Монитор за ќор човек?

[Metuzalem]

Добро де, не ќор, ама преку глава ми е веќе од ситен текст, а најмногу работам со текст.

Значи, би ве молел за совет за купување монитор на ново од кај нас што ги има следните карактеристики:

- Најкрупни пиксели (најмалку по единица површина) на свет

- цена, тип на панел, агол на гледање, брзина на одзив и слично воопшто не се битни.

Растен сум на ова па ама ич не ми е гајле за пикселизација и дали се гледаат поединечни пиксели.

Фала.

 

[lynx]

Повеќето оперативни системи имаат опции за полесно читање, за ќори лица. Пробај види со тие опции дали ќе завршиш работа.

 

[Phenomen]

Имаш една ПРЕКРАСНА алатка наречена "Magnifier", барај ја во search во старт менито (зборам за Windows 7)

 

[maci]

ако си на хп имаше еден сетинг од 100% да зголемиш на повеќe.дали само текстот на фолдерите се зголемуваше или текстот на се не сум сигурен.но провери.
тие што се на хп нека пробаат.
properties,monitor,advanced,нешто со дисплејот беше

 

[prichina]

каков олдскул тип е maci, истиот сетинг го има и во win 7

 

[Metuzalem]

Знам за тоа (DPI), многу програми не знаат да работат со тоа, фонтовите излегуваат од дијалог боксовите, не сакам да работам со тоа. Дури и на 7 не работи 100% како што треба.

А со magnifier да шарам-барам лево-десно по екран... Подобро ќе ставам пониска резолуција, ама што ќе ми е кога не е native на мониторот.

Сакам хардверЦко решение (или најблиску до тоа). А, заборавив да кажам, главната причина е што сакам голем монитор.

 

[Phenomen]

Сакам хардверско решение (или најблиску до тоа). А, заборавив да кажам, главната причина е што сакам голем монитор.

Ти бато незнаеш што сакаш. Поедноставно - бараш млеко од кокошките.

 

[Metuzalem]

Да речеме, резолуција 1920x1080. Такви има 21-24 инчни. Се разбира, одам на најголемиот. Е, за тоа барам препорака ако знае некој. Или да барам 24-инчни само?

 

[Phenomen]

Барај 32 инчи HD Ready, ете ти мала native резолуција. Идеален избор.

 

[gokica]

Во Нико има 27 инчни ViewSonic ако е големината во прашање.

http://shop.niko.com.mk/index.php/cPath/90

За големина на текст, 32 инчен ТВ исто така го бива со тоа што ќе ти треба период на адаптација на зголеменото осветлување (споредено со монитор) посебно при бела позадина. Јас успеав да се адаптирам но не секој може да работи во таква ситуација.

 

[maci]

каков олдскул тип е maci, истиот сетинг го има и во win 7

мислев дека е на хп,инаку јас сум на вин7.
незначи тоа ако сум му кажал за хп дека сум олдскул

 

[Metuzalem]

Може 27-инчни, фала за препораката. Телевизор (нешто изнад 30 инчи) веќе би ми било преголемо.

 

[zorandesign]

Дури и на 7 не работи 100% како што треба.

Ова е толку вистина. :angry: Се прашувам кои ли ограничени програмери се тие што не успеваат да го решат овој проблем веќе со неколку верзии на најглупавиот оперативен систем на планетата- прозорци. И не е само тој проблем...целиот оперативен систем, посебно 7ката е нешто толку...дебилно е мек збор...можеби некој микс од ХР и 7ка + едно 100тина добри идеи од корисници ќе направат прозорците да не претставуваат pain in the ass кога се работи со нив....Мајкрософт....кога сме веќе кај плукањето по нивните прозводи - дали имате заприметено дека во Office,ctrl+Z не работи кога имате македонска подршка? а замислете, ctrl+C и ctrl+v работи
Иако ова звучи ОТ, сепак мислам дека една од главните пораки што сакаше да ги упати креаторот на темава е баш оној дел што го цитирав. Ако не е така, нека не ми замерува

 

[Sephiroth]

Проектор со резолуција 800х600. На цел ѕид од собата ќе имаш по 1-2 реченици текст

 

[Metuzalem]

Проектор со резолуција 800х600. На цел ѕид од собата ќе имаш по 1-2 реченици текст

Тоа кога ќе искречам.

 

[IVS]

Проектор со резолуција 800х600. На цел ѕид од собата ќе имаш по 1-2 реченици текст

Хахаха закон

 

[Metuzalem]

Купен овој. Сосема коректно си работи, нема мртви пиксели, но звукот е како транзистор ставен во канта за сирење ставена во фичо. Неверојатно колку е лош. Но, добро, не го ни купив за тоа.

 

[gokica]

Купен овој. Сосема коректно си работи, нема мртви пиксели, но звукот е како транзистор ставен во канта за сирење ставена во фичо. Неверојатно колку е лош. Но, добро, не го ни купив за тоа.

Многу ретко доаѓам па сум го промашил постот. Линкот не води до монитор. Очигледно го симнале од дневен ред.

Баш ме интересира кој модел си го зел.

 

[Metuzalem]

Viewsonic VX2753MH-LED, 16 и пол илјади. Последен им беше во Рамстор.

Освен звукот*, задоволен сум. Најдов сетинзи за калибрација на некој српски/хрватски сајт и стварно убава е сликата кога е калибрирана. Добро де, сигурно е различна калибрацијата за секој примерок, но штом се иста серија, веројатно е многу блиску. Пред тоа, не можев крај да му најдам... Кога е висок brightness, нијансите се спојуваат, а кога ќе намалам brightness и/или contrast, излегува темно/бледо... А кога беше светол, не се гледаше од блиску - уште повеќе очи болат. Кога беше темен, се гледа нееднакво осветлување на различни делови од екранот...

Вака лаички гледано, ми изгледа дека е панел од телевизор (по default е ненормално светол и има два HDMI, а нема DVI).

* И тоа го подобрив малку од малку со снимање на бел шум од звучниците со мобилен (Nokia xpress music, демек наменет за музика, па се надевам дека е намалено влијанието од неговиот (не)квалитет), па гледање на снимката во Spectral Display во Audition и местење на еквалајзерот на Realtek интегрираната. Кои штрафти се гледаа, не е нормално. Малку се подобри, но не се погодија истите фреквенции (пр. ми треба 14 kHz, Realtek има 15, а таму треба обратна интервенција или не треба).

 

[gokica]

Viewsonic VX2753MH-LED, 16 и пол илјади. Последен им беше во Рамстор....

Ти благодарам. Со здравје да си го служиш.

Дали само темен има нееднакво осветлување? Дифузерите кај LED мониторите сеуште не се сјајни но сепак доколку има значајна неуниформност треба да го вратиш односно замениш. Провери на http://www.lagom.nl/lcd-test/ како се однесува при тестовите. Посебно во делот на прекршување на светлина каде треба некаде од пола нагоре да има една нијанса а подоле друга (заради ТН панелот). Ако има девијации тогаш има проблем. Тука поприлично ќе увидиш и до кој степен мониторот е калибриран. не очекувај идеална ситуација. Значајно е да ти е допадлив за очи. Додај и vibrance во мал степен доколку чувстуваш дека така е подобро.

Панелите се тие и кај монитори и кај телевизори. Компонентите кои го обезбедуваат степенот на калибрација и прецизност се тие кои се разликуваат. Нека не те буни осветлувањето. На пример на DELL U2412M на дефаулт осветлување екранот блешти до степен на кој човек може да добие сончаница. Затоа намали го осветлувањето поприлично. Ова е добро зашто ќе ти овозможи поголема долговечност и униформност со текот на употреба.

Со звучниците воопшто да не се замараш. Јас воопшто се прашувам зошто ги поставиле. Најверојатно заради ефектот на максимална „мултимедијалност“ на уредот како дел од промотивните активности. Јас додека го имав (сличен модел) не ги употребив ниту еднаш. Купи си некои ефтини звучници или слушалки и заборави дека постојат овие на мониторот. Ако евентуално се појави наезда од глувци во твоето место на живеење е тогаш пушти ги да свират погласно за да си немаш мака со штетниците.

 

[важна]

Пробај со CTRL и +

 

[Metuzalem]

Ти благодарам. Со здравје да си го служиш.

Дали само темен има нееднакво осветлување? Дифузерите кај LED мониторите сеуште не се сјајни но сепак доколку има значајна неуниформност треба да го вратиш односно замениш. Провери на http://www.lagom.nl/lcd-test/ како се однесува при тестовите. Посебно во делот на прекршување на светлина каде треба некаде од пола нагоре да има една нијанса а подоле друга (заради ТН панелот). Ако има девијации тогаш има проблем. Тука поприлично ќе увидиш и до кој степен мониторот е калибриран. не очекувај идеална ситуација. Значајно е да ти е допадлив за очи. Додај и vibrance во мал степен доколку чувстуваш дека така е подобро.

Панелите се тие и кај монитори и кај телевизори. Компонентите кои го обезбедуваат степенот на калибрација и прецизност се тие кои се разликуваат. Нека не те буни осветлувањето. На пример на DELL U2412M на дефаулт осветлување екранот блешти до степен на кој човек може да добие сончаница. Затоа намали го осветлувањето поприлично. Ова е добро зашто ќе ти овозможи поголема долговечност и униформност со текот на употреба.

Со звучниците воопшто да не се замараш. Јас воопшто се прашувам зошто ги поставиле. Најверојатно заради ефектот на максимална „мултимедијалност“ на уредот како дел од промотивните активности. Јас додека го имав (сличен модел) не ги употребив ниту еднаш. Купи си некои ефтини звучници или слушалки и заборави дека постојат овие на мониторот. Ако евентуално се појави наезда од глувци во твоето место на живеење е тогаш пушти ги да свират погласно за да си немаш мака со штетниците.

Фала за советите, стварно ми користеа. На тестовите на сајтот помина многу добро, единствено гамата е малку ниска (околу 1,9-2,0), ама нема шанси да го разместувам сега. На оваа „калибрација“ во општа работа нема видлива неуниформност на позадинска боја, додека претходно (при слична осветленост) се гледаа различни нијанси на различни краеви на екранот (пополнет со иста боја). Сега паѓа уште само на тестот на сајтот на полна боја - виолетова, ама мислам дека не може да се направи повеќе. Да не претеруваме сега.

И пробива позадинско осветлување по рабовите колку што можам да видам (ако е тоа тоа, толку се разбирам), ама досега не ми пречеше и не го ни бев забележал. Ќе се трудам и натаму да не го забележувам, ако можам.

Сајтот ми користеше и затоа што сфатив дека треба да го навалам малку (досега беше вертикален пушка и за да видам како што треба, морав да ја спуштам главата).

 

[gokica]

Фала за советите, стварно ми користеа. На тестовите на сајтот помина многу добро, единствено гамата е малку ниска (околу 1,9-2,0), ама нема шанси да го разместувам сега. ...

Големината на панелот доведува до ситуација да ги забележуваш сите недостатоци на ТН технологијата посебно во делот на униформноста на приказот. Но ова воопшто не треба да те секира се додека не се решиш да се бавиш со професионален едитинг и дизајн.

Со мониторот на ЦД доаѓа профил (ICC фајл). Инсталирај го заедно со драјверот.

Ако веќе имаш желба за понатамошни чекори во средување на сликата има и еден програм кој е пософистициран и кој дозволува креирање на кастом профили без хардверска калибрација:

http://www.normankoren.com/QuickGammaV2EN.exe

Всушност ќе го најдеш на сајт кој е многу потемелен ресурс за калибрација:

http://www.normankoren.com/makingfineprints1A.html

Позадинското осветлување е карактеристично за најголемиот број на TN монитори и се додека не е изразено е ОК. Во секој случај го забележуваш најмногу на целосно темна позадина а нема многу такви ситуации во секојдневие па не пречи.

Кога имаш време и ако играш пробај го динамичкиот контраст во игри. Viewsonic има многу добра имплементација на овој сетинг и плус е познат по многу добра црна боја кај ТН панелите што значајно придонесува за добар филинг при филмови и игри.

 

[bokiscout]

Честито нов монитор и долго да те служи истиот. Ме интересира дали си имал прилика да ги споредиш еден до друг 27инчниот монитор со 22 и 24 инчните модели од истата сердија (VX2753MH / VX2453MH / VX2253MH) и дали кај нив во иста мера се изразени оние недостатоци грубо кажано, и да не должам многу дали си задоволен од мониторот? Ако е се во ред би се подновил и јас со VX2453MH во скоро време

 

[Metuzalem]

Големината на панелот доведува до ситуација да ги забележуваш сите недостатоци на ТН технологијата посебно во делот на униформноста на приказот. Но ова воопшто не треба да те секира се додека не се решиш да се бавиш со професионален едитинг и дизајн.

Тоа и беше поентата, барав голем монитор за да одморам очи. Обично купувам од поквалитетните (поскапите) работи од својата категорија, но овојпат не можев да си оправдам (и да најдам) пари за некој Dell IPS 27-ца (ако постои таков). Сепак не сум професионален графичар.

Со мониторот на ЦД доаѓа профил (ICC фајл). Инсталирај го заедно со драјверот.

Инсталиран беше од одма. Не видов видлива разлика.

Ако веќе имаш желба за понатамошни чекори во средување на сликата има и еден програм кој е пософистициран и кој дозволува креирање на кастом профили без хардверска калибрација:

http://www.normankoren.com/QuickGammaV2EN.exe

Всушност ќе го најдеш на сајт кој е многу потемелен ресурс за калибрација:

http://www.normankoren.com/makingfineprints1A.html

Знам за овие сајтови, QuickGamma го користев одамна и неколку години го баталив затоа што главна машина ми беше лаптоп. Сега веќе ме мрзи да 'рчкам со саати, а попрво би правел нешто со хардверски калибратор, ама не вреди за овој (релативно) евтин монитор.

Кога имаш време и ако играш пробај го динамичкиот контраст во игри. Viewsonic има многу добра имплементација на овој сетинг и плус е познат по многу добра црна боја кај ТН панелите што значајно придонесува за добар филинг при филмови и игри.

Па не знам, сите ривјуа го кудеа, а и мене ич не ми се допаѓаше. Главната игра што ја тепам во слободно време (C&C Yuri's Revenge) прави проблеми на процесоров (еднаш во минута сликата се деформира), а немам фазла 2-3 дена од животов за да пуштам Цивилизација.