(ecig) Најдоброто од 2017?

[Metuzalem]

Ајде вака претпразнично да се изјасниме кои производи за нас ја одбележале 2017 година. Бидејќи не може однапред да се знае кои ќе бидат, не е можно да се направи анкета, па секој нека ги наведе парчињата опрема за кои смета дека му биле најдобри во 2017 опрема, и тоа во следниве категории:

1. Мод

2. Атомизер/дрипер

3. Течност/микс/арома

4. Разно (алат, додатна опрема, батерии, полнач, нешто друго или ништо).


Не мора строго по едно парче, но прво нека биде истакнато најважното за да можеме да броиме, евентуално ако се поклопи да можеме направиме избор на нешто што повеќе членови ќе го гласаат. Исто и не мора да биде појавено баш во 2017 година - може да сме го чекале повеќе месеци од Кинезите :hay: или некој веќе да не ги брка најновите работи (како мене на пример ), важно е кога ќе се осврнете наназад да видите кое парче опрема во 2017 ви било најкористено или најсакано (најмногу ви се допаднало, а не сте го користеле многу поради икс причини). Може и опис/образложение, може и без него. И слики и линкови или без нив. Абе се` може.


-----

Па, да почнам со својот глас.

1. Simeiyue SMY SDNA75 75W - го скинав од користење, иако е од 2016, не пропуштил ниеден „истрел“ или никаква грешка (да се одлепи магнетче или слично). Големината ми е ептен погодена за во рака (слични димензии како ВТЦ мини, фаќа футролата од него).

Second contender: SBody VapeDroid C2D1, но сепак помалку време го имам и го користам и малку е понезгоден обликот за секојдневно користење, како и поради тоа што гаќата потешко се става, менувањето батерии малку повеќе ме нервира. А најмногу затоа што на првиот своето место си го има заземено:

2. SXK Doggy Styled - по првичните проблеми, односно додека да се навикнам да не го зашрафувам резервоарот до крај (за да можам подоцна лесно да го отворам), да научам колку памук да ставам, како и проблемот со гргорењето поради незатегнат плус пол, веќе со затворени очи го полнам и користам секој ден и ми е најпрактично и ми дава доста добар вкус (не велам најдобар затоа што не можам да одлучам ). Поради него малку и ги забаталив сквонкерите, од кои втор избор би бил Speed Revolution (иако практично многу малку го користев).

3. Capella Pralines & Cream - поголем дел од годината ја трошев онака мераклиски, од едната тура што ја направив со 13 мл арома излезе што знам, околу пола кило течност и бидејќи дробно користам малку/поретко во денот, ми траеше цела година. Како што старееше стануваше се` поубава, медовина.

Втор избор: не можам да се решам меѓу 555 Gold и S`Camel/Dromedary/Pyramid.

4. LiitoKala lii-500 - исто never missed a beat, а секој ден полнел по најмалку две батерии. Мојот не е купен од таму, само линк е ова да се види кој е.

Втор избор: лупа . Конечно ја најдов таа што ми треба, џабе ги купував претходните. Голема е, па може и да се чита со неа, а малата леќа при дното има поголемо зголемување и добро доаѓа за испитување на детали околу намотките и слично, со електронскиве цигари ја користам практично само неа. Мислев дека малата ќе пречи или дека нема да биде функционална, но многу добро доаѓа.

 

[Chicco69]

Што ја одбележа 2017?
Убаво ни тргна со новогодишните попусти од 15 - 20% во Фасттек, па полека од еуфорија се прешалтавме на пролетно паничење: ќе има или не никотин?
Откако набилдавме резерви на никотински бази, стигна веста од главниот месинџер (не секогаш на добри вести), дека има тотално луд попуст во колибата.
Тој кобен месец Мај мене кочијата ми тргна низ брдо, т.е. изгубив контрола над финансиите и цело лето се борев со ваучери, поени и останати ситници што живот значат.
На есен конечно го кажав историското НЕ (со важност до Нова Година) и за право чудо, останав карактер...


1. Мод на годината:

Aspire Speeder. Мои импресии тука и тука + видео.
Не очекував ништо посебно освен добар дизајн, но ми легна од прва. А како и да не легне, со таква феноменална ергономија - како да е излиен специјално за мојата рака (тоа сигурно го мислат илјадници други што го поседуваат). Изненади со квалитетот на 510 конекторот, вратичката за батерии, едноставното но богато мени. Имаше и други интересни модови оваа 2017, како Joyetech Primo 2.0, VooPoo Drag, Smoant Charon... Сепак, најблиску до титулата мод за 2017 би требало да биде SBody VapeDroid C2D1 167W. За прв пат сериозен ДНА мод за $50-ина долари, без скриени маани, напротив со одлична изработка и (многу) позитивни коментари од нашите членови.
Жал ми што на оваа листа за 2017 година нема место за Eleaf iStick Pico, но тој си го има своето заслужено место на вечната листа каде припаѓаат само легендите.

2. Атомајзер / Дрипер на годината:

Coppervape Skyline RTA. Мои импресии тука и тука + видео.
Убедливо најоговаран и чекан. Ги поминав сите редуцири за воздух, на крај се вратив на првиот што доаѓа со него.
Можам да му набројам еден куп маани, но вака така се ушуња меѓу моите фаворити Kayfun V5 и Ammit 22мм и оди избркај го. Вади феноменална арома, изработката на металот е 5+ (конечно Coppervape со него влезе во друштвото на SXK и SJMY), за гумичките нема да коментирам, тие се болка на сите кинески клонови.

3. Арома на годината:

Летото се ладев со Inawera Mint и ми остана во многу пријатно сеќавање. Ментолот беше одлично одмерен, со суптилна тутунска нота во позадина. Есента по прв пат пробав FlavourArt Soho. По hard core тутунска од таа, здравје. Војнички чорапи може вода да и носат.
2017 ќе ја паметам и по многу лоши ароми (скоро сите од Инавера), утнати миксеви и разочарувања. Сепак мојот глас би одел за 555 Gold, S`Camel/Dromedary/Pyramid, како и неизбежната RY4 од FA.

4. Разно

Се што сум набавил од алат (не е тоа многу), ги надминало моите очекувања. Мудро сум бирал или пак Кинезите сериозно го подобриле својот квалитет. Што и да е, не се жалам, напротив.

Најдобра батерија за 2017 - Samsung 30Q од Nkon, со дополнителен попуст на количина (9 ком.)

Позитивно изненадување е и овој полнач Tesiyi T2, што го добив на наградна игра. Мои импресии тука и тука + видео.
Делуваше ептен шугаво, ми беше страв да не ми ја запали куќата. Почнав да го користам (под надзор во прво време) и пријатно се изненадив... Покажува волтажа, колку милиампери наполнил, време, процент. Може да се користи како банка за струја, мал е и компактен.

 

[Metuzalem]

Сега пак ја видов темава. За мене и во 2018 се` беше исто, освен што кецот цркна па место него цепам Руле ДНА. Друго буквално се` е исто. Џабе фрлам пари на опрема.

 

[krema]

Џабе фрлам пари на опрема.

Боље на тоа да фрлаш пари отколку на цигари.