1. Здраво и добредојдовте на форумот на IT.mk.

    Доколку сеуште не сте дел од најголемата заедница на ИТ професионалци и ентузијасти во Македонија, можете бесплатно да се - процесот нема да ви одземе повеќе од 2-3 минути, а за полесна регистрација овозможивме и регистрирање со Facebook и Steam.
    Сокриј

Ebook Readers

Дискусија во форумот 'Oстанато' започната од Zippo, 5 Јануари 2018.

  1. Delta111

    Delta111
    Gaining Experience

    111
    115
    23 Мај 2010
    Јас сум шокиран од цениве, повеќе од дупло него во странство сосе поштарина. Со други зборови пазарот на е-ридери кај нас ќе остане да биде мртов. Не знам дали сите читаат исклучиво печатени книги или е народов општо неписмен ама не гледам што би било проблем да се понудат Киндл или Кобо по нормална цена. Како може во Бугарија да има Pocketbook и Kobo по многу понормални цени а кај нас да нема ништо?

    Onyx и Boyue почнаа да навлегуваат на пазарот главно со 8 инчни и поголеми ридери каде се практично без конкуренција и нормално е што не се плеткаат со Амазон и Кобо во пазар за најмалите модели каде и заработувачката е помала. Освен Aura One и Kobo Forma сите други величини од 8, 10 и 13 инча ги држат Кинези. Апдејтот на Nova (Pro) од април се очекува за прв пат да се продава на Амазон така да полека фаќаат Kинезите дел од пазарот и според мене оправдано и заслужено.
     
  2. DeJaVu

    DeJaVu
    On your way to fame

    540
    664
    21 ноември 2010
    Машко
    Полно на таблет читаат, пошто ем се поефтини ем се до ит ал уреди.Така да во најмала рака од финансиска гледна точка се оди на таблет, ипак сме во Македонија. Сигурно многу луѓе се премислуваат откако ќе дознаат дека неможе да се користи како таблет, јас 2 случаја такви сум имал со познајници.
    А пазарот кај нас ќе си остане мртов, едно што сме мал пазар а друго, во анхоч покетбуците што им беа, беа сите со мртва батерија(скроз испразнета).Уреди со литиум јонски батерии од фабрика доаѓаат бар 30-50% наполнети. Си имаат селф дисчарџ и на исклучен уред батериите , ама кај литиумски тоа е страшно минорно, според батери јуниверзити 1-2% месечно, според мое искуство со батерии што имам на страна за ламбите и помалку од 1%.Така да замисли колку време им стоеле на залиха.Никад више нема да донесат :).
    Плус и глобално е паднат пазарот на еридери, од пикот во 2011 со 23 милиони(смешна бројка) испорачани глобално, и стабилно опаѓање секоја година, до 7 милиони во 2016. За 2018 не најдов инфо, ама накај 5-6 милиони ми изгледа реално, што е смијем се грохотом се смијем бројка :).
    E-Reader Device Sales Including Kindle Are In Rapid Decline

    Така да нема што да е чудно зашто се скапи, мада па кај нас и други членки на сомалискиот сојуз се вадат лесно парите ако се земе предвид колку си заштедил на хартиени. Јас си земав читач пошто ми се скапи хартиени да купувам.
    Башка никој не рекламира кај нас ечитачи.Би требало книжарите да се фатат за таа работа, ама па знаат дека ќе им трпи продажбата на физички книги, а колку што знам нема никој изорганизирано нешто као наш амазон. Може и да грешам за ова последново пошто не пратам. А и да има, колку ќе отидат кај нив а колку на пајратбеј? Така да врвка.

    А глобалниот пазар колорите ќе го живнат малку, само уште да излезат остана :).
     
  3. Delta111

    Delta111
    Gaining Experience

    111
    115
    23 Мај 2010
    Фала за линкот! Од коментарите на текстот што го постираше ги извадив најдобрите што удираат во “проблемот“ у срж:

    Цитативе ги извадив да стојат затоа што многу добро ја отсликуваат реалната состојба и даваат објаснување на фактите како и зашто е опадната продажбата (постигнат е еквилибриум) но пазарот на е-книги не само што не е опаднат баш напротив.

    За другото што спомна за сомалискиот сојуз. Со просто гуглање за Словенија ги најдов од Кобо сите модели, Киндл сите модели, Покитбук речиси сите модели плус уште некои непознати Кинези а Словенија педа земја како нашата. Не се работи ни за куповната моќ затоа што изненадувачки кај нас (сиромаштија нели) речиси секој има мобилка од минимум 200 евра. Ете и 100 нека се нема човек без мобилен.

    Јас повеќе би рекол за некултура и неинвентивност се работи и размислувањето на нашите трговци останати со мозоците во 16-от век а со менталитет на ориентален (не кинески туку блискоисточен) трговец-јас да ти увалам да ми купиш а дали е квалитетно кому му е гајле. Нашите трговци не се инвентивни, не инвестираат во маркетинг на нови производи, одат по инерција и не сакаат да мачат мозок. Со таков менталем склоп и плус популација која намерно се остава да биде необразована и некултурна нормално дека нема пазарот на е-читачи да експандира сам од себе, треба да го наметнеш а тоа никој не го прави. Нашиве деца со огромните ранци што ги зг'рбавуваат од тежината се идеални потенцијални корисници на е-читач/таблет да ги заменат сите книги со електронска форма ама кому да му текне па да им каже на родителите а вака е лесно терај по инерција и создавај сакати и неписмени генерации.

    Ќе се ставам себе си како типичен иден е-читач корисник. Веќе планирам два читача еден за надвор и еден поголем за по дома но да имаше соодветна реклама и можност физички да ги тестирам во дуќан најверојатно (речиси сигурно) уште пред неколку години ќе ми беа купени.

    Нема оправдување кога ги има во Бугарија и Словенија да ги нема кај нас, за менталитетот се работи :).

    Малку пооптимистички, ме радуваат Кинезиве кои почнаа да експериментираат, да додаваат нови можности и да докажуваат дека со е-читач напротив може да се прави профит. Bouye исфрли 10 инчен читач со андроид со многу солиден хардвер, практично таблет со е-инк. Onyx веќе има 3 варијанти на 10 инчниот Boox Note со стајлус за кој има општ консензус дека е одличен и веќе носи два нови модела 10" Note Pro и 8" Nova Pro со осветлување плус Wacom леер. Рецензиите за двата претходни се генерално многу добри до одлични така да сум многу оптимистичен дека пазарот не само што не замира туку Кинезиве носат инвентивност и ќе ги принудат и западниве мастодонти малку да се поместат од зачмаеност.

    Читачите во боја заглавија, се збори дека ќе има нешто годинава ама далеку ќе биде од фул колор но сепак носи некоја раздвиженост на пазарот.

    Само штета што сме волку малку за муабет, двајца без тројца :D.
     
    На Zippo и Lokvan им се допаѓа ова.
  4. Lokvan

    Lokvan
    Unstoppable

    2,506
    3,441
    12 Јануари 2016
    Машко
    @DeJaVu фала за линкот, фин сајт, убави написи има... Баш читав неколку. :)

    Ma ajде, немаат пари за ебук ридер ама имаат пари за таблет плус смартфон кој сигурно го имаат, и веројатно кошта повеќе од 3-4 ебук ридери (основни модели).
    Основните модели на Амазон сеуште се прилично исплатлив и доволно добар избор: https://www.amazon.com/Amazon-Kindle-eReader-6-Inch-Touchscreen/dp/B00ZV9PXP2
    Јес да Амазон не испорачуваат Киндл овде во Македонија, ама се решава тоа со пријатели и познаници. Анхоч дефинитивно веќе не носат основни модели од Киндл? Тоа е (беше?) супер избор, ако сеуште постои.

    Мислам навистина, 80 долари се 4000 денари. Два пати заглавување во кафеана. Ви велам овие модели се најиспливи, цената сигурно е или со мал профит на хардверот или е субвенционирана од Амазон пошто знаат дека парите ќе ги надокнадат подоцна од профитот од продавање е-книги.

    Или Paperwhite моделот за 130 долари, ако некој баш не може да живее без вградено светло во читачот. Јас сеуште стојам на тоа дека кој редовно го употребува вграденото светло на читачот, тој не го употребува правилно читачот. Е-инк екраните се дизајнирани за употреба како класичните книги, со квалитенто надворешно светло. Вграденото светло е за во специфични ретки ситуации кога човек се нашол на место без доволно светло за нормално читање. :)

    130 долари се oкулу 7.000 денари, Невада може да се онадат кај што сонце не ги грее, со тие нивните цени од 30.000 илјади денари за Пејпервајт. Чиста кражба, треба во полиција да ги пријавиш. ;)

    Додека Пејпервајт е сеуште добра вредност, основниот модел е уште подобра вредност. Јес да е 167 ppi наспроти 300 ppi кај Пејпервајт, ама од моја лична споредба разликата реално не е многу видлива ниту смета за читање пониската резолуција. Дури мислам дека екранот на основниот модел дека има мала нијанса подобар контраст (Пејпервајт тера малку накај жолто позадината).

    Навистина вреди да се бараат начини како да се донесе Кинд од странство. Како и да е, цени од 80 или 130 долари за Киндл... Смешни се кога ќе се земе во предвид дека мозинството овде користат телефони од 200-300 евра (или поскапи). А тие телефони ги менуваат на секои две три години, додека ебук ридериве се користат долги години, практично додека не се расипат или искршат.


    Дајте да се соочиме со реалноста. Луѓево се неуки и глупи. На повеќето ЏАБЕ им се објаснува што е ебук ридер, и зошто е МНОГУ ПОДОБАР од таблети а со читање на смартфон ич да не правиме споредба. Башка што и тие кои чат пат понешто читаат, и тие не читаат многу.
    А мнозинството овде нема прочитано книга од лектирите во Средно, повеќето од нив НИ ТОГАШ! :oh:
     
    На Delta111 и esquimaux им се допаѓа ова.
  5. Delta111

    Delta111
    Gaining Experience

    111
    115
    23 Мај 2010
    Чудово дојде Kobo Clara HD (со душа го чекав):inlove:.

    [​IMG]

    Пред да го уклучам би имал неколку прашања:

    1. Дали да го ставам прво да се пуни неуклучено или да го уклучам па да го ставам да се пуни? Порачано е од странство така да очекувам дека е делумно полно (се надевам).

    2. На кутијата пишува дека интернет конекција е обавезна за сетап (Internet connection required for setup). Значи ли тоа дека треба да имам Кобо акаунт (имам тоа не е проблем) но дали со тој акаунт би имал проблем да си ги пренесам сите Epub-и од ПЦ? Односно дали е ок да се регистрирам на Кобо при сетапот или е подобро да барам начин без интернет конекција?

    @DeJaVu, @Lokvan

    Чим го истестирам ќе напишам впечатоци.
     
    Zippo, VerGer и на Lokvan им се допаѓа ова.
  6. Lokvan

    Lokvan
    Unstoppable

    2,506
    3,441
    12 Јануари 2016
    Машко
    Со среќа да се користи и многу книги да се прочитаат на него! :)


    1. Јас лично имам навика секогаш прво да ги полнам сите уреди пред првото користење. Не дека ќе направиш беља ако го пуштиш накратко за да го ѕирнеш уредот и да видиш батеријата до каде се испразнила.

    2. Не знам за Кобо, ама за Амазон (кои во упатствата исто бараа да се направи регистрација) знам дека регистрацијата пред се служи за пристап кон пазарот за е-книги. Има и некои услуги за конверзија на документи во ебук формат (преку емаил кој го добиваш кај Амазон), но сето тоа (и повеќе и побрзо) го може и Calibre. Јас ама баш ништо не користам од услугите на Амазон.
    Претпоставувам дека нешто случно нуди и Кобо, и слично сака да те однесе на нивниот пазар на е-книги (не дека ќе имаш зијан, пошто нема да купуваш од нив). :)

    Вај-фајот јас би го исклучил, џабе батеријата да не ја троши (и непотребно да не те зрачи со е-смог).


    едит: Гледам ривју за твоево Кобо, и баш ми се допаѓа. Колку пари те фати?
     
    На Delta111 му/ѝ се допаѓа ова.
  7. Delta111

    Delta111
    Gaining Experience

    111
    115
    23 Мај 2010
    Засега не уклучувам WI-FI така да ќе пробам да направам сетап без него но можно е да го уклучам покасно и секако тогаш 99% од времето би бил исклучен.

    Бидејќи дојде само со УСБ кабел без адаптер за штекер, се полни само на ПЦ (искуство со твојот киндл?) или ми е безбедно адаптерот од таблетот (Самсунг) да го уштекам во струја па усб кабелот од Кобото во него? Не знам дали се компатибилни па да не направам беља :).

    Ме фати околу 130 евра.
     
    На Lokvan му/ѝ се допаѓа ова.
  8. DeJaVu

    DeJaVu
    On your way to fame

    540
    664
    21 ноември 2010
    Машко
    Ај нек се нагоде и создравје да се служиш. Ти завидувам, и јас сакам :).

    Мора или преку вифи или преку пц да се активира со кобо софтвер. Без поврзување кај нив може, ама комплицирано е и не вреди да се замараш.
    Можеш да ставиш и непостоечки мејл при регистрација.
    Ќе се апдејтува до најнова верзија после активацијата.


    Sent from my Nexus 4 using Tapatalk
     
    На Delta111 му/ѝ се допаѓа ова.
  9. DeJaVu

    DeJaVu
    On your way to fame

    540
    664
    21 ноември 2010
    Машко
    За полнење можеш во било кој асален адаптер што имаш на 5 волти или во пц.
    Само пази, имаа самсунг адаптери со 5.3в, така да провери пред да го штекнеш. Пошто 5.3 е малку надвор од спецификација за усб (5в +-5%) и на таков јас не би го брцнал, мада веројатно не би имало проблем

    Sent from my Nexus 4 using Tapatalk
     
    На Delta111 му/ѝ се допаѓа ова.
  10. esquimaux

    esquimaux
    On your way to fame

    564
    937
    16 Јануари 2016
    Машко
    Читајќи ве ме заинтересиравте и мене околу еридериве. Не сум користел никад али заинтересиран сум за Paperwhite. Како најбезболно би се набавил? Исто би дошле во предвид конкурентните од Кобо и слично зависно од цената.
    Edit: Би се користел само за книги така што 6 инчен би бил доволен?
     
    На Lokvan му/ѝ се допаѓа ова.
  11. Lokvan

    Lokvan
    Unstoppable

    2,506
    3,441
    12 Јануари 2016
    Машко
    Дап, било кој поквалитетен 5 волтен адаптер ќе заврши работа. Може и од РС ама усб дава макс пола ампер (или 0.9 за усб3).

    Инаку воедно да не заборавам да упатам едно големо ФАКЈУ до сите домашни профитерски фирми, посебно Невада. Можеби ќе не прочитаат некогаш, и ќе разберат дека такви маржи од 400% се ретардирани и навредливи и дека луѓето се снаоѓаат без да преплаќаат.


    Анхоч можеби имаат на лагер, Невада КОЛАТ со цени (постирани поназад, Пејпервајт 29-30К додека директно од Амазон истиот кошта 130 долари)... Најевтино (не знам дали најбезболно) е некој да ти донесе од иностранство... Или гледање други брендови и нарачување Кобо, како што направи Делта111. :)
     
    Zippo, Krkac, esquimaux и на уште 1 им се допаѓа ова.
  12. Delta111

    Delta111
    Gaining Experience

    111
    115
    23 Мај 2010
    Дечки фала на честитките и советите но за сигурно да потврдам:

    На кобо сајтот го пишува ова за чарџерот:

    На мојот Самсунг адаптер (од таблет) пишува вака:

    Безбедно е со него да полнам пошто амперажата гледам е бајаги различна? Сега ми е на пц уштекано да се полни и воопшто не покажува колку е наполнето само некоја генеричка слика со инфо дека се полни :).
     
  13. DeJaVu

    DeJaVu
    On your way to fame

    540
    664
    21 ноември 2010
    Машко
    Тоа ти е колку максимум може адаптерот да пружи, а на уредот е колку ќе повлече.

    Sent from my Nexus 4 using Tapatalk
     
    На Delta111 му/ѝ се допаѓа ова.
  14. Delta111

    Delta111
    Gaining Experience

    111
    115
    23 Мај 2010
    Се наполни доста брзо преку пц, работи супер, light bleed има многу малку, со уклучено comfort light нема воопшто (ги средиле новиве серии плус многу ми се свиѓа comfort light-от без разлика дали и колку често ќе го користам) така да денес ќе ги чепкам опциите и да читнам нешто па деновиве ќе пишам импресии.

    @Lokvan, @DeJaVu фала ви за советите, темава и муабетите ме поттикнаа да се заинтересирам и да се одлучам за читачов :).

    Нека ни се угоди на сите па во иднина да поттикнеме и други да читаат.
     
    На Lokvan му/ѝ се допаѓа ова.
  15. mrkela2009

    mrkela2009
    Gaining Experience

    153
    171
    24 Јануари 2010
    Машко
    На Lokvan му/ѝ се допаѓа ова.
  16. DeJaVu

    DeJaVu
    On your way to fame

    540
    664
    21 ноември 2010
    Машко
    Дај малку поподробни информации за момциве тука. Од која земја, од кој продавач, за колку време, со која пошта, дали почека да ти стигне за царинење лифче или одма им отиде кога си го видел на тракингот дека е тука, која цена и колку давачки точно и сл.
    И дај една фотосесија ако имаш можност, да го видиме во "живо" :).

    Сеа не ги ругај, 30к е оазис со 32ГБ, пејпрвајт е 16.3к(гага) :p. Што не го менува фактот дека за таа цена ќе земеш од ибеј и пејпрвајт и клара хд :).

    Дури кога светлото не би било приоритет, кај основниот модел не ми прави ќеф екранот од 800х600(некако бушави ми беа буквите на таа резолуција на моето, споредено со сегашниов).
    А сега гледам се појавил и пејпрвајт постариот модел на лагер(ген3) со реклами.
    Само во цити мол го има на лагер, едно парче, можно е да е вратено од некој(можда грешам)? Пошто отприлика пред недела дена кога го правевме муабетот со @Delta111 го имаше само основниот модел на лагер за 6к.

    Ако некој се мисли за тоа парче од анхоч, можам да помогнам со цена, малку полесен да биде прелазот у друштво :). @esquimaux
    Иначе останати логични опции по мене ти се од ибеј, пејпрвајт 4ген(All new Paperwhite) кој најлесно можеш да го идентификуваш по меморијата(8гб, наспроти 4гб кај постарите).
    Ако земаш преку ибеј пејпрвајт, не е лошо да загледаш верзија без реклами(со реклами се викаат With Special Offers), пошто нервираат.Мада имам искуство со пријателче кој ја имаше верзијата со реклами, и од сапорт на амазон му ги тргнаа.Пошто не нема како земја за киндл, ја немаш опцијата да си доплатиш 20$ да ги тргнат, па искочија во пресрет. Ова беше одамна, и незнам дали сеуште е изводливо.Им пишавме дека сака да си плати да се тргнат рекламите ама нема опција.
    Или Clara HD.
     
    Delta111, esquimaux и на Lokvan им се допаѓа ова.
  17. Lokvan

    Lokvan
    Unstoppable

    2,506
    3,441
    12 Јануари 2016
    Машко
    @DeJaVu би им се извинил за грешката на „ценетите“ профитери, само што и вака цената сеуште е 200% и повеќе поголема. :oh:

    А тоа за Special Offers, на времето чинам се решаваше со рутирање и џеилбрејк - не може на новиве модели?
     
    На Zippo му/ѝ се допаѓа ова.
  18. DeJaVu

    DeJaVu
    On your way to fame

    540
    664
    21 ноември 2010
    Машко
    Тууу ич да се немало разбирање, па на клима им се греат дуќаните, кој ни е крив кога прашуваме за цени сега у најладното :p :)

    Незнам, слабо ги пратам киндл.
    Но во секој случај ништо не кошта да се проба ова со сапортот ако некој овде има верзија со реклами, најчисто решение ако успее.
     
  19. Lokvan

    Lokvan
    Unstoppable

    2,506
    3,441
    12 Јануари 2016
    Машко
    Друга опција, некои Кинези развиваа на времето некој алтернативен ОС, дуокан или така нешто се викаше... Не ми се замараше тогаш, од читање немав (немам) време. ;)

    Туку ај кај да е ќе отворам некоја тема со препораки за книги, да размениме идеи за читање. :)
     
  20. Delta111

    Delta111
    Gaining Experience

    111
    115
    23 Мај 2010
    После два дена користење на Kobo Clara HD можам да дадам први впечатоци.

    Реална цена би требало да биде максимум 70-тина евра (4-5000 ден). Мислам дека се' над тоа е преплатено. Откога тоа сме го расчистиле одиме на спецификации.

    Уредот засега нема багови. Листањето на страниците е течно и без застанувања. Кај мене нема анимации при листањето (не ми смета пошто е инстантно) а дали има опција да ги уклучам и дали би се исплатело сеуште не знам. Засега ќе остане вака. Рефреширањето на екранот се подесува по желба, мене ми е на 7-8 страници така да воопшто не смета.

    Само еднаш ми закочи кога кликнав да се отвори енциклопедија од 1000 и кусур страници (повеќе од 100 МВ фајл) но и тогаш не било закочено туку му треба време да отвори и процесира. Сите други помали фајлови (стандардна големина) ги отвара моментално (во пракса секунда до две). Јас лично не осеќам потреба да сменам побрза и поголема SD картица наместо дифолтната од 8 GB (опција што постои кај Кобо).

    Книгите од ПЦ се префрлаат со Windows/File Explorer. Се уклучува читачот на USB кабел и на ПЦ, автоматски се отвара прозорец во Explorer и со просто copy/paste се префрлаат фајлови во читачот. Боза работа :).

    Секако има можност за каталогизација по автор, наслов, итн но со инсталирани само десетина книги засега тие опции не ги користам.

    Во самиот текст (книга) има опција за search така што без проблем може да се бара збор или фраза во целата книга. Кога ќе ја затвориш книгата и потоа ја отвориш го памти местото каде си застанал претходно.

    Има опција за инсталација на custom фонтови така да иако дифолтниот беше добар прејдов на bookerly затоа што мене лично од сите пробани фонтови ми е најдобар. Зголемување фонт, маргини, растојание меѓу редови си функционира најнормално. Контрастот е одличен, нема никаква пикселизација на текстот (HD екран) и иако се пишува дека може да се зголеми контраст односно да се болдираат буквите јас таква опција не најдов но реално не е ни потребна. Ќе испитам понатаму дали има таква опција.

    Кобо имаше критики од корисниците дека футерот и хедерот завземаат преголем простор од текстот (за разлика од Киндл) но со најновото firmware во самите подесувања има опција истите сосема да се исклучат со што текстот се прикажува на целата страница (ги исклучив).

    Речникот го проверев само на англиски и функционира одлично значи во најголем број случаи ќе има објаснување на селектиран збор.

    Екранот без осветлување е кремаво сивкаст (не смета, се навикнуваш и мислам кај сите е-читачи е таков) додека со страничното осветлување се подесува да биде во нијанса што нас ни одговара од скоро бел до крем/портокалов. Во текот на денот ако не е собата со убава дневна светлина (во зима не е) светлото ми е на 22% и 10% comfort light. Ноќе го качувам на 27% и функционира супер, јас лично најчесто преферирам блага нијанса на крем затоа и го уклучувам comfort light-от иако и без него е убаво читањето и не замара очи. Ако се има светло (сијалица) позади грб тогаш може и сосема да се изгаси страничното осветлување. Сакаш да се завртиш на страна во кревет и да се покриеш со јорган/ќебе преку глава и да читаш, може и тоа без проблеми. Јас сум презадоволен од страничното и comfort light осветлување. Се разбира двете се подесуваат посебно но comfort light-ot не може да работи без главното осветлување а обратно може.

    PDF беше лошо искуство, тешко се зумира и веднаш баталив (плус мал е дисплејот) но читав дека дифолтната на Кобо е лоша за PDF и да се користи Koreader. Засега немам потреба пошто за PDF планирам или поголем читач или таблет.

    Големината на дисплејот е точно 12 x 9 см, информација што се крие како тајна (ироничен сум) затоа што колку и да барав и да читав на форуми никаде не ја најдов туку само резолуцијата и физичката големина. Мое лично мислење е дека сите ридери во оваа големина се одлични како мобилни читачи (за по надвор наместо чепкање и читање на мобилен) додека за дома јас лично преферирам најмалку 7 инчен а идеално 8 инчен читач. Кобото однапред го планирав за мобилен уред но додека се решам за 8 инчен, супер служи и за по дома. Кога е во sleep (после 5 мин неактивност) ја покажува корицата и процентот на прочитаната книга.

    Батеријата при првото полнење веќе беше 3/4 полна така да за саат време на ПЦ се наполни скроз. После овие два дена со 3-4 саати читање со позадинското од погоре батеријата е потрошена некаде 5-6 % така да би требало да тера уште десетина дена пред полнење што е сосема ок.

    Тачот е беспрекорен и не е како спомнато од @Lokvan на Киндлето мува да ги прелиста страниците. На таблетот нерви кинев што секој случаен допир на ивиците ми листаше по 5-6 страници, тука нема таква можност, дисплејот не е flush со ивиците и треба убав притисок за да заврти страница, односно би рекол тачот е совршено решен (таман притисок колку што треба). Побарав опција да исклучам листање со swipe и да оставам само со тач (заради тренинг за брзо читање) но за жал не најдов таква опција во подесувањата. Свајпот може да се изгаси но тачот не.

    Уредот е навистина минијатурен така да може (со малку напор) да се стави во поголем џеб на јакна и има само едно физичко копче (Power ON/OF) кое е долу од страна на оквирот и така е поставено што не е можно случајно да се притисне. Ридерот најлесно се држи од долната страна и штета што таму нема барем едно физичко копче за листање страници. При читање може да се држи со една рака без проблем (не лизга а и позадината е рапава и убаво лежи во рака) но за листање морам да користам две раце, со една е малку проблематично.

    Првите серии имаа проблеми со bleed доле и од страните но новиве во најголем дел се корегирани така да доле и горе нема воопшто блид а само од страните доле има минимален блид од лево и малку од десно (но не смета за читање значи не е од степен да треба да го отвараш уредот за да корегираш иако има и таква опција). Се разбира со изгасено светло блид нема а со мал интензитет и блидот е речиси незабележителен.

    Убав минималистички дизајн, пристојна цена, мобилност, можност за epub и mobi, чита речиси се' живо и диво, функционална дифолтна апликација, солидни перформанси, одличен HD Carta екран и можност во иднина да ставам поголема и побрза SD картица, така да сум ептен задоволен.

    Топла препорака за сите љубители на книгата а и тие што не се има добра шанса да станат :).

    [​IMG]
     
    Последна промена: 21 Јануари 2019
    На Costigan_Jr, Necromancer, moongose и уште 3 други им се допаѓа ова.
  21. Delta111

    Delta111
    Gaining Experience

    111
    115
    23 Мај 2010
    Сакав да ставам фотки ама не се снајдов така да ги постирав тука. (Модератор наубаво да ги спои постовите).
     
  22. DeJaVu

    DeJaVu
    On your way to fame

    540
    664
    21 ноември 2010
    Машко
    Пиши и малку поподробно за искуството со нарачката ако не е проблем, ќе ни се најде информацијава овде. 2 поста претходно ти пишав што отприлика би било релевантно, а и додади од тебе нешто ако ти текне а сум пропуштил.

    Sent from my Nexus 4 using Tapatalk
     
  23. Lokvan

    Lokvan
    Unstoppable

    2,506
    3,441
    12 Јануари 2016
    Машко
    Убаво напишано, мислам дека треба да го препостираш истово одделно како review. :)
     
    На Delta111 му/ѝ се допаѓа ова.
  24. Delta111

    Delta111
    Gaining Experience

    111
    115
    23 Мај 2010
    Порачано од Ebay стигна за 4 дена препорачано, за среќа поминав без царина. Ново од проверен продавач Kobo Clara HD eReader, 6" Illuminated Touch Screen.

    Го меркав и ова Кobo aura ONE 7.8 Inch 8GB WiFi E-Reader (used) ама продавачот не одговори на порака (плус малку ривјуа) така да одев на проверена опција.
     
  25. DeJaVu

    DeJaVu
    On your way to fame

    540
    664
    21 ноември 2010
    Машко
    Нема опции за анимација, а и би било драстично поспоро вртењето страни и повеќе батерија би трошело. Мислам дека на андроидите има опција, али од апликации од апстор што се наменети за таблет и не се оптимизирани за еинк екран.
    Кај мене рифреш е на чаптер, и мислам дека комотно можеш да го наместиш така, пошто не гледам гостинг кај мене на книги со тој сетинг.Ќе уштедиш нешто батерија, и плус да не ти вади очи флешот од црно на бело.

    Пребарај на гугл со термин Calibre Kobo Shelf Management кога ќе ти дојде време да си играш со таа опција. Како алтернатива, коридер има нешто како експлорер интерфејс и можеш по фолдери да си ги распределуваш со него, мада уште не сум го пробал пошто грдо ми изгледа споредено со фабричкиов интерфејс, а калибрево еднаш чим го подесиш прилично едноставно е.

    На фонтови додадени од корисник фабрички не дава опција да се подесува weight(болдирање) , али има пач да се овозможи и за нив.Пошто ти е ептен тазе, претпоставувам дека не би се играл со хакчиња.Али ако грешам тука сум за асистенција :) . Башка практично анбрикабл е, пошто можеш да ја извадиш картицата и да вратиш фабрики имиџ.

    НЕ користам многу често речник, али консензус е дека мањка речникот.Може да се замени со твој.Пример ако сакаш 3 твои да ставиш, симнуваш 3 од фабричките, одиш во .kobo>dict и ги заменуваш со твои.Рестарт после промената.Името мора да биде исто како што е на фабричките.
    При синхронизација ги враќа назад фабричките, али има и за тоа пач.

    Обратно треба , ноќе/во темно намали го светлото :)

    Од скроз празен до полн околу 3 саати негде му треба на мојов. Околу 30ина саати ми трае на стрипови, и околу 40ина на епуб книги. Имаш во калибрето опција при трансфер автоматски да ти ги конвертира во kepub(Kobo Epub), побрзо ги врти страните, ако има слика можеш да ја кликнеш и да ја добиеш на фул скрин(пример мапа од лорд оф д рингс или сл.), и би требало батерија повеќе да трае со кепуб али не сум споредувал откако го подесив.

    Не ми се свиѓаше што има мал избор за тап зони за вртење на страните, и не најдов перфектен сетинг за мене па морав да одам на компромис. Али сега има пач да се среди било каде да тапнеш да врти напред, а назад со свајп.
     
    На Delta111 му/ѝ се допаѓа ова.

Сподели

Вчитување...