Аудио опрема: Слушалки, засилувачи, звучни карти, звучници, HI-Fi (аудиофилска дискусија)

[Vladimir Filevski]

Мене одлично ми звучат искрено. А и топ ривјуа имаат по нет, едно не сум сретнал да пишува дека звучат лошо, камо ли многу лошо.

Прво правило: не верувај на „ривјуата“ по нет, особено НЕ ако немаат измерено фреквенциска карактеристика!
Второ правило: види го првото правило.

Пример за вистинско ривју на нет (со лоши оценки), топтан со мерења:
PreSonus Eris E3.5 Powered Monitor Review

И пак треба да купувам интерфејс пошто сите студиски монитори од 5 нагоре се без контрола на нив.

Иако не се стриктно студиски монитори, сепак Mackie CR5-X (5 инчи) и CR8-XBT (8 инчи) се доволно добри, а и имаат копче Volume на предната страна.
Интерефејсот/volume control (за вистински студиски монитори) можеш да го купиш евтино, а можеш и сам да го направиш за скоро ич пари.

Со вуфер ем ќе пројдам поефтино, ем ќе извадам уште подлабок бас од 5ка.

Како тоа ќе пројдеш поевтино? Колку чини сабвуферот и кој е тој?

Бар по тоа што чув, и 5ките не ме импресионираа нешто многу многу.

Кои 5-ки си ги слушал?

А што е разликата меѓу моите и „вистински“ монитори?

Разликата е во квалитетот и квантитетот на звукот, по сите параметри.
Не можеш да очекуваш којзнае што од басчиња од само 3,5 инчи. Апсолутен минимум е 5 инчи.

 

[dekomote]

Прво правило: не верувај на „ривјуата“ по нет, особено НЕ ако немаат измерено фреквенциска карактеристика!
Второ правило: види го првото правило.

Ама тебе да те верувам, така?

Пример за вистинско ривју на нет (со лоши оценки), топтан со мерења:
PreSonus Eris E3.5 Powered Monitor Review

Ја не гледам лоши оценки во ревјуто. Може да ми посочиш кај кажува дека звучнициве се, те цитирам, многу лоши?

Како тоа ќе пројдеш поевтино? Колку чини сабвуферот и кој е тој?

13.000 денари, пресонус суб8 или mackie cr8s. И двата се тука во цената.

Не можеш да очекуваш којзнае што од басчиња од само 3,5 инчи. Апсолутен минимум е 5 инчи.

Мене ми се ок. За музика од спотифај и за гејмање ми служат, не сум професионалец. Ко алтернатива на било кои мултимедијални звучки, одлични се. Ко што кажав, не сум аудиофил.

Значи, да одам да пазарам CR-5x, ти си сигурен 100% дека ќе ми ги задоволи потребите? Најефтино ќе пројдам така. Само да не биде после пак да треба да купувам вуфер

 

[Vladimir Filevski]

Ама тебе да те верувам, така?

Треба да веруваш само на ривјуа каде има дадено измерена фреквенциска карактеристика (направена со професионални уреди, или барем направена на професионален начин) и каде авторот на тестот ја заслужил довербата благодарение на своето знаење кое го искажал и докажал во тестовите или во своите стручни текстови.
Да, мене можеш да ми веруваш (види погоре).

Ја не гледам лоши оценки во ревјуто. Може да ми посочиш кај кажува дека звучнициве се, те цитирам, многу лоши?

Катастрофално лоша фреквенциска карактеристика:

Ужасно високо изобличување (3% под 1 kHz), при јачина на звукот од само 86 dB/1m:

Огромна резонанција на 1800 Hz:

Цитати од текстуалниот дел од тестот:
„an extreme “smiley face” or “v-curve” response with a peaky midbass around 100Hz and a very bright sounding treble. The midrange is very recessed and the enclosure is the source of strong resonances. ... While it is true these speakers cost only $100, the response could be much more neutral without costing more. Don’t let price always be a scapegoat for poor quality.“

Цитати од видеото (од 3:50 до 8:55):
„...mess up with vocals... very peaky, boomy bass which sounds horrible... strong resonance... very non-linear speaker... sounds like junk... this speaker is just very disappointing... “

13.000 денари, пресонус суб8 или mackie cr8s. И двата се тука во цената.

Со сабвуфер го решаваш само басот под 70 Hz, а ти остануваат сите останати ужаси од Presonus Eris 3.5.
Ако додадеш уште малку пари над тие 13.000 денари и ги продадеш своите Presonus Eris 3.5, можеш да ги купиш Mackie CR8-XBT (со 8-инчен бас), кои ќе свират многу подобро од комбинацијата Presonus Eris Sub8 плус Eris 3.5.

Мене ми се ок. За музика од спотифај и за гејмање ми служат, не сум професионалец. Ко алтернатива на било кои мултимедијални звучки, одлични се. Ко што кажав, не сум аудиофил.

Нема врска што не си професионалец или аудиофил - лош звук е лош за секого.
Мојата модификација на мултимедијалните звучници Genius SP-HF 1250B што ја објавив во списанието ЕМИТЕР (Операциона сала: Компјутерски звучници Genius SP-HF 1250B) дава резултати за една класа подобри од Presonus Eris 3.5, а сето тоа чини (чинеше) 1/3 од цената на Eris 3.5. Еве ја измерената фреквенциска карактеристика, па спореди:
https://emiter.com.mk/sites/default/files/sliki/napis/6_emiter_Genius SP-HF 1250B modified.gif

Значи, да одам да пазарам CR-5x, ти си сигурен 100% дека ќе ми ги задоволи потребите? Најефтино ќе пројдам така. Само да не биде после пак да треба да купувам вуфер

Дали ќе ти треба сабвуфер - не знам. Како и да е, прво продај ги Presonus 3.5, па ако CR5-X ти дава доволно басови за твој вкус - тогаш супер, а ако баш ти треба длабок бас како од сабвуфер, купи си Mackie CR8-XBT.

 

[dekomote]

Катастрофално лоша фреквенциска карактеристика:

Мене како лаик ова апсолутно ништо не ми значи. Субјективно супер ми пејат.
Дај да видиме какви се овие карактеристики на CR5-X? Не успеав да најдам.

можеш да ги купиш Mackie CR8-XBT

Немам место на бирото за овие.

Нема врска што не си професионалец или аудиофил - лош звук е лош за секого.

Не иде тоа така. Ако работиме во такви апсолути, треба сите да возиме с класи мерцедеси (пример го земам) пошто сите коли се ужасно лоши во споредба. ЦР5 можда се подобри ама се дупло поскапи и значително поголеми. Не се вклопуваат во сечиј буџет, нит па биро.
И како што реков, има доста на кои субјективно им се добри звучниците, ете по јутуб има тон задоволни а и по нет, безразлика каква да е фреквенциската карактеристика. 95% од народов слуша музика на телевизор!

Како и да е, прво продај ги Presonus 3.5

Еј како ќе ги продадам сеа коа прописно ги изруга?

 

[Nem_Akata]

Мене како лаик ова апсолутно ништо не ми значи. Субјективно супер ми пејат.
Дај да видиме какви се овие карактеристики на CR5-X? Не успеав да најдам.


Немам место на бирото за овие.


Не иде тоа така. Ако работиме во такви апсолути, треба сите да возиме с класи мерцедеси (пример го земам) пошто сите коли се ужасно лоши во споредба. ЦР5 можда се подобри ама се дупло поскапи и значително поголеми. Не се вклопуваат во сечиј буџет, нит па биро.
И како што реков, има доста на кои субјективно им се добри звучниците, ете по јутуб има тон задоволни а и по нет, безразлика каква да е фреквенциската карактеристика. 95% од народов слуша музика на телевизор!


Еј како ќе ги продадам сеа коа прописно ги изруга?

Една работа не имал во предвид колегата претходно, не мора звучник да е неутрален за да вади добар звук за некого. Освен таа резонансата на 1800Hz од портата, не видов ништо што бѝ привлекло многу внимание за звучник (читај звучник, не монитор) од таа цена.

 

[Fatal1ty_]

@dekomote јас ги имам истите монитори, просек се, но далеку од катастрофални и ми служат за дејли јутјуб кога не сум на слушалки.
За 100е се таман.
Иначе разгледа ли некои опции на лочитек, пошто ти е за гејминг може да најдеш нешто од нив.

 

[dekomote]

@dekomote јас ги имам истите монитори, просек се, но далеку од катастрофални и ми служат за дејли јутјуб кога не сум на слушалки.
За 100е се таман.
Иначе разгледа ли некои опции на лочитек, пошто ти е за гејминг може да најдеш нешто од нив.

Имав такви, неќу Лоџитек 2.1 се генерално напукани на бас и се друго е lacking. Обратно од моменталнава ситуацуја.
Ќе зирнам CR5.

 

[Banjifiko]

Еј како ќе ги продадам сеа коа прописно ги изруга?

За секоја роба има купец. Само ти реши се...

 

[Vladimir Filevski]

Мене како лаик ова апсолутно ништо не ми значи. Субјективно супер ми пејат.

Токму затоа послушај совет од луѓе кои не се лаици, кои знаат од измерената фреквенциска карактеристика да извлечат некои заклучоци. Ако сум напишал дека фрекв. карактеристика му е катастрофа, навистина е катастрофа. И не е само фрекв. каракт. - и изобличувањето му е екстремно високо.
Ако направиш субјективна споредба со некој подобар звучник, самиот ќе сфатиш дека покрај супер пеење постои и „посупер“ пеење.

Дај да видиме какви се овие карактеристики на CR5-X? Не успеав да најдам.

Зошто го бараш тоа, кога и самиот кажуваш дека како на лаик тоа ништо не ти значи???
ОК, еве:

Не иде тоа така. Ако работиме во такви апсолути, треба сите да возиме с класи мерцедеси (пример го земам) пошто сите коли се ужасно лоши во споредба. ЦР5 можда се подобри ама се дупло поскапи и значително поголеми. Не се вклопуваат во сечиј буџет, нит па биро.

Не е точно дека сите други коли се „ужасно лоши во споредба“ со Ц класа Мерцедес. Во што се полоши BMW или Audi? А и поевтини се...
Не ти чини аналогијата - секоја кола што се нуди на пазарот ќе те однесе од точката А до точката Б со брзина од барем 135 km/h, иако најверојатно со помал комфор во однос на Мерцедес, но со многу, многу помала цена од Мерецедес. Каде гледаш тука „ужасно лоши карактеристики“? Ужасно лоши карактеристики ќе беа максимална брзина од 50 km/h, дрвени клупи место удобни седишта и шасија без амортизери.
А и не работиме со апсолути - звучниците Genius SP-HF 1250B со мојата модификација од 4 денари чинеа 1/3 од цената на Presonus Eris 3.5, со слични димензии се, а се за една класа подобри од нив.
Како и да е, за секој производ постојат минимум перформанси под кои не треба да се оди. Подобро да се почека, да се заштеди колку што треба и дури потоа да се купи доволно квалитетен производ.

И како што реков, има доста на кои субјективно им се добри звучниците, ете по јутуб има тон задоволни а и по нет, безразлика каква да е фреквенциската карактеристика.

Немој да си наивен - се знае како и кој на YouTube и на нет дава позитивни оценки на катастрофални производи. Со што ја здобиле твојата доверба тие „задоволните“, па да им веруваш? Знаеш лично 10 - 20 луѓе од тие „задоволните“? Или барем еден? Или ниеден?

Еј како ќе ги продадам сеа коа прописно ги изруга?

Еве вака:

... има доста на кои субјективно им се добри звучниците, ете по јутуб има тон задоволни а и по нет, безразлика каква да е фреквенциската карактеристика.

Мислењето е автоматски споено: 29 јануари 2023

Една работа не имал во предвид колегата претходно, не мора звучник да е неутрален за да вади добар звук за некого.

Грешиш, звучникот мора да биде неутрален - само така ќе вади добар звук за секого.

Освен таа резонансата на 1800Hz од портата, не видов ништо што бѝ привлекло многу внимание за звучник (читај звучник, не монитор) од таа цена.

Прочитај го детално мојот пост погоре, бр. 5028.

 

[Audiofil]

Во глобала според мое лично искуство треба да се избегнува секој звучник без разлика дали е студиски монитор или домашен кој има отстапување од максимум плус минус 2 децибели низ целиот фреквентен опсег без разлика на неговата цена.

 

[dekomote]

Токму затоа послушај совет од луѓе кои не се лаици, кои знаат од измерената фреквенциска карактеристика да извлечат некои заклучоци. Ако сум напишал дека фрекв. карактеристика му е катастрофа, навистина е катастрофа. И не е само фрекв. каракт. - и изобличувањето му е екстремно високо.

Мене тоа ништо не ми значи во случајов. Побарав начин да добијам подлабок бас, другото ми е супер.

ОК, еве:

Ти тука ми нудиш звучник што према фрекв. карактеристика, не вади бас под 60хз, слично како и моите, што буквално се коси со мојот прв requirement. И сега како да те верувам? Ќе одев утре ќе ги купев на невидено и пак ќе барав вуфери... Зошто? Зашто тебе не те бендисувала фрек. карактеристика на пресонусот... Не е ок ова.

Знаеш лично 10 - 20 луѓе од тие „задоволните“? Или барем еден? Или ниеден?

Бар 5 души од форумов знам што ги имаат и се презадоволни и уште двајца надвор од форум. Доволно? Да не треба да ги тагнам?

Грешиш, звучникот мора да биде неутрален - само така ќе вади добар звук за секого.

Со сета почит, не побарав звучник што ќе ги задоволува твоите потреби и бенчмарци за звук, ами моите.

 

[Audiofil]

Мене тоа ништо не ми значи во случајов. Побарав начин да добијам подлабок бас, другото ми е супер.


Ти тука ми нудиш звучник што према фрекв. карактеристика, не вади бас под 60хз, слично како и моите, што буквално се коси со мојот прв requirement. И сега како да те верувам? Ќе одев утре ќе ги купев на невидено и пак ќе барав вуфери... Зошто? Зашто тебе не те бендисувала фрек. карактеристика на пресонусот... Не е ок ова.


Бар 5 души од форумов знам што ги имаат и се презадоволни и уште двајца надвор од форум. Доволно? Да не треба да ги тагнам?


Погледнете го атачментот 121734

Со сета почит, не побарав звучник што ќе ги задоволува твоите потреби и бенчмарци за звук, ами моите.

Друже најпластично кажано ова со отстапувањата на фреквентниот опсег може да се спореди со нецентриран бандаж од велосипед каде при вртење на еден круг шета лево десно и до 2 см од нултата позиција .До кај 5 или 10км на час некако ќе тераш и нема да ти смета ама забрзај до 20км на час брзина да видиш како ќе почне да тресе целиот велосипед.Истото е и со бандаж од автомобил доколку е шантрив ќе осетиш тресење на каросеријата при поголема брзина.Ако имаш прилик направи еден експеримент,земи звучници што имаат отстапување од максимум 2 децибели и слушај ги со саати цела недела а потоа пушти си ги твоите од кои си сега задоволен и тогаш ќе видиш огромна разлика.Тоа ти е исто како сега да си задоволен со некое мало количе ама вози скапа кола за 2 класи погоре цела недела па врати се на твоето за да ја видиш разликата.

 

[Vladimir Filevski]

Мене тоа ништо не ми значи во случајов. Побарав начин да добијам подлабок бас, другото ми е супер.

Ти тука ми нудиш звучник што према фрекв. карактеристика, не вади бас под 60хз, слично како и моите, што буквално се коси со мојот прв requirement. И сега како да те верувам? Ќе одев утре ќе ги купев на невидено и пак ќе барав вуфери... Зошто? Зашто тебе не те бендисувала фрек. карактеристика на пресонусот... Не е ок ова.

Ако ги читаше моите статии и тестови во ЕМИТЕР последниве 28 години, ќе знаеше дека треба да ми веруваш. Ќе треба многу да објаснувам зошто не е точно дека CR5 „нема бас под 60 Hz“, за сега доволно е да ја видиш стрмнината со која опаѓа басот кај CR5 во однос на Presonus 3.5.
Освен тоа, ти напишав прво да ги слушнеш CR5, за да видиш дали имаат доволно басови за тебе.
Не е работата што мене не ми се бендисува фрекв. карактеристика - проблемот е што на науката не ѝ се бендисува!

Бар 5 души од форумов знам што ги имаат и се презадоволни и уште двајца надвор од форум. Доволно? Да не треба да ги тагнам?

Ептен доволно - не сум знаел дека има толку многу наглуви луѓе (однапред се извинувам ако ова се сфати како навреда - не е навреда, само е констатирање на фактичката состојба).
Не треба тагнување, фала.

Со сета почит, не побарав звучник што ќе ги задоволува твоите потреби и бенчмарци за звук, ами моите.

Повторно - не се тоа мои потреби и бенчмарци, туку на науката.
Ти побара совет за звучник, јас ти дадов совет. Со сила не може да се даде, може само да се земе.

 

[dekomote]

Ти побара совет за звучник, јас ти дадов совет, Со сила не може да се даде, може само да се земе.

Не друже, не ми даде совет, ми одржа предавање, ми извреѓа, ме нарече наглув и ми понуди нешто што тебе ти се сфиѓа а мене не ми брка работа.

Повторно - не се тоа мои потреби и бенчмарци, туку на науката.

Која е таа наука која кажува дека објективно и субјективно неутралните звучници се подобри за генерална популација? Има некое истражување вакво да ставиш еден цитат?

Еве ја што најдов што вика науката AES E-Library » Listener Preferences for In-Room Loudspeaker and Headphone Target Responses
Каже „There were significant variations in the preferred bass and treble levels due to differences in individual taste and listener training.“ Ти моеш колку сакаш да кажуваш дека неутрални се најдобри ама тоа не важи во вистински живот.

не сум знаел дека има толку многу наглуви луѓе

Те молам од сега, воздржи се кога сакаш да ми дадеш совет, не ми треба некој да ме вреѓа тука. Инаќе, да, 35% сум наглув на едното и некои 15% на другото уво, ако веќе те интересира

Мислењето е автоматски споено: 29 јануари 2023

Друже најпластично кажано ова со отстапувањата на фреквентниот опсег може да се спореди со нецентриран бандаж од велосипед каде при вртење на еден круг шета лево десно и до 2 см од нултата позиција .До кај 5 или 10км на час некако ќе тераш и нема да ти смета ама забрзај до 20км на час брзина да видиш како ќе почне да тресе целиот велосипед.Истото е и со бандаж од автомобил доколку е шантрив ќе осетиш тресење на каросеријата при поголема брзина.

Добро е што не ги возам брзо звучнициве тогај.
Значи за музика и мултимедиа на ПЦ во спална соба ми се, на 40цм од мене, не ги пуштам на повеќе од 1/3 звук

 

[Vladimir Filevski]

Не друже, не ми даде совет, ми одржа предавање, ми извреѓа, ме нарече наглув и ми понуди нешто што тебе ти се сфиѓа а мене не ми брка работа.

Се извинувам ако така си го сфатил мојот совет.
Повторно - не нудам нешто што мене ми се свиѓа, туку она што науката вели дека е добро.

Која е таа наука која кажува дека објективно и субјективно неутралните звучници се подобри за генерална популација? Има некое истражување вакво да ставиш еден цитат?

Науката се вика психоакустика.
Има една планина истражувања во психоакустиката кои го докажуваат тоа. Нема да дадам цитат, бидејќи само еден цитат не е доволен, тоа се илјадници страници истражувања, не можеш цела наука да замениш со еден цитат. Не верувам дека тоа ќе те интересира толку многу за да читаш.

Те молам од сега, воздржи се кога сакаш да ми дадеш совет, не ми треба некој да ме вреѓа тука. Инаќе, да, 35% сум наглув на едното и некои 15% на другото уво, ако веќе те интересира

Значи, сепак не сум навредувал, туку само сум ја констатирал фактичката состојба.
Договорено, нема веќе да ти давам совети.

 

[dekomote]

туку она што науката вели дека е добро.

Науката вели дека многу работи се добри - трчање маратони, ладно време, рибино масло и други работи, ама на многу луѓе не им се сфиѓаат. Науката вели дека цигарите се лоши па 60% од населението пуши.
2 исти школки на уши не можеш да најдеш на светов, а не па слухови. Јас се кладам дека од сите 20 души хард кор аудиофили што сте на форумов, нема да се погодите кои се најдобри звучници, секој ќе си има преференци

Има една планина истражувања во психоакустиката кои го докажуваат тоа. Нема да дадам цитат, бидејќи само еден цитат не е доволен, тоа се илјадници страници истражувања, не можеш цела наука да замениш со еден цитат. Не верувам дека тоа ќе те интересира толку многу за да читаш.

Јас пратив истражување, дај ми ти едно што вика дека неутралните звучници се најдобри и ќе ме затнеш! Цитат не мислев да вадиш цитати, дај ми линк до истражувањето, и јас сум научник, знам да читам истражувања.

Значи, сепак не сум навредувал, туку само сум ја констатирал фактичката состојба.

Секоја чест господине!

 

[Boco1987]

Науката вели дека многу работи се добри - трчање маратони, ладно време, рибино масло и други работи, ама на многу луѓе не им се сфиѓаат. Науката вели дека цигарите се лоши па 60% од населението пуши.
2 исти школки на уши не можеш да најдеш на светов, а не па слухови. Јас се кладам дека од сите 20 души хард кор аудиофили што сте на форумов, нема да се погодите кои се најдобри звучници, секој ќе си има преференци

Ако продужиш по паметот на Филевески ќе треба и звучна изолација у собата да смениш за да ги осетиш „фрекфенциите“

 

[Vladimir Filevski]

Науката вели дека многу работи се добри - трчање маратони, ладно време, рибино масло и други работи, ама на многу луѓе не им се сфиѓаат. Науката вели дека цигарите се лоши па 60% од населението пуши.

Ех, ама „аналогии“ најде...
Ниедна наука не тврди дека маратоните се добри, туку дека физичката активност е добра - тоа може да биде и играње фудбал, кошарка, едноставно пешачење... Ако некому не му се свиѓа фудбал, ќе му се свиѓа пливање или скијање, или нешто друго - и пак науката е во право (на твоја жалост), заедно со среќните луѓе (иако немаат исти раце и нозе) на кои им се свиѓа уживањето во физичките активности.
Тоа што на некој наркоман му се свиѓа што се дрогира со хероин, не го сменува фактот дека тоа е лошо - независно од тоа што истото го вели науката.

2 исти школки на уши не можеш да најдеш на светов, а не па слухови. Јас се кладам дека од сите 20 души хард кор аудиофили што сте на форумов, нема да се погодите кои се најдобри звучници, секој ќе си има преференци

Тоа што луѓето немаат исти ушни школки не значи дека слушаат различно - секој од нив ќе разликува саксофон од виолина, како и добар звучник од лош. Претходново важи само за луѓе со нормален слух.
Секакви се декларираат како аудиофили (или се набедени од други дека се такви), тоа не значи ништо. Јас не се сметам за аудиофил и никогаш не сум кажал дека сум аудофил.

Јас пратив истражување, дај ми ти едно што вика дека неутралните звучници се најдобри и ќе ме затнеш! Цитат не мислев да вадиш цитати, дај ми линк до истражувањето, и јас сум научник, знам да читам истражувања.

Не видов дека си испратил некакво истражување - кое е тоа и за што се однесува?

Еве еден научен труд кој докажува дека неутрални звучници се најдобри:
AES E-Library » A Multiple Regression Model for Predicting Loudspeaker Preference Using Objective Measurements: Part II - Development of the Model
https://www.researchgate.net/publication/332210798_A_Statistical_Model_that_Predicts_Listeners'_Preference_Ratings_of_Around-Ear_and_On-Ear_Headphones

И сеа, шо праиме?
Ако си научник, како што тврдиш, треба да го почитуваш мислењето на науката, а не да слушаш „задоволни луѓе“ од YouTube.
By the way, кои научни трудови си објавил и каде (линкови)?

Секоја чест господине!

Фала.

Мислењето е автоматски споено: 29 јануари 2023

Ако продужиш по паметот на Филевески ќе треба и звучна изолација у собата да смениш за да ги осетиш „фрекфенциите“

Не ни знаеш која е разликата меѓу „звучна изолација“ и „акустичка обработка“ на соба. Жално, жално...

 

[Audiofil]

Ако продужиш по паметот на Филевески ќе треба и звучна изолација у собата да смениш за да ги осетиш „фрекфенциите“

Друже како прво си помешал баби и жаби а како второ звучна изолација нема никаква врска со темава а се кладам и дека не знаеш за што се употребува.Еве ти корисно видео да научиш:

View: https://www.youtube.com/watch?v=BNx6cwxk8vA

 

[dekomote]

И сеа, шо праиме?

Победи ти, пакет сано сокчиња за тебе

Мислењето е автоматски споено: 29 јануари 2023

Друже како прво си помешал баби и жаби а како второ звучна изолација нема никаква врска со темава а се кладам и дека не знаеш за што се употребува.Еве ти корисно видео да научиш:

View: https://www.youtube.com/watch?v=BNx6cwxk8vA

Фино типов објаснува за акустика, уште да не звучеше видеово ко да е снимано ниц Фи10 цевка за канализација, ќе поверував дека се разбира.

 

[Vladimir Filevski]

Фала, не треба сокчиња. Побарав линкови од твоите „научни трудови“.
А не си ни можел да го прочиташ, а камо ли да го разбереш научниот труд што го постирав пред 10 минути. Зошто го бараше, кога мразиш наука и не сакаш да читаш научни тридови? (ове е реторичко прашање, не треба одговор)

 

[gloria borger]

Фала, не треба сокчиња. Побарав линкови од твоите „научни трудови“.
А не си ни можел да го прочиташ, а камо ли да го разбереш научниот труд што го постирав пред 10 минути. Зошто го бараше, кога мразиш наука и не сакаш да читаш научни тридови? (ове е реторичко прашање, не треба одговор)

Залудно се мачиш и трошиш време, не те заслужува форумов, членот веќе одлучил што ќе купи уште пред да постави „прашање“.

 

[dekomote]

Фала, не треба сокчиња. Побарав линкови од твоите „научни трудови“.
А не си ни можел да го прочиташ, а камо ли да го разбереш научниот труд што го постирав пред 10 минути. Зошто го бараше, кога мразиш наука и не сакаш да читаш научни тридови? (ове е реторичко прашање, не треба одговор)

Ќе продужиш да вреѓаш? Наврати се погоре пред 2 мои постови, ти пратив линк до труд што вика дека слушателите сакаат воглавно погласни високи и погласни басови. Ти си тој што не дочитува.
И двата труда што ги прати ги прочитав-прелистав, едниот е за слушалки другиот нема врска со тоа какви фрекфенциски респонси сакаат луѓето ами е модел за тренирање регресија за предикција на преференца за звучници.
И во тој, има дел што вика дека луѓето сакаат звучници што се понапукани на бас. Прочитај ги, цитиран е баш тој дел во неколку други трудови, ама чим си јак колку што се пуваш, лесно ќе ги најдеш.

Еве ако не виде кај е линкот до истражувањето што јас го пуштив а ти не го виде

Убаво би било да дочитуваш пред да обвиниш некого за нечитање а?

Мислењето е автоматски споено: 29 јануари 2023

Залудно се мачиш и трошиш време, не те заслужува форумов, членот веќе одлучил што ќе купи уште пред да постави „прашање“.

Леле )))))))))))))))))))))))))))))))) зашто сте вакви бе мајке му?
Па нормално, мои пари, мои уши, моја музика бе, кој е Владимир Филевски па да ми кажува колку сум ја наглув и како треба да слушам музика.
Прашањата што ги поставив беа концизни и бараа концизни одговори. А не smeni gi monitorite uzzas ti se. Прашав дали да купам вуфер или ќе избркам работа со 5ки монитори.
Он земал тука да ми објаснува психоакустика и глув да ме праи.

 

[Vladimir Filevski]

Фино типов објаснува за акустика, уште да не звучеше видеово ко да е снимано ниц Фи10 цевка за канализација, ќе поверував дека се разбира.

Така ти се чини, затоа што слушаш на лоши звучници.

 

[dekomote]

Така ти се чини, затоа што слушаш на лоши звучници.

Ова психоакустикава и видовит те има напраено еј!