Стопен глушец при враќање од сервис

[Вајкинг]

Тогаш што бара продажно лице да прими уред за сервис?

Се вртиме во круг, односно муабетиве ги вртите во круг бетер од политичари.

Наложено му е од законот. Врши курирска служба.

 

[TylerMkD]

Па не вршат дијагностика, туку визуелна проверка за физичко оштетување. Ако така ангажирајте си по еден сервисер во секоја продавница и нека прави он стручен прием. Од сега ќе треба со телефон да го снимаме процесот на оставање на производите за да се заштитиме. Ѓубриња.

Смешно ми е како низ 5-6 страни се збори дека примаат уреди за сервис во секоја продавница за подобро корисничко искуство.

На тема за тоа како сервисот оштетил корисник баш заради оваа пракса.

Мислењето е автоматски споено: 1 јули 2022

Наложено му е од законот. Врши курирска служба.

Наложено му е од закон да врши курирска служба?

Значи пример iStyle што прима уреди само од 10 - 16 часот во работен ден (без сабота и недела) во City Mall работи против закон?

Ај те молам баш покажи ми информација за ова, многу сум скептичен.

 

[goce03]

Смешно ми е како низ 5-6 страни се збори дека примаат уреди за сервис во секоја продавница за подобро корисничко искуство.

На тема за тоа како сервисот оштетил корисник баш заради оваа пракса.

Ова остава можност за злоупотреба од страна на продавачот. Секогаш може да констатира сервисот дека станува збор за физичко оштетување, доколку при прием на производот од страна на продавач а не сервисер, не се издава документ во кој ќе се костатира физичката состојба на производот.
Едниствена заштита е производот да се носи директно на серврис а не по салони. Дури и ова може да биде опорено ако не се издава документ од страна на сервисот во кој ќе се костатира физичката состојба на производот при прием на производот.

 

[TylerMkD]

Ова остава можност за злоупотреба од страна на продавачот. Секогаш може да констатира сервисот дека станува збор за физичко оштетување, доколку при прием на производот од страна на продавач а не сервисер, не се издава документ во кој ќе се костатира физичката состојба на производот.
Едниствена заштита е производот да се носи директно на серврис а не по салони. Дури и ова може да биде опорено ако не се издава документ од страна на сервисот во кој ќе се костатира физичката состојба на производот при прием на производот.

Ова остава многу простор за пропусти и злоупотреби. Само не ми е јасно како два члена (од сите други) на темава не го гледаат тоа.

 

[toplel]

Продажното лице не е квалифициран кадар за дијагностика на уреди. Затоа инспекторот бара извештај од сервисот, а не од сервисниот налог направен во продажниот салон.

Па, не знам дали „дијагностика“ е соодветен термин за една обична визуелна инспекција; односно да провериш дали има видливи физички оштетувања, што во случајов би биле очигледни ако членот самиот го оштетил/стопил дома. А сигурен сум дека тоа се прави при секој прием на продукти под гаранција, без разлика дали Анхоч, Сетек итн. затоа што физичките оштетувања никогаш и никаде не се покриваат од гаранцијата. Аку не го проверат вработените за физички оштетувања во салон (што е голем пропуст и не верувам дека се случило), тогаш пак кривицата е на нивна страна затоа што меѓу нив и сервисерот имаш транспорт кој што може да го оштети.

Во случајов е очигледно дека транспорт не го оштетил затоа што пластиката е стопена во обид да се отстранит лепакот на лизгачите/глајдерите.

 

[Banjifiko]

Ова остава многу простор за пропусти и злоупотреби. Само не ми е јасно како два члена (од сите други) на темава не го гледаат тоа.

Јас се сложив и претходно со ова. Само што сите членови се на мислење дека сервисот ја направил злоупотребата, јас пак сум убеден дека е некој вработен во салонот...

 

[The_Witch_Hunter]

Ова остава можност за злоупотреба од страна на продавачот. Секогаш може да констатира сервисот дека станува збор за физичко оштетување, доколку при прием на производот од страна на продавач а не сервисер, не се издава документ во кој ќе се костатира физичката состојба на производот.
Едниствена заштита е производот да се носи директно на серврис а не по салони. Дури и ова може да биде опорено ако не се издава документ од страна на сервисот во кој ќе се костатира физичката состојба на производот при прием на производот.

И во сервисот приемот не го прават сервисерите. Има доле една девојка што издава приемници и она е таа што ги проверува визуелно производите. Еве нека отиде трудова да утврди дали е стручна за тоа

 

[SiPy`]

Кога оставате уред лично во овластен сервис се врши комплетен прием на уредот. Се запишуваат сите недостатоци кои се визуелно присутни, нормално дека не може да го отвори уредот на лице место и да провери дали е потопен во вода(пример). Ваков тип на оштетувања може да ги утврди само сервисерот при сервисирање на производот. Доколку вие мислите дека има злоупотреба кога оставате производ за сервис во продажен салон, можете слободно самите да го однесете производот во сервис. Продажните салони само вршат услуга за транспорт на уредот.

Замислете во сервис седат со фенови и вода и потопуваат и топат по цел ден уреди, дајте ви се молам.

Вие мислите дека Анхоч опстојува 30 години со злоупотреби? Ќе се јавеле кај инспекторот за “врски“ за 50 евра глушец, патем набавната цена е пониска, а инспекторов ќе завршел работа за поевтино. Колку поевтино? Ќе се коцкате да подмитите инспектор за 3000 денари?

Ова остава можност за злоупотреба од страна на продавачот. Секогаш може да констатира сервисот дека станува збор за физичко оштетување, доколку при прием на производот од страна на продавач а не сервисер, не се издава документ во кој ќе се костатира физичката состојба на производот.
Едниствена заштита е производот да се носи директно на серврис а не по салони. Дури и ова може да биде опорено ако не се издава документ од страна на сервисот во кој ќе се костатира физичката состојба на производот при прием на производот.

Ова остава многу простор за пропусти и злоупотреби. Само не ми е јасно како два члена (од сите други) на темава не го гледаат тоа.

И во сервисот приемот не го прават сервисерите. Има доле една девојка што издава приемници и она е таа што ги проверува визуелно производите. Еве нека отиде трудова да утврди дали е стручна за тоа

 

[goce03]

И во сервисот приемот не прави го прават сервисерите. Има доле една девојка што издава приемници и она е таа што ги проверува визуелно производите. Еве нека отиде трудова да утврди дали е стручна за тоа

Ни трудова и пазарна ни било кој нема да се впупшти ниту во утврдување на нечива стручност. Затоа што ниту имаат надлежност ниту пак имаат самите стручност ова да го утврдат. Они работат по документи, доколку нема документ со кој се потврдува дека производот кој е примен на сервис не е физички оштетен, ништо неможат да направат.

Мислењето е автоматски споено: 1 јули 2022

Вие мислите дека Анхоч опстојува 30 години со злоупотреби? Ќе се јавеле кај инспекторот за “врски“ за 50 евра глушец, патем набавната цена е пониска, а инспекторов ќе завршел работа за поевтино. Колку поевтино? Ќе се коцкате да подмитите инспектор за 3000 денари?

Не, немислам, напротив Анхоч сеуште ми се број 1. продавница баш заради мое лично искуство со нивниот сервис. Сепак, ова неуреденост на постапката за прием на уреди за сервисирање остава можнотст за злоупотреба.

 

[Astro]

Па така работат бе Пане . Затоа се најголема фирма увозници во МК
И Нексио и Шексио од кај нив зимаа со комбенца секој ден.. ( добро тогаш непостоеше Нексио - беа некои фирми не памтам имиња - Дуна ...)

Епа нема да биде повеќе така во иднина, за среќа. За неколку години ќе биде обавезно електроника да биде serviceable. Ако за најмало дефектче се фрла во ѓубре цел производ, човештвово и планетава наебале. После имало глобално затоплување и планини од ѓубре. Епа ќе има.

 

[TylerMkD]

Кога оставате уред лично во овластен сервис се врши комплетен прием на уредот. Доколку вие мислите дека има злоупотреба кога оставате производ за сервис во продажен салон, можете слободно самите да го однесете производот во сервис. Продажните салони само вршат услуга за транспорт на уредот.

Анхоч е крив за:
1. Идиотски поставен процес на прием на сервис. Еве јас можам уште во негова концепција да ти кажам дека ќе има проблеми со вакво функционирање каде што зема уред кој стигне и ќе дојде баш до вакви ситуации
2. Одбивање на приговорите од @outsider по настанатата ситуација. Кога имаш таков чкартен процес за прием, треба да ги прифаќаш приговорите на потрошувачите.

Да носам сам во сервис ако мислам дека има злоупотреба...смешки.

Вие мислите дека Анхоч опстојува 30 години со злоупотреби? Ќе се јавеле кај инспекторот за “врски“ за 50 евра глушец, патем набавната цена е пониска, а инспекторов ќе завршел работа за поевтино. Колку поевтино? Ќе се коцкате да подмитите инспектор за 3000 денари?

Анхоч како опстанал 30 години со ваков дебилен процес на примопредаја јас не знам да ти кажам. Очигледно има слаба конкуренција која не може да им направи сериозна алтернатива. Btw, не го врти муабетот, никој не ги обвини дека корпоративно намерно го прават ова - дело е на индивидуа.

Замислете во сервис седат со фенови и вода и потопуваат и топат по цел ден уреди, дајте ви се молам.

Не знам од каде излезе спинов дека водено оштетување треба при прием на сервис да се види или дека Анхоч топеле уреди во вода. Прекини со нафрлувањава бидејќи никој не паѓа на финтите како што може да видиш.

 

[SiPy`]

Анхоч е крив за:
1. Идиотски поставен процес на прием на сервис. Еве јас можам уште во негова концепција да ти кажам дека ќе има проблеми со вакво функционирање каде што зема уред кој стигне и ќе дојде баш до вакви ситуации
2. Одбивање на приговорите од @outsider по настанатата ситуација. Кога имаш таков чкартен процес за прием, треба да ги прифаќаш приговорите на потрошувачите.

Да носам сам во сервис ако мислам дека има злоупотреба...смешки.

Приговорите се разгледуваат, доколку потрошувачот е оштетен веднаш се постапува. Ако се прифаќаат сите приговори тек тогаш ќе има злоупотреби. Те молам изјасни се како професионалец во оваа област, гледам дека имаш доста искуство со продажба и менаџирање.

Само немој да ми кажеш да вработи сервисери во сите продажни салони за да направи прием на 1 уред во денот од 15 минути и останатите 7 ипол часа да вегетира. Дополнително на ова, те молам и најди сервисер кој би се нафатил да врши прием во продажен салон. И за крај немој да пишеш „Тоа е нивни проблем“.

Анхоч како опстанал 30 години со ваков дебилен процес на примопредаја јас не знам да ти кажам. Очигледно има слаба конкуренција која не може да им направи сериозна алтернатива. Btw, не го врти муабетот, никој не ги обвини дека корпоративно намерно го прават ова - дело е на индивидуа.

Кажи ми кој би бил мотивот за некој да ти наштети тебе лично? Која е добивката јас тебе да ти го оштетам глушецот? Каде со ваков мајндсет? И до кога?

Не знам од каде излезе спинов дека водено оштетување треба при прием на сервис да се види или дека Анхоч топеле уреди во вода. Прекини со нафрлувањава бидејќи никој не паѓа на финтите како што може да видиш.

Секој втор пост во темава е дека глушецот е оштетен од страна на Анхоч, без претходно да се размисли дали има логика да бидат нештата такви.

 

[fuzzjaw]

Многу ја искомплициравте работава ... Анхоч при прием на уред за сервис, прием во продажниот салон, прават проверка за очигледни физички/козметички недостатоци. Ако при таа проверка не воочиле дека маусот е стопен и истото не го навеле на документот за прием на уред за сервис, нивен oversight е.

 

[Pane24]

1 недела помина, маусот не беше заменет. Го повикувам @Pane24 да настапи и да ја спаси ситуацијава

Во интерес на фирмата Анхоч и членот со маусот се јавив да му купам нов и сите да бидаат задоволни. Али членот не сакаше да му помогнам што е и негово право. Инаку иако тука Анхоч не е крив со овие дотичниве мауси заради нивниот неквалитет подобро е да се престане со таквите да се увезуваат и да се разгледуваат други варијанти на мауси од повисоката класа.

 

[TylerMkD]

Приговорите се разгледуваат, доколку потрошувачот е оштетен веднаш се постапува. Ако се прифаќаат сите приговори тек тогаш ќе има злоупотреби. Те молам изјасни се како професионалец во оваа област, гледам дека имаш доста искуство со продажба и менаџирање.

Ајде ќе почнам со ред:

Приговори со потрошувач - тоа дека се постапува кога е оштетен е само PR изјава. Да ја разгледаме конкретната ситуација:

• Маус примен во Битола
• Маус констатирано оштетен во Скопје
• Приговор од потрошувач дека не е оштетен од него

Во случајов заради самата организација на прием на сервис од Анхоч, не може да се докаже кој го оштетил маусот бидејќи се пројдени X денови.
Вашиот став очигледно е дека секој физички оштетен производ е проблем на потрошувачот кога ќе стигне во сервис во Скопје.

Само немој да ми кажеш да вработи сервисери во сите продажни салони за да направи прием на 1 уред во денот од 15 минути и останатите 7 ипол часа да вегетира. Дополнително на ова, те молам и најди сервисер кој би се нафатил да врши прием во продажен салон. И за крај немој да пишеш „Тоа е нивни проблем“.

Не планирам да се докажувам со тебе за менаџмент на рандом форум. Само ќе ти кажам дека тезава што ја поставуваш не е квантна физика - има фирми што го решиле ова со прием на производи во други салони и потоа превоз до сервис.

Не збориме за решение на тоа што има во црната дупка, него решение за прием на сервис во салон. Полупрофесионалец ќе знае кој е процесот, не пак професионалци како вас.

Само ви одговара системов зашто во конфликтен случај не планирате да сносите одговорност, инаку ќе му го уважевте приговорот.

Кажи ми кој би бил мотивот за некој да ти наштети тебе лично? Која е добивката јас тебе да ти го оштетам глушецот? Каде со ваков мајндсет? И до кога?

Еднаш спомнав на темава дека ќе дискутирам, ама нема да толерирам некој симплифицирани теории како што правиш сега. Не знам дали сериозно ме прашуваш кој би имал логика да наштети на некој друг?

Тогаш да ги тргнеме сите правила и процеси, твојата логика ако е точна треба да нема злоупотреби, криминали во општеството.

Правилата на функционирање на одреден процес во фирма се прават за да се заштити фирмата, вработените и потрошувачот. Вашево каубојско „прими го во продавница и прати го во сервис“ остава многу пропусти. Да мислиш дека никој никогаш нема да искористи пропуст е некомпетентно размислување.

Секој втор пост во темава е дека глушецот е оштетен од страна на Анхоч, без претходно да се размисли дали има логика да бидат нештата такви.

Може и секој пост да биде дека глушецот е оштетен од Анхоч. Тоа е ирелевантно.
Знаеш како нема да биде секој пост тоа?

Кога ќе си имате добро воспоставен процес каде што веднаш ќе се воочи проблемот при пријава од страна на потрошувач. Вака самата компанија е крива што доаѓа на вакво банално дереџе, ама ако волку сте упорни во вашиве тврдења и теории, јасно ми е и зашто.

Мислењето е автоматски споено: 1 јули 2022

Многу ја искомплициравте работава ... Анхоч при прием на уред за сервис, прием во продажниот салон, прават проверка за очигледни физички/козметички недостатоци. Ако при таа проверка не воочиле дека маусот е стопен и истото не го навеле на документот за прием на уред за сервис, нивен oversight е.

Ова го спомна еден од бившите вработени на Анхоч, @Rilind , ама после мислам други членови како @Вајкинг и @SiPy` го негираа како процес, односно дека само се прима уредот и всушност курирски се испраќа до сервис каде што се прави официјалниот прием.

 

[NecrotoX]

Секој втор пост во темава е дека глушецот е оштетен од страна на Анхоч, без претходно да се размисли дали има логика да бидат нештата такви.

Хм? Претходно на два пати го враќаат маусот со искорнати и неправилно залепени падови, а имаше и друг ист таков случај за Logitech маус од друг член, а сега маусот е стопен од доле, баш кај што е падот при што секоја логика кажува дека е настанато при загревање во обид да се одлепи истиот тој пад. Значи според ова баш ИМА логика да биде маусот оштетен од Анхоч, на пример некој ја засрал работата, ја стопил пластиката и рекол дека таков бил донесен.
Втората опција е членот сам да го стопил маусот и сега отвара теми, лаже и поднесува лажни пријави до ДПИ, што мора да се сложиш има многу мала логика.

 

[fuzzjaw]

Ова го спомна еден од бившите вработени на Анхоч, @Rilind , ама после мислам други членови како @Вајкинг и @SiPy` го негираа како процес, односно дека само се прима уредот и всушност курирски се испраќа до сервис каде што се прави официјалниот прием.

Да, го прочитав и јас тој муабет. Ама два пати досега сум имал потреба да оставам нешто за сервис, двата пати пополнивме документ за прием во кој беше опишана физичката/козметичката состојба на производот и шо се оставам со него (кутија, пропратни додатоци и документи).

За обичен потрошувач, не би требало "Анхоч продажен салон" и "Анхоч сервис" да се две посебни единки. По муабетов, "Анхоч продажен салон" е само карго служба за сервисот, шо е банално. Патем, дури и да е така, и во карго ми се случило да одам со згужвана кутија и да ми речат "ова ти е оштетено". Не чекаа да го достават па да се натегаме кој каде ја посрал работата.

 

[Rilind]

Ова го спомна еден од бившите вработени на Анхоч, @Rilind , ама после мислам други членови како @Вајкинг и @SiPy` го негираа како процес, односно дека само се прима уредот и всушност курирски се испраќа до сервис каде што се прави официјалниот прием.

Од лично искуство, никој во фирмата не бара од продавач да прави техничка проверка на уредот и состојбата на која е уредот. Се прави само физичка проверка, т.е. скршен телефон на пола, логично е да нема гаранција, и лично јас сум рекол на неколку вакви случаи дека нема да им важи гаранцијата, бидејќи се гледа, дете мал може да примети дека телефонот е скршен, но имав случаи каде што купувачот напорно сака да го прати во сервис. Во тој случај, во сервисниот налог се потенцира дека екранот е скршен, се дава налогот на купувачот, и во моментот што купувачот го прима налогот и вика океј е, немам ништо против текстот во налогот, во тој момент јас како продавач што го прима уредот за во сервис и Анхоч како фирма не се одговорни за скршениот екран.

Во овој случај со маусот, еве да велиме, доколку outsider го стопил, му текнало да го стопи маусот, и вика ај да ги заебем Анхоч да видам дали ќе ми дадат нов, и го носи во салон, и продавачот прави прием без да провери ФИЗИКЧА, ФАКТИЧКА состојба (не збориме за техничка, т.е switch не работи, сензорот не е во ред итн), во тој момент и да го стопил outsider маусот, фирмата нема доказ дека маусот бил стопен, и фактички фирмата е одговорна за тоа.

Да нема пак забуни, ќе дадам друг пример како е системот, што на 99.5% од случаите работи без никаква грешка: идеш со графичка, викаш ова не ми работи. Продавачот на лице место треба да провери физички, на кратко дали уредот има скршен PCIе конектор, дали конекторот за 8 пински е оштетен (читај ВИДЛИВА СО ГОЛО ОКО ФИЗИЧКА ОШТЕТА), и истото се пишува во налогот доколку има, чисто за да се има бело на црно. Ако нема оштета физичка, нормално продавачот нема да ти рече ништо, ќе го испрати. Потоа, сервисерот ако наоѓа нешто друго што не е под гаранција, тоа е сосема друга работа.

За крај, да резимирам, последно мислење во темата: Анхоч не очекува од продавач да потврди технички проблеми или оштети што не се видливи, туку само физички оштети, за кои што секој човек со малце памет би знаел дека за тоа не важи гаранцијата, бидејќи истите се чисто пишани во секој гарантен лист (ама кој ги ебе гарантните листови нели, немаме време тоа да читаме), и доколку се гледа физичка оштета (како на маусот), само се пишува маусот е примен, долниот дел на маусот има трагови од вруќина/висока температура, маусот има трагови од стопење, и со тоа си чист, прати го во сервис, сервисерот гледа дека е стопен, тоа не подлежи под гаранција, се враќа, и никому ништо, бидејќи Анхоч има доказ дека маусот бил во таква состојба при прием на салон. Овој дел за прием, односно физичките оштети да се внесуват во налогот е од првите работи што се учат во обука, и не верувам дека има некој што не ги пишува. Али тоа е тоа, ДПИ дале одлука, и понатамошно зборување е само дискусија, без некоја промена на фактичката состојба.

 

[Multipass]

Ситничави се нашиве фирми, за ситна пара си губат репутација.

Дури и членот да е кривецот при топењето на маусот, се прашувам дали на Анхоч им се исплатеше PR комшаров што се случува тука на темава. Ако се разгледа сентиментот грото од членовите сметаат дека Анхоч се криви, и дека целата вина лежи во нивни раце.

Не знам дали забораваат дека е ова форум за IT ентузијасти, кои огромен дел од нивниот екстра приход го трошат на играчки кои што баш нивната продавница ги продава. Вреди ли можниот иден промет, наспроти мизерни 3.000 денари? Кои за нив за набавка е сигурно уште понизок.

Без разлика што членот е Karen, како потрошувач му следат сите права кои он си ги користи. Тука случајов е и ја мислам вработен кој во нервоза малку повеќе го заборавил пиштолот за топлина.

И мене иначе ми се расипа еден уред купен од Анхоч пред некое време кај што видов немало гаранција за него воопшто, им пратив неколку мејла на Анхоч за да ми го сервисираат или заменат во добра воља. Мртва тишина од страна на нив. Мизерно е навистина, читајќи ја сега и темава воопшто не ме изненадува фактот.

За таа сума ја што ја дадов за расипаниот уред едноставно не вреди да продолжувам, туку едноставно нареден пат кога ќе треба да купам нешто од хардвер, Анхоч го скокам. Кој е пооштетен во тој случај?

Еве и неколку други примери за ситничавост од нашиве хардвер фирми што сум ги имал низ годиниве.

Пак Анхоч, овојпат преку интернет нарачка платив преку картичка која неколкукратно беше повеќе од сумата за бесплатна испорака, меѓутоа за еден од производите немав доволно средства на картичката, и веднаш направив уште една нарачка за истиот производ, овојпат избрав да платам во готово при испорака за него. Сумата беше незначителна 800-900 денари и очекував дека ради првата нарачка која го надминува лимитот за бесплатна испорака, нема да ми наплатат достава.

За два дена при испорака ми ги носат и двете нарачки одеднаш, и за мое изненадување морав да платам достава за вториот производ, таков бил едноставно протоколот, ситничавост за 250 денари.

Нормално ги платив, иако требаше да ја одбијам втората нарачка на лице место и да им кажев дека не ја примам денес, па да ми ја испорачаат друг ден каде што ќе мораат да трошат пак гориво, време и ресурси. Срамотилаци.

Друга случка за ситничавост од страна на ДДКом исто со испораката, која и на рекламата, и на страната и лично на телефон ме убедија дека испораката е бесплатна, само за на крај на фактура преку мејл и на испораката да ми наплатат 180 денари.

Навистина не ми беше проблем да ги платам и во двата случаи, штедам и време и гориво, меѓутоа фрустрира колку воопшто немаат осет за коректен однос према своите муштерии фирмиве.

И така rant over.

Поздрав.

 

[Banjifiko]

Прво, со маус од 3000 не си IT ентузијаст, така да таа категорија на коминтенти ич не е засегната со "PR кошмаров"...
Да беше ова цепидлачење на темава толку ефикасно, т.е. да имаше барем пола од ефектот што мислите дека го има, веќе ќе имаше некаква реакција од Анхоч.

Уште еден момент што треба да се потенцира: овластениот сервис бил на Амако. Иако се работи за фирма во чија сопственост е Анхоч, сепак не е истиот сервис.

 

[dekomote]

Прво, со маус од 3000 не си IT ентузијаст, така да таа категорија на коминтенти ич не е засегната со "PR кошмаров"...

Кхммм?

 

[outsider]

Update: Чекам повратен емаил од Анхоч/Амако да ги контактираат Steelseries да ми дат нов маус, затоа што се активира гаранцијата од производител.

 

[coki]

Прво, со маус од 3000 не си IT ентузијаст, така да таа категорија на коминтенти ич не е засегната со "PR кошмаров"...

Ај ако може да ни кажеш со колку пари опрема може да сме ИТ ентузијасти, чисто да не се претставуваме погрешно пред луѓе

 

[ARMac]

Прво, со маус од 3000 не си IT ентузијаст, така да таа категорија на коминтенти ич не е засегната со "PR кошмаров"...
Да беше ова цепидлачење на темава толку ефикасно, т.е. да имаше барем пола од ефектот што мислите дека го има, веќе ќе имаше некаква реакција од Анхоч.

Уште еден момент што треба да се потенцира: овластениот сервис бил на Амако. Иако се работи за фирма во чија сопственост е Анхоч, сепак не е истиот сервис.

View: https://www.youtube.com/watch?v=jimPXzGaY6w

 

[gloria borger]

Ај ако може да ни кажеш со колку пари опрема може да сме ИТ ентузијасти, чисто да не се претставуваме погрешно пред луѓе

Јас ќе ти помогнам. За да можеш да се наречеш ентузијаст, мора да поседуваш две парчиња од овој маус.

The Gold Bullion Wireless Mouse - 36,835$

Мора да имаш два за да добиеш статус ентузијаст, со еден ништо не си напраил.

Сепак, постои шансата и со два на форумов пак да не те наречат ентузијаст, така да јас би одел со три за да бидам сигурен.

Секој знае дека ти требаат три овакви мауси за да бидеш ентузијаст, не знам како не ви е срам шо не го знаете најосновното нешто во светот на IT ентузијазмот.