Сопствен (proprietary) vs. Слободен (OpenSource) софвер

[delix]

Спремав за факултет презентација на тема Free and Open Source Software и истражувајќи се најдов во дилема. Разгледувајќи го историјатот на слободниот софтвер, неговата дефиниција, филозофска основа и развој, почнав да размислувам за тоа дали сакам мојот софтвер да биде слободен. Според дефиницијата слободен е софтверот кој нема ограничување на користењето, дистрибуцијата и модификацијата, со цел да се проучи, подобри, развие и продолжи неговата основа, т.е. да продолжи да биде слободен софтвер.
Гледајќи дека и самиот еден ден се стремам да бидам софтверски инженер, во прв поглед немам многу против оваа идеја, да креирам одредена програма, да си го наплатам времето кое ми било потребно да ја креирам програмата и потоа мојот производ да биде слободен за сите да можат да го менуваат. Но сето тоа е во спектарот доколку работам нешто што и друг може да го направи. Доколку софтверот кој го работам користи некој алгоритам, кој претходно никој не го замислил, на теориска основа, јас би сакал, таа идеја да ја заштитам што можам подобро. Како што името на еден автор би стоело на неговиот роман и слично.
Знаејќи дека некои од вас активно креирате програми, вед дизајни, и други ИТ продукти, ме интересира вашето мислење. Дали целосно го подржувате слободниот софтвер, што е проблемот со неслободниот софтвер на големите компании, и што е со вашиот софтвер?

 

[Новица]

Малку ми е нејасно тоа што сакаш да го прашаш, па затоа извини ако ова директно не ти го одговара прашањето.

Кога размислуваш за слободен софтвер мора да размислуваш од страната на корисниците. (И програмерите се корисници, патем, и впрочем секој користи многу повеќе софтвер одошто програмира.) Значи од аспект на корисниците и во нивен интерес софтверот треба да биде слободен. Тоа е главниот аргумент на кој се темели идејата за слободен софтвер. Во таа смисла, интересите на програмерите се второстепени, т.е. програмерите се тие кои треба да се прилагодат на таа ситуација кога центар на софтверот се интересите на корисниците.

На страна од тоа, ако дојдеш до некој целосно нов алгоритам како што велиш, тогаш повеќе би те интересирале патенти од авторски права, но речиси целокупната научна дебата е насочена кон тоа дека патентите се лоши за софтверот (и за некои други информациски добра).

Понатаму, многу голем дел од софтверот е всушност слободен без воопшто луѓето да размислуваат за тоа. Да кога размислуваш за Microsoft (речиси) секогаш тоа е неслободен софтвер, но голем број на компании кои не продаваат off-the-shelf софтвер, всушност создаваат софтвер што за нивните клиенти е слободен. (Добро, ова можеби и не е така на македонскиот пазар.)

Ако имаш некое поконкретно прашање, fire away.

 

[delix]

Па на некој начин ти веќе ми го одговори прашањето. Се ќе зависи од погледот што се има кон софтверот. Но доколку програмерите се прилагодат, и да биде општо прифатено дека софтверот што се креира да биде слободен, и софтверот треба да биде во прилог на корисниците,тогаш се ослободуваат од една дилема, затоа што и тие самите се корисници на некој друг софтвер.

 

[gdamjan]

и конечно delix, слободен софтвер воопшто не значи дека нема да можеш да си го наплатиш трудот.

постојат многу модели на заработка преку слободен софтвер, и тоа докажани на пазарот, но веројатно постојат и други бизнис модели кои уште не сме ги откриле.

 

[sdarko]

@gdamjan

не велам дека не постојат такви модели али никогаш не сум чул за нешто такво, така да би те замолил да ми посочиш некој.


For Education purposes only!

 

[Aleks]

@gdamjan

не велам дека не постојат такви модели али никогаш не сум чул за нешто такво, така да би те замолил да ми посочиш некој.


For Education purposes only!

Подршка за софтверот ) Ете ти еден начин на добивање на профит.

 

[Cika]

Сепак можеш на некој начин да (про)даваш рекламен простор во слободниот софтвер,иако го неам слушнато или прочитано ниту видено тоа некаде,може да послужи како идеја.

 

[Xenor]

и конечно delix, слободен софтвер воопшто не значи дека нема да можеш да си го наплатиш трудот.

постојат многу модели на заработка преку слободен софтвер, и тоа докажани на пазарот, но веројатно постојат и други бизнис модели кои уште не сме ги откриле.

http://www.builderau.com.au/strateg...from-Open-source/0,339028271,339191343,00.htm

 

[Aleks]

Сепак можеш на некој начин да (про)даваш рекламен простор во слободниот софтвер,иако го неам слушнато или прочитано ниту видено тоа некаде,може да послужи како идеја.

Гугл ? ))))

Користи слободен софтвер на неговите сервери + става реклами = win.

 

[Новица]

@gdamjan
не велам дека не постојат такви модели али никогаш не сум чул за нешто такво, така да би те замолил да ми посочиш некој.

Поддршка и услуги... компании кои го прават ова има многу, од попознатите IBM и RedHat.

Ако сакаш академски осврт на темата: Open Business Models: How to Thrive in the New Innovation Landscape

 

[Xenor]

Поддршка и услуги... компании кои го прават ова има многу, од попознатите IBM и RedHat.

Ако сакаш академски осврт на темата: Open Business Models: How to Thrive in the New Innovation Landscape

Би било интересно ова да го читнам. Фала за линк.

 

[delix]

знае ли некој како токму се финансира каконикал, дистрибуторот на убунту? не сум видел да користат реклами или маркетинг. дали е преку спонзорства?

а тоа за финансирањето не е проблем, секогаш постои маркетингот од кој може да се заработува, како што рековте и самите целиот гугл е финансиран од тоа, особено сега кога трендот за веб базиран софтвер е се поголем

 

[zuberot]

@delix интересна дискусија, ајде повели денес од 19:00 во Хаклаб КИКА (http://hacklab.sk) иако имаме Ubuntu прва помош може додека решаваме некој проблем (ако има) да дискутираме на оваа тема ќе ти биде од помош и за презентациите и општо околу разбирање на цела идеја која ја носи слободниот софтвер. Ние сме тука http://www.hacklab.sk/за/

 

[Новица]

знае ли некој како токму се финансира каконикал, дистрибуторот на убунту? не сум видел да користат реклами или маркетинг. дали е преку спонзорства?

Во моментов длабокиот џеб на Марк Шатлворт е главен финансиер на Каноникал. Сѐ уште немаат остварено профит.

 

[delix]

@zuberot: штета што касно го видов постот, баш би сакал да дојдам, а ем живеам во близина на 5 мин, + за утре имам колоквиум, ако може во некоја друга прилика

 

[smiley]

Бесплатен е оној кој можеш бесплатно да го симнеш, копираш итн. Отворен е оној кој можеш слободно да го надоградуваш, изменуваш итн. Не ја разбирам дилемата која сакаш да ја поставиш како тема за дискусија. Каде е проблемот?

 

[Cika]

Мислам дека под неслободен софтвер мисли оној што се плаќа за неговото користење.

 

[delix]

@Smiley: Прочитај го мојот прв пост и види што сакам да прашам, добро знам што е разлика меѓу слободен и бесплатен софтвер, ако сакаш експлицитно да го поставам повторно моето прашање е:
Што мислиш ти за слободата на софтверот, дали би сакал твојот софтвер да биде слободен, зошто не, постои ли начин да се ослободи софтверот?
А под неслободен софтвер мислам, и тоа токму тоа и е (според дефиницијата на слободен софтвер) софтвер кој не задоволува барем една од 4те слободи кои треба да се загарентирани за софтверот да биде слободен.
Слободите се: 1.Да може да се користи за било каква цел 2.Да може да се дистрибуира слободно 3. Да може да се проучува и да се менува програмата за наша цел
4. Да може да се издаде изменетата програма (под услов и таа изменета верзија да биде слободна за понатамошните корисници)

 

[Cika]

Ок,извинете за дезинформацијата,се збркав. Off topik.

 

[zuberot]

@zuberot: штета што касно го видов постот, баш би сакал да дојдам, а ем живеам во близина на 5 мин, + за утре имам колоквиум, ако може во некоја друга прилика

следи нѐ на Twitter: http://twitter.com/2cmk и http://twitter.com/ubuntumk за да дознаеш кога пак ќе бидеме таму, поздрав и се гледаме

 

[gdamjan]

следи нѐ на Twitter: http://twitter.com/2cmk и http://twitter.com/ubuntumk за да дознаеш кога пак ќе бидеме таму, поздрав и се гледаме

.. и на блогот http://spodeliznaenje.blogspot.com/ - скоро секогаш се пишуваат најави за настаните во хаклабот КИКА.

 

[discodancer]

Ок, земи ги за пример 37Signals. Имаат производ кој го продаваат како SaaS (Basecamp), кој е направен врз Ruby on Rails, фрејмворк кој го имаат "ослободено". За Basecamp нема логика да биде слободен софтвер бидејќи на тоа им се базира бизнис моделот.
Од друга страна, за Ruby on Rails нема логика да НЕ биде open source бидејќи на 37Signals само им одговара да имаат поквалитетен фрејмворк за развој на нови производи.

Така да, ако правиш производ - гледај да вадиш пари од него, ама компонентите кои ќе ги создадеш правејќи го производот од твоја лична корист е да бидат open-source.

Отворањето на кодот секогаш ќе води кон повисок квалитет (нормално, доколку кодот имал некаков квалитет to begin with). Во моментов софтверскиот пазар е еден чуден микс на природен монопол / contestable markets кадешто тој што ќе се појави прв со диференциран производ обично многу брзо го собира целиот пазар. Тоа значи дека е многу тешко за конкуренти што сакаат да те копираат да те стигнат, па дури и да им го дадеш кодот, со документацијата на рака.

Втора битна работа е што апликациите за десктоп се се' помалку релевантни, а токму бизнис моделите изградени околу десктоп апликации имаа најголем ќар од затворен код.

Трета битна работа е твојата филозофија. Јас лично сметам дека софтверските патенти треба да се укинат и дека целата IT индустрија треба да се базира на консултантски модел или на Software as a Service. Самиот код, идеално е да биде open-sourced.

 

[delix]

Изгледа сите се согласуваме дека софтверот ќе биде слободен, и дека тоа нема да спречува од него да се заработи.

 

[boban984]

Еден начин на кој OpenSource платформите и апликациите носат пари е поддршката (што нормално го имаш и кај алпикации/платформи кои се плаќаат).
Друг начин е лиценцата
Значи има OpenSource лиценци кај кој кодот е бесплатен доколку и програмерот го користи за да создаде OpenSource програма , а доколки сакаш да го користиш во Комерцијални цели треба да платиш.
Најпознат пример е MySQL кој е бесплатен само доколку се користи во бесплатни апликации , а доколку го користиш во апликација која ја наплаќаш треба да платиш лиценца за MySQL.

Има многу лиценци , не ги знам повеќето , али најчесто е така , иако има и 100% FREE т.е. можеш да правиш што сакаш , да го менјаш кодот па да ја наплаќаш новата апликација и слично.

 

[Cika]

Ај ѕирнете го ова. Само што е на англиски,но за некои тоа нема да престатува никаков проблем.