Негативни искуства со продажба на хардвер/предмети (од членови на It.com.mk)

[DrMTR]

Имал заштитна фолија којашто не смееш да ја извадеш додека не го платеш телефонот.

Во фолиите лржи зајакот. Тоа што не дозволуваат на половен уред да се види пред да се купи е голем трик. Ај после докажи дека не си го гребел ти, откако ке го изнесеш од продавницата. Истотака кој гарантира дека уредот е користен 10 дена ? Има некаков бројач за ова ? Чекам крале да каже збор два за ова.

 

[The_Real_Vojvoda]

Добро ти не го погледна телефонот пред да го купиш ? Не го разгледа убаво од сите страни за оштетувања ?

Ги имаше тие фолиите од телефонот.
Ги извадив секако и го погледнав набрзинка.
Финтата беше во тоа што не беше исчистен убаво уредот, и беше доцна навечер. И не ни се потрудив нешто посебно да гледам да барам грепки, бидејќи сепак е Самсунг со ГГ5, имав с7 еџ, кој абе не се гребе за жива глава, и логички ми беше чим не го изгребав тој за 10 месеци, како овој ќе е изгребен за 10 дена?
Си има гаранција кога е купен уредот, и горе доле се поклопува.
И таа вечер не приметив ништо, се дур не дојдов дома, кога земав и го светнав уредот, е тогаш се видоа тие грепки. Како и да е, не сум го проверил убаво и тоа е моја грешка, а негова добра волја што прифати да го замени.

 

[DrMTR]

Го замени ?

 

[The_Real_Vojvoda]

Го замени ?

Па си пишува убаво во првиот пост.
Да го заменив. Но финтата е иако не сака да крева џева околу ова, демек не е некој голем проблем. Мене ми е проблем што смета дека правам финта/превара или што и да е.
Па гест од моја страна со цел да си го обелам образот.

 

[RagingDemon]

А овие "10 дена користениве" имаат нешто тајмер ко SSDава кој покажува дека се користени точно 10 дена 3 минути и 2 секунди или штом пишува 10 мора да е 10 пошо пишува 10?

Sent from my Nexus 5 using Tapatalk

 

[DrMTR]

Приказни касни порасни...

 

[The_Real_Vojvoda]

А овие "10 дена користениве" имаат нешто тајмер ко SSDава кој покажува дека се користени точно 10 дена 3 минути и 2 секунди или штом пишува 10 мора да е 10 пошо пишува 10?

Sent from my Nexus 5 using Tapatalk

Немаат тајмер, ништо не се знае со сигурно.
Можеби е користен и 2 месеци, а е пишан како помалку, но небитно.
Не е тоа предмет на расправа колку е користен.
Како и да е, можеби избрзав малце со пишувањето на мислењето, бидејќи ме погодуваат обвинениа макар и за некои ситници, за кои можеби не треба да се даде толкаво значење.
Целта ми беше да се покаже на оштетениот, дека не станува збор за такво нешто, и да си го избелам образот, би ми било жал доколку има некои негативни последици.

 

[Astro]

Ај си реков ќе си ќутам, да не го спомнувам @krale пошто повеќе или помалку, нема врска човекот, за него работат имбецили, а и според муабетиве и самиот тој не се разбира чим треска такви глупости.

Таблет Acer Iconia стар година дена три пати уклучен, имаше проблем со полнењето, конекторчето беше одлемено и кога добива контакт, кога не добива. Го однесов кај @Daniel86, го одлеми, ама се испостави дека нема таков ист конектор. Го вратив капакот и го однесов во iButik. Им го давам и велам ве молам залемете ми нов конектор. Може ли? Може. Океј.

Ми се јавува за два дена, вели дечко немаме таков конектор дојди земи го.

Доаѓам, го земам и го носам во Megamobile кај @tortemobile.

Ми се јавуваат подоцна, велат дечко, абе ти имаш конектор на таблетов ама изгорена е матичната.

Отидов таму и викам дечко јас ви донесов таблет без конектор. Вие гледате некој друг таков таблет. Ми викаат не е друг таблет тој со карактеристични бои е, таков друг немаме тука. Отидов и си го земав.
Испадна iButik ми залемиле некаков конектор и патем ми го рикнале таблетот или Megamobile залемиле и го рикнале или пак ми подметнале друг таблет ист таков а мојот сосем осправен си го продале.

Сега некој е крив и треба да си го добие. Или @krale (кој патем ќути ко_____ и не одговара на телефон) тоест неговиот iDukjan или Megamobile. Некој од двајцава ми го рикна таблетот од 200 евра.

Затоа уште еднаш никад ни кај едниов ни кај другиов.

Sent from my Redmi 3 using Tapatalk

 

[Daniel86]

Сакам да го видам таблетот ако не решиш со горенаведените, ќе ставиме нов конектор и ќе видиме што се случува. И сакам другпат да ме слушаш кога ќе ти кажам нешто. Ќе се набавеше конектор и ќе пројдеше без нервози.

 

[Astro]

Сакам да го видам таблетот ако не решиш со горенаведените, ќе ставиме нов конектор и ќе видиме што се случува. И сакам другпат да ме слушаш кога ќе ти кажам нешто. Ќе се набавеше конектор и ќе пројдеше без нервози.

Абе јас нејќев да те замарам тебе па решив во "баш сервис" да го носам. Ама ете видиш, кога секој шмокле денес може да отвори сервис и да продава муда за бубрези, не треба човек да се залетува. Треба да се држиш до некој кој знае што прави.

Со горенаведените е свршено. Барем провери го дали стварно е рикнат, пошто од професионалциве само говнарии се изнаслушав.

Sent from my Redmi 3 using Tapatalk

 

[tupacan]

Страшна е ситуацијата со "сервисерите" во МК.

Sent from my SM-G950F using Tapatalk

 

[DrMTR]

Секој што знае да смени сијаличка во кола е сервисер денеска.

 

[Daniel86]

Чисто за конфирмација, да знае членот, а и другите што е работата, ќе се обидам да појаснам.

Таблетот е во нефункционална состојба поради изгорена матична, за тоа биле во право сервисите. Она што го предизвикало тоа е неверојатно ужасно лемење на новиот конектор, употребување на премногу калај на место каде што тој треба да е сведен на минимум.
И не дечки, џабе е и едно кило флукс да ставите кога лемите, нема да се тргне вишокот калај од контактите, посебно кога се скриени испод конектор.

И на крај краева, постои мултиметар.

Мултиметар е дигитален уред, кој е создаден со цел да се извршат одредени видови на мерења. Се состои од една мерна единица, две испитни сонди, една/две батерии зависно од типот на уредот, и еден убав дигитален дисплеј на кој што се испишуваат некакви си чудни бројки. За интерпретација на истите можете да погледнете во прирачникот за употреба кој го добивате во пакет со мултиметарот, или отворате тема на форумов и без срам си прашувате што ве мачи.
На пример кога се лемат точка А и точка Б, со точка Ц и точка Д, ја земате едната сонда од мултиметарот во левата рака, другата во десната (не препорачувам двете во една рака, тоа само кинезите го имаат испраксирано), го местите мултиметарот на Ω (омско) подрачје, допирате со една сонда на точка А, со другата сонда на точка Б, и гледате во дисплејот на мултиметарот кадешто би требало да се испишани оние чудните бројки. Тие бројки треба да бидат изразени најмалку во KΩ, најдобро во МΩ, а совршено е ако на дисплејот пишува OL (open loop). Лошо е кога помеѓу точка А и точка Б при употреба на мултиметар има бројки изразени во Ω или ако мултиметарот ви даде звучно предупредување, во тој случај со сигурност ги имате споено сите 4 точки при процедурата наречена лемење, што би било сосема во ред затоа што на секого му се случува тоа и е сосема нормално, но, она што не е нормално во случајов, е фактот што воопшто не е употребен мултиметар за тестирање на континуитет помеѓу лемните точки.

Еве и уште едно место кадешто употребата на мултиметар е илустрирана за да можат да ја разберат земјоделци, месари, касапи, столари итн итн. За електроничари не се однесува, бидејќи целиот свет ги смета како компетентни да ја знаат таа процедура и во сон.

How To Use A Multimeter

Одиме понатаму. Дали ова на сликава изгледа убаво и професионално?

Да го оставиме фактот што плочата плива во флукс, ајде, сте одлучиле дека не се поправа, па и нема потреба да се губи време на чистење. Меѓутоа погледнете го квалитетот на сработеното. Јас мислам дека и внук ми, дете од 15 години што не го боли пенис за ништо околу него, со малку труд ќе го сработи ова како професионалец.

Знаете дека постои и едно мало уредче наречено амперметар? Се поврзува сериски помеѓу извор на енергија и потрошувач, и со неговото чудно мало мозоче врши некакви си калкулации и на неговиот дисплеј прикажува колку струја повлекува уредот приклучен на него. Се користи во случаи на дијагностика и помага во отклонување на дефекти.
Би требало да знаете дека постои, јас дознав за него од чудниов интернет и дознав дека го има во Мегамобил, па отидов и си го купив од таму, така да претпоставувам дека го имаат и во својот сервис.
Обично кога на тоа уредче ќе приклучите barebone матична плоча, тој уред ќе покаже 0.00А потрошувачка, нормално, затоа што матичната не ја започнала својата boot секвенца и не троши воопшто енергија. Во случајов е поинаку. Имаме потрошувачка од 0.64А, или во превод 640 милиампери.

Иако повеќе фактори може да играат улога за ваквата потрошувачка, сепак треба да се обрне внимание на нововградениот дел и да се посомневаме во неговата исправност или во нашите вештини за монтажа на вакви микро делови.

Патем, дали ова ви личи на оригинален конектор? Под оригинален подразбирам да биде физички ист како стариот и да одговара на дупките од плочата.

И јас можев да ставам ваков, меѓутоа му реков на човекот дека немам оригинален, што во моментов ми делува како глупава одлука, да ставев било каков немаше да се нервира човекот.

На следнава слика се бележани водовите на кои имаше присутно +5Vdc.

Барем да сте ги споеле сите, вака не чини што се раздвоило GND од другите водови.

Како и да е, повелете професионалци, hit on the masturbate button.

Секако, таблетот останува неисправен, последниве две слики се само за едукативни цели. Кој сака може слободно да ме плука и нарекува квази сервисер, како плукам по сервисите и ресто, како сум непрофесионалец и слично, меѓутоа јасно се гледа кој е непрофесионален овде.

За сервисерите нудам приватни часови по основи на електроника, потполна тишина, не се дозволени прашања, само може да гледаат како работам, па што укопчаат укопчаат, што не, наредниот час повеќе.
Цена 1000 денари 45 минути. Без сарказам. И нема дури ни чаша вода во таа цена, треба од дома да си носат.
Криво ми е што темава не е на попрегледно место.

И мислам дека би било редно некој да му набави нова матична на човекот, мислам ајде, правите илјадници евра по тоа дуќаните со тие iпенисите и препродажбите, што се 50 евра да ги поделите по пола.
Свашта...

 

[Astro]

Значи ништо а?
Дунстери овие во iButik... а јас па уште и ги бранам на оној другиот форум кај што сакаат да ги линчуваат. Каков кретен сум значи.

И сеа? @krale што правиме?
Ми го цркнавте таблетот и уште ме дупите да се маткам по други сервиси, да излегувам од работа, да трчам ко идиот низ градов? И уште ме дупите сте немале конектор и не ми кажувате дека сте се укакале за да одам и да се карам со Мегамобил за џабе ни криви ни должни?

 

[krale]

Значи ништо а?
Дунстери овие во iButik... а јас па уште и ги бранам на оној другиот форум кај што сакаат да ги линчуваат. Каков кретен сум значи.

И сеа? @krale што правиме?
Ми го цркнавте таблетот и уште ме дупите да се маткам по други сервиси, да излегувам од работа, да трчам ко идиот низ градов? И уште ме дупите сте немале конектор и не ми кажувате дека сте се укакале за да одам и да се карам со Мегамобил за џабе ни криви ни должни?

Јас за таблетов прв пат слушам (бев на одмор ако периодов си го донел). Секако многу лошо е кога еден уред ќе се шета на 3 локации и после не се знае ни дали цркнат бил, дали го цркнал господинот невиден сервисер @Daniel86, дали ние, дали мега или којзнае...

Но, баш во ваквите ситуации се гледа професионалноста на една институција и сервис, за разлика од непрофесионалноста на други. Пиши ми во пп за каков точно уред/модел/шифра се работи јас ќе набавам матична. Би требало да ги има, но затоа прво прати ми што модел е.

Истотака кој гарантира дека уредот е користен 10 дена ? Има некаков бројач за ова ? Чекам крале да каже збор два за ова.

Кај iPhone се проверува точно од кој ден се користи, а кај самсунг само ја имаме гаранцијата да се раководиме по неа. Во случајов се работеше за нов уред излезен од кај мене пред 1 месец кај блиски пријатели, инаку тоа 5 дена, 7 дена, 10 дена е точно дека кога ќе видите на фејсбук или на огласи најчесто се работи за една голема измама. Имаме налетувано на такви уреди за кои се тврдело дека е така, за после некое време да дојдат на поправка и да се утврди дека внатре има секакви работи менувано и дека на пример само маска му ставиле добра.

Помалку има вакви работи кај новите модели, зашто пример S8 не може да биде 2 години стар, сепак моделот излезе пред 3 месеци, што значи максимално е 3 месеци стар, но кога не ја знаеме целата историја на уредот не се осмелуваме да предвидуваме колку е користен.

 

[Astro]

Јас за таблетов прв пат слушам (бев на одмор ако периодов си го донел). Секако многу лошо е кога еден уред ќе се шета на 3 локации и после не се знае ни дали цркнат бил, дали го цркнал господинот невиден сервисер @Daniel86, дали ние, дали мега или којзнае...

Таблетот го носев во Мај месец и тогаш те барав неколку пати и не ми дигна телефон. Во салон прашав дали го имам правилниот телефон ми рекоа дека тоа е точниот број, да ти ѕвонам дека ќе ми одговориш кад-тад, ама тоа не се случи.

@krale ќе ти кажам што е многу лошо. Многу лошо е што примате апарати на сервис и не проверувате ништо, не издавате никаков налог за сервис, не запишувате сериски броеви. А јас па не реагирав тогаш, реков ајде ќе те добијам на телефон, ќе поразговараме или ќе седнеме до Броз на муабет ама ташак. И сеа? Ако дојде инспекција и ви најде 20 апарати на сервис а немате документи за нив? Знаеш ли какви се реперкусиите? Како сега ќе ми докажеш дека не си ми го заменил мојот таблет со друг неисправен? Во Мегамобиле ставија налепници на таблетот, издадоа налог за прием и налог за издавање од сервис.

Далеку сте вие од професионализам, ама еве ви материјал за работа и подобрување. Верувам во вас, немој да ме разочарате. „Господинот невиден сервисер“ не е никаков господин, поише на урнат авион личи ама дечкото завршува работа под која вие професионалците се топите ко паста за лемење.

Бидејќи јас имав доверба во вас „другарите“ од форум, ви доверив апарат ми го сервисирате и сега се заебав да не знам со сигурност кој е крив не благодарам. Тука завршува секаква соработка пошто соработници и другари НЕ СЕ ЛАЖАТ! Ме излажавте дека сте немале конектор а не ми кажавте дека сте лемеле. Јас па уште се карам со дечкото од Мегамобиле му викам каков бе конектор не ме јеби еве ми го конекторот во рака го држам. Ќе го замолам @Daniel86 бидејќи ги разбира ознаките, да ми побара матична плоча на интернет и да ми нарача, јас ќе му пуштам пари на сметка колку треба плус бонус што ми ги отвори очите.

Поздрав и со среќа оправката. Во посакувам да не ви се повртори.

 

[krale]

Таблетот го носев во Мај месец и тогаш те барав неколку пати и не ми дигна телефон. Во салон прашав дали го имам правилниот телефон ми рекоа дека тоа е точниот број, да ти ѕвонам дека ќе ми одговориш кад-тад, ама тоа не се случи.

@krale ќе ти кажам што е многу лошо. Многу лошо е што примате апарати на сервис и не проверувате ништо, не издавате никаков налог за сервис, не запишувате сериски броеви. А јас па не реагирав тогаш, реков ајде ќе те добијам на телефон, ќе поразговараме или ќе седнеме до Броз на муабет ама ташак. И сеа? Ако дојде инспекција и ви најде 20 апарати на сервис а немате документи за нив? Знаеш ли какви се реперкусиите? Како сега ќе ми докажеш дека не си ми го заменил мојот таблет со друг неисправен? Во Мегамобиле ставија налепници на таблетот, издадоа налог за прием и налог за издавање од сервис.

Далеку сте вие од професионализам, ама еве ви материјал за работа и подобрување. Верувам во вас, немој да ме разочарате. „Господинот невиден сервисер“ не е никаков господин, поише на урнат авион личи ама дечкото завршува работа под која вие професионалците се топите ко паста за лемење.

Бидејќи јас имав доверба во вас „другарите“ од форум, ви доверив апарат ми го сервисирате и сега се заебав да не знам со сигурност кој е крив не благодарам. Тука завршува секаква соработка пошто соработници и другари НЕ СЕ ЛАЖАТ! Ме излажавте дека сте немале конектор а не ми кажавте дека сте лемеле. Јас па уште се карам со дечкото од Мегамобиле му викам каков бе конектор не ме јеби еве ми го конекторот во рака го држам. Ќе го замолам @Daniel86 бидејќи ги разбира ознаките, да ми побара матична плоча на интернет и да ми нарача, јас ќе му пуштам пари на сметка колку треба плус бонус што ми ги отвори очите.

Поздрав и со среќа оправката. Во посакувам да не ви се повртори.

Имаш поенти каде треба да се потсредат некои работи, свесни сме и се работи на софтверско решение за тоа. Но шансите да се помеша уред се рамни на нула, бидејќи на секој уред се ставаат налепници и ознаки при прием во сервис при што истите не се шифрирани, односно се гледа точно од кого е оставен уредот, дури и при пад на системот и губење на налози.

Верувај ми значат сите добронамерни коментари за подобрување на состојбите! Секако можно е и на секого му се случуваат грешки - не е проблемот во грешките, туку во како се справувате со нив! Затоа бескомпромисно уште еднаш нудам поправка на наш трошок! Без разлика каде и кога и како настанала штетата!



Инаку, кога веќе треба да коментирам, би ти предложил малку подобро да се запознаеш и да отвориш очи друг пат, бидејќи лесно е некој да те замајува кога немаш големи познавања од конкретната проблематика. И да инсистираш на целосна поправка таму каде што прв пат ќе го однесеш уредот во следни прилики, бидејќи никој потоа нема увид што е сработено правилно а што не.

На членот погоре, многу „згодно“ му беше да заборави да спомне дека шансите при замена на конектор да се оштети/цркне матичната плоча се големи и при вадење на конекторот. За да се извади индустрискиот калај често се вади со дувалка на повисока температура, на околу па и над 400 степени. Особено кај мали уреди, како таблети и телефони, заради збиеноста на чиповите и деловите многу е важна заштитата на околните делови при одлемување. И важни се квалитетни дувалки со прецизна контрола. Лесно може да се цркне цела плоча.

При лемење калајот нема потреба да се тера на високи степени бидејќи се леми со лемилица, при што се мали шансите нешто да се прегори во тој процес.

Особено интересен момент е како некој снемал дел откако го извадил стариот конектор Ма немој да ме... Ако немаш дел, што мајка имаш да го вадиш стариот конектор, и да ја ризикуваш целата матична плоча, и да ги кривиш сите други сервисери после тебе? За да го имаш стариот дел во рака, па да се акаш по пазари? Не можеш да видиш вака каков е „од око“ или на таа чудесија наречена интернет да провериш?

Па одеднаш сега има дел откако работата е турли-тава направена во уште два други сервиса, што и двата се за домашни прилики со опрема и познавања спејс шатл, мисли дека со некакви фотосесии ќе падне некој на трепавици (за жал некој и ќе падне!). Не другари, опрема не е усб од 50 центи за ампеража, па барем да беше едно обично кинеско напајање од 30 еур, за целосна контрола на струја.

Веројатно, и ова го кажувам со доза на претпоставка, некој (кој не можам да тврдам!) потоа залемил конектор (од сличен тип) и видел дека нешто не е во ред, го прелемил пак, и пак, и после втор/трет/четврт пат сфатил дека нешто не е во ред со конекторот го лупнала нервоза и го оставил без да го дотерува за фотосесија, бидејќи корисникот нема фајде од тоа (освен сервисот да си прави некаква лажна самопромоција).

На крајот, можеби претпоставил (погрешно) дека не одговара типот на конектор и те известил дека нема таков конектор ИЛИ пак конечно утврдил дека не чини матичната, па дека џабе е лемење и прелемување и те известил дека конектор имаш, ама џабе е не чини матичната.

Секако, јас не можам да тврдам во која фаза од работава е цркната плочата - но тоа не може сега никој да го утврди, затоа јас се понудив и уште еднаш нудам, ЈАС лично да ги подмирам трошоците за поправка, бидејќи тоа би било единственото нешто професионално и од корист на клиентот што може да се направи во овој момент. Се друго е замајување.

 

[DrMTR]

Колку за инфо.. Имав брикната плоча од рутер. За да се врати во живот мораше да се налемат две жици на многу мали point точки. Ги однесов на "сервисер" и тој со професионална летком станица без да предвиди дека точките нема да издржат голема температура ги уништи. Си го земав уништената плоча и ја отпишав дека некогаш ке проработи. Водовите беа тотално уништени, нез грам калај од професионалниот третман на сервисерот. Случајно Daniel се заинтересира во еден пост кога пишав дека плочата е уништена и ми рече прати ми ја по карго да ја видам дали може да се направи нешто на неа. Ми ја пуштив. Утредента добивам во порака слика ос плочата како се премостени водовите и налемени жици. Ми го прати навака пак по карго. Со помош на Serial USB адаптер го вратив рутерот во живот. Така да Daniel е мајсториште невидено !

 

[Daniel86]

Секако многу лошо е кога еден уред ќе се шета на 3 локации и после не се знае ни дали цркнат бил, дали го цркнал господинот невиден сервисер @Daniel86, дали ние, дали мега или којзнае...

Немој мене воопшто да ме спомнуваш како можело да цркне кај мене, значи нити си глуп нити ништо, изваден конектор и тоа е тоа, можеш да видиш од сликите дека плочата не е оштетена ниту од мене ниту од било кој. Не работам со таблети и мобилни и ги немам сите делови за нив на лагер. Чисто му правев услуга на Астро да не се шета по сервиси, меѓутоа се испостави дека итно му треба уредот и си реши човекот да го однесе на друго место.
Не ми филозофирај како требала не знам каква опрема овде, не е потребно ништо специфично за промена на ебан конектор, и сам го знаеш тоа.

Но, баш во ваквите ситуации се гледа професионалноста на една институција и сервис, за разлика од непрофесионалноста на други. Пиши ми во пп за каков точно уред/модел/шифра се работи јас ќе набавам матична. Би требало да ги има, но затоа прво прати ми што модел е.

Ебати професионализмот ако не гледаш на сликите кој модел е плочата, па мора еден обичен корисник да ти каже кој модел е матичната.

Особено интересен момент е како некој снемал дел откако го извадил стариот конектор Ма немој да ме... Ако немаш дел, што мајка имаш да го вадиш стариот конектор, и да ја ризикуваш целата матична плоча, и да ги кривиш сите други сервисери после тебе? За да го имаш стариот дел во рака, па да се акаш по пазари? Не можеш да видиш вака каков е „од око“ или на таа чудесија наречена интернет да провериш?

Како што реков, не работам ни со мобилни ни со таблети, потребен ми беше конекторот за да го видам точно каков е и да најдам ИСТ таков.

А особено интересен момент е што пред некој ден добив Macbook што бил во твојот сервис, и никој не го допрел со денови за да му направи обична дијагностика и да утврди дефект, нешто што јас го направив за саат време. Ти фалеше опрема друже Крале? Или делови? Што ти фалеше? Немој ти да ме јебеш.

Моите домашни прилики, како ти ги нарекуваш, во случајов ги газат твоите професионални "прилики", како и приликите на другиот сервис.

И да не се поправа уредот, НЕ СМЕЕ да се направи директен спој на влез бе ало, утре на клиентот ќе му текне да го уклучи таблетот, ќе си рече ај можда ќе ми се посреќи и ќе проработи, па ќе добие некоја петарда. Подобро извади конектор и остави го така, врати му го конекторот на клиентот во ќесичка.

А не знам што лапрдам ја за морал, етика и професионално однесување на iмомак. Со вас ни горнион не излага на крај.

ЕДИТ
Еве ти едно мочано пребарување на гугл со бројките од плочата, ми требаа 10 секунди да го направам. Сигурно повеќе време одзема твоето пишување на одбранбениот пост.

https://www.google.com/search?num=5...6.0....0...1.1.64.psy-ab..0.4.408.KutMOMAM8K4

 

[Astro]

Имаш поенти каде треба да се потсредат некои работи.....

Имаш и ти некои поенти интересни. Повторно ќе те негирам, немаше ниту налепници ниту налози за сервис, но нејсе. Јас имам многу искуство со софтвер за таа намена па радо би ти помогнал во изборот и во имплементацијата ако си заинтересиран.

Секако, јас не можам да тврдам во која фаза од работава е цркната плочата - но тоа не може сега никој да го утврди, затоа јас се понудив и уште еднаш нудам, ЈАС лично да ги подмирам трошоците за поправка, бидејќи тоа би било единственото нешто професионално и од корист на клиентот што може да се направи во овој момент. Се друго е замајување.

Ако се нудиш сам да ги подмириш трошоците има две опции:
1. Признаваш вина па се нудиш да ме обештетиш (мада ти не беше присутен таму)
2. Се нудиш да видиш што можеш да направиш како би ме скинал с-курца

Таблетот ми е кај Даниел „вулканизирачот“
Го замолив да погледне уште еднаш по ознаките на плочата и да провери на интернет дали има нови и дали се разумни цените. Ако цената одговара, со оглед на тоа дека таблетот е чичка нов (а и прилично моќен) ќе порачам готова плоча. Ако не тогаш можеби ќе ти го донесам да го видиш. Ако го поправиш ЈАС ќе си платам, бидејќи како што реков не можам тебе со сигурност да те посочам како виновник, а вина имам и јас што не го прегледав таблетот кога ми го даде колегата твој брадестиот.

 

[HardCorec]

Daniel е мајсториште невидено !

Пред СЕ е другар невиден, таква личност ретко се наоѓа, а за тоа колку е професионален и способен во неговата работа сум осетил на своја кожа, дечкото е магионичар, ми има оживеено неколку уреди од кој што сум се откажал.

Кога имам потреба да ми се сервисира некој уред не ни размислувам кај да го носам, го имам најдобриот мајстор во државава, пакувам и праќам по карго и за ден два си го добивам уредот функционален.

Ма секоја чест маестро @Daniel86, секој што те критикува тука да знаеш дека е од љубомора и ништо друго.

 

[krale]

Имаш и ти некои поенти интересни. Повторно ќе те негирам, немаше ниту налепници ниту налози за сервис, но нејсе. Јас имам многу искуство со софтвер за таа намена па радо би ти помогнал во изборот и во имплементацијата ако си заинтересиран.

Налепниците се вадат пред да се врати на клиентот, не го враќаме така со налепници... Иако некогаш и така може да се врати ако не ја извадат лепенката.

Инаку, софтверот е 90% веќе готов, а 50% веќе платен , но ќе видиме како ќе се покаже. Од октомври би требало да е во функција 100процентно.

Ако се нудиш сам да ги подмириш трошоците има две опции:
1. Признаваш вина па се нудиш да ме обештетиш (мада ти не беше присутен таму)
2. Се нудиш да видиш што можеш да направиш како би ме скинал с-курца

3. Затоа што во збрка ситуација мене ми е најбитна репутацијата на сервисот, а не да замајувам. Профитот на второ место, клиентот на прво. Така е кај мене, за другите нека зборат сами.

Таблетот ми е кај Даниел „вулканизирачот“
Го замолив да погледне уште еднаш по ознаките на плочата и да провери на интернет дали има нови и дали се разумни цените. Ако цената одговара, со оглед на тоа дека таблетот е чичка нов (а и прилично моќен) ќе порачам готова плоча. Ако не тогаш можеби ќе ти го донесам да го видиш. Ако го поправиш ЈАС ќе си платам, бидејќи како што реков не можам тебе со сигурност да те посочам како виновник, а вина имам и јас што не го прегледав таблетот кога ми го даде колегата твој брадестиот.

Јас исто така не посочив никого како виновник, бидејќи тоа би било идиотско, и можам да прифатам дека имало и кај нас пропусти во процедурите, заради кои и ти си доведен во незгодна ситуација и никој не може да утврди точна одговорност. Заради тоа, ние сакаме да истрчаме напред пред сите и да демонстрираме дека одиме чекор пред другите во подршката за нашите клиенти! Профитот од еден конектор, ама воопшто не ми е потребен, за да се доведувам во ситуации каде некој губи доверба.

 

[RagingDemon]

го оставил без да го дотерува за фотосесија, бидејќи корисникот нема фајде од тоа (освен сервисот да си прави некаква лажна самопромоција).

Е од дека сега па ова, ти лично не замараше милијарда пати дека "внатрешната убавина" на уредот била подеднакво битна како и надворешната за корисникот...

 

[FLEGMA]

Пред СЕ е другар невиден, таква личност ретко се наоѓа

Мене ми се понуди да му пратам по карго шугав VHS рекордер за кој сервисериштата, иначе мрзи невидени, во Прилеп ме скинаа с к*рца - „Дечки не се поправа. В канта ова!“
Гестот, мислам, е за секаква пофалба. Да губиш време на анонимус со уред кој по сите правила треба да оди во подрум или канта, еве не знам.
Тоа за мене е шок. Редок момент...како да ви објаснам. Исто како Авид кога се понаша нормално и не трола. Еве не знам...

Арно ама јас, пошто Флегма, упаднав во разни фрки, обврски, одмори и сеуште го немам испратено.
А сеуште ми треба да дигитализирам две касети кои ги најдов сосем случајно а на нив има доста ретки снимки кои датираат од 84-та.


Фроумов на @Daniel86 треба да му обезбеди бесплатен бурек и јогурт доживотно. Свака част!

 

[Harrabed]

Негативно искуство со @undergrounde. Отварајте очи кога е во прашање таков член да не ви се случи истото искуство како мене.

Значи буквално тотална мизерија само ме измалтетира и ми потроши време. 7 дена го чекам а за тие 7 дена можав 10 пати да го продадам на реклама5. Ми рече испрати го, потоа вака онака како божем цела фамилија му го користи профилот на форумот брат ми ова она за италија бил ќе си дошол во сабота потоа покасно ќе си дојде ова она... Приказни за мали деца. Добро бре друже ако си за Италија што ку*ац го порачуваш тогаш? Дојди си од Италија па порачај/купи си што ти душа сака а не вака да малтетираш народот. Не требаше да го порачаш а не само да ме замараш со глупости...