Мислење за spin retry count

[Banjifiko]

Му правев тест на едно Seagate дискче, и имам отчитувања што ме бунат малку, различни софтвери различно ми покажуваат. Па, ако може некое мислење за бројките подолу?

Првиот тест е со HDD Tune



Вториот е со CrystalDisкInfo

 

[Metuzalem]

Исто покажуваат. Колоната (на горната слика) DATA и (на долната слика) RAW VALUES се вредностите што ги исчитува од дискот. Едниот програм ги прикажува како Hex, а другиот како децимални, но истите бројки се. Другото се претпоставени или нормирани вредности, според стандарди, кои многу производители не ги почитуваат и вредностите во нив ги запишуваат по сопствена шема. Затоа треба програмот проверено да знае да работи со твојот диск/производител, инаку настануваат панични ситуации.

Конкретно, spin retry count ти е нула и нема за што да се грижиш. Таква работа не се случила на твојот диск (барем не забележана). Threshold e понекогаш произволно зададен праг од производителот (на пример по толку и толку грешки ќе го прогласи дискот за лош), понекогаш тоа е оправдано затоа што има толку и толку резервни сектори, а понекогаш не е, или пак програмот погрешно толкува.

Вториот програм ми изгледа за поербап со твојот диск (знае што е атрибутот BD).

Дисков не ми изгледа лош, освен можеби ако имал лоши кабли, иако некои атрибути се огромни, но тоа не мора да значи ништо - некои атрибути не одат линеарно и не се прост бројчаник (еден настан зголемува за еден). Дури и програмите не се бунат. Но сепак би истражил (кај слични дискови?) дали тие големи вредности на атрибутите се нормални (01,07,C3).

Еве на пример за C3, како што јас го толкувам, тоа е време меѓу две ECC грешки, значи добро е што е големо. Овој параметар е во ред и не важи тоа за лоши кабли што го напишав погоре.

07 Seek error rate, исто како и претходниот, не е критичен, само треба да го пазиш ако се зголемува (или нагло се зголеми), тогаш да почнеш да креваш паника.

Само 01 викаат дека е критичен и дека е лошо ако е голем (како што е кај твојот диск), но пак ме буни тоа што е rate (стапка, брзина, темпо, а не е број на настани), па си мислам да не згрешиле тие нешто. Пак останува мал сомнеж за дискот.

 

[FLEGMA]

Spin Retry Count значи дека моторот не е во ред, кажано по нашки. Ама кај тебе е во ред, да не се секираш.
Стави го GSmartControl, дава најрелевантни податоци.
http://gsmartcontrol.sourceforge.net/home/index.php/Downloads

 

[Banjifiko]

Благодарам на појаснувањата @FLEGMA, @Metuzalem, детално и комплетно, како што и очекував. Дискот има само 180 часа работено и затоа ме зачудија некои вредности, а ги споредував со мојот WD10EZEX кој и после 8000 часа не покажува ништо. Ќе го користам како бекап диск, за привремено складирање на материјали, ништо на долги стази.
A ќе го пробам и GSmartControl, па ќе видиме...

 

[Banjifiko]

Еве и GSmartControl инфо:



Raw read error rate: Some devices (e.g. Seagate) are known to report very high Raw values for this atribute, and it's not an indication of a problem.

 

[FLEGMA]

Raw read error rate: Some devices (e.g. Seagate) are known to report very high Raw values for this atribute, and it's not an indication of a problem.

Така е!
Seagate ги дава вредностите во HEX износи и не се како кај другите производители. Tи набљудувај ги следните вредности и ако има промена реагирај навремено (бекап, тест итн)

1. Spin Up Time > Ако има промени укажува на проблеми со моторот
2. Reallocated Sectors Count > Ремапирани / Преместени сектори укажуваат на лоши сектори кои се заменети со здрави. (ги означува лошите и врши забрана за запис)
3. Reallocation Event Count > Колку пати се случили ремапирањето или преместувањето
4. Current Pending Sectors Count > Колку, моментално, сектори се „сомнителни“. Означени се како потенцијални и после неколку обиди (никој не знае колку, зависи од производителот) на неуспешно читање ќе бидат прогласени за лоши или (ретко) ќе бидат прогласени за неоштетени (лошите сектори не мора да бидат само физичко оштетување. Можат да настанат заради флуктации на напон или расипан RAM односно дека се запишани како такви)
5. UDMA CRC Error Rate > Ова се грешки настанати помеѓу дискот и матичната и укажуваат на проблем со интерфејсот (конекторите) или на проблеми со самите кабли.

Дискот ти е бонбона и не му се мисли. Од време на време проверувај и тоа е тоа.
Секогаш избегнувај да го тропкаш куќиштето или да го преместуваш за време на работа. Ова важи и кога отвораш бочна страна на компјутерот.
Сегашните дискови се густо пакирани и скоро да нема маргина за грешка, особено кај Десктоп варијантите.

 

[Banjifiko]

Дискот ти е бонбона и не му се мисли. Од време на време проверувај и тоа е тоа.
Секогаш избегнувај да го тропкаш куќиштето или да го преместуваш за време на работа. Ова важи и кога отвораш бочна страна на компјутерот.
Сегашните дискови се густо пакирани и скоро да нема маргина за грешка, особено кај Десктоп варијантите.

Никогаш не вршам интервенции на вклучен компјутер, а ова дискче го земав вакво па затоа и сакав троа постручно мислење.
Сега му правам со тест со GSmartControl, али мислам дека ќе биде О.К.

 

[FLEGMA]

Сега му правам со тест со GSmartControl, али мислам дека ќе биде О.К.

Short Self (оној од 5 минути) е доволен. Неколку пати (еднаш до два пати месечно) направи таков тест и самата програма ќе ти укаже ако нешто се влошува.
Одлична Open Source програма „долетана“ од Linux која многу добро знае да искомуницира со SMART-от. Ни HDTune ни бакрачи...