(ecig) Истражувања, експерименти и здравствени аспекти

[Metuzalem]

^ И веднаш властите се умешуваат и забрануваат продажба на никотински производи, за да не се испотруе народ.

Се однесува само на фластерчиња, ама прашање на време е кога ќе им текне.

 

[Metuzalem]

Студија: Поврзаност на е-цигарите со вкусови (нетутунски ароми) со почнување и престанување на пушење.

Оваа огромна студија со 18.000 учесници открила две работи: Дека почнувањето со или користењето нетутунски ароми не било поврзано со почнување на пушење аналогни кај младите, но и дека било поврзано со зголемени шанси за откажување од пушење кај возрасните (старите пушачи). Конкретно, тие што преферирале нетутунски ароми имале 2,3 пати повеќе шанси да се откажат од пушењето (не разбрав дали само од аналогни или и од електронски, но ми изгледа на второто) одошто корисниците на течности со тутунски ароми. Општо, како што наведуваат, кој остави пушење под 35-годишна возраст, може да очекува сличен животен век (life expectancy) како оние што никогаш не пушеле.

Студијата има и недостатоци, дека се заснова на анкетирање (self-reporting), но затоа пак бројот на учесници е голем, и дека била почната пред појавата на Juul (подот со никотински соли, огромно популарен во САД), па не ги зела предвид таквите производи. И трето, нешто во врска со статистичката распределба, што не го разбрав. Но барем јасно и гласно ги кажуваат.

- - - - -

Студија: Потенции на рак и маргини на изложеност користени за компаративна проценка на ризикот на производите со загреан тутун и аеросолите на електронските цигари со чадот од цигарите.

Оваа студија е многу тешка за читање, со технички јазик, но колку што разбрав, производите со загреан тутун (како IQOS што е популарен кај нас) имаат 0,039 пати релативен ризик од рак во однос на аналогните, а електронските цигари ги тепаат и нив со 0,009 и 0,014 (две бројки се затоа што тестирале само две марки на комерцијални е-цигари, додека од другите е средна вредност). За маргините на изложеност слично (објаснува што се, но не разбрав баш), загреаниот тутун ги тепа аналогните, а електронските го тепаат него.

„Во поглед на корисниците, тоа би значело дека 1 од секои 36 пушачи на (аналогни) цигари наспроти 1 од секои 4132 (или 2531 за другата тестирана електронска цигара) корисници на електронски цигари може да развие рак ако причината за ракот може да се поврзе само со изложеноста на разгледуваните (во оваа студија) штетни состојки.“

 

[bicikle]

Ода на доктур, доктуркава ми вели хемикалиите во ел. циг биле многу штетни и од тоа сум имал воспаление на носната слузница. Ми препиша капки со PG.

 

[Metuzalem]

Ништо, ќе мора да се вратиш на природни, органски и безглутенски.

 

[Metuzalem]

Истражување за штетното влијание на хемикалиите во течноста за електронските цигари (ПГ и ВГ) врз облогата на желудникот. Не ни оди во прилог, но еве да го пренесам.

Но ќе дадам и свој коментар: Како и секогаш, вадат ткиво, го ставаат во епрувета и потоа го бомбардираат со нешто. Скоро секогаш ќе покаже негативни ефекти. И второ, не ги споредуваат со аналогни.

Мора да признаам дека и јас имам проблеми со желудникот, но се неспоредливо помали одошто кога пушев аналогни - најмалку 10 пати, не претерувам. Тогаш ќе добиев напад, ќе ме фатеа грчеви со нагон на повраќање и не поминуваше 24 саати, не можев да јадам ништо. Ги имав поминато сите апчиња за желудник, но тие се посебна приказна (не чини да се пијат константно, а кога ќе ги прекинеш, се враќа уште полошо). Веќе неколку години не сум ги допрел.

 

[Astro]

Ви викам ја да баталите скроз тие говна...

 

[Metuzalem]

Овие се прдежи, аналогните се говна.

 

[krema]

Ако не па да се вратеме на аналогни!

 

[bicikle]

Не се рокенрол да ги враќаме

 

[Metuzalem]

Нов многу поволен извештај за вејпингот од страна на англискиот Фонд за јавно здравство (Public Health England).

Хајлајтс е дека вејпингот е многу поуспешен за откажување од аналогни цигари одошто медицинските помагала. Има и многу други податоци што ни одат во прилог, ме мрзи да ги пишувам сите еден по еден.

Полн ПДФ (247 страници).

Шкотскиот Бапчо објаснува:

И долгометражниве (почнува на 20 минути и 15 секунди, појма немам каде завршува ):

 

[Metuzalem]

Шпански универзитетски професор (шеф на катедра по хемија и ласери/чуда) вика (по извршени испитувања) дека шетањето по улица во Мадрид те изложува на повеќе токсини (од сообраќајот) одошто електронска цигара.

"We have conducted some experiments here in Madrid, analysing the gases on a normal street, because of traffic, and compared to e-cigarettes and I can tell them that for many chemists if you walk down any street you are exposed to more toxic than if you inhale an e-cigarette. That's for sure," - Professor Angel González Ureña, Professor Emeritus of Chemistry and director of the Department of Lasers and Molecular Beams of the Multidisciplinary Institute of the Complutense University

 

[Avid]

Шпански универзитетски професор (шеф на катедра) по хемија и ласери/чуда вика (по извршени испитувања) дека шетањето по улица во Мадрид те изложува на повеќе токсини (од сообраќајот) одошто електронска цигара.

"We have conducted some experiments here in Madrid, analysing the gases on a normal street, because of traffic, and compared to e-cigarettes and I can tell them that for many chemists if you walk down any street you are exposed to more toxic than if you inhale an e-cigarette. That's for sure," - Professor Angel González Ureña, Professor Emeritus of Chemistry and director of the Department of Lasers and Molecular Beams of the Multidisciplinary Institute of the Complutense University

Ондак заеби шетање, ќе се пафка по дома.

 

[Astraion]

ЧАДОТ од цигарите е вистинскиот проблем за здравјето, а не никотинот - Д-р Митов

Сите знаеме дека пушењето е штетно, но дали всушност знаеме која е главната причина за болестите поврзани со пушењето. За да го проверам Вашето знаење, Ве молам одговорете го следното прашање: Која е основната причина за болести поврзани со пушењето? а. Соединенија кои се создаваат при...

drmitov.mk

 

[ARMac]

Ете денес околу 3 саат ми ѕвони мајка ми, постара жена, гледала телма и видела како доктор вика дека се умира од електронски цигари.

Морав да одам до кај нејзе да ја смирам и да и објаснам, па после запнав да најдам што точно гледала. Еве, ако некој и прати линк на ФБ до форумов да и објаснам зошто очигледно е во заблуда.

Се работи за Доктор Деска Димитриевска, со сета почит кон тебе докторке И твоето знаење, вакви глупости не се кажуваат на телевизија без научно поткрепување. Широк аудиториум лесно подлегнува на сугестии, особено од Доктор и дезинформациите ги разбира како факти.

1. Ние што ги користиме електронските цигари, па еве скоро 10 години ако не се лажам, имаме многу убави докази дека општото здравје ни е подобрено. Не сум бил болен 4-5 год. Порано секоја зима обавезно закачував нешто, дали сезонски грип или јака настинка не е важно. Дури и со настинката имав температура околу 38. Сегашните настинки се сведени на кивање.

2. Тие луѓе што неможат да ги поднесат овие мистериозни хемикалии, тоа го осеќаат на самиот почеток. Која е таа будала што кога ќе види дека нешто му смета - го зема упорно секој ден?

3. Ако се поштетни од обичните цигари, па наведи извор каде си го слушнала тоа. Не смее да се шпекулира дека под дејство на „хемикалии“ во течноста, корисниците на електронски цигари добиваат пневмонија.

4. Моите рентгенски снимки од 2010, 2012 и 2019, 2021 твои колеги ги опишаа како „трансформација во непушач“.

5. На форумов имаме околу 100 корисници на ел. цигари. Околу 2 до 5% од нив се изјасниле дека неможат да ги трпат. Што е сосема во ред затоа што има луѓе кои се алергични и/или не поднесуваат VG односно растителниот глицерин кој е еден од „мистериозните хемикалии“.

6. Во електронската цигара го има следново.

• Пропилен гликол (верувам доктор за белодробни заболувања знае што е ова)
• Растителен глицерин
• Никотин
• Ароматизери за храна

Тоа е тоа. Секоја залутана хемикалија надвор од ова е чиста случајност.

7. Ел. Цигари ИТЕКАКО помагаат во одвикнувањето со постепено намалување на никотинот. Имаме сведоци за ова.

8. Сакам да ги видам тие научни студии што беа спомнати врз чиа база се донел заклучок дека корисниците добивале тешка пневмониа, а како што разбрав некој од нив дури и умреле.

На форумов имаме членови кои почнаа да ги користат уредите пред мнооогу години. И никој од нас не тврди дека електронските цигари се здрава навика, но во споредба со тутунот се планински воздух. Ние неколкуте што ги користиме повеќе од 5 год. немаме никакви нус-појави од конзумацијата на истите, освен тоа што престанавме да кашламе, имаме подобра кондиција, исчезнаа тахикардии и дишеме со поголем капацитет.

За секој разговор и разјаснување на невистините стојам на располагање.

Видеото морав да го скратам, еве го.

View: https://www.youtube.com/watch?v=bLNA5ldEvkM

 

[Avid]

Дури и водителкава со она „поштетни?!?!“ си рече на некој начин „што е со женава“...

 

[krema]

Штетно е понекогаш и гледањето на разноразни „амбуланти“, а почитуваната докторка тврдам дека е тотално неинформирана.

 

[Metuzalem]

Слушнато недослушнато (и во оваа тема од овде натаму). Тие пневмонии и смртни исходи сите беа поврзани со ТХЦ (витамин Е ацетат), откога го потрошија него снема пневмонии и смртни случаи. Имаше два смртни случаи од батерии што експлодираа. Други нема (за кои што знаеме, масовни или медиумски покриени).

 

[krema]

Ама докторката има прочитано во „студии“ дека биле поштетни.

 

[marv]

Јас би ги забранил вакви и слични емисии по ТВ. После се лечеле сами, пиеле лекови сами, знаеле сѐ,... Епа ФБ +ТВ амбуланти + појма немање ете ти... Катастрофа.

Sent from my Телефон using Tapatalk

 

[krema]

Џабе забрана, гугл им е матичен лекар на многумина за жал.

 

[Metuzalem]

Имаше студии, ги проучуваа пациентите ТХЦ-џии. И нова болест измислија, EVALA EVALI.

Се гледа што не е во ред со оваа слика (формулациите што те наведуваат кон одреден заклучок, кој никаде не е докажан):



Тоа можело да важи до февруари 2020, кога бил последниот случај на ЕВАЛА. Сега не.

ЦДЦ (а демек тие би требало да бидат врвен авторитет) се малку покоректни, во смисла дека дефинитивно укажуваат на витамин Е ацетат како главен причинител, иако и тие „се сомневаат дека нема доволно докази да се исклучат други состојки како причинители на ЕВАЛА“. Проблемот е што многу нападно ги изедначуваат електронските цигари со производите за ТХЦ. Технички и тоа и тоа е vaping, но тие повторуваат и нагласуваат („e-cigarette односно vaping“, иако тоа не е ни поделбата; не знам што сакаат да постигнат, можеби сакаат така да ја направат, односно измислат поделбата?). Во секој случај, некој ај да не употребам потешки зборови, што не внимава, лесно може да се доведе во заблуда дека нашиве (никотински) е-цигари се смртоносни. Особено ако чита од трета или четврта рака (пренесено во таблоиди, па преведено/доискасапено во балкански таблоиди.

 

[ARMac]

Имаше студии, ги проучуваа пациентите ТХЦ-џии. И нова болест измислија, EVALA EVALI.

Се гледа што не е во ред со оваа слика (формулациите што те наведуваат кон одреден заклучок, кој никаде не е докажан):

Погледнете го атачментот 109829

Тоа можело да важи до февруари 2020, кога бил последниот случај на ЕВАЛА. Сега не.

ЦДЦ (а демек тие би требало да бидат врвен авторитет) се малку покоректни, во смисла дека дефинитивно укажуваат на витамин Е ацетат како главен причинител, иако и тие „се сомневаат дека нема доволно докази да се исклучат други состојки како причинители на ЕВАЛА“. Проблемот е што многу нападно ги изедначуваат електронските цигари со производите за ТХЦ. Технички и тоа и тоа е vaping, но тие повторуваат и нагласуваат („e-cigarette односно vaping“, иако тоа не е ни поделбата; не знам што сакаат да постигнат, можеби сакаат така да ја направат, односно измислат поделбата?). Во секој случај, некој ај да не употребам потешки зборови, што не внимава, лесно може да се доведе во заблуда дека нашиве (никотински) е-цигари се смртоносни. Особено ако чита од трета или четврта рака (пренесено во таблоиди, па преведено/доискасапено во балкански таблоиди.

Така де, технички и пушење марихуана е пушење ама го викаме дување

Знам за оваа студија ама не видов тогаш конкретна поврзаност со нормалните течности што ги користиме ние. Изјавата на докторката беше во најмала рака ноншалантна. Дадена без да се застане и подразмисли какви последици ќе има истата.

Да не збориме за сите опасни состојки на тутунот, освен катранот. И да ги ставиме на лист едни до други.

Има луѓе непушачи што сакале да пробаат електронски, сум ги одвратил од тоа нормално. Електронска само ако си пушач и сакаш да намалиш штетност и евентуално полека да ги откачиш.

 

[Sharlovski]

Иии какво изненадување беше тоа за водителката кога рече "ПОШТЕТНИ", за малку ќе помислев дека е режирано.

Докторкава ми звучи сумливо во најмала рака, ако не ја има некој натерано да каже ваква дезинформација тогаш се сведува на обичен читател кој не оди подалеку од фејк наслови, доктор... хемикалии, студии...

 

[Metuzalem]

Насловот е кликбејтовски, но ова всушност е студија за тоа како се менувала (влошувала) перцепцијата на луѓето за штетноста на е-цигарите. Анкетирани се 28.393 луѓе во Англија од 2014 до 2023 година. Особено е влошено сфаќањето по „епидемијата“ на EVALI спомната погоре и сега веќе повеќето луѓе мислат дека е-цигарите се поштетни или исто штетни како аналогните.

 

[kirev]

@Metuzalem друже, ме мрзи да барам, која е добра студија? (Лично вејпањето ми беше многу подобро за организмот)