Prime Capital/Masterclass

[mviktors]

Primeclass нема никаква врска со пирамидална шема, ниту пак ветуваат брзи заработки и богатење за 3 месеца. Се работи за структуриран курс за инвестирање и модул посветен на трејдинг. 100% од материјата што ја има таму може бесплатно да се научи на Јутјуб и други платформи, само прашањето е колку време ќе ти одземе и колку пари ќе изгубиш додека го сфатиш материјалот.

За разлика од твитер/редит препораки од анонимуси, тука сите инвестирања и трејдови се јавно достапни за членовите на курсот. Дали ќе ги следиш или не, останува на тебе. Дополнителна заработка/провизија освен првичната сума за курсот - не постои. Голем дел од вредноста на курсот е во дискорд каналот во кој што има луѓе што прават детални аналаизи на компании и берзата кои се стварно корисни.

Во ред е да се биде скептичен и да се проверуваат работите пред да се потрошат пари, ама треба малце да се намали со цинизмот кој што е раширен и на форумов.

Како потсетување, алтернатива на retail инвестирањето што го промовира Иван и Primeclass се финансиските гуруа од LinkedIn што не споделуваат транспаретни податоци за влезни/излезни провизии и во просек имаат послаби годишни резултати од S&P500.

 

[Глупав]

ако бараш совет за инвестирање искрено да ти кажам и мене не ми се даваше 2500EUR за тој МастерКлас

информации имаш доста на форумов по разни теми

а и секако Дневно трејдање е повеќе отколку полно работно време

прочитај си информирај се за Викенд секако ако си вработен и вложи си во некој Фонд или склоп на акции кои мислиш да ги чуваш најмалку 5 години (но маттер what)

јас ти гарантирам (А и Ворен пред многу години има речено: Најдобар инвеститор е оној кој долги периоди не прави ама баш ништо)
дека за 5 години ќе имаш дупло повеќе отколку било која добивка од банка или загуба од инфлација

Со среќа


НОТЕ: ако се решиш сепак да одиш институционално би ти го препорачал Опфолио кој е регулиран кај Нас
иако сум по малку скептичен за луѓе кои говорат она што не можам да го разберам
(а впрочем Ив.. можам да го разберам сѐ што кажува, а во тој случај можам да идам и сам со знаење)

 

[Majestic]

Од мене до тебе сум слушнал добри впечатоци од луѓе кои го зеле курсот, вклучено и такви кои се тука на коментарите, што е супер и за поздрав.

Но кога станува збор за курсеви околу инвестирање нема апсолутно ништо да ти каже кое веќе не е јавна достапна информација, по веб и YT.

И не, не е баш истото како со други работи, каде доменот на знаење и приликите околу истото се статични и не се менуваат (толку често) во зависност од куп секојдневни параметри, како што е тука со берзите.

Многу е тешко, да некој ја знае легитимноста и исказите на оној кој го прави курсот дека е всушност навистина онака како што се кажува, што би значело комплетна транспарентност на информации и позиции на портофолиото кој го раководи (ако веќе го користи како референца за успех и постигнување).
Овој претходен пасос е генерален за сите оние кои нудат вакви курсеви на цел интернет, како генерално знаење на што да се внимава, а не насочено спрема Иван и неговиот курс.

Дополнително @Глупав во добар дел ги сумира некои работи кои исто така држат место за тој временски период од берзата и оние што инвестирале во истиот.

 

[pipelin]

Не знам многу за овој курс, освен тоа што имав можност да добијам копија од истиот но поради недоволно време за овие работи искрено не го зедов да го гледам, но едно ќе кажам за оние кои сакаат да пробаат.

CFD тргување е опасно и не е за почетници! Можеби курсот ќе те научи на некои основи затоа што реално за CFD ти треба мнооогу учење и јасна стратегија како да вложиш и планираш да „играш“ пошто ова според мене се граничи со коцкање и многу лесно можеш сите пари да ги изгубиш во неколку секунди ако те понесат емоциите. Да, можеш денес да направиш x10 профит, но утре тоа може да биде x10 или повеќе загуба.

Ако сте за нешто пасивно одете со купување на акции, тоа е приближно како да штедите во касичка, со тоа што ако имате избрано добри акции може тие пари во таа касичка да пораснат (или да се намалат).

Примери за „безбедни“:
Vanguard 500 ACC - Автоматско реинвестирање на сите дивиденди кои ќе ги добиваш така да не треба да се замараш, ова е пасивно си оди растат.
Vanguard 500 DIST - Дивидендите ти се исплаќаат на сметка па подоцна ти ако сакаш можеш да ги вложуваш на истиот или на други акции, или еднсотавно да ги повлечеш ако имаш голема сума.

Мое мислење е дека се што е во курсот го има и на интернет. Но знаете дека има луѓе кои плаќаат за да имаат навика да го гледаат тоа.
Јас имам другар кој не сакаше да ги гледа курсевите на англиски за маркетинг кои му ги пратив, но плати кај Мирко за курсот кој е исто така за меркетинг и на македонски, оди разбери го народов..

 

[Глупав]

Зошто Вангард а не БлекРок или БлекСтоун???

совети како што дели Ив.. а никогаш нема да слушнеш да дели Ворен треба да се избегнуваат
неколку пати во животот сум дал совети за купување и 50% сум бил премногу во право додека останатите 50% нешто и сум погрешил

Јас совет ако делам е следниов....
Сѐ она што не го знаеш или лично не си го осознал барем холистички да се избегнува за купување
Зошто во тој случај ќе нема да знаеш кога да продадеш и истиот што ти го дал советот за купување може нема да ти го даде за продавање

Сега зборам повеќе теорија отколку што во реалност ќе треба нешто да се реагира со Вангард фондови
меѓутоа тука сме да споделиме знаења како и мислења

Информациите особено на берзата се поосетливи на промени
Знаењето на берзата додека е поконстатно

 

[pipelin]

Па затоа ги пишав како примери а никаде не напоменав дека таму треба да инвестирате, не беше никаков инвестициски совет.
Ги дадов како најпознати за луѓето да разберат, кога даваш некаков пример, најчесто го пишуваш оној кој е најлесен и најпознат.
Има милион такви, на крај од денот можеш и сам да си скоцкаш пита со акции и да си вложуваш во нив, или можеш да го избереш и Invesco S&P 500.

 

[InSides]

Ќе спомнев уште еден податок за Чифлиганец во контекст на подемот на оваа фирма, но доброто воспитување не ми дозволува.

Damn.

 

[mviktors]

CFD тргување е опасно и не е за почетници! Можеби курсот ќе те научи на некои основи затоа што реално за CFD ти треба мнооогу учење и јасна стратегија како да вложиш и планираш да „играш“ пошто ова според мене се граничи со коцкање и многу лесно можеш сите пари да ги изгубиш во неколку секунди ако те понесат емоциите. Да, можеш денес да направиш x10 профит, но утре тоа може да биде x10 или повеќе загуба.

И во курсот и на самите платформи за инвестирање како T212 јасно пишува дека речиси 80% од трејдерите со CFD се во загуба. Дневно тргување па и активно инвестирање не е за секого. Не се форсираат членовите на курсот да се занимаваат со тоа, а и на 100 места е пишано дека подолг период треба да вежбаат со paper money ако воопшто сака некој да влезе во тој свет.

 

[ZelenaJabuka]

Не ми е јасно како може некој да плаќа за да има пристап до Дискорд група. Ако сакаш сериозно да научиш, почни со теорија, не со пракса.
Тука има квалитетен и бесплатен материјал со 20 пати поголема вредност, од човек - економист, најди си видео и почни да си учиш:

Kostadin Ristovski, ACCA

Исто и КриптоГемиџија на Јутуб има интересни осврти за гео политика, доста материјал и за обични акции Б Е С П Л А Т Н О.

Додека учиш теорија, пробај да си направиш акаунт на Трејдинг212, ИнтерактивБрокерс и вложувај месечно на С&П 500. Исто не боли да си купиш акција од поголемиве компании и само чекај и учи теорија.

Со ова сум +50% за две години, без Гомноклас.

 

[maci]

Дип сик и Чат џпт го препорачуваат VWCE Vanguard FTSE All-World (Acc) ETF како најсигурна опција за инвестирање,за профил како мене.
На долг рок +5/+7 би одел еве макс 10 год,стави и остави.

Што мислите дали VWCE Vanguard FTSE All-World (Acc) е ок за инвестирање на подолг рок?

И дали SP500 или VWCE ?

сега гледам реклама (Заштеди 76% и добиј ја програма на Prime Class)
690 евра

 

[Trtka]

Дечки бегајте од вакви глупости. Преведена книга од некој трет "гуру" и андру тејт живот . Иста скем шема, со исти ломотења: Ако се посветиш ќе врне.... Само Мирко за вас .

 

[Rufflesaurus]

Една работа што не ја разбираат сите тие што се претплаќаат на курсот кај Иван е тоа дека за ако сакаш да направиш големи пари, мора да инвестираш или на долг рок или со многу пари, а ретко кој има многу пари да стави за да добие многу.

На сајтот ќе приметиш дека само проценти се покажуваат ама не и вложените бројки. Што значи ако имаш 60% профит а си вложил 200 евра?

Во главно, колку што знам, Иван одамна инвестира (веќе 10тина години ако не се лажам) така што има успеано да направи милиони, што е супер и за пофалба.

Но, од тоа знаење човекот си направи паметен бизнис каде што има исто така направено милиони од самата претплата од луѓето (некаде на редит прочитав некоја математика од 4300 членови по 500 евра во просек).

Паметна идеја е, ама тоа дека го тера маркетингот на екстреми како академиите е друга работа. Исто е како со ИТ академиите само за финансии. Ништо посебно ама се додека има луѓе што не разбираат, ќе го наполнат со пари.

Иван си успеа да си направи транзиција од претходната фирма / бизнис што си ја водеше до тоа да креира нешто што во Македонија не постои и да се наполни со пари покрај инвестирање во акции.

За бројките не знам дали се точни или не, не е ни важно, затоа што ги користи за маркетинг, а за да дознаеш дали тоа е така, треба да го имаш целиот контекст, а тој контекст нема да го дознаеме целосно, затоа што нели, сепак така функционира маркетингот.

Вредноста во курсот е Дискорд ззаедницата и можеби можноста да го следиш што прави и во кои акции инвестира за да не идеш на слепо и да треба да читаш и да се замараш со вести по 10 саати дневно. Не би плаќал пари за тоа лично, но разбирам зошто луѓе го прават тоа.

Голем дел од содржината не му е ни блиска до просечен граѓанин. Луѓе едвај по 50-100 евра имаат да најдат за инвестиција, а бројките што ги споделува тој се за луѓе што имаат 1000ници евра за инвестирање.

Јас повеќе би го следел за тоа што прави а не што зборува.

 

[Trtka]

Стварно веруваш дека некој кој направил милиони продава курсеви онлајн ???
Не не вистина... Стварно има особи кои веруваат дека милионери продаваат курсеви онлајн ???
За ваше добро ???

 

[Ragnar]

Стварно веруваш дека некој кој направил милиони продава курсеви онлајн ???
Не не вистина... Стварно има особи кои веруваат дека милионери продаваат курсеви онлајн ???
За ваше добро ???

Јас пак ќе кажам, многу сумњиво ми е што нема информации за тоа што се случило со претходните стеларни потфати на предавачот. Навидум големи проекти кои одеднаш ги снемува.

 

[mviktors]

Стварно веруваш дека некој кој направил милиони продава курсеви онлајн ???
Не не вистина... Стварно има особи кои веруваат дека милионери продаваат курсеви онлајн ???
За ваше добро ???

Буквално masterclass.mk му беше копирана идеја од masterclass.com што е платформа каде што милионери се дел од такви курсеви. Пример Mark Cuban, Bob Iger. Ray Dalio, основач на еден од најголемите хеџ фондови на Bridgewater Associates во светот и милијардер, редовно објавува содржини на LinkedIn, YouTube со негови ставови и мислења.

Пристапот до нови клиенти и публика сега е сосема различен од тоа што било пред 20 години. Иван го сфати тоа на време и успеа да изгради личен бренд, без разлика на тоа дали ми се допаѓа мене или не.

Јас пак ќе кажам, многу сумњиво ми е што нема информации за тоа што се случило со претходните стеларни потфати на предавачот. Навидум големи проекти кои одеднаш ги снемува.

На кои потфати мислиш? Прв пат ми има излезено со Bike Computer апликацијата за iOS, заврши таа приказна кога основната функционалност - Crash detection ја имплементираа во веќе светски познати апликации.

 

[Trtka]

Стварно заслужуваме ТаТ … Како битија и нација… и апрентис и џери спрингер . Да немал татко му крава немало да заврши основно . Ама сега мастеркласс ќе го извади од сиромаштијата…

 

[TylerMkD]

Настрана се друго, дали е ова реално?

Како до 60.000,00€ грант од ФИТР - MasterClass.mk

Како од 40.000,00€ до 60.000,00€ грант од ФИТР

masterclass.mk

Со овој курс добивате пристап до најважните информации и чекори како најлесно да добиете грант од 60.000,00€ во ФИТР. Со купување на пакетот од 990 евра добивате можност за комплетна изработка на проектната апликација од мене.

Инфо за предавачот/нудачот на услугата

Никола Клопчевски има долгогодишно искуство во финансискиот сектор и 9 години уште од самото основање бил дел од Фондот за иновации и технолошки развој најпрво како советник а потоа и како раководител на секторот за мониторинг на корисници.



Success fee 1-5%?

3 лекции - 1 час 27 мин

 

[Trtka]

Со пејсе % попуст ... Абе семкарнико до 6то колено да ми прости масава...

 

[Ragnar]

Настрана се друго, дали е ова реално?

Како до 60.000,00€ грант од ФИТР - MasterClass.mk

Како од 40.000,00€ до 60.000,00€ грант од ФИТР

masterclass.mk

Инфо за предавачот/нудачот на услугата

Никола Клопчевски има долгогодишно искуство во финансискиот сектор и 9 години уште од самото основање бил дел од Фондот за иновации и технолошки развој најпрво како советник а потоа и како раководител на секторот за мониторинг на корисници.

Погледнете го атачментот 159254

Success fee 1-5%?

3 лекции - 1 час 27 мин

Погледнете го атачментот 159255

Ова треба обвинителство/МВР да даде одговор

Мислењето е автоматски споено: 4 март 2026

На кои потфати мислиш? Прв пат ми има излезено со Bike Computer апликацијата за iOS, заврши таа приказна кога основната функционалност - Crash detection ја имплементираа во веќе светски познати апликации.

Па ете за тоа Bike Computer и другите апликации. Дури и пишувале разочарани дека за џабе платиле (еден коментар во прилог скрин). Апликацијата уште може да се симне, се плаќа а нема поддршка.
Некоја чудна фирма за купачи исто...
И уште една Виго Дигитал добитник на 30.000 евра грант од ФИТР. Сега гледам блокирана сметка има.

 

[Trtka]

Немале време да платат режиски трошоци од шетање по светоффф .
Masterclass.com нуди неогрсничено курсеви за 15$ месечно. Копанов од соње продава саат и 30 мин видео за 1000 €. .
Треба са вложиш многу за да добиеш некоја сума . Дал си ти брату нормален … абе абе немам доволно имагинација да смислам адекватни пцовки …

 

[Ragnar]

Интересно