SSD - бенчмарци, сетап, искуства, предлози и прашања (генерална дискусија)

• ОБНОВЕНО - 10/09/2012 (генерални промени)
• ОБНОВЕНО - 23.08.2013 (под број 4 & 9 )
• ОБНОВЕНО - 31.10.2013 (под број 3)
• ОБНОВЕНО - 3.2.2014 (под број 12)
• ОБНОВЕНО - 3.4.2014 (под број 18)
• ОБНОВЕНО - 3.28.2014 (под број 19)
• ОБНОВЕНО - 12.18.2014 (под број 1)
• ОБНОВЕНО - 2.5.2014 (под број 20)
• ОБНОВЕНО - 14.8.2015 (генерални промени за подобрена читливост)
• ОБНОВЕНО - 24.9.2015 (додаден мини водич за Ubuntu)
• ОБНОВЕНО - 30.9.2015 (под број 2)

----------------------------------------------------------------------------------------------------------------------------------------------------------------------------------------------------


Во овој пост ќе посочам како треба правилно да се оптимизира инсталацијата на еден SSD и воедно како треба да се сетира оперативниот систем за правилно одржување на драјвот во добра состојба после долга употеба.

Исто така овој водич ќе допринесе за поефикасна работа на TRIM/Garbage collection имплементациите кои се од клучно значење за одржување на драјвот во оптимална состојба при долга употреба. Еве ги сетинзите за правилен сетап после инсталацијата на SSD.


1.Пред да го инсталирате оперативниот систем, каде што се мести големината на системската партиција, оставете едно 20-25% слободни, на пример ако е драјвот под дифолт, 120GB, скратете го на 90, оставете 20/30GB како unallocated (празна партиција) метод наречен (overprovisioning)

(Опционално за максимални перформанси, помали латенции, подобри времиња на одговор, подолго траење на драјвот, и помала деградација со тек на времето - полнење на драјвот. Пред се констатност на перформанси при интензива употреба, не е морално но е многу препорачливо!



2. Форматирање и инсталација на Windows 7/8.1/10 не XP што е нормално нели, но пред да го сторите тоа обавезно сетирајте во BIOS - SATA мод - AHCI или RAID ако веќе имате 2 хард диска во Raid. Кај поновите матични веќе е AHCI под дифолт. Доколку не сте го направиле тоа на време, еве како.

3. Данлоуд и инсталација на најновиот чипсет драјвер за вашата матична.


4. Данлоуд и инсталација на најновиот Intel RST драјвер. За корисниците кои имаат постари системи, еве како да се инсталираат модифицирани RST драјвери.


5.Control Panel, power options - high performance план активирајте, и сетирајте хардот да не се гаси никогаш, исто така USB selective suspеnd - исклучете (сопствениците на лаптопи, некаат имаат во предвид дека ова ја троши додатно батеријата)


6. Во старт, пишувате services, отварате...барате intel Rapid Storage, го бележите-десен клик- properties - сетирајте автоматски старт на сервисoт, не автоматски одложен - ќе добиете околу 2 секунди побрз старт на оперативниот систем (boot up)


7. Подесете пејџ фајл на кастом вредност 2-те опции на 1000 мегaбајти.


8. Исклучете Хибернација.

9. исклучете ја Windows write cache buffer flushing опцијата (направете го ова на ваш ризик) ги подобрува перформансите, но во случај да снема електрична енергија, може да дојде до корупција или губење на податоците од драјвот.


10. Исклучете Дефрамгентација. (Пожелно е да користите кастом алатки за дефрагментација по ваш избор бидејќи вградената ќе ја исклучите за одржување во добра форма на вашите хард дискови, кај Windows 8.1/10 ова не е морално)


11. Исклучете Систем Ристор.


12. Исклучете Суперфеч и Префеч ( не е морално - опционално)


13. Симнете ја алаткава која го форсира тримот на драјвот а со самото тоа и ги зголемува перформансите после одредено користење на драјвот, истата работи кај Crucial SSD модели, но би требало и кај другите без проблем.

Samsung сопстевениците можат да го користат Samsung Magician софтверот за форсирање на TRIM командата, истиот се наоѓа во performance optimization јазичето од интерфејсот на програмот, и е препорачлив да се користи наместо алатката од Crucial. Кај 8.1/10 се тоа е автоматски, но за секој случај не е лошо сами еднаш во 2 недели да го форсирате тримот.

14. Оверклок на системот кај мене доведе до доста подобри перформанси на драјвот, како и гасење на сите power savings од BIOS (за сопствениците на Asus матични од LGA 1155/1150 чипсетот не е препорачливо!)

Наместо тоа можете да подесите фиксна фреквенција на процесорот, на не оверклокуван систем и да постигнете далеку подобри резултати за разлика од варијабилна фреквенција, дури и без оверклок. (сопствениците на лаптопи, некаат имаат во предвид дека оверклокот и оваа опција, ја трошат додатно батеријата)


15. Следниот фикс е препорачлив ако сакате максимални перформанси и избегнување на евентуални проблеми. Crucial сопственици - за другите SSD, не е потребно генерално.


16. Да се остава најмалце 20% слободен простор на драјвот.


17. Да се остава компјутерот барем еднаш во неделата на ајдл, одкако претходно ќе стиснете лог оф! 1 час би бил доволен. Не е морално, но за максимални перформанси е препорачливо.


18. За корисниците на мобилни уреди (лаптопи и слично) препорачливо е да си тестирате, и сами да одберете кои сетинзи ви ја цедат батеријата, и колку е за вас битно да имате максималени перформанси, наместо батерија која трае повеќе, или батерија која трае повеќе но со намалени придобивки од твиковите кои се наведени во другите точки.

Имајте во превид дека овој водич е пред се за десктоп машини, но како што реков ако најдете баланс, не би требало да има некоја осетна разлика....јас ќе наведев кои сетинзи да ги изгасите/оставите, но бидејќи секој систем - батерија - уред е различен оставам на вас да експериментирате и увидите сами.


19. Корисниците на Linux, (Ubuntu) може да го разгледаат овој водич од нашиот член
bokiscout, како и вториот дел од истиот. Исто така за Ubuntu корисниците и трел дел т.е. водич од членот e достапен.


20. Поради проблемите со контролерот/фирмверот, и деградацијата на перформанси, во овој момент, или во блиска иднина не се препорачува купување на SSD од серијата 840 EVO на Samsung, серија која дури и после апдејтот на фирмверот, не го реши проблемот целосно.

Тоа би било се.

 

Да AHCI/RAID0

Еве ги последните 3 верзии.

http://www.station-drivers.com/page/intel raid.htm

П.С. Интел драјверот/контролерот за жал е супериорен во споредба со оној на Амд жал ми е да ти соопштам..:ermm:

П.П.С. Ако не се лажам Амд платформа имаше така?

 

Неможам да ти тврдам, непамтам колкава разлика беше но знам дека во сите тесотови беше побрз Интел драјверот/контролерот. Е сега мислам дека на Амд драјверот/контролерот е побрз од оној на Марвел, Сата 3 кој е најлош од сите.

 

Да, точно.

 

1.За Трим подршката и Garbage Control имплементациите подобро да си ја звршат работата, на тој начин работат по ефикасно.

2. Secure Erase, до сега немам направено и не сум имал потреба, но според она што сега го читав бидејќи имав дилеми за ефикасноста на истиот процес т.е. во кој сегемент од оперативниот систем треба да се направи, дојдов до заклучок дека и за оваа операција важи она познатото, if it works, don't fix it

https://ata.wiki.kernel.org/index.php/ATA_Secure_Erase

Eве еден гајд, сепак иако е препорачливо да се прави доколку немаш проблеми со дискот и го одржуваш правилно, мислам дека не е морално.

 

Тешко дека во секојдневнa употреба би примeтил разлика, не верувам. Но од ентузијастички поглед, т.е. гледам од мој аспект јас се провоцирам за такви работи, и секогаш сакам да го вадам максимумот од секоја компонента. Сепак како што реков можеби малце претерувам со моите барања и не значи дека и некој друг би бил со таков став нели, немој да се разочаруваш сепак SSD-то ќе си работи како што треба

Ова важи за оние кои ќе купат SSD со Sadforce контролер, не за сите SSD модели. Зашто праша? бидејќи моделите на Sandforce користат метод кој работи на начин при којшто податоците се компресираат во дискот on fly, така што истиот треба да пишува помалце дата и со тоа фактички работи помалце од другите дискови и постигнува одлични/побрзи резултати.

Сега каде е проблемот? AS-SSD & Crystaldiskmark се програми кои што за своите тестови користат податоци кои неможе да се компресират и вчитуваат огромна дата на дискот, (прават многу write) после одреден период на тестирање со овие програми дисковите толку се оптеретени бидејќи работат со дата/фајлови кои неможат да ги компресираат (mp3, divx,Flac,txt files etc) што истите ги губат своите перформанси осетно.

Потоа на дисковите за жал им треба цела недела за да ги повратат перформансите Тримот помага но не доволно бидејќи тие тестови едноставно се премногу тешки на Sandforce контролерот и технологијата која што ја користат за трансфер/обработка на податоците со кои работат. Затоа не е препорачливо да се користат овој тип на програми него ATTO бенчмарк кој е направен да делува прилично лесно нa Sendforce контролерот. Како е тоа можно? овој бенчмарк (користи дата која е 100% компресабилна) и дисковите немаат поголеми проблеми да ја користата истата како тест дури и после малце по интензивно тестирање, сепак тоа не значи дека треба 24/7 да правиме бенчмарци нели, неколку се доволни.



Знаеш како му доаѓа како да земеш Ферари и да пробаш да го возиш на патеки за рели, да ќе биде пак брзо се разбира но сепак ќе се мачи и најверојатно ќе се оштети или амортизерите видно ќе дојдат на удар.

Еве мал пример,

Пред тестирање со Crystaldiskmark



После тестирање

 

Мислам дека веќе ти дадов и други примери, за каде се осеќа брзината на SSD ако го забележа тој пост

 

HD tune е лош избор за тестирање на SSD, користи некој друг програм, ако не се работи за SSD модели (според резултатите нема шанси да се) од погонот на Сендфорс користи нешто од следниве,

AS-SSD, Crystaldiskmark, или пак PCmarkVantage.

Просто е, во Македонија во моментов има само еден модел на виситински квалитетен SSD. Тоа е Patriot Inferno во Мебиус, 60GB моделот е околу 8200 денари. Све друго што има/ќе има на лагер ќе биде прилично по неквалитетно од Inferno моделите. Мала напомена, кога ќе зимате Inferno за да знаете дека е вистинскиот модел барајте на пакувањето да го пишува ова.

Или поточно вака,