Safe City - Камерите за казнување

[noviot]

Законов го има тоа што се дискутираше неколку страни назад, за тие што носат слушалки и поминуваат преку пешачки или возат точак со слушалки..
Некој го чита форумов изгледа ))
Ќе видиме во пракса како ќе биде општо, треба ред да се воспостави во сообраќајов и не само Скопје, Куманово и Тетово туку цела држава

Баш ме интересира како ќе ги најдат пешаците и велосипедистите со слушалки, по таблица или..?

 

[Oktar]

Баш ме интересира како ќе ги најдат пешаците и велосипедистите со слушалки, по таблица или..?

Никако, само на лице место ако те начекаат иначе скроз никако.

 

[Ragnar]

Се носат обемни измени во законот од кои најзначајна е секако оваа со камерите и казнувањето. Сепак медиумите за да создадат некоја тема и да билдаат читаност се фаќаат за една од измените која ајде да речеме е контроверзна но реално има многу мало значење - казнување пешаци со слушалки на пешачки или коловоз. Секако тука влијае и предизборниот период па сега наоѓаат теми као види власта сака да го соголи народот.
Вистината е дека ова е само за на хартија т.е. ако очигледно има некоја будала што не внимава околу улица со слушалки а има полицаец во близина да има конкретен член преку кој ќе биде казнет. Не дека ќе има масовен лов на луѓе со слушалки - а и реално колку има такви?

Ова ме потсети на весникот ВЕСТ сегашен SDK чиј сопственик се прави голем мудрец со своите неделни колумни а придонесуваше за ширење на жута штампа кај нас. Некаде 2008-9 имаше измени за законот за прекршоци, каде главна измена беше начинот на доставување на казните за прекршоците и плус уште некои есенцијални измени. Обемни измени на кои е работено со месеци. Е сега он забележал нешто што му е смешно и го бапна на насловна - За мочање ќе ве казнуваат 50 евра. И вистина, имаше измени со кои се казнува за мочање на јавно место со 50 евра и плус за пружање веш на тераса не знам некои 20 евра да речеме. И одма го буцна народов - ете ќе не казнуваат за мочање, све се среди до ова ли дојде, се полни буџет со вакви глупости итн. Реалноста - не памтам дали некој е казнет за тоа? А сепак треба да постои а богами и треба да се казнува, секако не да се прават специјални акции, ама сепак треба да постои бидејќи најпосле "се што не е забрането со закон е дозволено".

 

[krema]

по таблица или..?

Можно е со препознавање на лице, сите имаме слики во база на мвр (барем полнолетните).

 

[Chiller]

Можно е со препознавање на лице, сите имаме слики во база на мвр (барем полнолетните).

Па ќе ставаат маски за корона со се слушалици.

 

[Astro]

Ништо од ова нема да работи уште многу години, да речам без гајле или да речам за жал.
Имам сосед во Виена што е пензиониран и ми раскажуваше колку било тешко да се изведе системот за автоматско казнување и колку сеуште не работи 100% ефикасно. Ми кажуваше колку многу служби треба да работат со максимален ангажман за да функционира тоа.

Си мислам сега, во себе, кај нас секој некој ќе најде финта да го јебе системот. Ќе ги маскираат таблиците, ќе ги кршат кемрите, ќе го саботираат системот од внатре и од надвор и пак ќе се сведе се на селективна правда. Низ провинција секако дека нема да работи зошто немаат ни струја, ни мрежа ни GPS, во западна уште помалку ќе работи пошто таму тоа не се признава и е див запад, 70% од возилата се нерегистрирани или се со фејк таблици и само за локална употреба.

Така да, долг и трнлив ќе биде патот и мислам дека води во сигурна бездна. За било што да проработи во државата мора казнивоста да се донесе до 100% ефикасност. Треба да се работи на системи за комуникација, на внатрешни стандарди и дисциплина, да се воведе меритократија, на пандурите да им се симнат стомаците и да се опремат со скратени АК-47ки, панцири и гогли за ноќно гледање за да можат да го спроведат законот и казнивоста, на администрацијата да им се искорени корумпираноста и да им се зголеми ефикасноста и компетентноста. А пошто се ова е научна фантастика со ваква власт која не покажува ни елементарни намери нешто од ова да подобри, слободно би рекол дека ништо од ова нема да биде.

100 пати сум кажал и пак ќе кажам дека ниту еден проблем не се решава со една единствена метода. Нема да се реши проблемот само со воведување камери. Затоа сите овие муабети се сведуваат на млатење празна слама пред избори, и сите знаат дека нема да биде ништо од тоа. Потребно е прво да се гради платформа, да се има национална стратегија, да се работи со години сите аспекти од државноста да се билдаат и подобруваат па после да се реши да се воведува ваков систем. А кога се се движи само надоле во еден правец, која е оправданоста да се надеваме дека било што ќе профункционира?

 

[Oktar]

Можно е со препознавање на лице, сите имаме слики во база на мвр (барем полнолетните).

За жал, не живееме на филм.

 

[petkotrajko]

На темата со казнување слушалки (или беа пешаци?), некое појаснување:
Дали ќе се казнуваат пешаци кои се движат со слушалки во ушите?

Казни се предвидени само при преминување преку коловоз или велосипедски патеки, односно на пешачки премини, и тоа за употреба на разни електронски уреди и носење две слушалки. Не се казнува носењето една слушалка, бидејќи се смета дека пешакот сепак слуша со другото уво. „На точак“ потенцира дека овој аспект не бил јасно пренесен во медиумите и дека е важно да се разграничи кога и каде се ограничува користењето на слушалки.

 

[Lokvan]

За жал реалноста овде е дека нѐ замајаваат со носење на нови и нови регулации но истите во реалност не се спроведуваат. Или се спроведуваат спорадично и селективно (и затоа целосно неефективно).

Очекувам дека така ќе биде и со ова.

 

[kosmos78]

Со кое? Со камерите и сообраќајот или последново со пешаците и слушалките?

 

[Chiller]

Камерите како што ги гледав се италијански, една кошта ~20.000 евра. Незнам колку се испонаредени по Партизанска.

Е сега колку ќе трае електрониката на секојдневни температурни разлики летно време 18 до 50 степени

Зимно исто голема темературна разлика.

2 години да издржат би било премија.

Казни сигурно ќе летаат чисто да ги исплатат камерите и да има голем дел за во џеб (буџетот).

Овие се камерите Smart+ Traffic Light | Tattile
Секоја камера е 50W што додатно загрева, не е воопшто за занемарување.

Видео како работат демо.

 

[kosmos78]

(ВИДЕО) Почна и менувањето закони за да се казнува со камерите на МВР - ова ќе биде постапката - 360 степени

Самите камери се од италијанскиот производител „Таттиле“. Договорот за набавката не е јавен, но на интернет наидовме на цени од 7 до 8 илјади евра по парче за слични модели

360stepeni.mk

 

[Lokvan]

https://twitter.com/i/web/status/1957426283647803404

 

[Skorp]

Лелелееее кога ќе почнат камеривееее, па кога ќе стане х100 хаос низ грааааад. Па, времето потребно да се стигне од А до Б ќе стане х5... леле, лелееее... па нервозиии, па пцуење, па свирењееее... лелелеелеле...

Го зборам ова цело време, тежок хаос ќе биде.

 

[Aowek]

Го зборам ова цело време, тежок хаос ќе биде.

Нема да се пикаат 24 коли на Жолто/Црвено на сред раскрсница и да ја закочат цела раскрница ако ништо друго

 

[Astro]

https://twitter.com/i/web/status/1957426283647803404

Чесиве се безнадежно искомплексирани, они нозе ќе искршат а да се први во нешто, најчесто по правење глупости. Револуција! 150км/ч ограничување на брзина хахаха големо постигнување.

 

[Lokvan]

Чесиве се безнадежно искомплексирани, они нозе ќе искршат а да се први во нешто, најчесто по правење глупости. Револуција! 150км/ч ограничување на брзина хахаха големо постигнување.

Не се први. На одредени германски автопати целосно нема лимит.
Ова е одмна така.

 

[Astro]

Не се први. На одредени германски автопати целосно нема лимит.
Ова е одмна така.

Токму така. И во Италија има пред Милано ако добро памтам лимит од 150км.ч уште од 2010-та година

 

[no_retreat]

А камериве во МК ќе почнаат воопшто да работат некогаш или не ? ми личи ко да се чека да "застарат" па да имаат изговор да отворат нов тендер за нови камери и нов софтвер кој што повторно нема да се користат.
Јас колку што знам за ова да функционира треба да има комплетно нов сектор со нови обучени/вработени луѓе. Ако не се лажам МВР не е ни во почетна фаза со вакво нешто.
Ако има некој повеќе информации нека сподели

 

[Ron26]

А камериве во МК ќе почнаат воопшто да работат некогаш или не ? ми личи ко да се чека да "застарат" па да имаат изговор да отворат нов тендер за нови камери и нов софтвер кој што повторно нема да се користат.
Јас колку што знам за ова да функционира треба да има комплетно нов сектор со нови обучени/вработени луѓе. Ако не се лажам МВР не е ни во почетна фаза со вакво нешто.
Ако има некој повеќе информации нека сподели

Па пишано е многу пати, од декември пробно, од јануари официјално со казни. Системот све автоматски работи, тоа е и поентата. Камери со алгоритми работат.

 

[kolesk]

А кажаа како ќе пристигаат казните, со нашава прекрасна пошта? Или ќе има и екстра плаќање за задоцнето плаќање...

 

[Oktar]

Прилично доцна се укључувате изгледа, да кажаа, на мејл, затоа и ма регистрација сега зимаат имејл адреса.

 

[moongose]

Од последните измени на законот за достава:

По исклучок од членот 56 и членот 57 од овој закон доставата за прекршоците констатирани од посебен електронски систем се врши со испраќање на известување преку текстуална порака на мобилниот телефон или електронската адреса кои ги пријавил сопственикот на возилото, односно одговорното лице во правното лице согласно закон.

Во известувањето од ставот (1) на овој член ќе биде доставен линк за преземање на записникот за сторен сообраќаен прекршок со прекршочен платен налог.

Доколку сопственикот на возилото, односно одговорното лице во правното лице во рок од 24 часа од испраќањето на првото известувањето не го отвори истото, ќе му биде испратено второ известување со линкот за преземање на записникот со прекршочниот платен налог.

Рокот за преземање на записникот за сторен сообраќаен прекршок со прекршочен платен налог од доставениот линк е 8 дена од денот на приемот на известувањето.

По истекот на рокот од 8 дена од испраќањето на второто известување за преземање од линкот се смета дека доставата е извршена без преземање.

Доставата може да се врши и преку дигитална платформа согласно закон.

И за случај „ако јас не сум возел“

Доколку сопственикот на возилото во време на сторување на прекршокот не го управувал возилото, должен е во рок од осум дена од денот на приемот на записникот за сторен сообраќаен прекршок со прекршочниот платен налог:

лично да дојде во надлежната организациска единица на Министерството за внатрешни работи заедно со лицето кое во време на сторување на прекршокот управувало со возилото при што лицето дава известување дека во време на сторување на прекршокот управувало со возилото и дава податоци и за неговиот број на мобилен телефон и електронска пошта, или

тој или лицето кое го управувало возилото во времето на сторување на прекршокот во надлежната организациска единица на Министерството за внатрешни работи да приложи изјава заверена на нотар дадена од лицето кое управувало со возилото во која истото ќе потврди дека го управувало возилото во време на сторување на прекршокот. Изјавата задолжително содржи и податоци за број на мобилен телефон и електронска пошта. Доколку сопственик на возилото е правно лице приложува патен налог или друг соодветен документ за лицето кое било овластено да го управува возилото во време на сторување на прекршокот.

 

[kolesk]

Ау. Браво. Ако заживее ова, ќе се воведе колку толку ред.

 

[no_retreat]

Па пишано е многу пати, од декември пробно, од јануари официјално со казни. Системот све автоматски работи, тоа е и поентата. Камери со алгоритми работат.

Може да слика автоматски, меѓутоа целиов систем треба да има цел сектор вработени позади него. не завршила приказната откако камерчето ќе сликне. Згора на се овој систем и овие камери треба да имаат maintenance, треба некој да се осигура дека системов ќе работи без грешки 24/7.
Како и да е, прашањето ми беше баш за секторов, дали има некаков напредок.