Е-банкинг и банкарски апликации на македонските банки

[toshex]

Ме инспирираше активната тема за ТТК онлајн плаќање од член на форумот па баш ме интересира да прашам бидејќи во двоумење сум да сменам банка а е-банкарство и мобилна апликација се можеби најбитни параметри после цените и провизиите за услугите на банката нормално.


На КБ безбедносната имплементација е катастрофа според мене - апликацијата има токени ама токен системот е ужасно имплементиран од аспект на кориснички интерфејс. Треба да внесеш број (нула ако ти е за логирање во е-банкинг) и после ти генерира он токен. Воопшто не е ко 2ФА или други стандардизирани токени на кои сте навикнати.


Апликацијата ја редизајнираа пред некое време и сега е полична, ама пак не поддржува биометриска автентикација од телефонот. Се ова ја прави многу незгодна за користење.


Како се другиве банки со апликации? Дали може да сподерите мислења и можда некој скриншот без да се гледаат лични податоци нормално.


Од ова што гледам на App Store скриншоти како најдобри би ги рангирал апликациите на Шпаркасе и Про Кредит:

 

[Fatal1ty_]

Ја сум на Халк и ми е сосема ок. Има се што ми треба ви неа.
Шпаркасе бев претходно ги баталив пошто се ептен лопови.

 

[Sharlovski]

Едина мана на Халк е што знае да крашне 2-3 пати со ред па после да се преправа како ништо да не било.

 

[Ragnar]

Задоволен сум од НЛБ, ги има сите функционалности што ми се потребни. Единствен проблем кој може да настане е при последователно плаќање онлајн во краток рок. На пример, плаќам сметки вода, струја, интернет во рок од 1 минута и може да се измеша NLB Pay за одобрување, да не стигне пораката за одобрување или да задоцни, па пак да пополнуваш.

 

[petkotrajko]

Јас сум на НЛБ. Генерално сум задоволен.
Имаат 2 апликации:
- mKlik Makedonija: за следење приливи/одливи, состојба и e-banking (70 ден/мес.) со плаќање ПП30, испраќање пари кон други лица, фирми и сл.
- NLB Pay: за „дигитализирање“ на постоечките картици што ги имаш во НЛБ, па после за плаќање со NFC мобилен преку оваа апликација (беше згодно пред да дојди Гугл Пеј, пример пред 6-7 години, а сега... за да не ја прогласат за обсолетна, ја назначија за задолжителна -па мора преку неа да ги внесиш/одобриш НЛБ картичките во Гугл Пеј - што не беше случај на почетокот, а сепак без проблем ми функционираше плаќањето со Гугл Пеј. Откако се укина одобрувањето на онлајн трансакции со СМС, во оваа апликација стигнува барањето за одобрување)
Искрено, не гледам силна причина за постоење на вторава апликација, уште помалце па за одобрување на онлајн плаќањево што не го имплементираа во носечката мКлик аплиакција, но - што е, тука е.

Задоволен сум од НЛБ, ги има сите функционалности што ми се потребни. Единствен проблем кој може да настане е при последователно плаќање онлајн во краток рок. На пример, плаќам сметки вода, струја, интернет во рок од 1 минута и може да се измеша NLB Pay за одобрување, да не стигне пораката за одобрување или да задоцни, па пак да пополнуваш.

Е да, ова е и моето искуство

Имам и на Стопанска банка - Скопје.
Апликацијата визуелно делува позастарено споредено со НЛБ мКлик, но сепак ги има сите потребни функционалности во неа. Со истата апликација се одобруваат онлајн трансакциите, за разлика од НЛБ, кај што ти треба втора апликација за тоа. Не ми е главна сметка ова, па немам друго што да споделам, но досега не сум имал некој проблем со апликацијава.

Се разбира, и за двеве банки мора одење до банка лично, за одобрување на функционалностите во апликациите. Ако смениш телефон, истото те чека, јово-наново.

 

[Petarys]

КБ има супер дизајн, само нешто не е имплементирано како што треба со токените и автентикацијата. Сакав да ја регистрирам картичката за LoungeKey, требаше да стигне код на мТокен, не стигна ништо. Нема опција ни за СМС.

 

[Ragnar]

Се разбира, и за двеве банки мора одење до банка лично, за одобрување на функционалностите во апликациите. Ако смениш телефон, истото те чека, јово-наново.

За менување на телефон се средува преку мејл на НЛБ.

 

[noc32]

Јас сум на НЛБ и сум супер задоволен од функционалностите. Изгледот е реално, за греота. Интерфејсот на мКлик е како да е од 2008 година. Ако ја ѕирнете мКлик на НЛБ Словенија, тоа е веќе друг муабет.
Но од перспектива на функционалност, супер е.

НЛБ Пеј е супер. Има се што треба, прегледно и убаво скоцкано.

 

[DonFrozex]

ProCredit откако ја ре-дизајнираа им е ВРВ.
Самата апликација функционира како Токен или 2ФА чекор (нема дополнителни уреди, едноставно потврда се клика во самата апликација)
Модерен дизајн, функционална со скоро све што е можно на ВЕБ апликацијата.

5/5