Најдобар бојлер кај нас

[bxxxn]

Имаш два типа на проточни бојлери со хидраулични прекинувачи (зависни од одреден притисок) и електронски. Старите хидраулични се баш како што ги опишува @Lokvan работат на принцип се или ништо и потребен е малку поголем притисок да ги вклучи сите фази (грејачи). Пред некоја година грејачот за Siemens (сега ист Bosch) бојлер за купатило беше 4500 денари.

Bosch бојлерот за кујна е со електронски прекинувач, може да работи и со притисок од половина бар (идеално за згради) и единствено што имав проблем со него е што треба да најдеш добар кабел од 4 mm2 (сепак е 6 kW) и можно да треба да смениш осигурувач, т.е. да ставиш од 32 ампери.

 

[ARMac]

Во зграда/стан живееш?
Прашувам за температурата на водата, во згради е нешто потопла водата.

Јас го имам 24 киловатниот Сименс (со бакарни цевки) и мојов е со три чекори на притисок. Кога е на 12кв (еко) на вториот чекор ми е водата ок во есен/пролет, во лето морам да додавам и ладна, но во најладните месеци во зима знае и да не биде доволно топла водата на излез и тогаш морам или да идам или на третиот чекор или на 24 киловати сетингот на вториот чекор (претопло е во двата случаи и мора да се додава ладна вода).


Сега кога го гледам напишаново погоре, гледам дека нема да ме разбере никој што нема ваков тип на проточен бојлер... Веројатно ни солиден број од тие што го имаат.

Не да предомислувам потенцијален купувач, но има и модели со електроника на кои само местиш температура на вода на излез и тоа е тоа. Но и ова лесно се совладува еднаш кога ќе разбереш како функционира. Додуше малку е контраинтуитивно да додаваш притисок на славината за топла вода - за на излез да добиеш поладна вода, и обратно.

Е да во стан. На макс. притисок на еко со сите 3 клика температурата е околу 60 степени, малце да намалиш пред да исклучи третиот клик иде нагоре до прилично вруќа. Ова за мојот ти зборам 9/18.

Тој 12/24 е доста појак. Сега незнам точно пошто не ми е дома, еднаш се имам туширано таму и мешав малце ладна вода. Занеш сега има тука улога и протокот на батеријата (дали е подзапушена итн). Двата се во стан со парно.

 

[architect]

Бојлер ко бојлер, земете го најефтиниот и после пар години менувајте. Скопската вода е катастрофа, кај мене дома после 2 години користење, тешко грееше па решив да го отворам. Што да ви кажам, едвај го средив а извадив преку 20 кг бигор на 50 литарски уред ....

 

[Lokvan]

Занеш сега има тука улога и протокот на батеријата (дали е подзапушена итн). Двата се во стан со парно.

Тоа имам проблем да објаснам кога ме прашуваат, дека грејачите освен 3-те чекори треба да се рачуна дека фиксно грејат, на три јачини - и дека сетирањето е „играње“ со пуштање намалување притисок додека не се намести температурата на водата... Се разбира некогаш мора да се додаде и ладна вода, но најчесто не мора (освен во екстремите во лето и зима).

 

[Ragnar]

За проточен бојлер (имам Сименс 18 Kw со бакарни цевки) - наместен ми е на ЕКО секогаш. Процедуре за туширање - влегуваш во туш кабина, пушташ до крај на топло, за 20тине секунди има изгор топла вода, после тоа вртиш накај пола од топлата чекаш 2-3 секунди и имаш идеална температура Добро сега секој различно реагира на температурите. Како и да е, сум кажал еднаш и ќе кажам пак - ако има можност за проточен бојлер (соодветна инсталација) не би се мислел никогаш - секогаш проточен бојлер (многу помалку место зафаќа, не му ја мислиш дали си го вклучил/исклучил, нема чекање (освен тие дваесетина секунди) а за потрошувачка не знам мислам дека исто пари фаќа месечно).

 

[Lokvan]

а за потрошувачка не знам мислам дека исто пари фаќа месечно).

Дискутабилно, јас би рекол со обичен бојлер плаќаат повеќе - посебно ако во секое време треба да има топла вода. Можеби би поминале исто/слично по потрошувачката ама тоа сметка на комфорот, значи постојано да пазат да затоплувааат вода исклучиво на евтина тарифа И веднаш да ја искористат (во спротивно ладење и догревање)... И пак можеш да бидеш на победничката страна на балансот, ако со проточниот бојлер пазиш на евтина/скапа тарифа.

 

[Томислав]

Тоа сега ме замисливте, која е математиката за потрошувачка? Имам Леов 2KW 80литарски, доволно за три туширања дневно, еднаш го загревам во евтина струја во 2 сат до 4 попладне, и еднаш 30 минути сабајле во 6ипол за да има за од сабајле глава да се измие и слично. Месечно трошам околу 300 350денари струја за тоа. (Контролиран е со Соноф ПовР2).
Дали некој направил пресметка колку троши месечно 18кв протечен бојлер?

 

[Lokvan]

Дали некој направил пресметка колку троши месечно 18кв протечен бојлер?

Само „на салфетка“, пошто сето ова е многу релативно... На пример, ти ако загреваш фиксно време фиксна количина вода иако си ограничен на таа количина (ако е доволно тогаш супер) муабетот е дека точно знаеш колку си потрошил. Е сега со проточниот бојлер нема ограничување на количина, никогаш нема „да снема топла вода“... Сакам да кажам се зависи од корисникот, некој е брз, некој е спор, итн. Додатно комплицира тоа што тешко е за мерење, пошто нема достапни евтини/кинески апаратчиња што мерат ~24 киловати на три одделни фази. Веројатно е можно да се направи некој тајмер, и потоа да се пресметуваат киловат часовите со тоа што другата варијабла киловати (ампери) се помалку или повеќе - фиксни.

Како што реков, метематиката „на салфетка“ вели дека просечниот корисник со класичен бојлер троши осетно повеќе. Едуцирани корисници со тајмери на обичен бојлер сигурно поминуваат многу подобро (условено со тоа ако им е доволен капацитетот на бојлерот односно количината стоплена вода на евтина тарифа.

На крај уште еден аспект е комфорот, топла вода во секое време во неограничени количини - теоретски гледано, а теоретски тоа може да биде и лошо.

 

[yasho]

Еве практичен пример... порано користев обичен бојлер, наместен на 65-70 степени одоко, пуштен да грее само на ефтина струја (кога имаше сијаличка што команда контактор), по замената на дотичниот со проточен (електронски, со протокомер наместо сензор на притисок, Stiebel Eltron), никаква осетна разлика во сметката за струја, ни нагоре, ни надолу.
Објективно, повеќе топла водамтрошиме со проточниот, не снемува, децава се киснат на тушот значително подолго (а и јас не сум поарен).

мој заклучок, скроз емпириски, без салфетка: сметката иста,ќефот поголем.

 

[krema]

сметката иста,ќефот поголем.

И страствените игри под туш можат да траат подолго без грижа дека нема да снема топла вода.

 

[bxxxn]

Електронските проточни бојлери трошат помалку струја од проточните бојлери со хидраулични прекинувачи до кај 30-тина %, аналогијата е иста со сплит и инвертер клима, т.е. не мора грејачот да работи со максимална сила.

 

[goranzoran]

За мене најдобар бољер, квалитет, квантитет, производство СФРЈ.

 

[MacRazor]

Тогаш користи ги и црвената со коњот или девојката со грозје од ЈУ, шо се мешаш со АДА, ЕОС, НЕМ итн.

 

[Lokvan]

мој заклучок, скроз емпириски, без салфетка: сметката иста,ќефот поголем.

Поголем ќеф за иста сметка... Добра работа нели?

 

[yasho]

Поголем ќеф за иста сметка... Добра работа нели?

Абе ќеф цена нема... ама па раат на умот, се враќаш од работа, викенд, одмор, пуштил ли бојлер некој или не... што знам, многу поудобно за користење. Никад од бигор не е чистен, бидејќи не фаќа (како-зошто не сум навлегувал) мал, компактен, стварно скап малку на почеток (бојлерот, инсталација, диференцијална склопка...) ама па мене ми е оправдана таа работа со лезет у користење. Секој си цени различно...

 

[goranzoran]

А го пробал ли некој методот на wim hof туширање со ладна вода. Некои викаат дека има најголем ќејф, бенефит по здравјето а најмала сметка.

 

[Lokvan]

Никад од бигор не е чистен, бидејќи не фаќа (како-зошто не сум навлегувал)...

E oва и јас би сакал да знам дали е така. Во проточни бојлери грејачите загреваат до пониски температури отколку во класични бојлери, тоа сигурно придонесува до помалку бигор.

Но се сервисира таква работа, имам некаде линк до видео како ги прават тоа. Прават затворен круг и со некоја пумпа одредено време вртат некаква течност внатре во цевките (веројатно беше оцет/киселина за јадење). Можам да го побарам видеото ако некој го интересира.

 

[brasica]

Јас колку што знам новиве со пластични цевки е препорачливо да се чистат на неколку години пошто може да пукнат и после сервис нема, само нов.

 

[yasho]

E oва и јас би сакал да знам дали е така. Во проточни бојлери грејачите загреваат до пониски температури отколку во класични бојлери, тоа сигурно придонесува до помалку бигор.

Но се сервисира таква работа, имам некаде линк до видео како ги прават тоа. Прават затворен круг и со некоја пумпа одредено време вртат некаква течност внатре во цевките (веројатно беше оцет/киселина за јадење). Можам да го побарам видеото ако некој го интересира.

Конкретниот модел што го имам веќе 8 години има мало бакарно казанче, пола литар-литар од око, и греачи директно во водата што се грее. За разлика од оние кои работат на притисок, кои според тоа што сум видел индиректно ја греат водата, има цевка низ која тече водата паралелно со електричните греачи. Од таа причина, заедно со проточниот бојлер ставив 30мА диференцијална (ФИД) склопка само за бојлерот, за секој случај, и покрај коментарите на “мајстори” дека не е потребно.
Лани прв пат го растурив бојлерот заради тоа што еден кондензатор имаше пуштено душа, во казанчето колку што можев да видам со сијаличка низ цевките, немаше бигор, се гледаше бакарот од внатре... нема никаква пумпа внатре, само има едно казанче со греачи, протокомер, модул со тријаци за палење на греачите и троа електроника што ги команда тријаците зависно од температурата на излез... релативно проста направа, иако значително многу покомплицирана од “аналоген” бојлер. Водата никаде не поминува низ пластика низ бојлерот, цевките сите се бакарни внатре.

 

[FLEGMA]

Најбитната фора кај обичен бојлер е да не се дозволи температурата на водата да не падне под 30 степени.
Од 30 па се до 65 степени потребни се 30 мин.
Имам и проточен (Stiebel Eltron 24 kW) и TING 100L од 2,5 kW.

И математиката вели дека проточен троши 6 kW за 15 минути или грубо 3 kW за 6~7 минути "партизанско" капење.

Leov со 3 kW се полни "топ" и има фора 3-4 луѓе да се капат со таа литража и температура.

Нема супериорен начин. Инаку ќе преовладуваше тој.

 

[Lokvan]

има цевка низ која тече водата паралелно со електричните греачи. Од таа причина, заедно со проточниот бојлер ставив 30мА диференцијална (ФИД) склопка само за бојлерот, за секој случај, и покрај коментарите на “мајстори” дека не е потребно.

Уф да, фид склопки за повеќе апликации - ќе кажам само дека на некои работи не треба да се штеди.

 

[FLEGMA]

30мА диференцијална (ФИД) склопка само за бојлерот, за секој случај, и покрај коментарите на “мајстори” дека не е потребно.

Ако не е потребно на проточен тогаш никаде не е потребно.
Проточен без ФИД е руски рулет.

Само што ФИД бара идеално заземјување а нашиве мајстори немаат воља да решаваат такви проблеми.

 

[yasho]

Па, сега, идеално... Попрво би рекол функционално... Можда измерено од време на време, на пр.секои 5 - 10 год... Ама никој тоа не го прави.
Башка, затоа 30мА Фид, низ било какво заземјување ќе потечат 30мА.

 

[G4M3R]

Да се вклучам и јас во дискусијава. Од пред 3год имам ставено дома проточен бојлер, 24KW Siemens. Поточно овој модел DE2124407М | Vudelgo

Подобра инвестиција здравје! Мал е, не зафаќа многу простор, вода има кога сакаш и колку сакаш. Нема тепање дома дали ќе стигне вода за сите, дали некој заборавил да го уклучи бојлерот па да јадеш туш со ладна вода ака Вим Хоф метод.

Е сега драстично е поскап, мислам накај 16-17К ме фати бојлерот. И нешто плус за инсталацијата на кабел, а монирањето го направив сам. Си имаше темплејт, лепиш на ѕид, бушиш, рестото ти е како од кит за поврзувањето и за еден час си готов.

Единствено што требаше кај мене е да се пушти нов четирижилен кабел и 3х32А осигурачи кои секако одат преку фид склопка. Бојлерот мислам е поврзан „ѕвезда“, без нула, трите фази и заземјувањето.

А за фид склопки, би ставил закон секој стан и куќа да мора да имаат. Јас незнам за 1000ка како несакаат луѓево да си додадат дополнителна заштита дома која може еден ден да им спаси живот.

 

[FLEGMA]

А за фид склопки, би ставил закон секој стан и куќа да мора да имаат.

Па има закон и правила.