Најдобар entry point за ИТ кариера? Од каде да се почне?

[ZeroCool666]

Здраво, веќе некое време сакам да се пренасочам во ИТ светот ни никако да се решам затоа што немам контекст и малце лутам поради тоа што има премногу гранки што ме интересираат и никако да се одлучам.
Затоа еве решив тука да прашам, кога на некој близок што му мислите добро, би требале да му дадете совет како да почне, што би му кажале?

Не сакам софтвер тестинг затоа што наводно е најлесно и најмногу се барало. Глупо ќе звучи ама имам решавано доста секојдневни проблеми поврзани со компјутери, сум правел успешни хекинтоши, сум оптимизирал windows, како мал куцав програми во basic на комодоре сум конфигурирал рутери за работа со аудио опрема. Што значи сакам да верувам дека не сум тотален почетник но кога ги гледам курсевиве што се нудат некако се губам.

Хелп?

 

[dangthe]

ИТ индустријата е премногу опширна со многу гранки - не знам како некој би можел да ти даде ентри поинт. Прашањето е, што поточно те влече од ИТ, гледам дека си правел различни работи од склопување хекинтоши до куцање код. Треба да кажеш каде ти се гледаш, па кога ќе имаме појасна слика што конкретно те интересира од целата индустрија, некој со искуство од таа гранка поточно ќе може да ти даде некаков совет.

 

[Sancho Sanchez]

Ако те бива за програмирање мислам полесно ќе најдеш нешто, ама гледам на профилот 33 години возраст си, малку касно изгледа.

Сепак ако те влече и си спремен да вложиш барем 2-3 години интензивен труд за обука, може и ќе биде нешто со програмирање.

А овака универзален компјутерџија за инсталација на Windows нема некоја вредност, освен ако те умее социјално да направиш мрежа познанства насекаде па да те викаат за интервенции и нешто како Geek Squad да тераш.

 

[Ulrezaj]

Имаш навистина огромен избор, дали би те интересирало да изработуваш веб или мобилни апликации ? Или можеби си видел нешто сосема друго што ти фатило око ?

Ако повеќе те влечи на пример web development а воедно имаш око за работи кои изгледаат добро би можел да почнеш со курсови за front-end ( html ,css, js ). Ако повеќе те интересираат бази на податоци почни со курсеви што го опфаќаат овој дел ( пр. Python, Javascript, PHP... ). Опции имаш милион.

Ако те бива за програмирање мислам полесно ќе најдеш нешто, ама гледам на профилот 33 години возраст си, малку касно изгледа.

Ова е многу неточно. Пријател промени професија, од работа во банка на шалтер сега работи како back-end девелопер а почна на 39 години, и одлично му оди. Јас лично почнав на 29 години, а завршив правен факултет и со макотрпно учење и работа сега сум презадоволен од одлуката бидејќи работам на одлично место и имам одлични примања. Така да @ZeroCool666 немој да се разочаруваш воопшто и немој да веруваш на секакви глупости во врска со возраста. Не ти треба да плаќаш никакви академии ( waste of time ), одлучи се прво што сакаш да работиш ( изгледај некое видео на Youtube ) и пиши ми приватна порака па ќе ти дадам насоки што и од каде да учиш.

 

[ZeroCool666]

Фала ти @Ulrezaj, фала @dangthe. @Sancho Sanchez малце дефетистички ми влезе а тоа е најмалце што ми треба Да се убијам ако не пошто имам 33, толку, завршил животот за мене?

Во принцип највеќе ме интересираат мрежи, и гледав cloud ops академија на seavus. еден другар го учи тоа и мислам дека би ми одело, и би се посветил 2 години да го научам, ама од друга страна ме влече и фриленсинг и remote работа, таа слобода некако ми е предизвик да научам нешто друго што би можел да го работам, Python ми делуе интересно вака на прва ама пак, тоа што ми треба е инсајдерско инфо што е најбарано во професијата и со која професија најбргу може да се работи на џуниор позиција секако.

 

[ARMac]

Фала ти @Ulrezaj, фала @dangthe. @Sancho Sanchez малце дефетистички ми влезе а тоа е најмалце што ми треба Да се убијам ако не пошто имам 33, толку, завршил животот за мене?

Во принцип највеќе ме интересираат мрежи, и гледав cloud ops академија на seavus. еден другар го учи тоа и мислам дека би ми одело, и би се посветил 2 години да го научам, ама од друга страна ме влече и фриленсинг и remote работа, таа слобода некако ми е предизвик да научам нешто друго што би можел да го работам, Python ми делуе интересно вака на прва ама пак, тоа што ми треба е инсајдерско инфо што е најбарано во професијата и со која професија најбргу може да се работи на џуниор позиција секако.

За што конкретно мрежи? Почекај не се убивај...

Ако е за инсталирање кабли не ти требаат 2 год. ако се посветиш на Cisco обратно го фаќаш возот, јас прво почнав со нив да работам, па фирмата во која што работев тогаш ми плати обуки, специјализации итн.

Сакам да кажам најди нешто што би можел да го работиш па почни од таму. Членовите ти дадоа забелешка затоа што на 33 години се прави обратно, работа па учење т.е. паралелно. Док рецимо со 15 год. бираш смер и после тоа бараш работа.

 

[Глупав]

Ако најш обука за DevOps да речеме во Endava скоро имаше некоја нивна со бенефит... Со задоволство би сакал да делам Cloud Academy student account...
Сепак би бил поприбран и покултурно би рекол... Не дозволувај да те возат неискусни, или пред се неискусни во изразување (оти и тука си има марифет) затоа не прашувај никогаш секаде или внимавај каде прашуваш што... Послушај го Армак, мој совет... Не дозволувај да дојдат години каде ќе ти дадат шанса да напредуваш во тоа што не ти е пасија..
Social Networking-> Job -> Learning possibilities ( тоа е правецот од 30 нагоре, особено ако си финансиски зависен, а сите сне)... Поздрав што и да одлучиш среќно...

 

[Sancho Sanchez]

Фала ти @Ulrezaj, фала @dangthe. @Sancho Sanchez малце дефетистички ми влезе а тоа е најмалце што ми треба Да се убијам ако не пошто имам 33, толку, завршил животот за мене?

Во принцип највеќе ме интересираат мрежи, и гледав cloud ops академија на seavus. еден другар го учи тоа и мислам дека би ми одело, и би се посветил 2 години да го научам, ама од друга страна ме влече и фриленсинг и remote работа, таа слобода некако ми е предизвик да научам нешто друго што би можел да го работам, Python ми делуе интересно вака на прва ама пак, тоа што ми треба е инсајдерско инфо што е најбарано во професијата и со која професија најбргу може да се работи на џуниор позиција секако.

Се гледа дека дефетизмот е веќе во тебе и тоа ти е уште еден проблем на кој треба да си работиш.

Јас ти ги прикажувам и двата исходи на најдиректен и најбрутален начин, можеш да се откажиш затоа што веќе имаш пропуштено 15 години искуство што требаше да го имаш досега, а ако стварно сакаш да програмираш можеш да вложиш неколку години интензивен труд и да ги надминеш 90% програмерите шо ги имат сите цертификати и искуства.

Ако стварно сакаш да станеш солиден програмер за прилично кратко време еве ти мој одговор на слична тема од пред неколку месеци: ФЕИТ vs ФИНКИ

Само што ги погледнав смеровите на електро, и КСИАР е дефинитивно заостанат и без фокус, а КТИ ми изгледа нај ок според предметите што се нудат, е сеа незнам колку ги бива, скоро 20 години сум излезен од факултет.

А сега пошто си прилично амбициозен за знаење ќе ти го дадам одговорот што стварно го бараш, ама е прилично неконвенционален и може да ти биде и преголем залак.

За стварно да ја научиш компјутерската технологија од најниско хардверско па до највисоко софтверско ниво ти ги препорачувам курсевите од типот на nand2tetris.

Во еден таков курс имаш неколку проекти што треба да ги изработиш:

1. Прво дизајнираш логички кола за едноставни логички функции.
2. После со тие логички кола дизајнираш процесор и меморија.
3. Па си дизајнираш машински јазик за твојот процесор.
4. Па си дизајнираш асемблер за твојот машински јазик.
5. Па си дизајнираш стак ориентирана виртуелна машина за асемблерот.
6. Па си дизајнираш објектно ориентиран јазик сосе компајлер.
7. Па си дизајнираш и оперативен систем.
8. И на крај си креираш игра што ќе игра на твојот компјутер.

Се разбира сите компоненти што ги креираш тука се ептен примитивни и служат само да го сфатиш концептот и технички што се случува under the hood.

За цел курс да го поминеш ќе ти треба можда цел семестар а може и повеќе само на него да си посветен да работиш.

Ама знаењето што ќе го добиеш вреди барем за половина факултет и ќе имаш неспоредливо подлабоко разбирање на сите опфатени области од било кој друг најдобар студент.

После тој курс сите опфатени предмети ќе ти бидат далеку полесни и поразбирливи на факултетот.

А дури би рекол може и факултетот ќе го завршиш во 2 наместо 4 години .

После оваков курс можеш да продолжиш со изучување на мрежи и таму би ти препорачал да прескокниш традиционални web 2.0 cloud technologies и одиш дирекно на web 3.0 decentralized technologies (IPFS, blockchains, etc).

 

[Avid]

Најдобро ти е да влезеш во светот на DRM технологии, тоа е иднината.

 

[Ребро]

Фала ти @Ulrezaj, фала @dangthe. @Sancho Sanchez малце дефетистички ми влезе а тоа е најмалце што ми треба Да се убијам ако не пошто имам 33, толку, завршил животот за мене?

Во принцип највеќе ме интересираат мрежи, и гледав cloud ops академија на seavus. еден другар го учи тоа и мислам дека би ми одело, и би се посветил 2 години да го научам, ама од друга страна ме влече и фриленсинг и remote работа, таа слобода некако ми е предизвик да научам нешто друго што би можел да го работам, Python ми делуе интересно вака на прва ама пак, тоа што ми треба е инсајдерско инфо што е најбарано во професијата и со која професија најбргу може да се работи на џуниор позиција секако.

Прво, 33 воопшто не е касно да почнеш посериозно со компјутери.

Второ, треба да го најдеш стилот на курсот што ти одговара.
Например, курс кај што имаш предавања паралелно со примери и вежби кои треба да ги направиш мене најмногу ми одговара.

Имаше добри примери погоре, како например DevOps. Многу е барано и ќе се бара уште повеќе. Не е лесно ама ако се потрудиш, можеш да се стекнеш со основни вештини.
Ако научиш Python уште подобро.

Почни со некој курс кај што би се запознал со AWS екосистемот.
Например:

View: https://www.youtube.com/watch?v=ulprqHHWlng

Изгледај го пробувајќи ги работите. Ако го поминеш, не заглавиш и ти се гледа интересно тогаш можеш да преминеш на некој поконкретен DevOps курс.

Пример:

https://www.udemy.com/course/devops-fundamentals-aws/

 

[ZeroCool666]

Ајде да се апдејтувам
Се ова што пишав беше ставено на пауза. Меѓутоа во меѓувреме поради другата работа што ја работам, сфатив дека многу ми е во прилог да разбирам networking, и малку со trial & error навлегов и решавав некои проблеми.
Би се посветил на мрежи и различни сертификати првично поради примарната работа па потоа ако сакам да сменам да имам основа.
Прашањето ми е дали кај нас се бара кадар за Networking или дали опциите за работа се добри фирми или ќе треба да монтирам рутери за Tелеком и A1
Моментално гледам дека има некоја летна школа за Networк Associate на Семос, и тоа ме заинтригира затоа што е краток курс а поставува некои основи.
Би бил благодарен за било какво мислење

 

[G4M3R]

Мрежи кај нас е hit or miss во повеќето случаи. Како што спомна, во голема мера се бараат техничари за на терен да местат рутери. Другата подобра опција е ако работиш интерно во оператор, таму е баш мрежи-мрежи, но потешко се влегува и бараат претходно знаење.
Јас имам искуство но напуштив класични мрежи, датацентри, тегнење кабли под патос, особено што кај нас не е добро платено а работата е захтевна +зависи и од позиција но често се бара и работа на терен(рачунај покривање цело Скопје или бетер цела држава и на -5 до +40ц надвор).

Ако сепак се одлучиш би ти препорачал строго Cisco академија и сертификат CCNA, и CCNP ако стигнеш. Останатото е батал, comptia, такви ситни no-name сертификати грото не се зимаат у обзир. Ако си сериозен ќе ти треба почетен Homelab и GNS3, а за мали ствари ќе поминеш со Packet Tracer.

 

[Astro]

Не верувам дека ќе ти се исплати да студираш мрежии да го работиш тоа, ми личи на лоша идеја.

А си помислил ли да се насочиш во Software consulting, на пример ERP(Supply chain management, Production, Sales and Commerce), Customer Support Management, Finance (ако имаш економска/финансиска позадина). Така најлесно ќе дојдеш до remote и Remote work, се бара тоа, меѓународно е и доста платено.

 

[Nikola100]

Не верувам дека ќе ти се исплати да студираш мрежии да го работиш тоа, ми личи на лоша идеја.

Зошто лоша идеја ? Ова набрзина Телекабел ,А1 и другиве што поврзуваат по бандери „Rat-nest„-ови мислиш ќе тераат ? Нема да требаат за поправка и одржување кадар ? Провајдери ќе има нови - може да бараат ... Па и нивните сервери одржување , поврзување . Јас мислам баш дека не е лоша идеја - ама ете можеби ти си поупатен ...

 

[ZeroCool666]

Мрежи кај нас е hit or miss во повеќето случаи. Како што спомна, во голема мера се бараат техничари за на терен да местат рутери. Другата подобра опција е ако работиш интерно во оператор, таму е баш мрежи-мрежи, но потешко се влегува и бараат претходно знаење.
Јас имам искуство но напуштив класични мрежи, датацентри, тегнење кабли под патос, особено што кај нас не е добро платено а работата е захтевна +зависи и од позиција но често се бара и работа на терен(рачунај покривање цело Скопје или бетер цела држава и на -5 до +40ц надвор).

Ако сепак се одлучиш би ти препорачал строго Cisco академија и сертификат CCNA, и CCNP ако стигнеш. Останатото е батал, comptia, такви ситни no-name сертификати грото не се зимаат у обзир. Ако си сериозен ќе ти треба почетен Homelab и GNS3, а за мали ствари ќе поминеш со Packet Tracer.

CCNA ми стои на хард диск со години и никако да почнам, ама тоа е единствено нешто од IT што моментално некако ме тера да го работам.
Моментално во аудио видео светот се се работи преку мрежа и секако треба да навлезам во тоа ако сакам да напредувам. Ама како што поминува времето го гледам како некаква бекап професија.
Ти каде се пренасочи од кога ги напушти мрежите?

Не верувам дека ќе ти се исплати да студираш мрежии да го работиш тоа, ми личи на лоша идеја.

А си помислил ли да се насочиш во Software consulting, на пример ERP(Supply chain management, Production, Sales and Commerce), Customer Support Management, Finance (ако имаш економска/финансиска позадина). Така најлесно ќе дојдеш до remote и Remote work, се бара тоа, меѓународно е и доста платено.

Па во прво време нема да ми се исплати, ама дали е добар ентри во IT светот, тоа ме интересира. Јас го перцепирам како некоја основа, и штом го совладам и го користам и во примарната работа сега што ја имам како фриленсер, би било ок да ми е бекап кога ќе подостарам малце за некоја работа 9/5 И од таму би се градел понатаму ако нешто ме заинтересира друго. Customer Support звучи ок, и мислам дека добро би ми одело затоа што сум добар во troubleshooting ама не знам од кај да почнам да барам и како да се насочам... Ако имаш некоја идеја/линк слободно сподели ако не ти е проблем.

Зошто лоша идеја ? Ова набрзина Телекабел ,А1 и другиве што поврзуваат по бандери „Rat-nest„-ови мислиш ќе тераат ? Нема да требаат за поправка и одржување кадар ? Провајдери ќе има нови - може да бараат ... Па и нивните сервери одржување , поврзување . Јас мислам баш дека не е лоша идеја - ама ете можеби ти си поупатен ...

Искрено не знам дали би работел монтажа, ама да речеме customer support ми звучи како нешто што би можел да го работам...

 

[G4M3R]

CCNA ми стои на хард диск со години и никако да почнам, ама тоа е единствено нешто од IT што моментално некако ме тера да го работам.
Моментално во аудио видео светот се се работи преку мрежа и секако треба да навлезам во тоа ако сакам да напредувам. Ама како што поминува времето го гледам како некаква бекап професија.
Ти каде се пренасочи од кога ги напушти мрежите?

Cloud .Секако CCNA и целокупното знаење за мрежи е одличен столб за што и да работиш понатака поврзано со IT и прави да ти е многу полесно. Цело време ми се наоѓа тоа знаење за било каков сетап што треба да направам: сабнети, VLAN, BGP конекции, VPN-и, VPC, и доста често се навраќам на тоа дека одлична одлука било да поминам CCNA.

Е сега ако ептен ти е или ти стане пасија мрежи, нема да го има тој "feel", се е малтене виртуелно и кликаш, рутер со очи не гледаме, ама дизајн/архитектура/топологии и поврзувања се исти.

 

[Глупав]

луѓе му нафрламе/те некои професии кои се специјализации што се вика во Медицински свет.

Едно треба да разбере нешто што не го разбрал во 2021

секоја професија која ќе ја одбере за да има можност да се рачуна Mid односно Senior ќе му треба едно 10 000 саати (правилото на 10 000 часови)

само би му рекол
само ќе ти кажам

ако не почнеш одма со некоја од овие професии што те влечат(а пред се не настапуваш ради пари бидејќи ќе ти биде уште потешко доколку немаш интерес кон професијата)
и не посветиш по 4 саати дневно после работа па и за викенд
(или најмалку 8 часови доколку дадеш отказ од работа)

ќе го прајме истиот муабет и 2031 според ова што го гледам

да речам дека сакам да имам бекап професија како бербер и дека сум волен да учам не е многу сериозно доколку ме влечат само парите во таа професија

 

[Astro]

Зошто лоша идеја ? Ова набрзина Телекабел ,А1 и другиве што поврзуваат по бандери „Rat-nest„-ови мислиш ќе тераат ? Нема да требаат за поправка и одржување кадар ? Провајдери ќе има нови - може да бараат ... Па и нивните сервери одржување , поврзување . Јас мислам баш дека не е лоша идеја - ама ете можеби ти си поупатен ...

Пази сега, лесно е кога даваш совет на некој друг „Јас мислам баш дека не е лоша идеја“, пошто не се однесува на тебе.
Ти би работел мрежен техничар во Македонија во 2026та година? Би менувал струка (каква и да е, не е познато) за мрежен техничар? После децении во ИТ светов и еден куп познаници што беа на времето па се префрлија на други работи и со оглед на сериозноста на прашањето (сепак се работи за човек и негово добробитие) јас мислам (ама јас лично) дека не е најпаметна идеја, зошто нема баш пари во таа бранша.

Сепак, безвезе муабет правиме кога ОП нема ни пишано што работи сега, на што се надева, колку мисли дека ќе сака да заработува. Мислам, темава е поинтлес без овие основни информации, не можеме никаква мисловна гимнастика да направиме а да биде сериозно релевантна.

 

[JasSum]

На кратко:
Порано систем админ беше Бог во секоја фирма (каде што имаше сис админ).
Поголем манга и од директор.

Тоа време одамна умре. Особено тука (комшијата има внуче, хакер е како ги работи компјутериве...)
Сериозни фирми плаќаат секогаш по принципот - најмалку што може. А тоа е многу помалку од пред 30 години. Многу многу помалку. Многумина што беа во тој сектор, напуштија. Платите беа прениски за одговорноста и ангажманот.
Секогаш ќе се бараат, ако ти е тоа прашањето. Работа ќе има. Колку пари? Тоа никој не знае.

 

[lynx]

Од 2021 до сега чим не си се преквалификувал времето те има изедено во оваа струка. Светот е свртен за милион степени од тогаш до сега, и многу е потешко како јуниор да влезеш било каде, без разлика што ќе почнеш да учиш после толку време.