1. Здраво и добредојдовте на форумот на IT.mk.

    Доколку сеуште не сте дел од најголемата заедница на ИТ професионалци и ентузијасти во Македонија, можете бесплатно да се - процесот нема да ви одземе повеќе од 2-3 минути, а за полесна регистрација овозможивме и регистрирање со Facebook и Steam.
    Сокриј

Reballing, Reflow и митовите околу нив

Дискусија во форумот 'Електроника - гаџети, електронски компоненти' започната од Daniel86, 7 Јануари 2016.

Тагови:
  1. Daniel86

    Daniel86
    Guru

    2,589
    6,454
    28 Мај 2013
    Машко
    Електроника
    Епа вака момци, иако немам некое страшно искуство во врска со Reballing и Reflow техниките, но верувам дека и на многу луѓе не им е познато дека овие техники се само мит и залуден обид да се поправи нешто, а зошто е тоа така, ќе се обидам да ви опишам на кратко и да ви претставам визуелно, и што е најважно, сето тоа да го поткрпам со евидентни докази.
    Можеби ќе налетам на критики, можеби на пофалби, но сеедно, овде сме да дискутираме околу оваа тема, и да си помагаме меѓусебно.

    Имено, општо познато е дека кога забележуваме артефакти, дисторзирана слика, губење слика што е предизвикано од графичките чипови, веднаш во глава ни се појавува слика на одлемен чип и лош контакт со штампаната плоча (PCB), но мое мислење, а и прилично докажано во пракса е дека Reflow или Reballing методите не помагаат во реалниот свет, или пак кратко траат, најчесто се работи за неколку месеци, ретко се години во прашање.

    Се поставува прашањето, зошто овие две техники помагаат да се продолжи работниот век на чипот?
    Одговорот е дека ретко кога дефектот има врска со куглиците калај што го поврзуваат чипот, туку трикот е во самото загревање на чипот, коешто помага да се ревитализираат интерните магистрали и конекции во чипот.
    На тоа може да се гледа на следниов начин:
    Имаме две калаисани жици, кои се залемени меѓусебно, но не на одговарачката температура, или на вистинскиот начин, или пак со неквалитетни материјали, па кога некој од тие фактори ќе земе свој данок, при оптеретување на спојката со поголем работен напон или ампеража, се ствара некој микроотпор, микроотпор кој заради поголемиот работен напон или ампеража кои проаѓаат низ него, резултира со поголемо дисипирање топлина и ширење на врската/калајот, при што од микроотпор станува миниотпор, од миниотпор станува... нели :)

    Целиот тој процес придонесува самиот чип да претрпи интерни прегревања и дисторзии кои најверојатно нема да ви ги покаже во GPU-Z преку температурните отчитувања, туку едноставно ќе исфрли коцки на екран, па ете сме ние, обичните смртници, трчаме по сервиси со надеж дека ќе го поправиме дефектот, а од таму ни велат дека ќе чини толку и толку (читај астрономска цена) и дека гаранција за поправката нема.

    Поуката од овој текст, е дека Reballing техниката треба да се употребува само во конјукција со менување на стариот чип со НОВ, и никако поинаку, дури и тоа треба да се изведе во специјализирани услови, а после замената да се превземат сите неопходни мерки за да се намали работната температура на самиот чип, а доколку е потребно, да се отиде и до екстремна мерка од типот монтирање на custom ладилници на чипови кои немаат никакво или несоодветно ладење.

    Доколку сеуште не можете да сфатите за што ви зборувам, а сигурно некој нема да разбере, затоа што од нараторски способности поседувам само гестикулации од типот на Мистер Бин, ви предлагам да го погледнете следново видео, во кое еден доста бистар и по малку нервозен момак ја опишува горенаведената ситуација.



    Доколку и после ова не ви е јасно, јебига друже судија.... :)


    Продолжувам со моите сознанија и како на потешкиот начин си докажав себеси дека оваа митологија е точна, или неточна, како и да е, идемо даље :)

    Пред извесно време добив едно телевизорче од еден пријател, кој го земал за ефтини паричиња, и ме замоли да го погледнам што му е. Се согласив, и од тука почнува сагата.

    Симптомите му беа после неколку минути работење, исклучување во сред работа и влегување во StandBy, и после секое вклучување, работниот циклус трае се пократко и пократко, додека не стигне до целосен Stall, и заглавување во Standby.

    Прво што забележав во сервисното мени е "Error 011", грешка која производителот Philips ја припишува на I2C bus-от, кој ни јас самиот не го разбирам точно до детал што функција има во овој систем, освен што комуницира со системскиот eeprom, затоа објаснувањето околу тој комуникациски bus ќе го заобиколам. :)

    Бидејќи симптомите јако ми асоцираа на дефект предизвикан од лоша конекција (ладен лем), првото нешто што направив е тоа што го оставив апаратот да се олади за да си влезе во онаа негова бранова должина, во која што не ме секса и не ми се гаси веднаш. После детална проверка на самото напојување и електролитите во него, го вклучив и уперив фен директно во процесорот. Сосема очекувано, само што го уперив фенот со топол воздух, телевизорот се исклучи, го свртев фенот на ладење, телевизорот автоматски си се вклучи и работеше со прекини како и претходно.

    Решив да го прелемам рачно, како и околните компоненти, за да го дефинирам дефектот дали е воопшто до тоа. После прелемувањето, симптомите се сменија, интервалите на работење се зголемија, но сепак беа тука, после неколку часа работа, телевизорот одеше во Standby, овојпат дури и многу поагресивно од претходно, со пиштење од звучници и трескот како да ми влегува Godzilla преку ѕид.

    Помислив дека не можам тотално да го заменам постоечкиот безоловен калај со кој што е лемен процесорот, па комбинацијата од безоловниот и мојот нормален калај прави ладни лемови и лоши врски, па следниот чекор што го превземав е вадење на самиот процесор и неговата DDR1 Рам меморија.
    [​IMG]
    [​IMG]
    [​IMG]

    Вака изгледа после чистењето
    [​IMG]

    Вадењето на стариот калај после погорната слика не го фотодокументирав, меѓутоа си постои :)

    Откако се си дојде на свое место, рачно прелеменото изгледаше вака
    [​IMG]


    Имав некои сомнежи и за едниот HDMI конектор, затоа што при приклучување кабел во него, експресно се повторуваа симптомите наведени погоре, па затоа решив и на него да му ја... направам честа и да го прелемам. :)
    [​IMG]

    После таа интервенција, изгледаше вака
    [​IMG]

    Обратете внимание на марката на кондензаторот на следнава слика, кога сме веќе тука :)
    [​IMG]


    Што мислите, каков беше исходот од првото вклучување? Јас ќе ви кажам, фрапантен :D

    [​IMG]
    [​IMG]


    После оваа интервенција, телевизорот работеше беспрекорно, без кочење, сецкање (иако е чкарт процесорот, марка Mediatek MT8222), дури два дена без да се изгаси.
    Е сега, скапа е струјата, дојде време за гасење и одмарање, па го угаснавме телевизорчево.
    Но, кога дојде време да се вклучи пак, почнаа истите првични симптоми, овојпат со различни интервали на траење, но и плус некои додатни симптоми, како нефункционални странични пинови, кои функционираат после Reboot, итн итн, да не набројувам се, некои стари симптоми исчезнаа, а други се појавија.

    Реков ајде, и ја сум теле, па може сум промашил нешто, земав го извадив уште еднаш процесорот па го наместив пак, и сега симптомите се следниве:
    Телевизорот работи само првиот пат кога ќе го уклучиш, после една минута се гаси сам и не излегува од Standby, а понекојпат ни на ладно не се пали.

    Ме изнервира крајно затоа што утепав толку работа бесцелно, па морав да најдам што е причината за оваквото девијантно однесување од негова страна, па после неколку макотрпни часови debugging, направив нешто што требаше да го направам уште пред да го извадам процесорот првиот пат, а што е тоа, може да видите на следното видео што го снимив за да го прикажам интерниот дефект на процесорот.

    Едната (црната) клема од мултиметарот е закачена на масата од Tuner-от, црвената е закачена на 85-тиот пин од MT8222TMMU процесорот, или AV12_LVDSPLL, а мултиметарот е наместен на омско подрачје, т.е. да мери отпор.



    Главниот проблем кој бил пресуден за овој процесор, е топлината акумулирана околу него, всушност стои во тотално затворена и изолирана околина, дополнително задихтувана со метален капак, практично е целиот затворен во метална кутија која веројатно има за цел да изиграва Фарадеев кафез или што знам таму, со скоро никаква вентилација и причината за делумното оправање е топлината која е нанесена врз него со чија помош интерните врски се реконектираат или раздвојуваат.
    Процесорот изгледа вака кога е затворен внатре:
    [​IMG]


    Во секој случај, се надевам дека успеав барем малку да ја прикажам вистинската слика околу Reballing-ot и Reflow техниките и нивната апсурдност, и дополнително се извинувам за исцрпниот пост, веројатно не беше залуден :)

    Поздрав, и за многу години нека се празнициве. :)
     
    На bicikle, Pece Elektronika, Krkac и уште 54 други им се допаѓа ова.
  2. STEFF

    STEFF
    Unstoppable

    1,500
    2,256
    4 Јули 2013
    Секоја чест за ова. Админи темава pinned да биде :D
     
    gokica, borcep и на Daniel86 им се допаѓа ова.
  3. prichina

    prichina
    Cuda 5.5

    7,827
    5,008
    24 Мај 2009
    Машко
    Мултимедиа (Филм и Тв)
    Fuck apple..... :) Да направиме вирално видео, сите продукти на Apple од 2007 па надоле, во канда за ѓубре да ги фрлиме :p btw, мислам дека во поскапите модели што се со VA Панели на Филипс, не се сите ѓубре :) Барем оној шо ми е во дневна е со ѓубре софтвер само...пошо знам дека работи 24/7 веќе 5 години...може и плус нешто..Пошо е поквалитетен панел, има и супер агол на гледање, шарпов панел користи uv2a, Итнн.....
     
  4. Daniel86

    Daniel86
    Guru

    2,589
    6,454
    28 Мај 2013
    Машко
    Електроника
    Не знам, уште не ми паднал некој поскап во раце, кога ќе падне, тогаш ќе кажам, BTW, растури го твојот да видиме што има внатре :D или пиши модел :)
     
  5. prichina

    prichina
    Cuda 5.5

    7,827
    5,008
    24 Мај 2009
    Машко
    Мултимедиа (Филм и Тв)
    Моделот е 40PFL6605H / 12 , екстремно користење, скоро 24/7 упaлен во дневна, ектремно добри агли на гледање....проверен според модел, користи шарпов панел u2va, секогаш вграден во High End Моделите на Филипс. И уште еден уствари користат, ASV...ама за тој немам проверено, мислам дека во постарите модели можеби, пошо овој новиот u2va е и 3d ready панел, со потребната технологија вградена....Иако мојот не е 3d.
    - П.С. За ефтините модели на Филипс се слагам дека се ѓубре, од секаков аспект. Панелот им е TN, компонентите се кладам сигурно се такви како на сликите приложени погоре...
    - П.П.С. - А сега најновиве модели на Филипс се out of this world, зборам за high end моделите...
     
  6. igor_igor

    igor_igor
    Unstoppable

    2,095
    3,013
    2 Септември 2012
    Машко
    Даниел не воведе во една нова димензија, интересно во секој случај...;)
    Зш ни еден сервисер не ставил лајк на темава ?:D
     
    На borcep и Daniel86 им се допаѓа ова.
  7. psyside

    psyside
    Rising Star

    24,984
    25,222
    4 Септември 2008
    Aуу маестрален текст, иде важна инстантно, браво Даниел!
     
    gokica, borcep, STEFF и на уште 1 им се допаѓа ова.
  8. prichina

    prichina
    Cuda 5.5

    7,827
    5,008
    24 Мај 2009
    Машко
    Мултимедиа (Филм и Тв)
    tomi едно време беше влезен во reboling филм, пред неколку години :)
     
    На tomi му/ѝ се допаѓа ова.
  9. SaleSk

    SaleSk
    Arzt

    4,593
    5,117
    20 Април 2007
    Машко
    Во принцип има вистина и во кажаното и во напишаното.
    Јас би рекол дека е тоа 50:50. Зависи каква среќа имаш.
    Има многу улога и хемијата тука.
    Зошто?
    Само на кратко, нема да навлагам премногу.
    Дали некој од вас сретнал лаптоп, од оние постарите пред дуал кор, или кор 2 дуо, како год, да се јави на риболинг? Или да има потреба од такво нешто?
    Немој да речете дека тогаш графичките чипови или процесори не грееле. Грееле, да, и повеќе него овие сегашниве.
    Чисто како за споредба АМД процесорите грееа убиваа, да не зборуваме колку трошеа. Еден семпрон или бартон...
    Што ми беше зборот со хемијата.
    Порано се користеше калај кој во себе содржеше олово. Оловото во целата прикаска имаше улога на амортизер на еден начин.
    Попознато како меко лемење и со температура на топење од 180 до 190 степени во зависност од соодносот на калај и олово.
    Во 2006-тата година заради European Union Waste Electrical and Electronic Equipment Directive (WEEE) и Restriction of Hazardous Substances Directive (RoHS) се воведуваат нови стандарди каде што оловото како тежок метал се исфрла од употреба, донекаде, и почнува да се користи таканаречен Lead Free калај. Наместо него во смесата се користат други метали, како на пример сребро, цинк, бизмут, индиум и други, а со самото тоа се зголемува и температурата на топење на тоа соединение за 5 до 20 степени па и повеќе во зависност од секундарниот метал кој се користи покрај калајот.
    Просто објаснето, верувам дека секој од вас имал прилика да види како изгледа олово и алуминиум.
    Алуминиумот е многу покрт од оловото.
    Скоро сите големи електронски компании почнаа да се придржуваат на овие WEEE и RoHS стандарди и своите производи ги прават односно елементите се лемат со безоловните калаи.
    Од тогаш почнаа и најголемите проблеми.
    Практично споевите на елементите немаат толку голема еластичност како порано заради недостатокот на олово.
    Да, се малку температурно постабилни, но еве времето покажува дека таа температурна стабилност, односно девијација на температурата се одразува негативно. Негативно за потрошувачите, а позитивно за големите компании :)

    Едно мало дообјаснување.
    Во случајот на Даниел кој фино го објаснил и документирал, промената на отпорност во зависност од температурата на околината е нешто што е одамна познато кај сервисерите.
    Принципот со греење на фен јас сум го применувал уште точно пред 20 години, бидејќи "ледениот" спреј кој се набавуваше од Грција во тогашно време чинеше многу пари.
    Во овој случај веројатно испаднало дека е проблем во самиот чип.
    Но веројатно зошто?
    Затоа што за да биде 100% точно тврдењето со промената на отпорноста на самиот чип, истиот треба да биде изваден, одлемен, масата да биде на ногичка од чипот, а другата пипка на 85-тиот пин од чипот. Во тој случај треба да се провери дали отпорноста ке се менува во зависност од амбиеталната температура.

    Во секој друг случај, односно како во случајот на Даниел, промената може да биде резултат на промена на отпорноста заради девцијација на водовите, промена на внатрешната отпорност на некој од соседните елементи во колото итн итн итн заради промена на амбиенталната температура . :)

    Јас искрено до сега сум имал десетина позитивни искуства само со риболинг на грефички чипови.
    Во некои случаи дури и само со загревање на чипот, а во други со комплетно вадење, чистење и враќање на истиот чип.

    Не ретко се случува и самиот чип да е дефектен, но при загревање нема никаква разлика, односно промена во артефакти, он/офф и слично.

    Како год, секоја чест за трудот и деталното објаснување.
    :)
     
    На masterficx, Krkac, Lokvan и уште 17 други им се допаѓа ова.
  10. Daniel86

    Daniel86
    Guru

    2,589
    6,454
    28 Мај 2013
    Машко
    Електроника
    Сале, мило ми е што како лице со големо искуство во електрониката, се вмеша во дискусијава, го ценам тоа, затоа што искрено ни требаат вакви дискусии на форумов. :)

    Се сложувам со тебе во врска со квалитетот на производство некогаш и сега, безоловниот калај си го направи своето, и тука страда само народот, а профитираат произведувачите, и не знам до каде ќе стигне цела таа фарса, само знам дека не е во ред. Дискутиравме со тебе и на еден друг форум во врска со едно појачало, страдалче од безоловен калај со измешана содржина на дисплејот :)

    Но за една работа не можам да се сложам, а тоа е следново:

    С'га ќе елаборирамо колко знаемо и ни фаќа мозак :)

    Зошто не се сложувам? Затоа што сметам дека тие одстапувања би се случувале и на изваден чип, кој ете за беља не го проверив "offline" па настанува дилема сега.

    Тие одстапувања сметам дека се случуваат интерно во чипот, независно каде се наоѓаат мерните сонди, на видеото се гледа дека кога се приближува врвот од леткумот кон средината на чипот, инстантно се намалува отпорот према маса, а според datasheet-от, а и според моето размислување, LVDSPLL претставува клок за процесорот, дали за него, или за LVDS LG дисплеј чипот од T-CON делот на матичната, без разлика, и треба да содржи 1 волт во работна состојба, што е случај и тука, тој 1 волт го има при работа, меѓутоа интерно е во куса врска со GND, а знаеме што се случува кога ќе се скусат позитивна волтажа со GND, реагира заштитата од напојувањето, и тв-то оди во StandBy режим, а притоа процесорот се уште се обидува да го вклучи телевизорот, меѓутоа за среќа напојувањето не дозволува.
    Ете затоа не се сложувам со тебе во тој дел, без навреда секако, само дискутираме :)
    Но еве за да ти направам мерак, а баш и мене ме закопка, кога ќе имам време, ќе го извадам чипот и ќе снимам и постирам видео од мерењето, или ќе те рушам тебе, или себе :D

    Можам точно да елаборирам зошто работеше првиот пат толку време, само не сакав да го тупам во првиот пост. Не го залемив GND thermal pad-от, 257 пин, па нормално, кога тој пин не е во куса врска со GND-то од напојувањето и матичната, не може да прави инстантни проблеми нели :) вака само е во куса врска со LVDSPLL пинот, а процесорот од никаде не го добива она аналогно GND освен преку 257-миот пин, кој при ширење на плочата, а воедно и процесорот, секако ќе допре на GND, и ќе направи да отиде телевизорот во StandBy.
    Впрочем, генерално, тој некојси клок се одредува со одредена фреквенција, генерирана од внатрешни кристални осцилатори во самиот чип, кои се осетливи на температурна промена, нормално, како и секој осцилатор, осетливи се и на механички стрес.

    И ај доста е, се уморив од пишување денес :)
     
    На Astro, bokiscout, gokica и уште 2 други им се допаѓа ова.
  11. alek99

    alek99
    Gaining Experience

    444
    365
    28 Јануари 2008
    Машко
    По мене, тој стандард е тивок убиец нa електронските плочи (PCB).
    Не е само крутоста и температурата во прашање, туку има и низа други поплаки на тој стандард.
    Има повеќе за тоа на Вики кој го интересира. Јас ќе наведам само еден проблем од мое искуство. Имено се работи за проблемот на оксидација на ПЦБ-ата направени по RoHS стандард. Се манифестриа како црна прашина која се наталожува на „сребрените„ контакти/водови на плочите. Во рака ми паднале десетици електроники од HDD-a и други уреди така поцрнети, нормално нефукционални. Тоа е како црно-сива прашина што лесно се отстранува, но после бришењето се приметува дека водот/контактот е оштетен/нагризан. Ова го немаше на старите PCB-a, во поново време станува пракса, и нормално го скратува векот на уредите.
    Ич не ми се свиѓа, ама така смислиле стручњаците од Брисел.
     
    На Krkac, gokica, SaleSk и уште 3 други им се допаѓа ова.
  12. alek99

    alek99
    Gaining Experience

    444
    365
    28 Јануари 2008
    Машко
    Ги копка и другите, не е лошо да пробаш и на други позитивни пинови
    према GND да го тестираш отпорот. А во меѓувреме нарачај си еден чип од кај кинезите, гледам 10тина долара се.
     
    gokica, SaleSk и на Daniel86 им се допаѓа ова.
  13. HardCorec

    HardCorec
    Unbeatable

    3,141
    4,361
    4 ноември 2013
    Машко
    @Daniel86
    Секоја чест другар!
     
    borcep, gokica и на Daniel86 им се допаѓа ова.
  14. tomi

    tomi
    Guru

    9,875
    9,115
    16 Април 2007
    Машко
    Невработен
    Браво многу убаво објаснето, ценам ваква тема.
    Она што сакам да го кажам е дека од кога оловото се исфрли поради тие закони, се отиде во ку*ац, чим фирми од типот на apple, alienware и слични високо квалитетни фирми кој многу внимаваат на стандардите и условите на изработка на самиот уред, чим кај нив тоа се случува да не правиме за другите лап топи кој се продаваат како ниска класа кај нас.

    Но тука не е проблем само во калајот кој се вградува на плочките, туку многу зависи и од каде доага таа пцб плочка, колку тестови и фази на проверка поминала односно инспекција и слично. Овие информации никој со точност нема да ви ги каже затоа што ги знаат само оние што се во врвот на компаниите. Она што го знам е дека фирма во македонија која произведува пцб плочки за извоз, за многу познати фирми во автоиндустријата и слично, знам дека барале од нашата фирма, на плочките наместо Made in Macedonia да пишува Made in Germany или други имиња на држави, тоа е сам показател дека се прави криминал на големо и никогаш неможеш да знаеш на што квалитет ке улеташ.

    Што се однесува до Reflow-то, тоа никогаш не е за долги патеки, тоа е колку да заебеш човек и да му ги лапнеш парите.

    Што се однесува до риболингот, тоа е една мн стваро тешка операција кој не секој би можел да го работи квалитетно. Од мое искуство се покажало дека 10 посто од лап топите е потребно да се купи нов чип и да се залеми, 70 посто од лап топите прогаат одлично само со риболинг односно презалемен стариот чип, и другиот дел од проценти односно 20 посто се лап топи кој и 100 пати да ги презалемиш и да купиш нов чип едноставно не држи долго.

    Најголемиот проблем од кога ке се направи риболинг кај обичниот корисник е што од кога ке му се каже после секој 6 месеци или година дена да се донесе да се исчисти он не доага затоа што мисли дека тие 1000 денари ке му сменат многу во животот.

    Не се сложувам дека риболингот е скапа операција во Македонија, јас мислам дека на пазаров има многу реални и приступачни цени. Риболинг луге прават од 2500 до 4000 денари макс, а иста таква матична плоча за лап топ половна сигурно нема да ја најдеш испот 100 евра, за ново да не правам ни муабет.
     
    На bokiscout, borcep, gokica и уште 2 други им се допаѓа ова.
  15. FLEGMA

    FLEGMA
    Epic

    8,384
    12,508
    2 Август 2012
    Машко
    НА човекот преку ред да му се даде титула Sensei, доживотен бесплатен бурек по желба и кол герли колку му душа сака :)
     
    На Pece Elektronika, Rac58, nik0la_ и уште 4 други им се допаѓа ова.
  16. bogoevski

    bogoevski
    Unstoppable

    1,685
    2,662
    29 ноември 2009
    Машко
    Сваштара
    Клучно е што живееме на улица со име и презиме.
    НИКОЛА ТЕСЛА :)
     
    На borcep и Daniel86 им се допаѓа ова.
  17. Daniel86

    Daniel86
    Guru

    2,589
    6,454
    28 Мај 2013
    Машко
    Електроника
    Никола Тесла, ака Коле Мотичето :)
     
    На bxxxn му/ѝ се допаѓа ова.
  18. bogoevski

    bogoevski
    Unstoppable

    1,685
    2,662
    29 ноември 2009
    Машко
    Сваштара
    Би дополнил пар збора од моето скромно искуство, секогаш кога сум правел reballing проблемот бил контакт а се должи на тоа што во новите генерации на лактопи се користи чист калај поради RoHS Не смее да се користи олово, а оловото ја дава флексибилноста на нагли промени на температурна и струјна дисипација кај процесорите, било графички било какви и да се. До сега имам еден неуспешен од 20-30 успешни, само тој еден после 5 месеци почна повторно да јавува артифакти.

    Секогаш користам 60% спрема 40% калај/олово, ме боли пенис дали е штетно.
    30 хебани лактопи повише ќе ја загадат околината отколку 30 поправени со олово.

    Плус: Не сум мењал чип, секогаш стариот.
     
    На masterficx, milet, Krkac и уште 7 други им се допаѓа ова.
  19. SaleSk

    SaleSk
    Arzt

    4,593
    5,117
    20 Април 2007
    Машко
    Да го мереше на изваден 100% е дека е до чипот...
    Но во коло врзан, незнам...Немам памет :D :D :D

    Затоа и реков 50:50...

    Инаку никогаш не можеш да бидеш 100% сигурен за мерење на плоча, дури ни БУ508 кога го мериш, мораш да му откачиш барем една нога за да го одмериш како што треба (омски) :D :D :D kај старите ТВ-а :D

    И мене ме занима исходот :)
     
    bokiscout, gokica и на Daniel86 им се допаѓа ова.
  20. Daniel86

    Daniel86
    Guru

    2,589
    6,454
    28 Мај 2013
    Машко
    Електроника
    Момци, некој бараше доказ? @SaleSk :rolleyes:

    Не фотодокументирав баш од најблиску, ама прилично се гледа што како е поврзано.

    Ова е 257-миот пин, или thermal pad/GND
    [​IMG]

    Пинот број 85 не го сликав, стварно не можев никако да фокусирам, па се откажав, добро што успеав да го залемам и да измерам.


    Изволте :)



    Доволно добро? :D
    Повелете со коментари и забелешки, а може и да продискутираме околу оваа ситуација и зошто се случуваат вакви дефекти. :)
     
    Krkac, gOJDO, alek99 и на уште 1 им се допаѓа ова.
  21. Banjifiko

    Banjifiko
    Unbeatable

    2,963
    4,111
    28 oктомври 2008
    Масовно производство со површна контрола на квалитет?
     
    Krkac, Daniel86 и на SaleSk им се допаѓа ова.
  22. SaleSk

    SaleSk
    Arzt

    4,593
    5,117
    20 Април 2007
    Машко
    Одлично.
    Ова е веќе фатено на дело.
    :)
    Инаку да, се се сведува на масовно производство.
     
    На Daniel86 му/ѝ се допаѓа ова.
  23. kjosmofon

    kjosmofon
    Баниран/a

    3,764
    5,730
    7 oктомври 2011
    kalfa
    1. Реболинг функионира, 10К +++ направени до сега од кои 70-80% никогаш не биле на повторен сервис и работат со години
    2. 90% од случаи проблемот е во кугли а настанува поради лошо ладење. затнат систем за ладење или заборавен термален пад. Чиповите знаат да одат над 100 цел па калајот напукнува и нема контакт, со загревање се решава али краткотрајно.
    3. Лаптопи со амд процесор и нвидиа графика (2008-2010 год овие се шпорети кои најповеќе греат како павилиони и сл) кои се чистени стручно и на време не се расипале никогаш
    4. Како што спомна Томи има лаптопи кај кои и нови чипови не работат долго, кај нив највероватно е проблем до плочата, од многу темературни промени дошло до прекин или проводност на самиот изолатор, и кај нив нема спас.
    5. Не верувајте на секое видео на тубето, и големите фирми како јаболкото, делл, хп, имаат сервисни центри каде прават и реболинг и менуваат чипови, сите имаат барем по еден ваков центар во ЕУ и по еден во Кина.
     
    Последна промена: 22 Јануари 2016
  24. Astro

    Astro
    Guru

    6,106
    8,296
    20 Јуни 2012
    Машко
    ERP Consultant, MCSA, SQL
    А замисли кога 30-те поправено со олово ќе се заебат :)
    Те боли пенис тебе у секој случај :) битно да се заврши работа :D
     
    На bogoevski му/ѝ се допаѓа ова.
  25. prichina

    prichina
    Cuda 5.5

    7,827
    5,008
    24 Мај 2009
    Машко
    Мултимедиа (Филм и Тв)
    А, во принцип, типот во Видеото, "Рекламира" да купувате нови производи во глобала...заклучокот на тоа му се сведува :) Доста ефективно видео од типот, стручно објаснето :)
     
Слични теми
  1. boris.edr
    Одговори:
    10
    Прегледи:
    2,017
  2. bruteforce
    Одговори:
    10
    Прегледи:
    1,931
  3. Tawe
    Одговори:
    2
    Прегледи:
    791
  4. Jedah
    Одговори:
    1
    Прегледи:
    725
Вчитување...

Сподели

Вчитување...