• Здраво и добредојдовте на форумот на IT.mk.

    Доколку сеуште не сте дел од најголемата заедница на ИТ професионалци и ентузијасти во Македонија, можете бесплатно да се - процесот нема да ви одземе повеќе од 2-3 минути, а за полесна регистрација овозможивме и регистрирање со Facebook и Steam.

Совет околу кариерно насочување, избор на технологии, јазици

  • Ја почнал/а темата
  • #1
25 февруари 2017
1
0
Здраво,

Ми треба мислење, совет кон кои технологии да се насочам, а со тоа и каков девелопер би бил Frontend, Backend, Full Stack ..

Краток background: Свежо завршен од SEDC академијата за програмирање (Full Stack) што трае година дена каде се помина Frontend (HTML, CSS, JavaScript, jQuery) и Backend(C#, .NET, SQL), по дома различни side проекти на страна, FreeCodeCamp, CodeCademy , Udemy курсеви итн. Ме интересира и Frontend и Backend, иако во моментов работам проект и се снаоѓам повеќе со Frontend. Аплицирав неколку Frontend позиции за пракса изминатиов период, каде бев и на интервју, но не бев избран. Сега не дека се откажувам од Frontend, но според огласиве за работа гледам дека се бараат повеќе Backend девелопери(.NET воглавно). Full Stack за пракса и junior позиции слабо.

Во моментов сакам да почнам Backend side проект преку кој би ги зајакнал/научил Backend технологииве. Се мислам дали да продолжам со C# и .NET или пак Node.js. Мислење?

Исто така гледам многу огласи за Microsoft Dynamics (AX), мислење околу тоа? Можност за напредок?

На крај најважно ми е што и да изберам да имам можност за напредок(секако со плата и учење нови работи) со што во иднина би изградил вештини кои се вредни и добро платени на пазарот на трудот.
 

Kaly23

Intern
17 април 2017
13
10
Имаше една друга тема, повеќе беше насочена за програмерски интервјуа, ама напишав подолг одговор кој содржи исто така предлози за технологии, така што ќе го цитирам тука, се надевам ќе ти се најде:

Според мене многу е битно уште при барањето на компанија за аплицирање да се направи добро истражување. Гледај да аплицираш во компании кои поставиле оглас во последно време за позицијата која ја бараш, но доколку имаш голема желба за некоја специфична компанија, контактирај ги со објаснувањето што кај нив те мотивира и инспирира.

Разгледај ги претходните проекти на компанијата која те интересира за да бидеш сигурен дека ќе се поклопува со тематиката на која што сакаш работиш - пример доколку те мотивира да работиш на нешто иновативно што ќе го подобри светот, што ќе има импакт, гледај да не аплицираш во компанија што се занимава со правење софтвер за казина или слично. :)

Референцирај ги проектите што ти се допаѓале најмногу во интервјуто, но биди искрен околу мислењето, не се "улизувај" - провидно е.

Околу однесувањето - читај ја атмосферата. Доколку интервјуто е формално биди учтив, покажи почит, зборувај смирено. Некои компании повеќе ќе се обидат да те запознаат како личност обично со неформален разговор - тука можеш послободно да се изразиш, да бидеш во најнормално издание. Често типот на интервју ја отсликува и културата на компанијата, па гледај да ти одговара со тоа што го одбираш.

Некои општи карактеристики што генерално се ценат од било кој работодавач:

- Одговорност [доколку нешто од твоето искуство побарало да бидеш одговорен, дури и да не е поврзано со програмирање можеш да го споменеш]

- Искреност [не се обидувај да се "продадеш" по секоја цена, доколку ти биде поставено прашање кое не го знаеш - подобро кажи дека не знаеш, но дека можеш да пробаш да го научиш. Во спротивно можеш да завршиш во неповолна позиција дури и ако ја добиеш работата]

- Трудољубивост [моментално многу е присутен менталитетот "да се направи што е можно помалку, а сепак да се земе плата". Битно е да покажеш дека не се плашиш од работа, дури и да има многу]

- Комуникациски вештини [никој не сака да работи со "намќори" или пак со луѓе со кои често се наоѓаат во awkward ситуации без начин да се продолжи комуникацијата. Поработи на самодовербата и запамти дека дури и тие што те интервјуираат да ти се чинат во моментот како судии што ти ја кројат судбината - и тие се луѓе со свои интереси, емоции, работи што ги мразат итн...]

- Желба и способност за учење и унапредување [IT сферата рапидно се менува и секогаш мораш да имаш знаење кое е применливо - тоа значи дека постојано мора да се учи, доучува, доаѓаат нови технологии, програмски јазици, концепти, бизнис модели итн... На секој му треба работна сила што е спремна да биде во тек со времето]

Околу знаењето - според мене најмногу се цени да покажеш некој проект/и на кој си работел (не мора да значи во компанија, уште подобро ако е на своја иницијатива), па доколку немаш такви би сугерирала да се припремиш на тој начин.

Зборувај околу тоа што те мотивира, околу твоите интереси, тоа што го знаеш, тоа што те импресионирало во последно време или каде се гледаш себеси во блиска иднина. Комуницирај ги своите очекувања, но информирај се и за нивните.

Од програмирање од тоа што сум видела на пазарот се бара:

ВЕБ: (најсоодветно за junior)
HTML / CSS / Bootstrap (задолжително)
Javascript / jQuery (за основни страни, исто се претпоставува дека знаеш)
React / Angular / Vue <- голема побарувачка
WordPress
Node.js
<- голема побарувачка
PHP
ASP.NET


МОБИЛНИ:
React Native <- голема побарувачка
iOS Developers

ОСТАНАТО: (mid / senior)
Java
Phyton
Drupal

Тоа е тоа од мене, со среќа! :carefree:
 

Нови мислења

Последни Теми

Статистика

Теми
42,551
Мислења
820,335
Членови
28,213
Најнов член
vanadi
На врв Дно