AMD Zen 6

[gOJDO]

AMD Zen 6 – Следниот Голем Скок во Десктоп Процесорите​

​

​

Во морето на технолошки новости, особено внимание привлекува претстојната архитектура од AMD — Zen 6, со кодно име Magnus. Таа е наследник на моментално најновата AMD Zen 5 архитектура и е дизајнирана за постоечката AM5 (DDR5) платформа. Се очекува првите десктоп процесори базирани на Zen 6 да се појават на пазарот кон крајот на 2026 или почетокот на 2027 година.

Она што ја издвојува оваа архитектура е што, по повеќе од седум години, конечно ќе добиеме десктоп AMD процесори со повеќе од 16 јадра — поточно до 24 јадра, што претставува историски напредок на десктоп платформата на AMD.

​

---

Ретроспектива: Од Zen 1 до Zen 5​

Почетоците на Ryzen: Револуцијата во 2017​

Се до тој момент, до појавувањето на Zen (Ryzen 1000 серија), повеќејадрените процесори беа луксуз резервиран за скапи Intel Workstation решенија.

Во тој момент „обичните смртници“ добија можност да си дозволат моќна рендер станица и тоа за само третина од цената на дотогашното Intel Workstation решение. Овој потег драстично ја смени динамиката на пазарот и ја разбуди целата индустрија. Intel, кој повеќе од една деценија апсолутно доминираше на пазарот, повеќе не беше единствената опција — и тоа во речиси сите сегменти. Во својот летаргичен стил, не презеде навремени и конкретни чекори за да ја зачува својата водечка позиција. Конечно, по цели десет години, се појави вистинска конкуренција — и тоа од правец што не го очекуваше.

Замајан со успехот во минатото и закотвен во својата комфор-зона, Intel ја потцени заканата што ја носеше Zen и не ни претпостави што следи. Најпрво следеше Zen+ (Ryzen 2000 серија) — еволутивна и небитна надградба на Zen која повеќе имаше за цел да ја анимира хардвер-сцената додека AMD неуморно го спремаше наредниот и силен удар - Zen 2.

Zen 2: Воведување на чиплет дизајн​

Ryzen 3000, Zen 2, 2x CCD, 4x CCX​

Со Zen 2 (Ryzen 3000 серијата), AMD направи голем технолошки чекор напред: имплементирање на чиплет дизајн, каде физички се одвоени CCD-ата (со јадра) од IOD (I/O чиплетот). Ryzen 3950X во 2019 донесе 16 јадра и големо подобрување во перформансите за продуктивност.

Од тогаш наваму, судбината на двете компании почна сукцесивно да се менува — но во спротивна насока. Денес, Intel и AMD се наоѓаат на позиции дијаметрално спротивни од оние пред една деценија. Intel, кој порано вредеше и до десет пати повеќе од AMD, денес заостанува — AMD сега има пазарна вредност речиси три пати поголема од Intel.

Во изминатата деценија, процесорите на AMD бележеа континуиран технолошки напредок и еволуција, додека Intel, како „заспана убавица“, беше затекнат во неповолна пазарна и економска ситуација. Компанијата постојано губеше удел на пазарот, правејќи чекори во погрешен правец, проследени со серија стратешки и технолошки грешки — некои од нив фатални и тешко поправливи. Од мноштвото ќе го издвоиме неславниот 10nm производствен процес кој од самиот зародиш беше ќорсокак. Инертниот и не-флексибилен „џин“ понесен од своите суетни принципи (сам си произведувам процесори) не изгуби само премногу пари и драгоцено време. Intel ја изгуби сета технолошка предност во однос на сите останати која стекна низ децениите и која стратешки ја ползуваше сето тоа време.

Без реална конкуренција се создаде нова реалност, каде AMD се најде во мошне комотна позиција држејќи ги конците в раце. Па слично како и Intel во времето кога немаше реална конкуренција го забави развојот на Zen и наместо со револуционерни чекори продолжи да го развива Zen во се помали и помали, контролирани итерации. Новите Zen 3, Zen 4 и Zen 5 производи носат дозирани подобрувања — онолку колку е минимално нужно за да го задржат интересот на пазарот. Слично како и Intel со 6-та, 7-ма, 8-ма, 9-та и 10-та генерација.

Zen 3 и Zen 4: Еволуција, не револуција​

CCD од Zen 2 наспроти CCD од Zen3​

• Клучна измена на Zen 3 е тоа што ги спои двата 4 јадрени CCX-а со по 16MB L3кеш секој во еден 8-јадрен CCX со еден заеднички 32MB L3 кеш. Ова како и долга листа на ситни подобрувања во микроархитектурата резултираше со значително зголемени перформанси во игри и софтвер кој користи повеќе од 4 јадра и кои интензивно комуницираат меѓу себе. Zen 3 има подршка за PCI-e 4.0 што неговите процесори ги прави сеуште актуелени во одредени сегменти.
• Листата на подобрувања на Zen 4 е скормна. Суштинска измена е транзицијата кон нова АМ5 платформа со DDR5 меморија. Од малкуте подобрувања во однос на Zen 3 ќе го издвоиме едноставното и интелегентно имплементирање на AVX-512 инструкциски сет, удвноениот L2 кеш, пософистицирниот производствен процес кој овозможи 10-15% повисоки работни фреквенции и PCI-e 5.0 подршка.

​

Zen 5: Козметичка надградба​

Zen 5 не донесе значајни промени:

• Ист број на јадра како Zen 2/3/4
• Исти кеш мемории како Zen 2/3/4
• Слични фрекфенции како Zen 4
• Козметички подобрувања на микроархитектурата меѓу кои се издвојува 1T егзекуција на AVX512 инструкции

Се на се flagship-от на Zen 5 во однос flagship-от на Zen 4 донесе скормни 5% подобри перформанси при 10% помала потрошувачка на енергија, но повисоки работни температури.

Сепак, сликата станува малку поинаква кога се во прашање Ryzen X3D процесорите. Кај Zen 5, X3D L3 кешот е од т.н. втора генерација, и е поставен на долната страна на чиплетот. За разлика кај претходните генерации (Ryzen 5000/7000 X3D), X3D L3 кешот се наоѓа од горната страна врз CCD чиплетот кој го грее.

Оваа промена резултира со значително подобро ладење, што им овозможува на Ryzen 9000 X3D процесорите да постигнуваат повисоки работни фреквенции и подобра термална ефикасност. За разлика од Ryzen 5000/7000 X3D, новите Ryzen 9000 X3D модели се целосно отклучени за оверклок, што беше пресврт и позитивна вест за ентузијастите.

Ова ги прави Ryzen 9000 X3D моделите супериорен избор во однос на нивните non-X3D алтернативи во речиси сите сценарија — без вообичаените компромиси на кои беа навикнати X3D корисниците од претходните генерации.


TL;DR:

Од Zen 2 наваму, секоја нова архитектура — Zen 3, Zen 4 и Zen 5 — претставува умерена еволуција на претходната која носи умерени подобрувањата на перформансите:

• Ryzen 9 5950X донесе ~+20% перформанси во однос на Ryzen 93950X
• Ryzen 9 7950X додаде ~+30% во однос на Ryzen 95950X
• Ryzen 9 9950X има скромни ~+5% перформанси во однос на Ryzen 97950X
• Ryzen 9 9950X3D има ~+14% перформанси во однос на Ryzen 97950X3D

За споредба flagship-от на Zen 2, т.е. Ryzen 9 3950X е ~120% побрз во multicore софтвер во однос на flagship-от од својот претходник Ryzen 7 2700x со Zen+ архитектура.

​

Стапка на иновација: Дали AMD ја губи мотивацијата?​

Со последните три Ryzen генерации(5000, 7000 и 9000), AMD позиционирана удобно без сериозна конкуренција, не чувствуваше потреба да прави драматични подобрувања со секој нареден Zen. Но, тоа не e така и за конкуренцијата која неуморно работи.

Intel има агресивни планови за да се врати​

Иако се соочува со големи економски тешкотии, Intel работи на нови, поефикасни и поекономични архитектури, со јасна цел: да врати дел од изгубениот пазар и повторно да биде релевантен во сите сегменти.

AMD се свесни за ова и знаејќи колку крв пролеаа на патотот до врвот не би си дозволиле пасивност. Zen 6 ќе имплементира важни напредни технологии и решенија, а ќе биде произведен на најсофистицираниот технолошки процес до сега, а се со цел да се спротистави и да го неутрализира ударот што следи од Intel.

​

---

​

Zen 6: Детален Преглед на Архитектурните подобрувања​

1. Поголеми CCX модули – 12 јадра по блок​

Со Zen 6, CCX модулите ќе содржат 12 јадра наместо досегашните 8, со 48MB L3 кеш наместо досегашните 32МB L3 кеш. Ова драстично ќе ги подобри гејминг перформансите на non-X3D процесорите и ќе ги доближи до оние на X3D процесорите.

2. Интерпозер технологија – Револуција во комуникацијата меѓу чиплети​

​

Најголемата промена е напуштањето на традиционалната IF комуникација преку пиновите од сокетот и водовите на матичната плоча. Наместо тоа, Zen 6 ќе користи interposer, што ќе овозможи директна, брза и енергетски ефикасна комуникација меѓу чиплетите слична како кај монолитските дизајни на процесори.

Бенефити од interposer:

• Драстично намалени времиња на пристап
• Драстично зголемен проток на податоци
• Многу помала потрошувачка на енергија
• Многу помала дисипација на топлина

3. Мемориска Поддршка: Два независни контролери​

Еден од суштинските промени кои ќе ги донесе Zen 6 е замената на двоканалниот мемориски контролер со два едноканални мемориски контролери кои можат да бидат независни, што ќе овозможи:

• Поддршка за многу побрзи DDR5 EXPO 2.0 модули (8GHz+)
• Подобрена стабилност
• Поголема флексибилност и пропусен опсег
• Шпекулации за CU DIMM мемории на многу висока фреквенција

Сепак брзината од 8GHz+ ќе биде достапна само за EXPO 2.0 компатибилните матични плочи, односно наредната генерација на AM5 матични плочи со AMD 900 чипсет(X970/B950). Моментлните AM5 матични плочи со AMD 800 и 600 чипсет ќе бидат ограничени на 6400MHz што ќе биде нативно подржана брзина за Zen 6 процесорите.

​

4. Производствени процеси: последниот крик на технологијата​

Zen 6 ќе користи најнапредни производствени процеси:

• CCD: TSMC 2nm (2NP)
• IOD: Втора генерација TSMC 3nm (3NP)

Во споредба со Zen 5 кој кристи прва генерација 3nm TSMC 3NE за CCD и 4nm TSMC 4NP за IOD, производствените процеси со кои ќе се изработува Zen 6:

• Зафаќаат многу помала површина за ист број на транзистори
• Имаат многу поголема енергетска ефикасност
• Постигнуваат многу повисоки работни фрекфенции

Според некои пресметки IOD на Zen 6 ќе зафаќа околу 155mm2, додека 12 јадрениот CCD околу 75mm2. За споредба IOD/CCD на Zen 5 зафаќаaт 122mm2/70.6mm2 респективно.

Се шпекулира и максимален boost до 7GHz, но дури и 6.5GHz би било реален и значаен напредок.

​

---

5. Подобрена микроархитектура​

Микроархитектурата на Zen 6 е во основата Zen 5 со низа подобрувања и оптимизации меѓу кои:

• Подобрен front-end и instruction fetch
• Подобрено предвидување на гранки (branch prediction)
• Пообемна и подлабока Out-of-Order егзекуција
• 50% поголем 48kB L1 instruction кеш
• Зголемени и оптимизирани L2 и L3 кешови
• Зголемен број на Load и Store единици
• Подобрен NPU (Neural Processing Unit) за AI задачи

Овие и други подобрувања според шпекулаците треба да донесат околу 10% повисок IPC (Instructions Per Cycle) во споредба со Zen 5.

​

---

Очекувани Перформанси на Zen 6​

Single-core перформанси:

• +10% IPC
• +15% фрекфенција
  Вкупно: 20–30% подобрување

Multi-core перформанси:

• +50% повеќе јадра
• +10% IPC
• +15% повисока all-core фрекфенција
  Од 50% до 90% подобрување

​

Toчно по 10 години од раѓањето на Zen со својот "mega-core" flagship Ryzen 1800X доаѓа Zen 6 со flagship кој треба да e од 4.5 до 7 пати пoбрз.

---

Заклучок: Zen 6 – Историски пресврт​

​

Со Zen 6, AMD не само што ќе ја продолжи еволуцијата на Zen-архитектурата, туку конечно ќе направи и револуционерен чекор напред. Со сите технолошки подобрувања, надградби во архитектурата и „испечен“ на најсофистицираниот производствен процес досега, на Zen 6 му е судено да стане најголемиот генерациски скок во перформанси и ефикасност за AMD од појавата на Zen 2.

Без оглед на тоа што подготвува Intel, Zen 6 неминовно ќе биде референтна точка во хардверските дискусии што ќе се водат во наредната деценија.

Zen 6 е само логичен континуитет на она што AMD го гради последниве десет години. Некогаш, ни на памет не ни паѓаше дека едно „џуџе“ како AMD ќе успее да го победи „џинот“ Intel.

Жртвата стана предатор, а предаторот – жртва. Новото AMD стана стариот Intel, а новиот Intel – старото AMD.

Историјата нè учи дека никој не останува на врвот засекогаш. Но токму оваа борба – оваа постојана размена на улоги – е она што ја движи индустријата напред.

Сѐ додека постои дуелот меѓу AMD и Intel, најголеми победници ќе бидеме ние – крајните корисници. Ќе добиваме нови процесори со солидни подобрувања во перформансите, по се подобри цени.

 

[Astro]

Случајот со пресвртот за кој прочитавме горе се анализира моментално на економските факултети ширум светот и накратко заклучокот е дека ориенталниот начин на менаџмент со компаниите (АМД) е супериорен над западњачкиот капиталистички начин (Интел) кој ни се пикаше со сила во гуша дека е најдобар и дека не е можно ништо подобро.
Случаеви на пресврт меѓу конкуренти има во сите индустрии (на пример автомобилската, енергетиката, научноистражувачки дејности), каде ориенталниот стил на менаџмент го гази западниот, што се однесува до деловни перформанси.
Сеуште ја анализирам и критички ја гледам оваа полемика, ќе пишам за некое време штом соберам повеќе емпириски податоци.

 

[gOJDO]

@Astro Америка е сериозна земја и за разлика од овде и некои земји во ЕУ, државата им помага на фирмите кои биле доходовни и западнале во економска криза. На неколку пати владата им дава на Intel по неколку милијарди долари за да преживеат.

 

[Astro]

@Astro Америка е сериозна земја и за разлика од овде и некои земји во ЕУ, државата им помага на фирмите кои биле доходовни и западнале во економска криза. На неколку пати владата им дава на Intel по неколку милијарди долари за да преживеат.

Па да, она што го викаат Bailout. Во периодот 2008-2014 на срамен начин владата ги спасуваше банките, градежните компании, автомобилските компании од целосен пропаст.
За тоа и спомнав погоре, зошто некои фирми го поминаа периодот без посебни проблеми а други ќе се претвореа во пепел да не ги спасуваше владата од резервите? Од истата причина од која Интел падна а АМД се воздигна. Ќе пишам подолг пост на темата наскоро, само да се прберам од патувањава.

 

[Ron26]

Интел падна поради губењето клиенти како Епл и слични. Интел пред се е фабрикатор, а АМД е клиент фирма на ТСМЦ. ТСМЦ го владее производството на чипови. Додека Интел не дојде у тој поглед блиску до ТСМЦ и најде клиенти фирми, тешко е да опстои како производител. Најверојатно судбината ќе му биде слична на АМД како дизајнер на чипови кои ќе ги прави ТСМЦ.

 

[xenon]

• Nvidia купи акции вредни 5 милијарди долари, со што добива околу 4% удел во Intel.
• SoftBank вложи 2 милијарди долари, со удел од околу 2%

• Владата на САД инвестира 8.9 милијарди долари во Intel преку купување обични акции, што ѝ дава удел од околу 10%.
• Тие пари се составени од:
  • 5.7 милијарди долари грантови преку CHIPS Act (веќе одобрени, но исплатата се забрза).
  • 3.2 милијарди долари преку Secure Enclave (програма за национална безбедност).
• Вкупната државна поддршка (equity + грантови) достигнува околу 11.1 милијарди долари.

Intel моментално е во ситуација што личи на класична реанимација на технолошки гигант: премногу важен за да пропадне, премногу слаб да издржи без туѓи пари.
Со америчката влада како акционер со речиси 10% удел, Intel станува фактички „национализиран приватник“. Тоа значи дека идната стратегија нема да биде диктирана само од пазарот, туку и од геополитички приоритети:

• повеќе фабрики на американско тло, без разлика на профитабилноста;
• забрана или ограничување на продажба на технологија кон „непријателски“ држави;
• Intel ќе стане алатка за индустриска политика, а не само бизнис.

• Nvidia купува удел не затоа што има љубов кон Intel, туку затоа што е поевтино да го контролираш „ослабениот играч“ отколку да оставиш простор за кинеските SMIC или TSMC да доминираат. Nvidia добива стратегиска полиса – ако Intel падне, и таа губи снабдувачки екосистем.
• SoftBank гледа на Intel како на „подценет чиповски имот“ кој може да се искористи во AI инфраструктурата и ARM екосистемот.

• Инјекциите од 11 милијарди долари му даваат на Intel време да ги заврши фабриките во Аризона и Охајо, но тоа не значи автоматска профитабилност.
• Проблемот е што Intel не заостанува само во производство, туку и во архитектонска иновација. Пари можат да купат капацитети, не и изгубена технолошка предност.
• Ако успее, Intel ќе стане хибрид: приватна компанија со државна стабилност, слично на Boeing или Lockheed Martin.
• Ако не успее, акционерската улога на државата ќе овозможи контролирано пропаѓање, без да се загрози националната безбедност.

Intel нема да исчезне. Ќе биде одржуван со политички и финансиски инфузии сè додека Америка гледа на полупроводниците како на оружје. Но дали ќе се врати во првата лига на технолошки иноватор не зависи од парите, туку од способноста на инженерите повторно да ја скратат технолошката дистанца со TSMC и Nvidia и враќање на конкуретноста.

 

[gOJDO]

Нема ни Intel ни AMD да пропаднат. Државата секогаш ќе ги одржува во живот бидејќи само ако има конкуренција ќе има реален технолошки развој.

 

[gremlin]

Samsung овој пат е пред TSMC во производство на 2nm процесот, можеби ќе имаме и тука здрава конкуренција и со тоа подобри цени со тоа што можеби АМД или повеќе има шанси ради моментални соработки Интел/nVidia ќе прејдат на Samsung производен процес.

Samsung е толку сигурен во нивниот напредок што наредната година Exynos 2600 ќе го стават и на S26 Ultra нивниот најнов SoC кој ќе биде прв чип произведен на Samsung 2nm GAA процес ... пракса која не ја прават веќе 3 години од S22 серијата поради инфериорноста спроти TSMC процесот на кој Qualcomm чипсетот се произведува.

Околу Zen 6 за мене најдобра вест е што ќе биде подржан од АМ5 платформата но и време беше малце да зголемат кеш и број на јадра у CCD-то. Исто не верувам дека ќе биде 2nm туку 3nm бидејќи Apple секогаш резервира над 50% од целото производство на TSMC на почеток така да ќе им биде тешко да обезбедат количина, слично како што Zen 5 е 4nm а не 3nm.

 

[gOJDO]

со 40% yields на Samsung наспроти 60+% на TSMC не би се согласил дека Samsung e пред TSMC. Релана конкуренција таму нема да видиме се додека побарувачката е многу поголема од што можат двете компании да испорачаат. Точно е дека нешто над пола капацитет за 2026 е откупен од Apple, но AMD е втор на списокот. Неговите процесори ќе треба да почнат да се произведуваат најрано последниот квартал на 2026, така да 2nm е многу реално и поверојатно. Ова го поткрепуват и шпекулациите за големината на CCD чиплетите која е реална за бројот на транзистори кои што треба да ги носи.

 

[crossfire_hurricane]

@Astro Америка е сериозна земја и за разлика од овде и некои земји во ЕУ, државата им помага на фирмите кои биле доходовни и западнале во економска криза. На неколку пати владата им дава на Intel по неколку милијарди долари за да преживеат.

Дискутабилно е тоа колку е здраво мешањето во слободниот пазар за конкурентноста. Да, мора да има играчи на пазарот ама со нивниот начин на водење за раче или вадење од кал ги прави мрзливи како Интел кој успеа да биде засенет од компанијата која требаше да му глуми конкуренција за да не прекршува антимонополска регулатива или како JP Morgan и екипа го бутнаа маркетот без реперкусии. Па сега, дали САД се сериозните или ваму каде нема такви пракси па не се јавуваат и аномалиите како таму?

 

[gOJDO]

Америка сака да биде AI лидер во светот. Затоа си го сака сето производсто на своја територија под своја јуриздикција. Одржувањето во живот на ваквите фирми како Intel влијае на многу аспекти. Еден од нив е развојот на технологија. За да има развој е неопходно е да има конкуренција, па затоа на Америка и се потребни и Intel и AMD. Особено е важно Intel да успее да го доразвие и доусоврши своето производство на чипови, да развие нови напредни технологии со кои ќе е во најмала рака конкурентен на најдоброто од TSMC и GF од аспект на перформанси, ефикасност и густина.

Сега е трка по чипови произведени со нај софистицирани производствени процеси. TSMC вчера ги зголеми цените на својот 2nm процес за 50%. Има запишано на листа 15 фирми, и да се откаже некој има кој чека за неговото место. Слична ќе биде и приказната на најсофистицираниот 2nm процес на Самсунг. Тој во моментот има слаб yield, а самото производство чини многу повеќе во споредба со TSMC. Со цени како покачените на TSMC, на Самсунг веќе му се исплати да поризведува. Двата производитела ќе произведат и продадат највеќе што можат по цена највисока што може. Пари од цел свет, а најмногу од Америка ќе се слеат кон жутите. А зашто да се слеваат ако може да си останат во Америка?

 

[gremlin]

Да, точно било и Интел и АМД ќе бидат меѓу првите муштерии на 2нм процесот на TSMC:

Intel, AMD, and MediaTek Join Apple as TSMC 2nm Early Adopters

TSMC’s upcoming 2nm process is shaping up to be a major milestone for the chip industry, and it looks like just about every big player wants in. Reports from KLA, a major semiconductor equipment supplier, suggest that around 15 companies are already designing chips for TSMC’s N2 technology.

www.guru3d.com

Ова со покачување на цениве не знам до кај ќе иде, пример кај телефоните најголемиот удел во цената на производство прави чипсетот, дури смешно е колку се евтини модулите и сензорите на камерите во споредба со чипсетот ...

 

[crossfire_hurricane]

Америка сака да биде AI лидер во светот. Затоа си го сака сето производсто на своја територија под своја јуриздикција. Одржувањето во живот на ваквите фирми како Intel влијае на многу аспекти. Еден од нив е развојот на технологија. За да има развој е неопходно е да има конкуренција, па затоа на Америка и се потребни и Intel и AMD. Особено е важно Intel да успее да го доразвие и доусоврши своето производство на чипови, да развие нови напредни технологии со кои ќе е во најмала рака конкурентен на најдоброто од TSMC и GF од аспект на перформанси, ефикасност и густина.

Сега е трка по чипови произведени со нај софистицирани производствени процеси. TSMC вчера ги зголеми цените на својот 2nm процес за 50%. Има запишано на листа 15 фирми, и да се откаже некој има кој чека за неговото место. Слична ќе биде и приказната на најсофистицираниот 2nm процес на Самсунг. Тој во моментот има слаб yield, а самото производство чини многу повеќе во споредба со TSMC. Со цени како покачените на TSMC, на Самсунг веќе му се исплати да поризведува. Двата производитела ќе произведат и продадат највеќе што можат по цена највисока што може. Пари од цел свет, а најмногу од Америка ќе се слеат кон жутите. А зашто да се слеваат ако може да си останат во Америка?

Јасно ама друга теза ти конфронтирав. Со заменетава теза за која знаеш дека сите ќе се согласиме не останува многу простор за дискусија.
Колку шо гледам на брзина, N2 вафлата за 2nm е пеес посто поскапа од n3 па од таму шпекулацијата дека tsmc на ниво на свој процес т.е. фаб, поскапеле. А ако навистина репроматеријалот е поскап тоа би значело дека за жал нема само кај еден производител да се случи "поскапување".

 

[Astro]

Јасно ама друга теза ти конфронтирав. Со заменетава теза за која знаеш дека сите ќе се согласиме не останува многу простор за дискусија.
Колку шо гледам на брзина, N2 вафлата за 2nm е пеес посто поскапа од n3 па од таму шпекулацијата дека tsmc на ниво на свој процес т.е. фаб, поскапеле. А ако навистина репроматеријалот е поскап тоа би значело дека за жал нема само кај еден производител да се случи "поскапување".

Сега кога спомна вафли, ме потсети да го извадам тостерот да си направам тостерки.
On-topic, Адам Смит сега се превртува во гробот, ама шо-да-мУ-праам.

 

[aleks989]

Сѐ додека постои дуелот меѓу AMD и Intel, најголеми победници ќе бидеме ние – крајните корисници. Ќе добиваме нови процесори со солидни подобрувања во перформансите, по се подобри цени.

Мене овде ме плаши да не се случи монополот како кај GPU во моменто, Nvidia недопирлива во high-end сегментот, АМД повлечен од трката.
Навивам Интел да се врати појак со Nova Lake , си велам ја научија грешката и ќе можи да парира на AMD Zen 6, можи не да го надмини,
ама барем да му диши во вратот, оти ако и сега потфрлат, ни од Алдеран да слезат да донират нема да ги спасат.

Intel promises 'leadership across the board on desktop' when its next-gen Nova Lake CPU launches in late 2026

Beating AMD will be a tall order, but maybe 52 cores will do it.

www.pcgamer.com

 

[Ron26]

Не верувам Интел да е далеку од АМД во перформанси, впрочем и сега не е нешто назад како што коментаториве на нет викаат дека е. Новава серија ќе ја произведуваат заедно со ТСМЦ како што делува, и они ќе идат на 2 нм. Што поблиску се, тоа цените ќе се понормални.

А и Интел да е малце назад ради брејнвошот со АМД што го праат онлајн експертиве, супер ќе биде за тие што сакаат да најдат дил. 265к сега е 20к, 14700к е 19к. Џабе за таква процесирачка моќ.

 

[Astro]

Ако не се прилично далеку, зошто инаку промена на целиот менаџмент?
Јок батка, мислам дека Интел се во многу заебана позиција.

 

[gOJDO]

Мене овде ме плаши да не се случи монополот како кај GPU во моменто, Nvidia недопирлива во high-end сегментот, АМД повлечен од трката.

AMD воопшто не е повлечен од трката. Напротив неуморно работи да ги стигне (и престигне) nVidia. Стратешка одлука е да не се оди во овој момент во натпревар со nVidia во сите сегменти затоа што тоа значи непотребно губење на многу ресурси (време, пари и market share). Некој одлучил дека повеќе им се исплати во овој момент да се такмичат само во мид-рејнџ сегментот каде засега мошне успешно се натпреваруваат.

Но тоа не значи дека вака ќе остане за навек. Во моментов AMD работи на RDNA5 која исто какo Zen 6 ќе имплементира мноштво напредни технологии. Ќе биде прозиведена како MCM чипови меѓусебно поврзани со interposer, исто како и чиплетите на Zen6. Исто како и Zen6, и RDNA5 ќе биде револуционерен скок во перформанси и спецификации. Според засегашните шпекулации RDNA 5 ќе донесе 3x стрим процесори во однос на RDNA 4 пропратено со 32GB на 32Gbps gDDR7 видео меморија на 512bit мемориска собирница. Тоа ќе биде картичка во high-end сегментот која има амбиции да се такмичи со RTX6090. Но не само да се такмичи во перформанси туку и во цена (за перформансите кои ги нуди). Дури и да не ј победи RTX6090 во перформанси, флегшипот на RDNA5 ќе биде малку (10-15%) поспор од RTX6090 и многу поефтин (30%).

RDNA5 ќе биде маркантна архитектура и ќе донесе графички картички за паметење. Всушност RDNA5 е мошне итнересна тема која заслужува внимание и нов thread.

Мислењето е автоматски споено: 26 септември 2025

Колку шо гледам на брзина, N2 вафлата за 2nm е пеес посто поскапа од n3 па од таму шпекулацијата дека tsmc на ниво на свој процес т.е. фаб, поскапеле. А ако навистина репроматеријалот е поскап тоа би значело дека за жал нема само кај еден производител да се случи "поскапување".

Различни процеси се Samsung 2nm и ТSMC 2nm и користат различни вафери. Вафер за TSMC e $30k, а за Samsung e $20k. Од еден вафер ќе се произведуваат по 400-500 Zen 5 CCX-ови од кои ќе се направат 300-500 процесори во вредност од ~200K. 10k од 200к се само 5%, што е 10 пати помалку од поскапувањето за 50%. Поскапувањето на TMSC се случи затоа што им се може со овој обем на побарувачка и понуда.

 

[Ron26]

Ако не се прилично далеку, зошто инаку промена на целиот менаџмент?
Јок батка, мислам дека Интел се во многу заебана позиција.

проблемите на Интел им се пред се од друга природа, производствена. Они се производител кој му требаат клиенти, но сите се разбегаа накај ТСМЦ. И затоа имаат проблеми големи пошто губат пари.
Многу АМД ентузијасти го споредуваат ова со времето кога АМД беше тапа, а Интел беше крал, но овде нема некој огромен јаз во перформанси. Перформанси новата серија ќе бидат тука некаде со АМД, освен ако не заебат нешто.

 

[gdamjan]

2. Интерпозер технологија – Револуција во комуникацијата меѓу чиплети

тој начин на комуникација е веќе имплементиран во Strix Halo ... едно интересно видео на темата

View: https://www.youtube.com/watch?v=maH6KZ0YkXU


е сега, ќе има некои компромиси, па баш ќе видиме како точно ќе изгледа ова во иднина. проблемот е дека interposer-oт е под процесорот, и тоа ќе конфликтува со X3D cache-от исто под cpu-то. баш да видиме. имам чуство дека ќе има различни решенија.

 

[gOJDO]

тој начин на комуникација е веќе имплементиран во Strix Halo ... едно интересно видео на темата

View: https://www.youtube.com/watch?v=maH6KZ0YkXU


е сега, ќе има некои компромиси, па баш ќе видиме како точно ќе изгледа ова во иднина. проблемот е дека interposer-oт е под процесорот, и тоа ќе конфликтува со X3D cache-от исто под cpu-то. баш да видиме. имам чуство дека ќе има различни решенија.

Видов, излзе неколку дена откако го објавив текстов. Го гледав уште тогаш и е мошне информативно (за оној кој го интересира ). Strix Halo е експериментален глушец на Zen 6. Треба да ги покаже сите детски болести, недостатоци и предности на новата интерконекција.

X3D кешот веројатно ќе се врати горе, но можно е да има друг начин на имплементација. Се спомнува 3-та генерација, а плус доаѓа и на нов производствен процес.

Можно е да видиме решение со 1 наместо 2 X3D леери на L3 кеш, т.е. по 96MB L3 на CCD наместо 144MB.

Но да не заборавиме дека една од многу битните придобивки од употреба на интерпозерот е тоа што пристапот и брзината на читање и запишување кон L3 од соседното CCD ќе бидат драматично подобрени, како да двата L3 кеша се една целина(еден целосен 96MB L3), a двете CCD-a како да се монолитски чип со 24 јадра наместо со 2x12.