Прва работа како самоук програмер

Еве пример : И мене ме бива да поправам тв али не сум сигурен таму у фирмата какви тв ке поправам . Немам диплома , некој сертификат или документ за да му докажам дека ме бидува. А тие таму бараат диплома со таа струка , препорака и т.н не играат на слепо ко некои мајстори што бараат чираци за ич паре... Фирми се овоа. Би ти препорачал да идеш на некои курсеви каде што би се стекнал со некоја диплома , сертификат и т.н за да ти послуже како доказ за пред идниот работодавец.

 

За второто прашање, бапни ги проектите што ги имаш правено на GitHub. Кога ќе аплицираш, прати им го линкот па да може да видат дали ти е читлив кодот, колку си педантен, и какво знаење имаш. Ако те бива, не ти треба диплома. Познавам доста 'дебили' што биле на факултет и не знаеле да принтаат една линија во конзолна апликација, па сега се вработени како програмери.

 

Не ти требаат папири, сертификати, дипломи.... И кога сме веќе кај нетребање, не си требал Јава

 

Еве ти братче, сертификат од Семос би ти помогнал многу.. Семос Едукација

 

Што требало според тебе, и башка што и фали на Јава?

 

Не функционира така светот, џабе диплома и сертификат доколку некој е муле и нема знаење. Голем број од фирмите со кој сум имал соработка имале тенденција да ги повикаат на интервју сите кои се пријавиле, нормално на тоа интервју да им дадат тест и доколку го поминат тестот да одат на посериозниот дел.

 

пробај тука, ќе видиш што стварно се бара и колку те бива.
Потребни се фриленсери за хонорарна работа

 

на тв слушам програмерите биле најплатени по 50 илљади во кој фирми тоа дали е точно

 

1. Многу голема. Дефицитарен е цел свет за програмери, плус во ниедна фирма во која сум бил на интервју во земјава и странство никој не ме ни прашал за диплома. Откако ќе го поминеш првото интервју кое е муабет со претпоставените, ќе знаат тие што ги очекува и за потврда 90% од фирмите ќе ти дадат практичен тест.

2. Направи си CV плус направи си LinkedIn профил, имаш можност да те најде некој или да аплицираш директно преку платформата. Проектите стави си ги на GitHub.

3. Направи си профил на UpWork остај што имаш можност за да се тестираш, имаш можност и да фатиш некое freelance проектче.

Сериозен си со ова?

 

Све е точно. Само да додадам - прифати било што. Само нека тргне. За да не се прашуваат работодавачите зошто немаш работа... (нели за понатаму кога ќе бараш работа)

 

Направи си профајл на Linkedin, Upwork (не мора да работиш нешто, гледај профилот што подобро да го направиш). Закачи на github тоа што мислиш дека е добро според тебе. И да.. очекувај да ти ги тестираат знаењата на интервју

 

Би ти препорачал да поработиш за безпари. Можеби некои нема да се согласат со мене, ама тоа е добар начин за да мрднеш од мртва точка.
Не платена пракса? Океј. На овој начин ќе можеш:

• да научиш нешто ново од колективот кој таму работи
• тимска работа, ова дефенетивно ќе ти притреба понатаму
• да се истакнеш, со возможност за понатамошно вработување или барем ќе добиеш препорака

Ова правило важи за поголеми компани и никако не важи за групи од 2-3 програмери.
Доколку имаш знаење, трудољубив си и имаш потенцијал - ќе те забележат! Веќе напиша DareDevil дека добар програмер е дефицит на пазарот.
Исто така паралелно работи на некои сопствени проекти и нека бидат прикачени на Github. Со тоа што ќе работиш над тие проекти ќе стекнуваш дополнително знаење, а кога ќе се обидуваш да се вработиш ќе можеш да покажеш што знаеш.

Било какви димпломи ќе ти бидат мал плус, ама никогаш главна причина за отказ за работа.

Исто, доколку се чувстуваш уверен - барај да ти дадат барем неколку тест задачи. Дури и да не решиш ништо, не губиш ништо.

 

Да, сериозен сум. Мислам дека може да полага сертификат, без да оди на настава. Си има некоја цена, но со сертификат/диплома многу полесно се влегува на работа, ако веќе сака да работи за некој друг. Голем дел од фирмите нема ни да го погледнат ЦВто кога ќе видат дека нема диплома.

 

Ако има добро портфолио, не само што ќе го погледнат туку одма и ќе го контактираат
Имам неколку колеги кои немаат завршено факултет и немаат никаков сертификат, а се Team Lead со страшно познавање во тоа што го работат.
Сертификатот буквално ништо не значи, јас кога правам интервјуа за кај мене во фирма воопшто не го погледнувам тоа.
Знаеш колку луѓе има со купени дипломи, а незнаат што е програмски јазик?
Техничкото лице кое ќе го прави интервјуто одма ќе процени дали има познавање и колку, а практичниот тест само ќе го потврди тоа.
Ако веќе троши пари подобро нека ги вложи во некој проект што ќе го покаже неговото практично знаење или да научи нешто ново онлајн.

 

Доста добри совети ти дадоа овде на темава, моја препорака ти е да ги послушаш сите. Тотално е различно искуството и знаењето што ќе го стекнеш на работа, за разлика од дома. Почни да се нудиш за безпари по поголемите фирми во Македонија и гледај што е можно повеќе да се докажеш додека си таму.

Битно е пробај се на интервјуа, и сите да те одбијат ќе научиш од искуството и нареден пат ќе знаеш на што треба да обрнеш внимание, ќе видиш дека поголемо значење има сопствената харизма која треба да ја оставиш на интервјуто, него вистинското знаење.

Како и секоја професија и тука ти се потребни врски, распрашај се по пријатели и роднини дали имаат контакт со некои од фирмиве да ти обезбедат барем интервју. И не ми почнувајте со идеологии: „самото знаење ќе ти донесе работа“. Сите сопственици и менаџери преферираат препорачан човек од доверба.

Широко портфолио на сопствени проекти според мене е најдобар начин да оцениш поискусен програмер, не е битно и 90% од кодот да е “позајмен“ од интернет, битно е да го разбереш и спроведеш како што треба, кога треба. И онака кога ќе почнеш да работиш, најголемиот дел од времето ќе го поминеш читајќи stackoverflow за да видиш зошто нешто не функционира.

Не се срами да позајмуваш код од интернет, зошто да мозгаш решение за некој проблем сам, кога илјадници други луѓе го имале истиот проблем и го споделиле решението на интернет. Точно повеќе искуство ќе стекнеш сам ако го решиш проблемот, но ќе изгубиш тон време. А брзината е најценета работа кај програмерите.

Додуше никогаш не сум работел професионално со програмирање, тотално различна професија имам. Чисто аматерски програмирам во C, одличен јазик за да ја научиш сржта на компјутерската архитектура, но сигурно еден од најбескорисните јазици за наоѓање работа во Македонија, така да не знам колку од ова што го зборам е точно.

Како и да е, со среќа во твојата идна посакувана професија. И за крај уште еден совет. Батали аргатска работа, подигни кредит и вработи аргати да програмираат за тебе, ти само иди бркај проекти да наоѓаш и лапај го најголемиот дел од колачот.

Поздрав.

 

Не го слушај Мултипасс , он користи /n.

 

Уште еднаш - секое искуство у фирма е сто пати подобро од било што друго. Макар и без пари. Да те стават у огин, па после ќе научиш

 

Во право си, но со дипломата има предност пред друѓите во интервју, ако нема портфолио и нема диплома/сертификат, нема ни да го викнат на интервју.

 

Дипломата може да ја закачи на цид и да и се пули во оваа струка. Особено во приватен сектор.
Исто така легендата вели: колку повеќе и се пулиш поголеми се шансите да те вработат пред тој без диплома.

 

Инаку има разни сертификати што не се плаќаат и може од дома да ги полагаш. Почни со нив