Алтернативен превоз (велосипеди, тротинети)

[xenon]

Темава ја започнувам заради актуелните цени на горивата кои одат во плафон, моментално ближат накај 100 ден/л со проекции да одат до 150-200ден./л. во блиска иднина ако не се промени нешто на блиски исток.

Првенствено како предупредување, да не биде како рамот / графичките и општо хардвер, да оние кои немаат си обезбедат некакво средство за превоз што не зависи од фосилни горива затоа што освен цените што одат во неразумни граници постои и можност недостаток на горива.

Моментално сме во некоја пред-сезона (16 март) и маркетите кои дистрибуираат велосипеди/тротинети и сл. обично не проектираат лагер за криза и катаклизма на генералниот превоз туку за стандардна потрошувачка. Ако цената отиде над 100, ќе има навалица и нормално скалпирање со цени.

Освен ова, да се дискутираат најоптимални начини за превоз со алтернативни средства:

• што користите
• кои рути ги користите во кој временски период
• дали велосипед/тротинет/е-скутер и сл. ви е главно или споредно превозно средство

итн.

 

[krema]

Е-скутер како споредно превозно средство, но изгледа дека за брзо време ќе биде и главно.

 

[JasSum]

Ќе отвориш тема и за алтернативна храна?
Со оглед дека за храна ти треба ѓубриво а тоа се прави со плинот кој исто така е со енормен раст, па очекувај за 3 месеци интересни цени на пазарите. Лов и риболов или нешто друго?

Верувам дека ќе има бум за споделување превоз. Ако имам комшии со кои можам да споделам возење и намалам трошоци - зошто да не се возиме 4ца наместо секој сам? Ќе дојде и поефтино на месечно ниво.
Еве ви бесплатна идеја: Направете апликација за тоа, пред некој да направи фејсбук група која ќе биде запоседната од диви таксисти.

 

[psyside]

Храната т.е. нејзината цена е обратно пропорционална со нејзиниот ефект на здравјето, генерално колку поскапа, толку полоша.

 

[kolesk]

Ако имам комшии со кои можам да ...

Јас почнав да се бањам со комшиката. Верувам дека заштедуваме некој процент на вода.

 

[Manis]

Има во ледиком хиоми тротинети за 18.000 ден. Мислам дека и по евтино може да се најде по огласи малце половно. А скутери електрични скапи се по 50.000+ ден.

 

[xenon]

Xiaomi тротинет моделите се одличен секојдневен избор за превоз од А до Б, со брзини до 25км/ч (повеќе од доволно!), ок автономија, ергономија и доволно време се на пазарот за еден куп резервни и заменски делови до најмало штравче на многу локации.

Веќе имаме и неколку луѓе што работат доградби и надградби:

• промена на постоечки батерии или замена со поголеми и сл.
• додавање на мотор на оние со само 1 погонско тркало
• замена на гуми со полни гуми (не сум некој љубител на ова, но барем нема смарање со дупнати гуми)

итн.

 

[StefanPetrov]

Јас почнав да се бањам со комшиката. Верувам дека заштедуваме некој процент на вода.

Must be nice, мене комшиите ми се дедо од 80 години и тип од 180 кила.

А на топикот, брат ми има тротинет од првите генерации Xiaomi едно 4-5 години сега, брка работа и добар е во Скопје ама во другите градови (Битола пример) тешко.

Единствена мана му се гумите. Ако е со обични гуми мнооогу често се дупат и се тешко да се сменат и извадат, па затоа му ставивме од оние тврдите пластичните и сега океј е ама многу вибрации има. Јбг нема сите убајни

 

[The_Real_Vojvoda]

Алтернативен превоз до каде ? До работа ? Шетање преку викенд ?

Јас лично на работам патувам пешки. Од спална до работна соба.

Инаку настрана тоа, се е склоп на можности.
Тротинет е супер опција aко си под 110-120кг, и ако има каде да го оставиш. Во услови кога повеќето ќе се свртат кон нив како алтернативно средство за превоз каде ќе го оставиш ?
Велосипед можеш каде сакаш да го врзеш, ама немаме добри услови. Чим стигне 27-28 степени надвор кога ќе стигнеш на работа си испотен лом и не е пријатно. Дополнително многу лесно може да ти го украдат велосипедот и да испадне многу поскапо од разликата во горивото.

Автобуси се ок опција, ама ако живееш меѓу максимум до 3-4 станици од почетната станица на линијата. Над тоа нема да можеш да влезеш и да сакаш ( зависно од линијата).

Делење на превоз со луѓе не функционира баш долгорочно, бидејќи не секој оди од дома на работа и пак до дома веднаш, некогаш постојат активности над типичното патување работа-дома, и тука е притисокот дека си со свое возило а си обврзан со други луѓе.

Разлика во гориво ?

Хипотетички ако патуваш еве 8 км во правец, значи 16км дневно, 22 дена во месецот со просечна потрошувачка во градски услови од 8 литри на 100, со старите цени од 71 мкд по литар за дизел, ти се точно 2000 денари за дизел месечно. При 50% ( сега сме на 30%) поскап дизел, тоа се дополнителни 1000 денари месечно.

Ќе компензираш едно идење во кафана помалце месечно, и ќе ти дојде идентично како и да не поскапело горивото.
Ќе си правиш сендвичи од дома наместо купување на храна на работа ќе ти дојде дури и значително поефтино.

Инаку овие вештачки пумпања на цени не се логично издржани и верувам дека ќе бидат краткорочни.

Бидејќи околу третина од вкупната нафта проаѓа низ тој теснец, и од целиот тој проток претежно се снабдува Азија за која што е отворен и функционира односно околу 40% патува кон Запад и Европа.

40% од 33% е 13.2% вкупно.

Зошто за 13.2% разлика во снабдување со нафта би имале долгорочно драстично повисоки цени, па дури и двојни ?

Еве ви еден интересен факт, до пред недела дена во утринските часови кога понежната половина ја носам на работа, по улицата која што се движам се создава колона што е речиси секогаш околу 1.4 километри. Од пред неколку дена таа е намалена на не повеќе од 300-400 метри. Што значи дека значителен број на луѓе веќе не ни користат автомобили за да патуваат на работа и го искористуваат сончевото време со алтернативни методи.

Верувам и дека во другите држави е така и тоа ќе резултира со намалена побарувачка на гориво и евентуално стабилизација на цените.

Мене повеќе ме плаши сајд ефектот што ова ќе го има ако трае подолго врз останатите производи (храна).

 

[JasSum]

Инаку овие вештачки пумпања на цени не се логично издржани и верувам дека ќе бидат краткорочни.

Бидејќи околу третина од вкупната нафта проаѓа низ тој теснец, и од целиот тој проток претежно се снабдува Азија за која што е отворен и функционира односно околу 40% патува кон Запад и Европа.

40% од 33% е 13.2% вкупно.

Зошто за 13.2% разлика во снабдување со нафта би имале долгорочно драстично повисоки цени, па дури и двојни ?



Мене повеќе ме плаши сајд ефектот што ова ќе го има ако трае подолго врз останатите производи (храна).

Ако сите денес јадат по кило храна, а од утре ќе има по 870 грама за секого, сите ќе останат неухранети, или ќе се крене толку колку што ќе прифати пазарот. Некои ќе имаат 1100 грама, некои ќе престанат да јадат.

 

[JamesKirk]

Не е тротинет за деца:

Скопје1 / Skopje1.mk on Instagram: "Две деца паднаа од електричен тротинет на пешачки премин во близина на Соборниот храм во Скопје, а целиот настан го снимил возач кој се движел по булеварот Партизански одреди. На видеото се гледа како на тротинето

2,401 likes, 57 comments - skopje1mk on March 6, 2026: "Две деца паднаа од електричен тротинет на пешачки премин во близина на Соборниот храм во Скопје, а целиот настан го снимил возач кој се движел по булеварот Партизански одреди. На видеото се гледа како на тротинетот тргнуваат да се возат...

www.instagram.com

 

[LambertGolden]

Xiaomi тротинет моделите се одличен секојдневен избор за превоз од А до Б, со брзини до 25км/ч (повеќе од доволно!), ок автономија, ергономија и доволно време се на пазарот за еден куп резервни и заменски делови до најмало штравче на многу локации.

Веќе имаме и неколку луѓе што работат доградби и надградби:

• промена на постоечки батерии или замена со поголеми и сл.
• додавање на мотор на оние со само 1 погонско тркало
• замена на гуми со полни гуми (не сум некој љубител на ова, но барем нема смарање со дупнати гуми)

итн.

зопто не си љубител на замена на гуми со полни гуми, кој проблем се јавува?

 

[xenon]

зопто не си љубител на замена на гуми со полни гуми, кој проблем се јавува?

1. Монтажата е неверојатно тешка
2. Ако не се монтира соодветно и ако не се стави соодветна полна гума, ќе пролизгува гумата врз бандажот т.е. ќе неможеш да закочиш.
3. Не реагираат добро на топлотни промени полните
4. Никаква амортизација, сите вибрации ги јаде рамот и телото
5. Без амортизација, најмали нерамнини дупки итн лесно знаат да влијаат на правецот на движење
6. Потешки се

Има и други причини. Имам едно Е-Twow тротинетче со полни гуми, ок е онака затоа што е многу компактно, ама го користам ретко..
Eве Џипити како сумира:

 

[Паланчански]

Не е тротинет за деца:

Скопје1 / Skopje1.mk on Instagram: "Две деца паднаа од електричен тротинет на пешачки премин во близина на Соборниот храм во Скопје, а целиот настан го снимил возач кој се движел по булеварот Партизански одреди. На видеото се гледа како на тротинето

2,401 likes, 57 comments - skopje1mk on March 6, 2026: "Две деца паднаа од електричен тротинет на пешачки премин во близина на Соборниот храм во Скопје, а целиот настан го снимил возач кој се движел по булеварот Партизански одреди. На видеото се гледа како на тротинетот тргнуваат да се возат...

www.instagram.com

На тротинет не смеат да се возат двајца.
На пешачки тротинетот се турка.
Тротинет не се вози по тротоар или пешачка патека.

Значи родителите се виновни, првин нека ги воспитаат децата, потоа нека им купуваат тротинет.

Ако добро забележувам и велосипедистот ги крши правилата.

 

[Fatal1ty_]

Моментално пешки до 4км во правец, над тоа палам кола ради поѕрошеното време. Оваа алтернатива не ради цената на горивото туку зошто обожавам да пешачам, дур земам точак електричен потоа вероватно со точак и повеќе од 4км.

 

[moongose]

На тротинет не смеат да се возат двајца.

Не смеат.

На пешачки тротинетот се турка.

За разлика од велосипед, каде што е експлицитно наведено дека треба да се турка, за ел. тротинет не е. Не само што не е, туку законот вели ако нема велосипедска патека, тротинетот треба да се вози по пешачка патека, тротоар или друга површина за пешаци но со максимална брзина од 6 км/ч.

Од друга страна велосипедот треба да поминува коловоз преку велосипедски премин кој најчесто е над (по) пешачкиот и одвоен од него со квадрат над секој дел од зебрата - просторот каде што некаде е обоен црвено.

Тротинет не се вози по тротоар или пешачка патека

Се вози, ако нема велосипедска. За разлика од велосипед кој во случај да нема велосипедска треба да се вози покрај десниот раб од коловозот.


Додатно, возачите на тротинет мора да носат шлем, а навечер и рефлектирачки елек. Велосипедистите не.

 

[xenon]

Според мене, СИТЕ треба да имаат навечер сигнализација. Не сме 1950-та па да треба динамо за да напојува волфрамова сијалица! Лед предни и задни светла за велосипеди има по 300 денари за пар. Тротинетите доаѓаат со предно/задно светло а во последно време и со трепкачи. Така да не е никакво оправдување учесник во сообраќај во 21ви век да биде неосветлен.

 

[xenon]

Париз до Монако, 1300 км на моментално најдобриот ел. тротинет од Дуалтрон.

View: https://www.youtube.com/watch?v=_IGnd5-Y4gM


Инаку се работи за овој тротинет,

 

[JasSum]

Париз до Монако, 1300 км на моментално најдобриот ел. тротинет од Дуалтрон.

View: https://www.youtube.com/watch?v=_IGnd5-Y4gM


Инаку се работи за овој тротинет,

Глупаков се вози ко да е на точак. Има разлика во опрема на точак и мотор, затоа што различна им е брзината. Таа кацига е можеби супер, ако паднеш при брзина 20км/ч. Лудакот вози со 100, па при тој пад, без соодветна заштита би станал флека на патот.

 

[xenon]

Глупаков се вози ко да е на точак. Има разлика во опрема на точак и мотор, затоа што различна им е брзината. Таа кацига е можеби супер, ако паднеш при брзина 20км/ч. Лудакот вози со 100, па при тој пад, без соодветна заштита би станал флека на патот.

Toa e тоа јадно ново време, за кликови и лајкови, или ќе те биде на овие платформи или ќе угинеш. Гладијаторство на денешницата. Овој нема ни возено претходно тротинет. Затоа го ставив, дека обична дилајла успева да се снајде и да преживее, не друго, инаку појма нема нит од подесување на тротинетот, нит од позиција на стоење соодветна, нит од начин на управување итн. Нит пак основен алат имаше за најобични поправки...

 

[petkotrajko]

Не смеат.


За разлика од велосипед, каде што е експлицитно наведено дека треба да се турка, за ел. тротинет не е. Не само што не е, туку законот вели ако нема велосипедска патека, тротинетот треба да се вози по пешачка патека, тротоар или друга површина за пешаци но со максимална брзина од 6 км/ч.

Од друга страна велосипедот треба да поминува коловоз преку велосипедски премин кој најчесто е над (по) пешачкиот и одвоен од него со квадрат над секој дел од зебрата - просторот каде што некаде е обоен црвено.

Се вози, ако нема велосипедска. За разлика од велосипед кој во случај да нема велосипедска треба да се вози покрај десниот раб од коловозот.

Додатно, возачите на тротинет мора да носат шлем, а навечер и рефлектирачки елек.

Од кога е ова за тротинетов задолжително (односно мора)? Посебно ова за шлемот? Во кој закон?
Користам скоро секојдневно тротинет (без шлем), не те тролам, искрено сум љубопитен.

Велосипедистите не.

Хм, во сеќавање ми е дека пред неколку години баш и за оваа категорија се воведе задолжително носење шлем (не дека се носат, но...)

 

[Паланчански]

Од кога е ова за тротинетов задолжително (односно мора)? Посебно ова за шлемот? Во кој закон?

Закон за безбедност во сообраќајот. Морав да го разгледам за да научам дека многу работи се сменети. Порано електричните тротинети не смееја да се движат по пешачка патека.

ПС
Ова е од 2020 година. Можеби има уште промени.

 

[petkotrajko]

Закон за безбедност во сообраќајот. Морав да го разгледам за да научам дека многу работи се сменети. Порано електричните тротинети не смееја да се движат по пешачка патека.

ПС
Ова е од 2020 година. Можеби има уште промени.

Сне имале на форумов тема за ова со законов, уште во 2020:

Сообраќај на електрични тротинети

Во Собраниска процедура е влезен Предлог законот за изменување и дополнување на Законот за безбедност на сообраќајот на патиштата, со кој за прв пат кај нас ќе се регулира управувањето на електрични тротинети во сообраќај. Ова е извадено од текстот на законот: Член 1 (57). „Електричен...

forum.it.mk

 

[moongose]

Од кога е ова за тротинетов задолжително (односно мора)? Посебно ова за шлемот? Во кој закон?
Користам скоро секојдневно тротинет (без шлем), не те тролам, искрено сум љубопитен.

Хм, во сеќавање ми е дека пред неколку години баш и за оваа категорија се воведе задолжително носење шлем (не дека се носат, но...)

Закон за безбедност во сообраќајот, член 103. Ама сега гледам, исто е како за велосипед. само препорака е не е обврска. Задолжителен е само елекот преку ноќ, 50е казна за возење без елек.

Пред неколку години во предлог законот стоеше дека мора шлем, ама се побунија од здружението „На точак“ и некои други, приложија куп аргументи зошто не треба и им ги прифатија. И сменија од е должен во треба и се тргна ставот за казна.
Ама во јавноста останало сеќавањето дека мора.

 

[TheMarshal]

Скопје е супер за точак и имаме доволно добра велосипедска инфраструктура. Многу лесно може да се користи кејот како "вело-обиколница", и да се направат солидни излези, низ целиот град. Треба само да се направат добри рампи, да речеме на секои 500-600м. Сега се само неколку добро проектирани рампи.... И фали да се инвестира во поврзување на кејот со Партизанкса, Јане Сандески и слични големи булевари. Најчесто тие конекции веќе се и постоечки, само треба да се подобрат и да се направи "заштитена" велосипедистичка патека каде што не може бациња да ти паркираат кола.

Друго, има добри проекти што стварно може да заживеат алтернативен превоз:

- Градскиот воз. Планирани се три линнии. Релативно мала инвестиција е, заштоа што веќе имаме постоечка инфрасктуктура. Ако има добра фрекфенција, Илинден/Петровец/Драчево ќе ти се на 10-15 минути до Железничка.

- Железничка да се направи добра "раскрсница", каде што лесно може да се прекачиш на БРТ. Со тоа, многу брзо ќе може да стигнеш од крај до крај на Скопје.

- За да заживее ова, во сите приградски населби, направи мини општиснки јавни превозни претпријатија. Дај им флота од мини електрични автобуси што би биле "feeder" до железничките што се наоѓаат на тоа место. Внатре во Скопје, направи слични линии што би биле "feeder" до БРТ исто. Синхронизирај распоред на се.

Лично сметам дека поголемиот проблем ќе е да се натераат луѓето да ги користат алтернативите. Најлесниот дел е да се изведат.