Прв златен медал во историјата за македонски учесник на Балканската олимпијада по информатика

[ContentBot]

Благојче Павлески, ученик од Прилеп е добитник на првиот златен медал за македонски учесник на Балканската олимпијада по информатика во историјата. Тој е ученик во во четврта година во ПСУ „Јахја Кемал“ во Скопје. Македонскиот тим на натпреварот беше во состав Благојче Павлески, Марко Таневски, Андреј Шеќеров и Тео Китановски. Лидери на тимот беа д-р Емил Станков и Мартин Динев од Факултетот за информатички науки и компјутерско инженерство (ФИНКИ). Средношколците успеаја да освојат еден златен и еден сребрен медал, и една олимписка пофалба.

Вториот медалист во македонската репрезентација е уште еден ученик од Прилеп, Марко Танески. Тој успеа освои сребрен медал. Андреј Шеќеров од Скопје, освои олимписка пофалба.

Балканска олимпијада по информатика (БОИ 2021), се одржа од 24-ти до 29-ти ноември во Шумен, Бугарија. Резултатот кој го постигнаа македонските натпреварувачи оваа година е највисок во речиси 30 годишната традиција на ова натпреварување.

Покрај турнирот за средношколци натпреварот имаше и дел за јуниори. На натпреварот за јуниори, Сара Стефановска, ученичка од Крива Паланка освои бронзен медал.

Повеќе > Прв златен медал во историјата за македонски учесник на Балканската олимпијада по информатика ⋆ IT.mk