Совет за соларни системи ( сончеви колектори, бојлер)

[SaleSk]

Све е ова убаво сто го објасни, но доколку бојлерот не се истроши до крај...Но ако се истроши, тогаш настанува проблемот...Како год, сонцето е закон...Мене денес ми стигна опремата Се надевам дека во скоро време ке ја инсталирам, но тоа ке ми зависи од неколку фактори. Прво морам да направам држач за панелот, а тоа сигурно ке ми одземе три дена најмалце со оглед на тоа што утре нема да можам да работам, а другите денови сум до 4 на работа...И денот брзо поминува...Слики од работите ке поставам покасно

 

[yasho]

Затоа постои математика.

1.5kw (ако е толку обично се 2kw) грее еден литар вода за 1 целзиусов степен за 3 секунди. Ако велиш дека температурата во водата никогаш не паѓа под 11 степени и без грејач тогаш тој треба да ја загрее температурата за делта 40 степени (51 степен, како што е кај мене на пример - дифолт сетинг). 3 секунди по 40 степени е еднакво на 120 секунди или 2 минути. За 1 литар вода. За 210 литри вода тоа ќе трае 420 минути, односно 7 часа. За да ја загрее целата вода.
Тоа се случува еднаш само. Потоа веќе не.
Водата во бојлерот се меша со ладна за да се употребува, согласно тоа бојлерот никогаш не се троши повеќе од половина. Односно водата треба да се догрева меѓу 40 и 50 степени и да се одржува нејзината температура, со повремено палење по потреба.

Дека ќе загрее - ќе загрее. Греач е, тоа му е работа.

Така е, ама треба да ја земеш во предвид енергијата што се губи низ изолацијата на бојлерот навечер (и не само навечер, де), таа енергија секако греачот ја троши, а е практично загуба. Тука е предноста на проточниот бојлер, се користи само онолку енергија колку што треба во моментот. Е сега инсталацијата треба да може да поднесе 20+kW, тоа е...

 

[vlavot]

@SaleSk обавезно слики да видеме што како си направил, @yasho да го мотнираат првин па ќе купам електровентили,
кога доаѓа збор за 1.5kw - 2kw греач, да загрева 310 литра вода и тоа 7 часа некако ми е не знам. Јас никаде не пишав дека 11+ степени е цело време водата, некој пиша јас не, а и да е 11+ 100 дена кога нема сонце треба да затоплам огромна количина на вода ако сака еден само да се избања, и ако сакаш да имаш константна 45+ степени температура на водата (ова збореме за период без сонце) греачот ќе треба да се утепа работејќи, според мене ич не е ислатливо. Пример ако тројца се избањаат со 160 литра од таа вода автоматски болјерот влече 150 литра ладна вода што одма паѓа темературата на веќе затоплената вода. Па пак и така слабиот греач треба да затоплува.
Според мене сепак најдобро е проточен бојлер плус соларна, ама и проточниот е 350evra +.
Исто подобра варијанта е да се загрева обичен бојлер во купатило наместо оној на кровот.

 

[mdeni]

310 литри е огромен бојлер наменет за 3 стана, односно околу 10 луѓе. Чисто за перспектива.

Со 90 степени температура во него, може да се избања цел Чевахир.

 

[SaleSk]

Ај еве некоја слика од работите кои денес ми стигнаа. Имам уште еден куп материјали да зимам. Бакарен фитинг, вентили, диференцијален термостат, да се направи држач за панелот, гликол и слично...
До сега имам земено бојлер од 100л со топлински изменувач, доволно за да можам во секое време и да го греам на струја, и имам пуштено инсталација под фасадата од местото каде што е бојлерот до кровот, каде што ке се монтира панелот.
Евентуално некој да не знае точно под кој агол треба да се монтира панелот? Јас сум на ниет тоа да биде помеѓу 30 и 40 степени према југ, но евентуално да не ја знаете точната вредност на аголот?

Инаку еве дел од материјалот:
Панел од домашно производство со сите сертификати и атести, сертифициран во лабораторијата на Универзитетот во Штудгарт Зрак - Прилеп. Моја препорака за нивните производи и голем поздрав до нив. Максимално љубезни, професионални и спремни во секој момент да помогнат и да го споделат знаењето:

Тука се аксесоарите, односно 8 литарски експанзионен сад, Грунфос пумпа со 5 годишна гаранција, термоманометар, електромоторен вентил, сигурносен вентил од 6 бари.
Некој праша за електромоторниот вентил која е цената. За Херц платив 1850 денари.

Еве дел од инсталацијата и местото каде што треба да се постават сите пропратни елементи

Сега за сега толку...Се надевам дека за скоро време ке има уште информации околу целиот проект.

 

[mdeni]

Сале дали држачот ќе го направиш со поместување на вертикален агол или не? (зошто веќе сам го правиш)

Ако е со поместување, тогаш треба да е комплетно на југ свртен (нормално) а вертикален агол да е:
24 степени за зима,
48 степени за пролет/есен
72 степени за лето
за монтирање во Скопје.

Ако е со две позиции 50 и 24 степени, ако е со една позиција 50 степени.

 

[SaleSk]

Ако го правам со поместување на агол, ке ми бидат проблем конекциите, ке морам да ги правам со флексибилни цевки, а тоа незнам и дали ке успеам да го најдам кај нас....Ке одам на фиксна варијанта...
Значи последната или нешто помалку, како што реков околу 45

Најдов и калкулаторче, на некого можеби ке му биде потребно...
http://solarelectricityhandbook.com/solar-angle-calculator.html
А аголот мислам малку кон есен пролет да го насочам, па затоа и реков да оди 45...Мада може и 50 да го ставам...Ке видам...
АКо успеам да најдам и флекси цевки/црева, може и во две положби да го направам

 

[yasho]

Ако не се лажам, rule of thumb е аголот треба да е ист со географската ширина, т.е. ~42° за Скопје... за фиксни системи... Е сега ова претпоставува дека земјата е секогаш свртена со екваторот кон сонцето, што и не е баш случај, ама... Не сум сигурен колку е практично да менуваш агол на панелите, мада SaleSK ако добро разбрав ќе користи рамни панелни колектори, па ефикасноста секако ќе му биде помала од онаа на вакуумските цевки.

 

[SaleSk]

Ако не се лажам, rule of thumb е аголот треба да е ист со географската ширина, т.е. ~42° за Скопје... за фиксни системи...

Одприлика ова е точно, па затоа и реков дека ке се движам во тие граници... Како ке испадне, здравје ке видиме

Како за споредба бидејќи ја спомна искористеноста, односно ефикасноста на панелите во однос на вакумските цевки. Еве една директна споредба каде се вршат тестирања, испитувања и каде се сертифицираат фирмите за соларните колектори, односно производителите.
Еве на овој сајт се наоѓа датабазата на производителите и нивните производи.
Само одберете ја во држави МК, Македонија па ке видите кои фирми се сертифицирани.
Ондак имаме директна споредба за панелите, однсоно конкретно еве за вакумски цевки и панел:
http://www.dincertco.de/logos/011-7S1819 R.pdf
и за мојот панел, конкретно:
http://www.dincertco.de/logos/011-7s2012 f.pdf

 

[bobmkd]

Ондак имаме директна споредба за панелите, однсоно конкретно еве за вакумски цевки и панел:
http://www.dincertco.de/logos/011-7S1819 R.pdf
и за мојот панел, конкретно:
http://www.dincertco.de/logos/011-7s2012 f.pdf

Според овие директни споредби излегува дека ефикасноста на панелите и вакуумските цевки е скоро идентична, ако се пресмета за иста површина во м2 (можеби не гледам добро, сепак сум лаик за оваа област)

 

[valepop]

http://energetskaefikasnost.info/tutorijal-solaren-kolektor-za-topla-v/

 

[SaleSk]

Според овие директни споредби излегува дека ефикасноста на панелите и вакуумските цевки е скоро идентична, ако се пресмета за иста површина во м2 (можеби не гледам добро, сепак сум лаик за оваа област)

Според податоците кои можат да се споредат излегува дека вакумските цевки се 35% по неефикасни од панел, ако ги споредуваш по Aperture Area изразена во метри квадратни. Пример панел од 2 квадрата, ефективни 1,83 испорачува моќност од 1398 W при 0 К, додека пак 15 вакумски цевки од 2,35 квадрата, ефективни 1,42 испорачуваат 1037 W при 0 К.
Да не ги вадам податоците, комплетно може да се споредуваат на самите документи.
Е сега исто така имам податок дека при врнење на град, вакумските цевки се многу помалку отпорни за разлика од панелот, кој што има тампер стакло. Но никогап не е исклучена можноста да се скрши и тој. Секако предност кај вакумска цевка е тоа што можеш да смениш една доколку е оштетена, а кај панелот мораш цел стакло ако е само тоа оштетено.
Животниот век на вакумските цевки е многу помал, неможам да го најдам точниот податок, за разлика од панелот каде што скоро секој производител треба да даде минимум 20 г гаранција за истиот...Практично нема што да се расипе, освен ако не дојде до механичко оштетување на стаклото а со самото тоа и до оштетување на апсорберот или цевчињата низ кои тече флуидот. Ама тоа е крајност

 

[Luidgi]

Пресметка на сончева деклинација δ (Агол меѓу рамнината на Екваторот и линијата што ги поврзува центрите на Сонцето и Земјата)

δ = 23,45 x sin [ (360/365) x (n-81) ]

n е ден во годината

Аголот под кој сончевите зраци паѓаат по рамна површина се определува со:

βN = 90° - L + δ°

βN - агол на паѓање на сончевите зраци
L - географска ширина
δ - сончева деклинација

За Скопје географската ширина е L = 42°

Аголот на поставување на колекторот треба да изнесува

α = 90 - βN

 

[moongose]

Аголот на поставување на колекторот треба да изнесува

α = 90 - βN

Синусоида, со средна вредност од 41 степен, максимална 65 (зимска краткоденица, 21.12), минимална 17,5 степени (летна долгоденица, 21.06)

 

[vlavot]

Ве читам вака, свака ви час ептен сте упатени и разбирате што како каде треба да биде поставено. Ок за Скопје 42 степени, а некој за Штип да не знае колку степени? Оно веќе држачите се направени под некој степен ама дали на рамна површина треба да стои или малку закосено.

 

[SaleSk]

Агол од 42° е агол од 42° а се знае како се одредува аголот.

 

[Luidgi]

Синусоида, со средна вредност од 41 степен, максимална 65 (зимска краткоденица, 21.12), минимална 17,5 степени (летна долгоденица, 21.06)

За фиксни системи средната вредност, со пресметката која ја напишав може да се пресмета за секој ден во годината посебно аголот на паѓање на сончевите зраци, а од него да се пресмета аголот на поставување на сончевиот колектор.

Географска ширина за Штип - 41,74°

 

[moongose]

Ве читам вака, свака ви час ептен сте упатени и разбирате што како каде треба да биде поставено. Ок за Скопје 42 степени, а некој за Штип да не знае колку степени? Оно веќе држачите се направени под некој степен ама дали на рамна површина треба да стои или малку закосено.

Пресметките се исти, Скопје и Штип нема ни пола степен разлика.

За фиксни системи средната вредност, со пресметката која ја напишав може да се пресмета за секој ден во годината посебно аголот на паѓање на сончевите зраци, а од него да се пресмета аголот на поставување на сончевиот колектор

Јас пресметав по формулите твои и тие се вредностите, средна, мин. и макс, промената е синусоидална.

 

[Luidgi]

Таман си е

Сале, чекаме апдејт.

 

[SaleSk]

Апдејт ке има, ама како што реков се зависи од ситуацијата во која ке бидам за да почнам со изработка и монтажа. Имам премногу обврски во моментов за да можам да работам на соларот...Битно главните елементи се тука, да набавам фитинзи, да направам еден список и да ги испазарам, па ке почнам со средување од внатре. Горе монтажата на панелот останува на крај, значи нареден викенд би требало да почнам со работа.

 

[vlavot]

Добро, само што го инсталираа кај нас системот. Вака, мајсторот што го инсталира само за 1 спрат значи со местење на кров, итн ни зема 9000 денари, баш ме интересира други што местеле соларни, од тој тип со цевките, колку денари работната рака и матерјалот, како колеnца, цевки кабли, ги кошташе.

 

[mdeni]

Неможеш тоа баш да го прашаш. Кај секого е различно. Кај мене беше повеќе (незнам колку), но за два спрата местење со доста цевки и во изградба WC значи без плочки.

Зависи кај секој посебно.

 

[vlavot]

Неможеш тоа баш да го прашаш. Кај секого е различно. Кај мене беше повеќе (незнам колку), но за два спрата местење со доста цевки и во изградба WC значи без плочки.

Зависи кај секој посебно.

Јасно и јас мислам така, ама некако само за еден спрат мноогу пари ми се учинаа, а на уште два спрата треба да се намести, ако знаев дека толку многу пари ќе дадев за местење, сам ќе си го местев

 

[vlavot]

Еве слики, како изгледа, и изгледаше при местење.

 

[maci]

за монтажа на 200 литарски болјер на кров со вакви вакумски цевки е 100 евра
цената на истиот е 550 евра со инокс болјер.
овие цени ти ги кажувам од лани,кога зет ми ставаше.650 евра комплет со монтажа за еден приклучок,со се комплет нивно.