• Здраво и добредојдовте на форумот на IT.mk.

    Доколку сеуште не сте дел од најголемата заедница на ИТ професионалци и ентузијасти во Македонија, можете бесплатно да се - процесот нема да ви одземе повеќе од 2-3 минути, а за полесна регистрација овозможивме и регистрирање со Facebook и Steam.

Струја, па компјутери за училиштата

Статус
Затворена за нови мислења.
  • Ја почнал/а темата
  • #1

D

Администратор
31 март 2007
3,270
1,909
www.iwmnetwork.com
Училиштата во земјава до 15 декември ќе добијат обновени електрични инсталации за да можат да ги користат новите компјутери што Владата ќе ги обезбеди со програмата „Компјутер за секое дете“.

- Повеќе од 100 училишта во градовите низ земјава имаат стара електрична мрежа која не може да го поднесе напорот од нови корисници. Инсталирањето нови компјутери може да предизвика колапс на електричната мрежа и затоа екипи на ЕВН-ЕСМ почнаа да ја надградуваат инсталацијата во училиштата – објасни Ленче Карпузовска, портпаролка на ЕВН-ЕСМ.

Карпузовска вели дека сите поправки на електричната инсталација во училиштата ќе се одвиваат во договор со нивните директори. За целиот проект ЕВН-ЕСМ ќе потроши 250.000 евра.

Директорите на помалите училишта, освен за електричната инсталација, се жалат и дека немаат доволно простор и соодветни услови за чување и за користење на компјутерите.

- За еден компјутер е потребен најмалку 1,5 квадратен метар простор за биро и за столче за корисникот. Тоа значи дека за десет компјутери ќе треба да се ослободи цела училница. Освен тоа, просторијата каде што ќе бидат инсталирани компјутерите мора постојано да биде затоплена – велат во компјутерските компании.
Училиштата се загрижени и за безбедноста на компјутерите од крадци затоа што, откако ќе ги инсталираат, за нив ќе бидат одговорни самите училишта.

Во Министерството за образование велат дека со инсталирање на компјутерите ќе почнат откако ќе завршат работите во врска со електричната мрежа. За безбедноста препорачуваат компјутерските кабинети да бидат на повисоките катови од училиштата, за да ги заштитат од крадци.

Од 100.000 компјутери, кои Владата планира да ги набави за средните и за основните училишта, досега се обезбедени повеќе од половина. Набавката на останатите компјутери веќе е во тек, а со нивно инсталирање треба да се заврши до март идната година.

Дејан РИСТОВСКИ - Шпиц, број 448, 29.11.2007
 
Статус
Затворена за нови мислења.

Нови мислења

Последни Теми

Статистика

Теми
43,527
Мислења
822,632
Членови
28,052
Најнов член
Ttifun
На врв Дно