сабвуфер(и), предзасилувач, DSP процесор, засилувачи...).
За најевтино решение заборави на звучниците напред и стави наместо нив некои подобри (коаксијални) елипси позади (малку ќе ти биде чудно што звукот ќе доаѓа одзади, ама поважно е звукот да биде квалитетен). Не би знаел кој модел да ти препорачам, не ме интересирала таа област за озвучување во кола. Елипса 6х9 позади ќе дава многу подлабоки басови од драјвер во врата.
Имам измерено неколку модели коаксијалци и посебни сетови високотонец/нискотонец, ама резулатите најчесто беа очајно лоши.

 

[Lokvan]

Јасно ми е за каков квалитет станува збор... Затоа не барам добро туку по-добро.
Сегашните ОЕМ звучници се многу неосетливи, пробано со неколку радија. Пробани се и на надворешно појачало, звукот иако погласен е многу анемичен и тапа. Критериумот не е висок ама овие навистина не ги бива.

Мислев некој ако веќе разгледувал се распрашувал или скоро купил нешто, па да сподели искуства кон кои брендови/серии да се фокусирам.

 

[Nikola100]

Јасно ми е за каков квалитет станува збор... Затоа не барам добро туку по-добро.
Сегашните ОЕМ звучници се многу неосетливи, пробано со неколку радија. Пробани се и на надворешно појачало, звукот иако погласен е многу анемичен и тапа. Критериумот не е висок ама овие навистина не ги бива.

Мислев некој ако веќе разгледувал се распрашувал или скоро купил нешто, па да сподели искуства кон кои брендови/серии да се фокусирам.

8.6. Автозвучници Archives - ZEC Electronics

Музика за СИТЕ !

zec.mk

Мислењето е автоматски споено: 27 февруари 2022

Јасно ми е за каков квалитет станува збор... Затоа не барам добро туку по-добро.
Сегашните ОЕМ звучници се многу неосетливи, пробано со неколку радија. Пробани се и на надворешно појачало, звукот иако погласен е многу анемичен и тапа. Критериумот не е висок ама овие навистина не ги бива.

Мислев некој ако веќе разгледувал се распрашувал или скоро купил нешто, па да сподели искуства кон кои брендови/серии да се фокусирам.

PIONEER TS-E170CI – ЗЕЦ Електроникс

МУЗИКА ЗА СИТЕ !

zec.mk

Мислењето е автоматски споено: 27 февруари 2022

Квалитет ако сакаш ова само ... 11К

Најубаво е кога човек своето хоби ќе го претвори во професија - еве јас сум жив пример. Своето хоби за звучници уште пред 15 години го претворив во професија (фирмата Аудио Експерт). Последниве години правам и проекти за акустика.
Мене уште од 7 одделение основно ме фасцинираше хај-фај техниката (тогаш немаше ништо друго, персоналните и домашни компјутери не беа измислени!), а особено ме интересираа звучниците, па уште тогаш одлучив дека ќе студирам електро факултет. Низ сиве овие години многу читав за аудио техниката (со посебен нагласок на звучниците), дадов едно чудо пари за книги и списанија (интернет тогаш немаше), научив многу работи и открив дека колку и да учам, пак ќе има нешто ново што допрва треба да го научам.
Убавината на оваа професија е што во секое време дома и во работилницата имам разни одлични звучници што сум ги проектирал за некои клиенти. Еве еден пример:

Погледнете го атачментот 110491
Погледнете го атачментот 110493
Снимено е со мобилен, перспективата е изобличена заради краткиот фокус на објективчето. Сепак, се забележува дека ова не е самостоечка кутија, иако волуменот дава можност за изработка на повисока и поелегантна кутија. Клиентот имаше специфично барање за максималната висина на кутијата, па затоа пропорциите на кутијата се такви какви што се.
Еве ја измерената фреквенциска карактеристика:
Погледнете го атачментот 110495

Измерената фреквенциска карактеристика отстапува од идеалната рамна линија само +/- 1 dB, а пар од овие звучници чини 990 евра.
Побарајте некој друг звучник со слична фреквенциска карактеристика (ако воопшто најдете таков) и погледнете која цена ја има.

Драјверите да кажеше кои се ?

 

[VerGer]

Јасно ми е за каков квалитет станува збор... Затоа не барам добро туку по-добро.
Сегашните ОЕМ звучници се многу неосетливи, пробано со неколку радија. Пробани се и на надворешно појачало, звукот иако погласен е многу анемичен и тапа. Критериумот не е висок ама овие навистина не ги бива.

Мислев некој ако веќе разгледувал се распрашувал или скоро купил нешто, па да сподели искуства кон кои брендови/серии да се фокусирам.

MTX не се лоши, на предходната кола менував јас ама со се радиото, види колку ти е излез на радиото, ако е нешто ептен слабо тоа џабе ке менуваш друго. Јас ги сменив пример само басовите во врата, ги оставив фабричките високотонци. Инаку не се до толку разлика во цена МТX ов пример дал ке земеш одделни ил не (бар колку што памтам кога прашував). Во Vox капиштец ги има овие (ваљда и на друго место) .. И види си со колата како ти е за големина, има некои со плитки звучници, што ке имаш проблем со нормални афтер маркет ради дубината за магнетот и сл.

 

[Vladimir Filevski]

Драјверите да кажеше кои се ?

ScanSpeak 22W4534G00 и D2604-833000. Ама без добра свртница (и кутија) нема да покажат што знаат.

 

[FLEGMA]

Клиентот имаше специфично барање за максималната висина на кутијата, па затоа пропорциите на кутијата се такви какви што се.

Значи клиентот имаше барање кутиите да бидат со одредени димензии а ти мораше да се снајдуваш со волуменот па испадна што испадна, така?

Навистина интересно.

 

[Vladimir Filevski]

Не, волуменот мора да биде тој што е оптимален за драјверот, па кога висината е фиксна, однапред зададена вредност според желбите на клиентот (заради просторните услови), тогаш што ќе испадне за ширината и длабочината за да се добие потребниот волумен - тоа ќе биде. Всушност, и за ширината имаше услов (полабав), па на крај остана само да се играме со длабочината на кутијата, за да се добие потребниот волумен. Не знам дали може да се забележи на фотографијата, ама длабочината на кутијата е прилично голема.

 

[FLEGMA]

волуменот мора да биде тој што е

Ако се работи за acoustic suspension, да.
Ама кога се работи за бас рефлекс тогаш тоа бара сериозни пресметки

 

[Vladimir Filevski]

Токму тоа, особено за бас-рефлекс мора да биде според пресметаниот волумен.
Кај аcoustic suspension (затворените, „компресиони“) кутии постои еден релативно (со нагласок на релативно!) широк опсег на оптималниот волумен, но кај бас-рефлекс оптималниот опсег на волуменот е многу потесен и тука нема нешто многу простор за произволни желби.

 

[ajan]

Не, волуменот мора да биде тој што е оптимален за драјверот, па кога висината е фиксна, однапред зададена вредност според желбите на клиентот (заради просторните услови), тогаш што ќе испадне за ширината и длабочината за да се добие потребниот волумен - тоа ќе биде.

Да се надоврзам на двете теми во исто време. Дали има некоја формула по која може да се направи приближна проценка колкав е оптималниот волумен на кутијата, без да се имаат детални спецификации за драјверите и без да се прави мерење со специјална опрема? Имам неколку вишок драјвери зачувани од поранешен автомобил, би ги искористил за нешто.

 

[Vladimir Filevski]

Формули има, но за да се пресмета потребниот волумен за звучна кутија, сеедно дали е затворена („компресиона“, acoustic suspension) или бас-рефлекс, претходно мора да се знаат Thiele-Small параметрите на драјверот. Без да се знаат Thiele-Small параметрите - ништо!
Иако постојат некои тотално застарени табели и номограми за „пресметка“ на звучни кутии, базирани само врз дијаметарот на драјверот, тие се потполно погрешни. Едноставно, кај тие табели и номограми однапред се претпоставени Thiele-Small параметрите врз база на дијаметарот на драјверот - а тоа не е можно, бидејќи драјвери со ист дијаметар може да имаат драстично различни параметри.

Во твојот случај сепак може нешто приближно да се одреди:
Драјверите за автомобили скоро секогаш имаат Qts параметар (од Thiele-Small параметрите) приближно еднаков на единица (Qts = 1), така што во обзир доаѓа само затворена („компресиона“) кутија, или трансмисиона линија (TL - Transmission Line). Така, за „компресиона“ кутија за драјвер од 6,5 или 8 инчи ќе треба волумен од околу 10 - 15 литри, за драјвери од 4 или 5,25 инчи треба околу 4 - 8 литри. Кутијата треба целосно да се исполни со материјал за дампирање - полиестерска „волна“ за полнење перници, или стаклена (минерална) волна. Не очекувај некои длабоки басови, бидејќи резонантната фреквенција Fs речиси секогаш е околу 80 Hz (за поголемите драјвери од 6,5 и 8 инчи), или 100 - 120 Hz за помалите. Освен тоа, звучниците за кола обично имаат нагласени средни и високи, па затоа пожелно е изработената кутија да се постави непосредно до (на) ѕид.

Кои драјвери за кола ги имаш (фирма и ознака)?

 

[InSides]

Назад од голем сервис:

1. Рамнотежата на звучните единици сведена на разлика од 0.1dB помеѓу каналите;
2. Стариот полураспаднат кабел заменет со ViaBlue EPC-4, во комбинација со ViaBlue SC-2 раздвојувач и Neutrik NC4MXX-B приклучок;
3. Поставени нови перничиња за слепоочниците изработени од природна кожа;
4. Сервис на резонантната кутија позади звучните единици;
5. Длабинско чистење.

Still sounding out of this world.

 

[ajan]

Кои драјвери за кола ги имаш (фирма и ознака)?

Благодарам за сите информации.

Инаку драјвери имам повеќе, но не се од ранг на „аудиофилска опрема“ па не знам дали се за оваа дискусија.

Пример:
Kenwood KFC-1337C - https://www.kenwood.de/WebFiles/File/de/download/archive/kfc1337.pdf и
Pioneer TS-G1310 - како на овој оглас - PIONEER TS-G1310
и други неименувани

 

[Vladimir Filevski]

Да, драјверите дефинитивно не се на некое аудиофилско ниво, па затоа слободно употреби ги препораките што ти ги дадов претходно.

 

[hpetrovski]

Назад од голем сервис:

1. Рамнотежата на звучните единици сведена на разлика од 0.1dB помеѓу каналите;
2. Стариот полураспаднат кабел заменет со ViaBlue EPC-4, во комбинација со ViaBlue SC-2 раздвојувач и Neutrik NC4MXX-B приклучок;
3. Поставени нови перничиња за слепоочниците изработени од природна кожа;
4. Сервис на резонантната кутија позади звучните единици;
5. Длабинско чистење.

Still sounding out of this world.

БООО

 

[Nikola100]

БООО

Не знам - мене не ми се допаѓаат. Па да ме стега слепоочница крвоток у мозок да ми нарушуе ? А дизајн - како од редлајт стрит
Секоја чест членот знае што е добар звук сигурно ама баш и изгледаат како out of this world.

 

[InSides]

Да бидеме искрени, AKG K-1000 се класичен statement piece на компанија - никогаш не ни очекувале да бидат широко комерцијално прифатени. Дополнително, се појавиле во време (~1990) кога пазарот се уште не бил приемчив на "скапи" слушалки, затоа и има само неколку ептен fringe производи во таа категорија.

Најдов цена во САД од $549 во 1990та. Корегирано за инфлација, тоа значи денес ~$1,250. Далеку од ефтино, секако, но во денешно време не е шокантна таа цена - има десетици, ако не и стотици, комерцијално достапни слушалки со повисока цена. Културата на лично слушање била поинаква тогаш.

K-1000 го носат оригиналното значење на flagship производ, кога компанијата вика - направи го најдоброто што го можеш и знаеш во полето во кое работиш, без ограничувања за (1) буџет, (2) време, (3) комерцијална исплатливост, па дури и (4) естетика. Поинаква политика за поинакво време, во кое било важно преку вистински производ (а не мануфактуриран хајп) да покажат кој што може.

Јас ги доживувам како извонредно привлечни токму поради пристапот form follows function. Не би рекол никогаш дека се убави, ама тоа никогаш не им била ни целта.

Она што мора да им се признае е дека инжинерите не се кочеле никаде, токму затоа што не ни очекувале дека било кога ќе влезат во производство. Затоа има мала количина изработени (во моментот кога им се потрошиле алатите (tooling), сфатиле дека комерцијално е неисплатливо по било која цена да ги продаваат за да направат нови алати за изработка).

Дали имаат поента? Апсолутно, но си бараат поддршка од еден цел ланец на уреди - со осетливост од 74dB, им треба солиден засилувач да ги мрдне. Дополнително, немаат никаква изолација кон надвор, па и не се нешто прифатливи за слушање околу други личности, освен ако не сакаш и тие да ја слушаат музиката. Ама имаат природен crossfeed (преслушување) па нивната презентација многу повеќе наликува на звучници отколку на слушалки.

 

[InSides]

Имав прилика неколку дена да плакнам очи и уши со нешто кое не очекував дека ќе го слушнам во својот систем.

Грамофонски кертриџ (глава) - Ortofon SPU Royal G MK2

Накратко, можам да кажам дека ја заслужува придавката "кралски". Надолго, ако има интерес.

 

[DarthJe5us]

Некој го има микрофонов да каже искуство?

The page for mpm-1000u has moved

Според тестов звукот е топ само ме интересира некој да не го имал и да каже дали има проблеми при користење(дали windows не го препознава итн). За состаноци и за гејминг ми е.

View: https://www.youtube.com/watch?v=BsmGvrv-VlQ

 

[Audiofil]

MTX не се лоши, на предходната кола менував јас ама со се радиото, види колку ти е излез на радиото, ако е нешто ептен слабо тоа џабе ке менуваш друго. Јас ги сменив пример само басовите во врата, ги оставив фабричките високотонци. Инаку не се до толку разлика во цена МТX ов пример дал ке земеш одделни ил не (бар колку што памтам кога прашував). Во Vox капиштец ги има овие (ваљда и на друго место) .. И види си со колата како ти е за големина, има некои со плитки звучници, што ке имаш проблем со нормални афтер маркет ради дубината за магнетот и сл.

Мислам дека MTX воопшто не вредат за парите.За 50 евра од продавницата карши Млечен ресторан до самата перална ги земав овие и кога ги слушнав искрено малку бев разочаран бидејки имаа големи осцилации низ цел фреквентен опсег а на неколку места имаше такви пикови да буквално уво да ти откине.За среќа на телефонот софтверот на TEAC одлично си ја врши работата па преку параметарскиот еквилајзер успеав да го балансирам целиот опсег и да го добијам посакуваниот резултат:($79) MTX T6C402 4inch Speakers - T6C402

 

[VerGer]

Мислам дека MTX воопшто не вредат за парите.За 50 евра од продавницата карши Млечен ресторан до самата перална ги земав овие и кога ги слушнав искрено малку бев разочаран бидејки имаа големи осцилации низ цел фреквентен опсег а на неколку места имаше такви пикови да буквално уво да ти откине.За среќа на телефонот софтверот на TEAC одлично си ја врши работата па преку параметарскиот еквилајзер успеав да го балансирам целиот опсег и да го добијам посакуваниот резултат:($79) MTX T6C402 4inch Speakers - T6C402

За тие што ги листаш не би знаел, јас горе што пишав важи за следниве
MTX TX250C product page, не го побарав моделот кога пишав прошлиот пат ко со секој производител сигурно има разлики и варијации со моделите нели