SmartBusSkopje е конечно официјално достапна за сите! (Апликација за следење автобуси во живо бидејќи официјалната е катастрофа)

[SmartBusSkopje]

Пред извесно време ви пишав дека работам на нова апликација за следење на автобусите во Скопје, бидејќи сите знаеме какво е искуството со официјалните решенија. Епа, чекањето заврши — апликацијата е конечно објавена и достапна за сите!

Огромно фала за поддршката и интересот на минатиот пост, навистина ми значеше.

Симнете ја SmartBus Skopje бесплатно од Google Play! (Или побарајте "SmartBus Skopje" директно во продавницата)

Ново: Имаме и Discord сервер! Доколку сакате да пријавите баг, имате идеја за нов фичр, или едноставно сакате да си муабетиме за развојот на апликацијата, придружете се на комјунитито тука: Join the SmartBusSkopje Discord Server!

Накратко, зошто да ја пробате (за тие што го пропуштија минатиот пост):

• Вистинско следење во живо: Спојува податоци од повеќе извори (возени редови + живи GPS координати) преку WebSocket за најточна можна локација на мапата во реално време.
• Community Reporting: Можете да пријавувате доцнења, „автобуси духови“ или преполни автобуси. Вашата пријава веднаш им се покажува на сите други корисници што го чекаат истиот тој автобус по должината на целата рута!
• Паметно пребарување и планер: Има напреден планер за рути и одлична транслитерација (пребарувањето работи исто без разлика дали ќе пишете "Centar" или "Центар").
• Сè што ви треба: Dark mode, зачувување на омилени локации и станици, целосна поддршка за македонски и англиски јазик.

За програмерите (Tech Stack & Предизвици): Апликацијата е напишана во Kotlin со Jetpack Compose. Позади сцената работи Flask + PostgreSQL бекенд. Најинтересниот дел од развојот беше решавањето на хаосот со неточните податоци — морав да направам алгоритам што ги филтрира "ghost" автобусите и прави екстраполација на нивната позиција врз база на брзината, за да ја добиете најточната локација во секундата. Исто така, напишав и custom 3-слоен compass систем за стрелката на мапата да биде мазна и да не се врти неконтролирано поради хардверски багови кај Android сензорите.

Секое ваше мислење, критика или ревју на Play Store е повеќе од добредојдено! (Бара Android 7.1+).

И уште еднаш, огромно фала до Manix за брутално доброто видео! Задолжително запратете го на YouTube u/ManixAmv1 и на TikTok u/manix7447.

Се гледаме на Discord!

 

[Fatal1ty_]

Пред извесно време ви пишав дека работам на нова апликација

А ти си?

 

[toshex]

Он е паметен бус.

 

[Pane24]

Темава да ја прекрстеме у клизечи бус.

 

[toshex]

Bus and Busier: Skopje Drift

 

[JasSum]

Двоен јузер на форум.
Бан у најава.
Штета, а ветува апликацијава.

 

[marv]

Нема шанси, преседаните се веќе направени. Ништо лошо не направил членот.

Sent from my SM-A546B using Tapatalk

 

[dddragan]

Од кај се црпат ГПС податоците? Дека возен ред освен близу прва/последна станица не би бил многу при помош…

 

[Avid]

Брутално добра апликација

 

[FikanA]

Од кај се црпат ГПС податоците? Дека возен ред освен близу прва/последна станица не би бил многу при помош…

Мислам дека поновите бусови имаат ГПС во нив што ги следи. Мислам дека во уште некоја апликација има лајф трекинг на бусовите али не ми текнува која, и од тоа што ми кажувале прецизно било.

 

[NecrotoX]

Двоен јузер на форум.
Бан у најава.
Штета, а ветува апликацијава.

Nah, copy-paste е текстов од некое друго место.

 

[moongose]

Секое ваше мислење, критика или ревју на Play Store е повеќе од добредојдено!

Браво за трудот.

Неколку забелешки од кориснички аспект.

Икончињата што ги означуваат постојките повеќе асоцираат на автобуси. Би ги сменил со стандарден знак за постојка и малку помали и исти во двете теми.

Ознаката Now (непреведена) се појавува пред да дојде автобусот на станица што е ок, но останува премногу долго откако автобусот ќе замине, што носи во заблуда ако тукушто си пристигнал. „Пристигнувања во близина“ не е соодветен превод, „наскоро пристигнува“ или нешто слично.

Прозорчето што се појавува кога се одбира станица не може да се симне надолу со влечење, а има кратка хоризонтална линија што тоа го означува. Се трга само на х.

Ако се придвижам по мапата, би требало со допир на ознаката на станицата да ја центрира мапата на неа.

Црвеното прозорче за насока за движење не може да се тргне или минимизира, а на светлата тема не се ни чита заради црни букви на темно црвена позадина.

Идентични икони за лоцирање на позицијата на телефонот и на одбраниот автобус, а никаде објаснување која каква функција има.

Се случува еден автобус да се појави повеќепати на листата за пристигнување едноподруго.

MS, SK не се убаво објаснети што значат. Не ни треба технички објаснување, само корисничко или воопшто не ги спомнувај.

Тоа сега за сега