Препораки и совети за избор на монитор

Ми треба помош во избор на нов монитор. Веќе подоста време не пратам новотарии во хардвер, и не сум во тек - иако последниве неколку недели гледав да се информирам донекаде.

Тоа што го знам е следново, сакам IPS монитор, брзината на освежувањето не е небитна но е споредна во однос на квалитетот на приказот на сликата. Би сакал екранот на мониторот да е glossy но тоа е споредно, не е голема пречка и matte или нешто на средина. Дијагоналата ~24", но може и 23". Се мислам и за 27", и малку се плашам дека е преголем (пингвин ефект со шетање на главата лево-десно), ќе прошетам деновиве да разгледам малку иако не е исто да разгледуваш монитор на излог и на работна маса.

Буџетот е прилично растеглив, од една страна би сакал да поминам поевтино (претпочитам best-buy производи) но од друга страна не сакам да штедам на хардвер кој подолго се користи и е главен интерфејс кон компјутерот.

Намената е сваштаристика, никакви посебни побарувања. Понекогаш сакам да играм игри, но се поретко. Од тој аспект немам некои специфични реални потреби, но едноставно сакам монитор со добар квалитетен приказ и на кој ќе може да се поигра без некој изразен блур или инпут лаг.

Значи многу дилеми, а само еден избор.
Ќе бидам благодарен за секакви предлози, и мислења.


Неколку конкретни прашања:
- Мислење за LG 23MP47HQ (ми го нудат за интересна цена)
http://www.lg.com/us/monitors/lg-23MP47HQ-P-led-monitor

Знам дека мониторов има само HDMI од дигиталните приклучоци, и тоа не ми е проблем. Имам и добар статив од друг монитор. Ме интересира најмногу квалитетот на приказот на сликата.


- Колкава е реално разликата во квалитетот на приказот меѓу DELL 23.8" P2414H и DELL 24” U2412M?
Разликата во (вертикалната) резолуција, и работите како додатни портови за поврзување, усб портови, статив со менување висина и ротација, итн - не ми се од посебно значение.


- Каде е позиционирана S серијата на Dell, во однос на P и U ?


- Препорака за монитор од Dell S серија, и мислење за
Dell S2415H и за Dell SE2716H. И генерално општи препораки и совети за наведените или било кои други монитори, по ваше лично видување.



П.С. Извинување за ѕидов од текст, почнав со намера да биде краток и концизен. Потфрлив и во двете намери.