Суплементи, исхрана, наука

[psyside]

Некој добар пробиотик? По можност да го има кај нас, ако не ќе се нарачува од iHerb.

Барај од Now во Зегин. Ако не најдеш, онда Линекс али поголеми дози, пример 3x наместо 1x итн.

 

[Delicon]

Барај од Now во Зегин. Ако не најдеш, онда Линекс али поголеми дози, пример 3x наместо 1x итн.

На кои поточно мислиш? Еве што најдов кај нас:
Пробиотици и дигестивни ензими – ТРИМЕКС

 

[psyside]

Acidophilus 4×6 60 капсули – ТРИМЕКС

Oвој, 2x2 на ден.

 

[Lokvan]

Со голем интерес ќе го гледам ова, деновиве не ама што поскоро (ќе го почнам веднаш секако).
Одамна требаше да почнеме една интелегентна дискусија за ова. Ти се еден од ретките што различни ставови не ги разбираат како лични напади - одлика на подоста ликови овде. Мислам дека има потенцијал за убав муабет, и поучен.

Некој добар пробиотик? По можност да го има кај нас, ако не ќе се нарачува од iHerb.

Домашен кефир, ако имаш можности да го правиш, читај: ако не планираш да бараш извинувања дека немаш 5 до 10 минути во денот за тоа.

Освен пробиотици, информирај се и за пребиотици (prebiotics).


едит: да не заборавам и комбуха, одличен извор на пробиотици.

 

[psyside]

Со голем интерес ќе го гледам ова, деновиве не ама што поскоро (ќе го почнам веднаш секако).
Одамна требаше да почнеме една интелегентна дискусија за ова. Ти се еден од ретките што различни ставови не ги разбираат како лични напади - одлика на подоста ликови овде. Мислам дека има потенцијал за убав муабет, и поучен.

Секако, секогаш спремен за дискусија, ми беше ептен битно видеово затоа што ликов (Крис) е огромен манипулант, и како и другите проба да го дескредитира документарецот со манипулации и спинови, им ги вадеа изјавите од контекст, и правеа "debunk" на веќе добро познати научни факти.

 

[Lokvan]

Фак интересна дебата според првиве 10 мин, а јас се спремав да гледам баскет. Овој James Wilks дошол прилично спремен на дебатава, фрштат покажувања на logical fallacies...
Но ми се допаѓа ентузијазмот и спремноста. Како и да е, пописмен е одошто делува на прв поглед.

 

[psyside]

Фак интересна дебата според првиве 10 мин, а јас се спремав да гледам баскет. Овој James Wilks дошол прилично спремен на дебатава, фрштат покажувања на logical fallacies... Ми се допаѓа ентузијазмот и спремноста. Како и да е, пописмен е одошто делува на прв поглед.

Подобро да не гледаш, кланица е после, Крис дткаше XD

Првите 40-на минути е малце тапа....

 

[Lokvan]

На почеток не знам дали примети дека кажа: гладијаторите всушност биле омнивори.
...не вегани ама дефинитивно plant based, всушност врти на тоа тоа дека се работи за plant based омниворството/сештојадство, што всушност и Е тоа. Тоа е јадење и plant based и месо, со тоа што поголем процент иде на plant based храна.

 

[psyside]

На почеток не знам дали примети дека кажа: гладијаторите всушност биле омнивори.
...не вегани ама дефинитивно plant based, всушност врти на тоа тоа дека се работи за plant based омниворството/сештојадство, што всушност и Е тоа. Тоа е јадење и plant based и месо, со тоа што поголем процент иде на plant based храна.

Тоа беше спинот, скоро сите debunk-ри, кажуваа дека рекле дека се вегани во документарецот, во него ЈАСНО кажаа дека биле предоминатно вегетеријанци, и тоа не го кажаа со цел да докажат дека ако си вегетеријанец си подобро физички спремен од некој што јаде месо, него за да посочат за митовите дека без месо не може да си спортист, или да качиш мускулна маса - да се натпреваруваш.

Во ниеден момент исто така немаше ни хинт дека ако си plant based ќе постигнеш подобри резултати во спортови, овие 2 аспекта се масовно злоупотребени од сите science deniers, кои капитализираа од јавноста која беше желна да чуе дека ете, без нивното свето месо не се може.

 

[Lokvan]

Во ниеден момент исто така немаше ни хинт дека ако си plant based ќе постигнеш подобри резултати во спортови, овие 2 аспекта се масовно злоупотребени од сите science deniers, кои капитализираа од јавноста која беше желна да чуе дека ете, без нивното свето месо не се може.

За The Gamechangers зборуваме така? Јас само еднаш го одгледав, иако со интерес сепак не го анализирав детално за да можам да го „дисектирам“ филмот... Но нарацијата во филмот секако беше дека за спортисти plant based е еднаков пристап како протеини од месо. Нешто што според многу показатели не е баш точно, ете го примерот со тој веганот „strongman“ што испадна дека не е ни во 3-та лига на тие стоките што дигаат многу повеќе на озбилните натпревери за стоки.

Но не би навлегувал во тој аспект за врвни перформанси за екстремни „спортисти“. Сето тоа е неважно за нас кои само сакаме поздрав живот, а не да дигаме 400 кила па да ги носиме 300 метри по улица. Муабетот ми е дека во филмот има многу пропаганда, исто како што има пропаганда и од другата страна.


За дебатата, од ова што го гледам до сега во првиот пола час James Wilks не во право како го толкува ова:


...„appeal to valid authority“ беше комично (и тоа откако кажа да не се иде со appeal to authority)

 

[Avid]

Погледнете го атачментот 81580

Oh boy

Ова го има напишано за публицитет.

 

[Sharlovski]

Но нарацијата во филмот секако беше дека за спортисти plant based е еднаков пристап како протеини од месо. Нешто што според многу показатели не е баш точно, ете го примерот со тој веганот „strongman“ што испадна дека не е ни во 3-та лига на тие стоките што дигаат многу повеќе на озбилните натпревери за стоки.

Досега немам начекако вакви показатели, можиш да ми посочиш на некој? Не ова со веганов стронгмен, врска нема дека е 3та лига и според кого тоа? И баш го најде овај неписмениов од кај Роган како доказ.

 

[psyside]

За The Gamechangers зборуваме така? Јас само еднаш го одгледав, иако со интерес сепак не го анализирав детално за да можам да го „дисектирам“ филмот... Но нарацијата во филмот секако беше дека за спортисти plant based е еднаков пристап како протеини од месо. Нешто што според многу показатели не е баш точно, ете го примерот со тој веганот „strongman“ што испадна дека не е ни во 3-та лига на тие стоките што дигаат многу повеќе на озбилните натпревери за стоки.

Но не би навлегувал во тој аспект за врвни перформанси за екстремни „спортисти“. Сето тоа е неважно за нас кои само сакаме поздрав живот, а не да дигаме 400 кила па да ги носиме 300 метри по улица. Муабетот ми е дека во филмот има многу пропаганда, исто како што има пропаганда и од другата страна.


За дебатата, од ова што го гледам до сега во првиот пола час James Wilks не во право како го толкува ова:
Погледнете го атачментот 81609

...„appeal to valid authority“ беше комично (и тоа откако кажа да не се иде со appeal to authority)

Пристапот и е еднаков, ако го догледа подкастот на Џо, убаво е доловено се тоа, се додека калориски и протеински си покриен според индивидуалните потреби, разлика помеѓу двете групи на протеини нема.

Муабетот за стронгменот може да се објасни вака. Постои само он како што знам веган стронгмен, додека постојат едно 50 + омнивори, па така статистички не можеме да знаеме дали тоа што он не е на нивно ниво е заради храната, или заради тоа што он не е надарен како нив, типот бил доста сиромашен, покасно почнал да вежба и ред други работи.

Во филмот нема никаква пропаганда, се што кажаа во филмот е точно, и добро познато веќе со десетици години (со исклучок на TMAO/Neu5gc)

Appeal to authority е фрка само ако изворот на кој се повикуваш не е експерт во темата која се зборува, ако се повикаш на пример на некој врвен научник во областа која се дискутира, тогаш тоа не е appeal to authority.

 

[aleksuperior]

Пристапот и е еднаков, ако го догледа подкастот на Џо, убаво е доловено се тоа, се додека калориски и протеински си покриен според индивидуалните потреби, разлика помеѓу двете групи на протеини нема.

Муабетот за стронгменот може да се објасни вака. Постои само он како што знам веган стронгмен, додека постојат едно 50 + омнивори, па така статистички не можеме да знаеме дали тоа што он не е на нивно ниво е заради храната, или заради тоа што он не е надарен како нив, типот бил доста сиромашен, покасно почнал да вежба и ред други работи.

Во филмот нема никаква пропаганда, се што кажаа во филмот е точно, и добро познато веќе со десетици години (со исклучок на TMAO/Neu5gc)

Appeal to authority е фрка само ако изворот на кој се повикуваш не е експерт во темата која се зборува, ако се повикаш на пример на некој врвен научник во областа која се дискутира, тогаш тоа не е appeal to authority.

тоа е тоа

 

[Chicco69]

Погледнете го атачментот 81577

Апсолутно уништен, не знам како ќе го продолжи бизнисот после ова Крис, јас на негово место би се откажал од се.

Пуштив десетина минути (од 60-та минута натаму) и едвај ги истрпев тројцава кловнови (вклучително и водителот)... :innocent:

Секој човек што малку од малку се грижи за своето здравје е 80% на плент бејзед исхрана (не диета). Другите 20% се парче сирење/кашкавал, шницла или кременадла.
Колкава штета ќе ни направи тоа во однос на загадениот воздух од кој немаме спас, идната 5Г мрежа што ќе ни го пржи мозокот, или парчето торта што ќе ни го понуди нашата колешка за нејзиниот 33-ти роденден?

Тоа што треба да не плаши се вегани фанатици или тие што форсираат 100% плент бејзед исхрана, а воедно не внесуваат секојдневно доволно (здрави) масти. Од денешно научно ниво човечкото тело е скоро па "перметум мобиле" и успева да ги исправи сите наши грешки, но не е семоќно.
Еве еден лош пример од уште еден кловн и неговиот (тазе) пациент што со плент бејзед исхрана (без масти) успеал толку многу да ги симне мастите и го стрефил инфаркт... Среќа добро се завршило и се надевам ја научил лекцијата.

View: https://youtu.be/UgNpkDrUUiI

Да се вратам на муабетот, колку повеќе луѓето се испостуваат без внесување масти, толку повеќе џигерот појачува со производство на холестерол и тоа примарно LDL. Среќа нашиот организам знае што е добро за нас и не одржува во живот, но не е семоќен...

Затоа внесувајте здрави масти (авокадо, маслиново масло, јаткасти плодови и сл.). Ако залута малку путер или тоа мрсничкото од кременадлата, ништо страшно.
Важно е и континуирано да се внесува магнезиум, витамин К, Д3 и А (строго како 1-2 моркови дневно, не и како саплемент) и да го оставиме нашиот организам да си произведува холестерол онолку колку што му е потребно.

 

[Lokvan]

@psyside секако ќе ја одслушам целата дебата, но дозволи ми важните делови да ги покриеме одделно. Пошто инаку ќе се собере километарски пост, што е заморно и за читање и за дискутирање.


- Делот за млекото, James Wilks инсистира дека јадењето млечни производи е канцерогено, односно ги „чита“ резултатите од метанализата како сака по негово - иако само 16% од истражувањата велат дека има индикации за поврзаност меѓу млечни производи и канцер. И колку што гледам тие истражувања се однесуваат на млеко, не за млечни производи во кои и нема лактоза.
ВАЖНО: се што зборуваат е нетолерантност на лактоза, иако многу производи од млеко се ферментирани и немаат лактоза во нив (кефир, јогурт, кисело мелко, путер, сирење, итн).



- Б12 најдосадниот дел од дебатата, досега. Останува дека суштината на критиката на филмот е точна: Б12 дефициенција е многу поголема кај вегани/вегетаријанци отколку кај месојади/омнивори.
Што е менува во вистинитоста на тој факт, тоа што вегани/вегетаријанци кои земаат Б12 немаат недостаток од Б12. ОК немаат, па што? Што со тие што не земаат суплементи? James Wilks напаѓа ситни моменти во тоа што го кажал Chris Kresser, и врз основа на тоа демек „еве пак грешиш а јас пак сум во право“. Не е во право за ништо суштински, освен за ситни моменти за детали од критиките. Суштината на критиките останува несменета.



Баче не би сакал да дозволам да ме провоцираат/бејтаат надвор од суштината на дискусијава. Ете Шарловски бара да му дадам „доказ“ а тој е единствениот кој спомна доказ. Јас кажав „показател“. Ако Шарловски сака уште показатели (или докази) дека веганска исхрана може да биде компетативна на највисоко ниво, нека истражи дали некојгаш некој веган победил на World's Strongest Man - Wikipedia или ете макар дека влегол во финалниот дел од напреверот, фак - макар нека најде веган што воопшто се натпреварувал на World's Strongest Man. Не знам (и не ми е гајле) дали е тоа доказ, ама секако е је*ено добар показател (како што веќе кажав).


Само пак да нагласам две работи:
- мене лично не ме интересира тој аспект на врвни перформанси за екстремни „спортисти“. Како што реков сето тоа е неважно за нас овде кои само сакаме поздрав живот, а не да дигаме неколку тони и да ги носиме 300 метри по улица
- си стои тоа дека неточна е наративата во филмот The Gamechangers, дека за компетативни спортисти во натпревари каде се користи сила, plant based е еднаков пристап како протеини од месо, не е, и во филмот не даваат никаков пример за ова



Мене повеќе ме интересираат други моменти, како на пример повеќе осврнување за внесување холестерол од храна. Се надевам дека понатаму ќе зборуваат повеќе за ова. Досега разочарувачки е колку „адвокатски“ се одвива дебатата, со технички демантирања на ситни делови, без многу да се иде во суштината. Разочаривачки е пошто не научив ништо ново, што ми е примарен интерес.



едит:

Секој човек што малку од малку се грижи за своето здравје е 80% на плент бејзед исхрана (не диета). Другите 20% се парче сирење/кашкавал, шницла или кременадла.
Колкава штета ќе ни направи тоа во однос на загадениот воздух од кој немаме спас, идната 5Г мрежа што ќе ни го пржи мозокот, или парчето торта што ќе ни го понуди нашата колешка за нејзиниот 33-ти роденден?

Затоа внесувајте здрави масти (авокадо, маслиново масло, јаткасти плодови и сл.). Ако залута малку путер или тоа мрсничкото од кременадлата, ништо страшно.
Важно е и континуирано да се внесува магнезиум, витамин К, Д3 и А (строго како 1-2 моркови дневно, не и како саплемент) и да го оставиме нашиот организам да си произведува холестерол онолку колку што му е потребно.

Интересно е како во исто време сме напишале мислење, кое во голема мера го делиме.

Инаку за Џо - човекот заработува од подкасти и од правење хајп. Му треба противник за таквите како Крис Кресер. To be continued... (на задоволство на Џо)

 

[psyside]

Пуштив десетина минути (од 60-та минута натаму) и едвај ги истрпев тројцава кловнови (вклучително и водителот)... :innocent:

Секој човек што малку од малку се грижи за своето здравје е 80% на плент бејзед исхрана (не диета). Другите 20% се парче сирење/кашкавал, шницла или кременадла.
Колкава штета ќе ни направи тоа во однос на загадениот воздух од кој немаме спас, идната 5Г мрежа што ќе ни го пржи мозокот, или парчето торта што ќе ни го понуди нашата колешка за нејзиниот 33 -ти роденден...

Тоа што треба да не плаши се вегани фанатици или тие што форсираат 100% плент бејзед исхрана, а воедно не внесуваат секојдневно доволно (здрави) масти. Од денешно научно ниво човечкото тело е скоро па "перметум мобиле" и успева да ги исправи сите наши грешки, но не е семоќно.
Еве еден лош пример од уште еден кловн и неговиот (тазе) пациент што со плент бејзед исхрана (без масти) успеал толку многу да ги симне мастите и го стрефил инфаркт... Среќа добро се завршило и се надевам ја научил лекцијата.

View: https://youtu.be/UgNpkDrUUiI

Да се вратам на муабетот, колку повеќе луѓето се испостуваат без внесување масти, толку повеќе џигерот појачува со производство на холестерол и тоа примарно LDL. Среќа нашиот организам знае што е добро за нас и не одржува во живот, но не е семоќен...

Затоа внесувајте здрави масти (авокадо, маслиново масло, јаткасти плодови и сл.). Ако залута малку путер или тоа мрсничкото од кременадлата, ништо страшно.
Важно е и континуирано да се внесува магнезиум, витамин К, Д3 и А (строго како 1-2 моркови дневно, не и како саплемент) и да го оставиме нашиот организам да си произведува холестерол онолку колку што му е потребно.

Првиот саат е многу напорен се согласувам, после е подобро видеото.

Штетата од загаден воздух, во комбинација со продукти од животинско потекло, е поголема од штетата при целосна plant based диета во комбинација со загаден воздух. Ако го изгледа цело видео, ќе видеше дека сите тројца се согласија дека кога јадеш зеленчук заедно со продукти од животинско потекло, растенијата т.е. нивните антиоксиданти го намалуваат оксидативниот стрес создаден од месото како пример.

Прво, преференцата за храна, а поготово етика не може да биде фантизам, ова ти е исто како да кажеш дека тие што не јадат пример 100% диета базирана на животински продукти, се фанатици во очите на тие што јадат. Веган диета не постои, постои базирана на растенија - веганизмот е идеологија, ако мислиш дека како појава е негативен, повеќе информации имаш тука. (вознемирувачко видео)

Анегдоти и примери од идиоти кои не знаат како правилно да се ранат не ме интересираат, статистички дури и луѓето кои јадат супер чисто, вежбаат, не пушат, имаат соодветен BMI и се на plant based диета, докажано на повеќе студии наспорти вегани имаат инфериорна статистика за хронични заболувања, канцер итн, па така тоа видеото што си го постирал не е релевантно.

Кои се тие масти, од животинско потекло кои недостасуваат? ако мислиш на омега 3, секако треба да се пие суплемент, така да тоа би било тоа.

Муабетот за поголемо лачење на холестерол, не ти е воопшто точен. И телото само си произведува холестерол, независно од тоа дали јадеме масти или не.

 

[Lokvan]

Фанатизам секако е пресилен збор, и не важи за сите вегани (иако да бидеме искрени ги има подоста и такви, и прилично се активни со блогови, видеа, ете и со филмови од солидна продукција). Но јас лично не се согласувам ни со тоа дека целиот концепт на јадење храна од животинско потекло може да се критикува и сатанизира заради неетичкиот пристап на денешната индустрија за месо на западот.

Јас лично колку што можам купувам месо од животни одгледувани на село, што признавам е незгодно затоа мора да се купат сите делови од животното. Ама ете се снаоѓаме преку делење со колеги/пријатели, и со давање на одредени делови на подарок, на блиски. Плус кај нас индрустријата за месо (за среќа) не е такво ниво како во документарецот од погоре. На пример било кое јагнешко што ќе го најдете - повеќе од извесно е хрането со трева (grass fed).

 

[Chicco69]

Штетата од загаден воздух, во комбинација со продукти од животинско потекло, е поголема од штетата при целосна plant based диета во комбинација со загаден воздух. Ако го изгледа цело видео, ќе видеше дека сите тројца се согласија дека кога јадеш зеленчук заедно со продукти од животинско потекло, растенијата т.е. нивните антиоксиданти го намалуваат оксидативниот стрес создаден од месото како пример.

Погоре пишав дека секој што малку од малку внимава на своето здравје е секако 80% на плент бејзед исхрана, значи на иста страна сме.

Прво, преференцата за храна, а поготово етика не може да биде фантизам, ова ти е исто како да кажеш дека тие што не јадат пример 100% диета базирана на животински продукти, се фанатици во очите на тие што јадат. Веган диета не постои, постои базирана на растенија - веганизмот е идеологија, ако мислиш дека како појава е негативен, повеќе информации имаш тука. (вознемирувачко видео)

За среќа јас не сум чул за фанатици што се хранат со 100% животинска храна (ни приближно на тоа), што би бил еквивалент на веганскиот фанатизам што го среќавам насекаде околу мене.
Како што кажа и @Lokvan, секој со малку здрав разум е против нехуманото одгледување и третирање на животните во модерната месна индустрија... Но, ако јас купам јајца од мојот пријател што живее и одгледува кокошки на село во природна средина, ништо од тоа не важи.

Анегдоти и примери од идиоти кои не знаат како правилно да се ранат не ме интересираат, статистички дури и луѓето кои јадат супер чисто, вежбаат, не пушат, имаат соодветен BMI и се на plant based диета, докажано на повеќе студии наспорти вегани имаат инфериорна статистика за хронични заболувања, канцер итн, па така тоа видеото што си го постирал не е релевантно.

Тоа беше само предупредување и апел да не се заборави на важноста на мастите во нашата исхрана. Инаку "пациентот" бил на фул плент бејзед исхрана и му се случило тоа што му се случило.
Друже, ти го форсираше Ford Brewer во минатото како паметњакович кој има што да каже. :innocent:

Кои се тие масти, од животинско потекло кои недостасуваат? ако мислиш на омега 3, секако треба да се пие суплемент, така да тоа би било тоа.

Па според вегани фанатици, треба да се јадат истите алги што рибите ги јадат и преку нив да добиваме омега 3 масла.
Шала на страна, омега есенцијалните масла се супер критични и на секого му ги препорачувам овие, затоа што сум убеден дека се максимум за парите кај нашите "травари". И не се само омега 3 важни:
Effects of Olive Oil on Markers of Inflammation and Endothelial Function
" These results provide evidence that olive oil might exert beneficial effects on endothelial function as well as markers of inflammation and endothelial function, thus representing a key ingredient contributing to the cardiovascular-protective effects
of a Mediterranean diet. "

Муабетот за поголемо лачење на холестерол, не ти е воопшто точен. И телото само си произведува холестерол, независно од тоа дали јадеме масти или не.

Паузирај од саплементација на магнезиум, витамини К, Д3 и А, едно две недели, а потоа направи крвна слика.
Бидејќи си на фул плент бејзед исхрана со минимален внес на масти, тоа и ќе ти се покаже на првата контрола на вредностите на холестеролот (идеално е да се мерат посебно (LDL/HDL). Јас типувам на минимална вредност.

После тоа удри на горе споменативе витамини + магнезиум и по една недела пак направи контрола на холестеролот.
Би требало вредностите да отидат нагоре (средни кон високи).

Штом почнеш со саплементација, џигерот ќе го појача производството на холестерол (и тоа тој "лошиот" LDL, затоа што само така може да ги транспортира потребните нутриенти преку крвотокот секаде низ телото...

Да живее LDL, бидејќи без него нема живот.

 

[Sharlovski]

Баче не би сакал да дозволам да ме провоцираат/бејтаат надвор од суштината на дискусијава. Ете Шарловски бара да му дадам „доказ“ а тој е единствениот кој спомна доказ. Јас кажав „показател“. Ако Шарловски сака уште показатели (или докази) дека веганска исхрана може да биде компетативна на највисоко ниво, нека истражи дали некојгаш некој веган победил на [URL='https://en.wikipedia.org/wiki/World's_Strongest_Man']World's Strongest Man - Wikipedia[/URL] или ете макар дека влегол во финалниот дел од напреверот, фак - макар нека најде веган што воопшто се натпреварувал на World's Strongest Man. Не знам (и не ми е гајле) дали е тоа доказ, ама секако е је*ено добар показател (како што веќе кажав).

Не, не ти барав да ми дајш доказ за стронгмен пошто истиот став го имам како тебе, ме заболе, ако сакаат нека јадат по 1 тон месо или трева, сеедно ми е за толку безвеза спорт. Ова ме интресираше од тебе и не, не те провоцирам туку навистина сакам да знам.

Но нарацијата во филмот секако беше дека за спортисти plant based е еднаков пристап како протеини од месо. Нешто што според многу показатели не е баш точно.

 

[Chicco69]

Независно од моменталната дискусија, ова видео интервју мене ми вреди многу повеќе од сите шутраци споменати во последните дваесетина поста. :innocent:

View: https://youtu.be/ofq-8ToY2fc

 

[psyside]

Погоре пишав дека секој што малку од малку внимава на своето здравје е секако 80% на плент бејзед исхрана, значи на иста страна сме.

За среќа јас не сум чул за фанатици што се хранат со 100% животинска храна (ни приближно на тоа), што би бил еквивалент на веганскиот фанатизам што го среќавам насекаде околу мене.
Како што кажа и @Lokvan, секој со малку здрав разум е против нехуманото одгледување и третирање на животните во модерната месна индустрија... Но, ако јас купам јајца од мојот пријател што живее и одгледува кокошки на село во природна средина, ништо од тоа не важи.

Не сме на иста страна, затоа што јас мислам дека 100% растителна храна е супериорна во споредба со ~ 80%, и не само што мислам јас, има еден тон студии - докази позади ова тврдење.

Не знам дали си свесен, дека ни 0.1% од популацијата во државава се вегани, па така каде е тоа што го гледаш на секаде околу тебе не ми е јасно.

Мхм, викаше локално купуваш и со тоа не го поддржуваш страдањето, така? едно прашање, дали си приметил дека луѓето што одгледуваат кокошки, имаат само 1 петел а едно 30 кокошки, што мислиш, каде се другите петли?

Тоа беше само предупредување и апел да не се заборави на важноста на мастите во нашата исхрана. Инаку "пациентот" бил на фул плент бејзед исхрана и му се случило тоа што му се случило.
Друже, ти го форсираше Ford Brewer во минатото како паметњакович кој има што да каже. :innocent:

Пациентот бил на веган диета, не базирана на растенија во својата природна форма, си пишува во описот, веган диета може да бидат рафинирани шеќери и масла, а ако можеш да приемтиш човекот на сликата има прекумерна тежина, без разлика што ослабел, плус ударот му се случил при вежбање, што ќе кажеш за ударот на Икер Касиљас кога сме кај ова, и за ударите на 50% од популацијата која спаѓа во омнивори? свесен си дека 1/2 од популацијата умира од срцева болест на омнивор диета, така?

Форд го форсирав заради видеата за инсулинска резистетност, и некои други интересни работи, не сум форсирал видеа - анегдоти од луѓе за кои немаме никакви податоци кои се, што правеле, зошто, како, колку, и еден тон други работи.

Па според вегани фанатици, треба да се јадат истите алги што рибите ги јадат и преку нив да добиваме омега 3 масла.
Шала на страна, омега есенцијалните масла се супер критични и на секого му ги препорачувам овие, затоа што сум убеден дека се максимум за парите кај нашите "травари". И не се само омега 3 важни:
Effects of Olive Oil on Markers of Inflammation and Endothelial Function
" These results provide evidence that olive oil might exert beneficial effects on endothelial function as well as markers of inflammation and endothelial function, thus representing a key ingredient contributing to the cardiovascular-protective effects
of a Mediterranean diet. "

Постои екстракт од алги, кој е целосно адекватен за одбегнување на потенцијални проблеми од когнитивна природа, и е целосно вегански, повторно непотребно го употребуваш зборот фантизам, хуманоста и емпатијата, не можат да се окарактеризираат како фанатизам, да идеш малце на една фарма како онаа од горното видео, ќе видиме после дали би зборел за фантизам или не.

Медитеранската диета е подобра него нормалната диета, тоа никој не го спори, но не е подобра од 100% plant based диета. Секогаш кога се постира студија, треба да се запрашаш, споредено со што? ако на некого му дадам да изеде 1 кило сланина на ден, јадење на 300 грама сланина на ден ќе доведе до видно подобрување на состојбата, дали според тоа сланината е здрава? е вака ги прават еден тон студии со кои ве лажат дека храната од животни е здрава и ок.

Паузирај од саплементација на магнезиум, витамини К, Д3 и А, едно две недели, а потоа направи крвна слика.
Бидејќи си на фул плент бејзед исхрана со минимален внес на масти, тоа и ќе ти се покаже на првата контрола на вредностите на холестеролот (идеално е да се мерат посебно (LDL/HDL). Јас типувам на минимална вредност.
После тоа удри на горе споменативе витамини + магнезиум и по една недела пак направи контрола на холестеролот.
Би требало вредностите да отидат нагоре (средни кон високи).

Јас не сум на 100% растителна исхрана, ама не се тешам дека кашкавалот е здрав, и дека имало во него масни витамини кои биле добри за мене. Има 25% заситени масти на 100, со 100 грама кашкавал на ден, или 25 грама заситени масти, веќе си на граница од значајно зголемена шанса за алцхајмер на долг рок. Нема зошто да го правам тој експеримент, затоа што до сега едно 20 + го направиле истото, и холестеролот им паднал за цели 3 поена за само 1 месец, ако сакаш и резултатите ќе ги постирам, воедно и замастена јетра се среди за истиот период не 30, можеби 40-на дена беа.

Штом почнеш со саплементација, џигерот ќе го појача производството на холестерол (и тоа тој "лошиот" LDL, затоа што само така може да ги транспортира потребните нутриенти преку крвотокот секаде низ телото...

Да живее LDL, бидејќи без него нема живот.

Каде го слушна ова дека LDL транспортира нутриенти низ телото? дали тоа значи дека кога ќе те стават на статини, нутриентите не се транспортираат низ телото, и ако да кои се тие нутриенти?

Да живее LDL? стварно? еве го LDL -от, забележи десно на сликата, vascular sites = интензитет на атеросклероза, повисоко ниво, повеќе наталожени плаки насекаде низ телото! дали гледаш плаки на 50-60 mg/dl - 1.5 mmol/L? јас не гледам....

Normal LDL-Cholesterol Levels Are Associated With Subclinical Atherosclerosis in the Absence of Risk Factors

Normal LDL-Cholesterol Levels Are Associated With Subclinical Atherosclerosis in the Absence of Risk Factors

Low-density lipoproteins cause atherosclerotic cardiovascular disease. 1. Evidence from genetic, epidemiologic, and clinical studies. A consensus statement from the European Atherosclerosis Society Consensus Panel

Low-density lipoproteins cause atherosclerotic cardiovascular disease. 1. Evidence from genetic, epidemiologic, and clinical studies. A consensus statement from the European Atherosclerosis Society Consensus Panel

Optimal low-density lipoprotein is 50 to 70 mg/dl: Lower is better and physiologically normal

Optimal low-density lipoprotein is 50 to 70 mg/dl: Lower is better and physiologically normal - ScienceDirect

Кардиоваскуларна смртност, и исхемија/инфаркт според ниво на LDL

Еве го добриот LDL без кој не се живее и на период од 10-50 години од животот на еден човек, За твојот добар LDL без кој не се живее, сликава вика дека дроп со статини на 1.5 mmol/L (58 mg/dL) го намалува ризикот од морталитет за цели 69% на 40 години, или еве пореална бројка, во животен век од 20 години, доколку го редуцираш LDL од 3.0 mmol/L, на 1.5 mmol/L намалувањето е цели 51%!



А еве што се вика Американската национална асоцијација за липди, за супер ниско ниво на LDL холестеролот, кој наводно ако е низок не бил добар и здрав за тебе



Толку од мене кога се работи за LDL.

 

[Lokvan]

Mноштво корисни податоци, фала.
Има тука материјал за недели и месеци читање и истражување.


Инаку сметам дека тоа што за некои работи имаме различни ставови и мислења, не значи дека не сме сите на иста страна. На крајот сите сакаме поздрав живот, и практикување здрава исхрана (со суплементација кога тоа е корисно и потребно). Разлики во мислењата се очекувани.

И дискусија е секогаш добра работа, посебно кога е вака конструктивна пошто така се доаѓа до мотивација за учење нови работи. Од тој аспект повеќе знаење е секогаш добра работа.



Во таа насока сакам да додадам едно мое видување, субјективно видување се разбира - иако се обидувам да бидам објективен.


Кога го оформувам својот став на оваа тематика се обидувам да го земам во обзир и антрополошкиот/еволутивниот аспект на работите. Имено ако гледаме од еволутивен аспект, ние како вид сме омнивори. Генетски сме најслични со шимпанзата (окулу 2% разлика имаме), а шимпанзата исто така се омнивори. Фосилните остатоци и праисториските наоѓалишта за нашите претци укажуваат на мноштво коски од животни кои биле плен и храна.

Понатаму, буквално скоро сите зеленчуци и овошја кои денес ги јадеме, во денешниот облик се добиени преку генетска селекција. Во минатото на нашите ловци собирачи претци, сите тие видови на зеленчуци и овошја биле многу помали и неспоредливо помалку калорични.

Приматите еволутивно се поделиле во два правци, омнивори и хербивори. На пример горилата се хербивори и имаат стомак специјализиран за преработување на билки и затоа се способни за прехрана со лисја и трева, нивниот дигестивен систем троши многу повеќе енергија од нашиот. Како спротивен констраст, предаторите како големите мачки имаат поедноставен стомак, пошто храната што се вари е исклучиво месо. Ние луѓето имаме сме некаде во средина, со стомак приспособен за варење секаква храна во што спаѓаат и месо и храна од билно потекло (зеленчуци/овошја/семенки/итн).


Тоа се фактите, а мојата дилема/размислување е: Како може нешто што е дел од нашето еволутивно минато и сегашност, како што е омниворството и јадењето и билки и месо, наводно да биде толку штетно за нас? Зборувам како концепт, не за злоупотреби (прекумерно јадење, неквалитетно месо, контаминирано со загадувачи, итн) пошто тоа е штетно без разлика дали храната е од животинско или билно потекло.


Од друга страна можам да се согласам дека е можно јадење само билки да биде здраво, но само ако се зимаат сите потребни суплементи односно сите неопходни нутриенти. Само на жалост сите неопходни нутриенти не се сите достапни или се тешко достапни во идеални количини/облици во билките.

Истовремено иако месото е nutrient dense храна, сепак ни во месото нема се што треба од нутриенти... Но нели тогаш одговорот е едноставен и очигледен? Комбинација од билки ПЛУС месо и друга храна од животинско потекло би требало да е добитната комбинација.


Понатаму, нели постојано се откриваат нови нутриенти и суплементи?
Кога ќе се откријат и ќе станат достапни за суплементирање во тој момент едуцираниот веган ќе почне да ги зема како суплементи. Но што недостатокот кој бил присутен до тогаш? И уште поважно, што со работите, нутриентите, кои сеуште не се откриени?

Не се сомневам дека во иднина човештвото ќе има пристап до целосно синтетичка исхрана во која ќе ги има сите потребни нутриенти. Или барем ќе има достапна 100% исхрана базирана на билки, со блиску до 100% потребни нутриенти преку комбинирање со суплементација... Но мислам дека сега сеуште не е дојдено тоа време.
Всушност далеку сме. Да бидеме реални, до пред не толку одамна сеуште главно превозно средство биле запрежни животни. Напредуваме, ама сеуште не сме таму.


Го оддолжив муабетов за да објаснам зошто јас одбирам да се хранам како омнивор, слично како моите претци. Затоа што засега не постои идеална синтетичка замена која е целосна алтернатива за храната за која сме еволуирани како живи суштества. И затоа кај кокошките ќе има еден само петел, најголемиот и генетски најпожелниот петел да донесе нови генерации кокошки со посакувани карактеристики (генетска селекција)... Другите петли ќе одат во мојот лонец за чорба.

Но сериозно, животов на планетава е еволуиран врз основа на ингестија на храна, храна која многу често е: други животни. Никаков морал, етика, ни политичка коректност нема да ја смени реалноста за механизмите на биологијата на оваа планета.
Само науката може да го смени тоа, во моментот кога ќе се направи идеална синтетичка храна која ги има сите потребни нутриенти.

Го почитувам изборот на сите што одбрале да се хранат 100% базирано на билки. Го почитувам размислувањето дека со тоа прават етичка и морална одлука. Признавам дека сум себичен кога моето здравје и здравјето на блиските, го ставам пред животните.
Дали тоа ме прави полош човек од веганите, јас лично мислам не, затоа што јас не сум одговорен за биологијата и биосистемот. Секој има право на мислење, но како што сега стојат работите ниту еден од двата светогледи не е во позиција да наметнува морална супериорност.

 

[Delicon]

Acidophilus 4×6 60 капсули – ТРИМЕКС

Oвој, 2x2 на ден.

Дали има подобар избор на iHerb од овие? Дека гледам ги водат како discontinued.

 

[psyside]

Дали има подобар избор на iHerb од овие? Дека гледам ги водат како discontinued.

Jarrow Formulas, Jarro-Dophilus EPS, 5 Billion, 60 Veggie Caps