Предлог Совет за одедување цена на проект

[patton]

Здраво на сите,

Се надевам дека сум на вистинско место за вакво прашање.

До сега сум работел на помали фриленс преокти - некој лендинг пејџ, мал веб шоп, едноставни апликации. Но скоро ми се јави клиент, организација од Македонија со 10000+ членство, и она што го бараат е на сосема друго ниво од она на што сум навикнат.

Станува збор за проект - веб платформа + мобилна апликација (iOS и Android) со некаде околу 6-8 модули (со можност за надоградба со нови модули во иднина) — регистар на членови, комуникација и известувања, аналитика и уште некои работи. Мобилната апликација ќе служи како дигитална членска карта.

Проблемот е - немам поим колку да барам т.е. како се одредува цена за ваков проект. Со малите проекти некако интуитивно ја одредував цената, но сега кога гледам ваква спецификација, буквално не знам од каде да почнам. Се плашам и да не го преплашам клиентот и да не останам кус на крај.

Како вие пристапувате кон вакви проекти? Фиксна цена, и колкава би била проценката? Го земате ли предвид типот на клиент и локалниот пазар? Колку cost buffer ставате за непредвидени работи?

Фала однапред на секој што ќе фрли совет.

Голем поздрав!

 

[Isak Keyten]

Се плашам и да не го преплашам клиентот и да не останам кус на крај.

ја поише би се плашеш да не се преплашиш ти после коа ќе сфатиш колку работа има

не сум фриленсер ама имам слични работни обврски на работа, ја вака би изиграл

прво оформи цена за BRD, ќе ти одземе тоа долго време да го издефинираш така да според колку време = толку пари, рачунај само дека ова е фиксно и во цена и во време пр. ќе каеш X месеца, Y цена, ова не значи ни дека ќе ја преземеш работата, само презимаш анализа да напраиш и тој документ да го склопиш, цената ти е “со колку месечна плата би се задоволил пута број на месеци што ми треба“

на база на тој БРД ќе можеш да оформиш временски од прилика колку време би требало, и пак истото, месечна плата пута месеци = одговор

ќе ти треба убав contract да склопиш за кои се твоите одговорости, кои се одговорностите на клиентот, кој е дедлајнот и што све е вклучено во проектот, за да моеш утре коа ќе им текне “абе а може и ова да напраиме“ да каеш “тоа не е во договорот ама може да направиме анекс и да додаеме Х пари и Y време“, ти треба начин на работа, колку често ќе им даваш демоа, колку преправки исправки се дозволени, планиран мејнтененс за после деливирање, начин на деливирање, чив оунершип на хостинзи глупости, кој ќе плаќа, и све остало, најубаво е адвокат да си најдеш за ова искрено

не моеш да зимаш у предвид локален пазар и тип на клиент, само зашо некој нема пари да плати не значи дека ти треба да работиш за мизерна плата тој временски период, а фиксна цена е булшит пошо што е фиксно у проектот? ништо

и ова е практично работа за иљадници евра, имаш мобилна апликација, имаш целосна веб апликација, не е “правам вордпрес страни за 500е“

ја вака го глеам ова

ако им е многу, разглеј готови CRMи и направи им таква понуда, скрати ги функционалностите на пола и избаци ја мобилната апликација или нека биде сам web view wrapper на сајтот ама и цената на 1/3 и може ќе се се задоволни и ти и они

едит: и уше нешо не да те обесхрабрувам ама, пази у што се впушташ зашо ова е проект за тим не за еден човек, и ако веќе се плашиш за дали ќе моеш да наплатиш пази дали уопште ќе платат

 

[Fatal1ty_]

Не може никој да ја знае твојата вредност, тоа мирш сам да си процениш. Она што можеме да ти помогнеме е како одприлика да дојдеш до цената. Прво биди си искрен према себе и постави си прашање дали можам да одговорам на оваа задача и кои се сите пречки на кои што можам да наидам (обиди се да предвидиш). Предвиди го времето за решавање на некој проблем или таск (тоа се утврдува според сениоритетот што го имаш. П.р на тебе да решеи проблем ќе ти бидат потребни 2 дена, мене 8 часа на некој друг 3 часа.) не значи дека 2 дена е реалното време за решавање на проблемот. Така да тука ќе мораш да го искалкулираш и искуството. Не зам дали ќе бидеш плаќан месечно или по таск, ама како и да е не можеш да идеш превисоко бидејќи нема да можеш да одговориш со брзина и квалитет кој ќе биде очекуван од тебе ( под претпоставка дека ќе им одговоара на клиентите), а немој да идеш и прениско пошто исто така е лошо за репутација.

Ако е цело работно време 8 часа дневно тогаш би одел со нешто над просечна плата во Македонија (за полеток со можност за растење).

 

[Vard]

Минимум 20k, но за да бидеш безбеден, барај 30k. Треба да бидеш свесен дека за вака обемен проект неопходен е тим. Ти зборувам од лично искуство, почнав исто така доста голем проект сам и се каев секој ден додека го работев. Сам човек не може да биде истовремено дизајнер, full stack developer, mobile developer и QA тестер, може AI да ти помогне ама не до толку. Ако продолжиш сам, квалитетот ќе страда, ќе наоѓаат багови секој ден и проектот од планирани 6 месеци ќе ти се протегне на 2 години. Не вреди нервите што ќе си ги изгубиш работејќи сам на ваков проект.

 

[danen_]

Јас ептен се согласувам со последните 3 реченици на Vard и со претходните мислења на дечките.

Не дека те потценувам, не ме сфаќај погрешно но не верувам дека имаш познавање од сѐ што се бара од тебе, напротив, дај боже да знаеш сѐ ама one man show на такви проекти мислам дека ќе резултира со огромно прегорување а и потфрлање од твоја страна.
Доколку имаш колеги/другари што може да ти покријат од нивна страна со тоа што ќе ти естимираат работата што треба да се прави од нивен домен, тоа би било супер.

Пример:

• Другарот Марко што работи Андроид ти дава естимација колку ќе чини андроид апликацијата, односно за колку ќе треба да се заврши
• Другарот Дарко што работи иОС ти дава естимација колку ќе чини иОС апликацијата, односно за колку ќе треба да се заврши
  

Може да поделиш и на фази проектот, може и да поделиш и по платформа прво иако не знам ова колку би сакал клиентот бидејќи рандом они си се однесуваат понекогаш како "СЀ САКАМЕ СЕГА".

Јас ти стојам на располагање доколку би сакал да ти помогнам со "груба" естимација за iOS бидејќи тоа го работам

 

[Ron26]

па прашај го кој му е буџетот, и ако ти е малце речи му додај уш малце.

 

[Fatal1ty_]

па прашај го кој му е буџетот, и ако ти е малце речи му додај уш малце.

Не функционира баш така. Колку огласи има со транспарентна цена низ огласиве? 2% се, другото се те прашуваат тебе да кажеш, ако кажеш малце ќе речат таман ние мислевме да му дадеме 2000е он побара 1300е, ако кажеш премногу ќе те одбијат како не конкурентен. Траспарентноста на плата е најдобра опција да не си го трошат времето ни кандидатот и HR.

 

[TylerMkD]

So vibe coding okolu 300eur vo tokeni

 

[Noumenon]

So vibe coding okolu 300eur vo tokeni

2x Claude Max 5-6 агенти 20-30 подагенти во ralph loop, MacMini со OpenClaw поврзуваш бот на телеграм да те прашува за преференци на корисникот кога ќе има потреба да те праша за нешто и пиј си кафенце некаде

шега настрана, и мене ми е најголем бауч ова, не само што не можеш да замислиш работите кои имаш претстава како ќе испаднат односно кај им се крие комплексноста, во глава е многу поинаку првата замисла туку немаш поима и а) кои други комплексности воопшто немаш предвидено б) кои навидум глупи ситуации и техникалии може да те заглават, некогаш на крај памет не би ти текнале, сите мислам сме имале нешто такво.

Зборуваме за времето секако првично, а после од тоа можеш полесно да оформиш цена кога би имал некоја идеја. Онаа проценка што ти мислиш никогаш нема да испадне така најмалку x2 или x3 бафер од она што првично за себе ќе си го процениш и тоа дури ако си оставиш, дури и кога знаеш дека таа проценка што си ја направил првично самата има луфта и е ептен ориентациона и лабава. Се помалку од x2 е рецепт за да заглавиш, ја би рекол и x3 колку и да си убеден дека некои работи ќе одат „мазно“. Имај предвид секогаш дека последните 20% од проектот ќе бидат во најдобар случај мачни колку и првите 80%, а најчесто и повеќе. Остави луфта и да експериментираш на почеток со технологии, библиотеки и слично, дури и ако имаш идеја може да испадне да треба да користиш нешто друго што прави повеќе смисла во твојот проект.

Многу пати сум ја лупал главата да се нафатам на нешто амбициозно и со амбициозен рок сметајќи дека на „ура“ ќе го завршам затоа што ми е интересно или слично и без разлика дали нештово имам способност да го направам на посакуваното ниво дури и над тоа, кога ќе си поставиш таква цел и не сакаш да „преплашиш“ или да задоволиш некого ценовно, временски или било како, нема да добиеш благодарност (затоа што тоа ќе го смета за нормална испорака) ама ќе добиеш нервози и притисоци затоа што дури и во најоптималниот случај, посебно ако клиентот нема некое ниво на професионалност и разбирање ќе гледа максимално да извлече од твојот ангажман.

Дополнително, ако треба да вложиш натчовечки напори, ако има следен ангажман ќе го очекува истото од тебе и од негова перспектива ќе мисли дека сега му бараш премногу, нема ти да го убедиш дека си работел 12 часа на ден и те чинело повеќе зашто самиот си направил таква проценка, впрочем ќе смета дека е твоја вина тоа. Така да внимавај, подобро да го прецениш нештово макар по цена да ги „исплашиш“ отколку само за да се нафатиш да претрпиш нервози.

 

[kirev]

Доволно ниско за да ја добиеш работата. Следната тезга барај малку повисоко. И така натаму.
Бидејќи проектот е голем, подели го на помали делови за побрзо да можеш да се коригираш.

 

[patton]

Здраво @Isak Keyten @Fatal1ty_ @Vard @danen_ @Ron26 @TylerMkD @Noumenon @kirev

Прво да кажам - искрено не очекував да добијам вакви одговори. Мислев дека темата ќе биде игнорирана, па сум навистина многу благодарен на секој еден од вас што дадовте мислење и го одвојивте своето време. Секој коментар ми помогна да го видам ова поинаку.

Во однос на проектот - заборавив да напишам (мој пропуст) дека во никој случај не ми беше намерата да го работам сам. Во план ми е да составам тим од 3 до 4 луѓе кои ќе покријат различни области (фронтенд, бекенд, мобилен развој, итн.), па се надевам дека тоа ја менува сликата малку.

Со оглед на тоа, дали сметате дека цена од околу 45 - 55.000 евра за целосниот развој е реална бројка, или пак е премногу?

Дополнително - организацијата побара и месечно одржување по завршувањето на проектот, кое би опфаќало: поправање на евентуални багови, трошоци за сервер и негово одржување, и останати пропратни трошоци. Имате ли искуство или некоја насока колку е вообичаено да се бара за ваков тип на договор?

Голем поздрав и уште еднаш ГОЛЕМО ФАЛА на сите!

 

[Vard]

Здраво @Isak Keyten @Fatal1ty_ @Vard @danen_ @Ron26 @TylerMkD @Noumenon @kirev

Прво да кажам - искрено не очекував да добијам вакви одговори. Мислев дека темата ќе биде игнорирана, па сум навистина многу благодарен на секој еден од вас што дадовте мислење и го одвојивте своето време. Секој коментар ми помогна да го видам ова поинаку.

Во однос на проектот - заборавив да напишам (мој пропуст) дека во никој случај не ми беше намерата да го работам сам. Во план ми е да составам тим од 3 до 4 луѓе кои ќе покријат различни области (фронтенд, бекенд, мобилен развој, итн.), па се надевам дека тоа ја менува сликата малку.

Со оглед на тоа, дали сметате дека цена од околу 45 - 55.000 евра за целосниот развој е реална бројка, или пак е премногу?

Дополнително - организацијата побара и месечно одржување по завршувањето на проектот, кое би опфаќало: поправање на евентуални багови, трошоци за сервер и негово одржување, и останати пропратни трошоци. Имате ли искуство или некоја насока колку е вообичаено да се бара за ваков тип на договор?

Голем поздрав и уште еднаш ГОЛЕМО ФАЛА на сите!

Не можеш да побараш 45к+ оти така ќе си најдат некоја компанија која ќе им го изработи проектот, нема да се замараат со тебе. Нешто друго што би ти препорачал е да се научиш да си го менуваш текстот кој ти го напишал кој LLM и да го користиш. И во постот сеа и во reply пак AI ти го има напишано текстот, ок е за на форум кај што може те мрзи да пишуваш, ама ако такви текстови праќаш и на клиенти тогаш веќе е голем аматеризам.

 

[mihovkris]

Кај позна дека АИ го пишувал постов, жити мајка?

 

[Глупав]

на рандом броеви на "рандом луѓе", каде разликата меѓу мислења е по покулу 15000 EUR, мене ми личи на несериозен муабетов...

Имено пред да се зафати човек да работи некој посериозен проект, каков што ми личи овој (кој еве ќе "извадам ракавно" 100k)
треба веќе да го има тимот окулу себе или заедно со себе (доколку е стварно тим а не збирание на Его Трипови)
и треба претходно да имаат сите во тимот, отрилика цирка евалуација на месечни трошоци
(говорам храна, сместување, ко-простор, итн сѐ што е потребно да функционира еден developer) без да е оптеретен со Вестите во 17

потоа треба да има евалуација на тоа што членовите од тимот можат, како и тоа за колку можат (како што рече Модераторот погоре)
така би се добила евалуација на тоа отрилика за колку време може да се среди работата

на тоа ќе се додаде и окулу 25-33% време луфта за непредвидена работа која може да заглави
како и ќе се додаде окулу 2 месеци после проектот тимот да расте (или да стагнира соодветно што не е продуктивно, секако секому по желба)



Ова од ракав вадено според логика (која ја немам во форма на искуство) во Project Management (нека ме поправи некој ако не е таа професијата)

Не може некој да размилсува, барем претпоставувам, на сериозен раст ако кодира за да јаде и јаде за да кодира
во тој случај подобро вработи се во некоај фирма и не терај фриленс (без разлика и што форма на вработување да е )

ако еден фриленсер не му е основа на работата да расте, да има флексибилност во работата
или да оформи фирма (групација) со истомисленици; па да премине во некомфор со време, а конфор со финансии
тогаш не знам сошто воопшто би кодирал

односно чии проблеми решава првично тогаш кодерот (свои или туѓи)

 

[JasSum]

Кај позна дека АИ го пишувал постов, жити мајка?

-
99,99% луѓе не користат -
АИ го користи цело време.

 

[Fatal1ty_]

то во постот на авторот е en dash и се користи многу често, а тоа што АИ користи е em dash и се користи скоро никогаш од човек.

 

[InSides]

Јас само се надевам дека (потенцијалниот) клиент не го чита форумов.

 

[patton]

Хаха, не, не користев LLM за постот - таа цртичка ја користам во мојата комуникација скоро секогаш.

Ама во ред, нема проблем, не сакам да навлегувам во тоа, во иднина ќе внимавам да не создавам конфузија со цртичките.

Да ги поставев моите прашања на групата на Facebook (Сојузен Комитет на Програмери на Република Македонија) ќе поминев многу „полошо“ со коментари.

@InSides за потенцијалниот клиент ако го чита форумов, нема проблем, само барам совет но не и инструкции. Не извадив конкретни детали.

@Глупав благодарам многу на одговорот.

 

[Lalevskog]

1. Јави се во ИТ фирма по твој избор
2. Дај им ги барањата на клиентот
3. Одземи 15-20 % од понудената цена
4. Профит ?

 

[moongose]

то во постот на авторот е en dash и се користи многу често, а тоа што АИ користи е em dash и се користи скоро никогаш од човек.

Чисто процедурално.

- (hyphen/минус/цртичка)
– (en dash/тире/црта)
— (em dash)

Во нашиот правопис не се користи em dash и немаме соодветен термин иако може да се сретнат ен-тире и ем-тире.

Во првиот пост на авторот има едно ем-тире, другите се цртички. Ен нема.

 

[Vard]

Чисто процедурално.

- (hyphen/минус/цртичка)
– (en dash/тире/црта)
— (em dash)

Во нашиот правопис не се користи em dash и немаме соодветен термин иако може да се сретнат ен-тире и ем-тире.

Во првиот пост на авторот има едно ем-тире, другите се цртички. Ен нема.

Не е само поради цртичките има и други индикатори, ама ај штом вика не користел LLM така нека биде

 

[InSides]

@InSides за потенцијалниот клиент ако го чита форумов, нема проблем, само барам совет но не и инструкции. Не извадив конкретни детали.

Чинам не ме разбираш.

@Глупав го напиша она што го мислев, ама еве од мене и малку попластично.

"Се надевам дека клиентот нема да ја види оваа дискусија затоа што не знам дали би имал доверба да посвети буџет за кој се разговара овде ако на изведувачот не му е целосно јасно како да ја направи пресметката".

Проект од оваков калибар (како што го опишуваш) ќе бара гаранции кои се тешко исполнителни од субјект кој не е правен субјект.

Што ќе рече (1) компанија, (2) платен список, (3) финансиски бафер за нереализирани плаќања, (4) гарантни обврски итн.