Препорака лаптоп за факултет (ФИНКИ)

[100JKO]

Како што пишува во насловот, ми треба препорака за некој лаптоп за студирање бидејќи сега почнувам на ФИНКИ (Ако е битен и смерот, Компјутерско Инжинерство).
Буџет - околу 50-55к. И мора да може локално да се купи.
Од другари што се запишаа исто со мене на ФИНКИ ми предложија (и имаат земено) гејмерски лаптоп ама не сум експерт на тема со Лаптопи и затоа прашувам тука што би било најдобар избор: AMD или Intel, што е подобро? Дали графичка ќе прави голема разлика во мојот случај?

Секое мислење е добредојдено. Ви благодарам на вниманието.

 

[Jovan.T]

Доколку планираш да играш игри или пак да развиваш во иднина, најдобро е да земеш со графичка. До душа во секој случај, ако веќе даваш 50к земи со графичка. Тоа Интел или АМД зависи од конкретниот процесор. Јас не ги пратам многу да ти предложам конкретно.

 

[wolverine]

Од лично искуство како студент на ФИНКИ, ќе те посоветувам дека нема потреба од скап лаптоп или Мекбук, земи обиечн лаптоп од 30к до 50к секој 4-8 јадрен Ryzen ќе ти заврши работа, гледај повеќе storage и RAM да има. Има два три предмети што се специвфични, бараат специфичен оперативен, пример ако земаш изборен предмет Визуелно програмирање ќе ти треба Windows пошто се учи изработка на апликации на Windows (Microsoft Winforms, Wpf, итн). Ако земаш предмети кај што се учи изработка на iOS apps во Swift ќе ти треба Мек. Графичка само ако играш игри, не верувам дека ќе ти треба за други работи или освен ако не забегаш по 3д моделирање, game development и тн, тоа ти е се по твој избор. Сите други предмети може да се тераат на било кој оперативен и на најслаб лаптоп. Среќно.

 

[stefan_mkd]

Mac Book Air M1 512Gb - Повеќе од довлоно моќен за работа во наредни години и најдобра изработка во ценовен ранк. Батерија трае доволно долго да на факс одиш без полнач.

 

[Banjifiko]

Mac Book Air M1 512Gb - Повеќе од довлоно моќен за работа во наредни години и најдобра изработка во ценовен ранк. Батерија трае доволно долго да на факс одиш без полнач.

Не верувам дека влегува во буџетот од 50-55К

 

[stefan_mkd]

Не верувам дека влегува во буџетот од 50-55К

Море стварно рипнале цениве еј... Ако не е итно, претпоставувам може да се начека понуда на Жирафа или Ајстајл.

 

[100JKO]

Доколку планираш да играш игри или пак да развиваш во иднина, најдобро е да земеш со графичка. До душа во секој случај, ако веќе даваш 50к земи со графичка. Тоа Интел или АМД зависи од конкретниот процесор. Јас не ги пратам многу да ти предложам конкретно.

Пасија ми беше едно време да развивам игри ама нажалост тука немаме таков пазар (само 3 компании знам Furious Avocado, Dark-1 и Napnok Games).

Од лично искуство како студент на ФИНКИ, ќе те посоветувам дека нема потреба од скап лаптоп или Мекбук, земи обиечн лаптоп од 30к до 50к секој 4-8 јадрен Ryzen ќе ти заврши работа, гледај повеќе storage и RAM да има. Има два три предмети што се специвфични, бараат специфичен оперативен, пример ако земаш изборен предмет Визуелно програмирање ќе ти треба Windows пошто се учи изработка на апликации на Windows (Microsoft Winforms, Wpf, итн). Ако земаш предмети кај што се учи изработка на iOS apps во Swift ќе ти треба Мек. Графичка само ако играш игри, не верувам дека ќе ти треба за други работи или освен ако не забегаш по 3д моделирање, game development и тн, тоа ти е се по твој избор. Сите други предмети може да се тераат на било кој оперативен и на најслаб лаптоп. Среќно.

Благодарам на советот, ќе го земам сето ова во предвид пред да купам. Инаку, ако смеам да прашам, кој смер си/си бил на ФИНКИ?

Mac Book Air M1 512Gb - Повеќе од довлоно моќен за работа во наредни години и најдобра изработка во ценовен ранк. Батерија трае доволно долго да на факс одиш без полнач.

Секогаш сум бил скептичен за Apple производи. Не ја гледам нивната примена освен ако имаш цел комплет iPhone, iMac, Mac Book итн...
Еве имате шанса вие што сте фанови на Apple производи да ме разубедите зошто е подобро. (Барам есеј од 250-350 зборови, +- 10 дозволено со воведен, главен и завршен дел.)

Не верувам дека влегува во буџетот од 50-55К

На старо/Користен.

 

[kebe]

Mac Book Air M1 512Gb - Повеќе од довлоно моќен за работа во наредни години и најдобра изработка во ценовен ранк. Батерија трае доволно долго да на факс одиш без полнач.

Во никој случај било што од Епл.
1. Преценети
2. Софтверот е тиња. И Линукс и Винодус се подобри од Макос.
3. Конкреттно Мак Бук Ер е 13 инчен лаптоп. Тоа е повеќе таблет отколку лаптоп, и толку мал „лаптоп“ (од било кој производител) е корисен само за пишување електронски пораки и сурфање на интернет. Мал „лаптоп“ не е за работа.

 

[gloria borger]

Во никој случај било што од Епл.
1. Преценети
2. Софтверот е тиња. И Линукс и Винодус се подобри од Макос.
3. Конкреттно Мак Бук Ер е 13 инчен лаптоп. Тоа е повеќе таблет отколку лаптоп, и толку мал „лаптоп“ (од било кој производител) е корисен само за пишување електронски пораки и сурфање на интернет. Мал „лаптоп“ не е за работа.

1. Преценети - Лаптоп со најголема вредност за цената затоа што е ќе ти истрае најмалку дупло повеќе од било кој Windows лаптоп. Да не правиме муабет за батерија и целовкупен квалитет на изработка на мек и на windows лаптоп од 50к. Преценет лаптоп можеме да кажеме за windows лаптоп од 35к.
2. Софтверот е тиња - macOS е светлосни години испред Windows и Windows нема никогаш да го стигне, дури и ако macOS остане како што е денес, а Windows продолжи во девелопмент неколку милиони светлосни години.
3. Конкреттно Мак Бук Ер е 13 инчен лаптоп. - Да, 13 инчен, не 6.7 инчен. Разликата од 13 инчи до 15 инчи е занемарлива. И двата се мали.

 

[mdeni]

Најголемиот проблем за реални корисници на OSX се контрол и неконтрол и команд и некоманд копчињата. Ова е најголем проблем зошто е непоправливо, тоа е тоа и толку.

Втора клучна работа за реални корисници е немање на таскбар. Ужасен менаџмент на прозорци има OSX. Има некои крпеници за да се оправи работата, ама проблемот е многу присутен.

Другото ај некако се оправа и се поднесува, како фајл менаџментот, како апликациите и инсталации и бришења, барање на нативни апликации и недостаток.

Од друга страна за сурфање, и за „контент креација“ и за куцање блогови, како и било која работа во еден софтвер кој нема многу мултитаскинг со други прозорци и слично е супер.

Батерија и батериски менаџмент има беспрекорен. Ова е толку многу добро што само заради ова едвај се додржувам да ги трпам оние одвратни глупости од погоре. Ама едноставно не дава душава. Пробувам, на неколку наврати, ама не се трпат едноставно.

Екрани имаат супер.

Тастатури супер.

Тачпад супер.

Не ти треба пират зошто си има оперативен систем, пејџес, намберс, киноут беспари...

Ама тоа првите пасуси... гангрена. Загноена.

 

[kolesk]

Стискај или чекај акција на макбук. Гледам во Немачка е 900 евра, верувам ќе падне и кај нас.
Добиваш брз уред, добра батерија, и ќе легнеш повеќе колешки, отколку некој со делл.

 

[100JKO]

...ќе легнеш повеќе колешки, отколку некој со делл.

Ама Макбук Аир е 13 инчен, додека Делл и другиве се 15 инчни. Does size matter? Доста луѓе би се согласиле дека е битна големината.

Шала на страна, не купувам Dell повторно во живот. Моментално овој што го имам Dell Vostro е стварно катастрофа иако има океј спецификации за сурфање на веб, сепак сецка доста и кочи на chrome. А исто така, 3 пати инсталирав Linux distro и 3 пати го избриша и како да не постои. Како subtle message ми дава дека Linux не го бива или нешто.

 

[Banjifiko]

Уште една тема која се сведе на јабучари vs сите други. Само еден член пиша конкретно за тоа што е и поставена темата: најсоодветен лаптоп (јадра, меморија сториџ) за студии на Финки

 

[mdeni]

Ryzen, 16gb ram, 512gb nvme, oled 15инча, 60wh батерија.

 

[stefan_mkd]

Ама Макбук Аир е 13 инчен, додека Делл и другиве се 15 инчни. Does size matter? Доста луѓе би се согласиле дека е битна големината.

Шала на страна, не купувам Dell повторно во живот. Моментално овој што го имам Dell Vostro е стварно катастрофа иако има океј спецификации за сурфање на веб, сепак сецка доста и кочи на chrome. А исто така, 3 пати инсталирав Linux distro и 3 пати го избриша и како да не постои. Како subtle message ми дава дека Linux не го бива или нешто.

Јас сум на 13 инчи МБП и не би го менувал за поголем. Бенефитите од пренослив лаптоп ми се далеку позначителни од поголем рабоетен простор. Кога ми треба екран, палам 24 инчи.

Изработка, квалитет на екран, батерија, тастатура, тачпед и звучници се врв во ценовен ранк и тоа како се приметува.

Промената од Винодус на осХ ќе трае некое време и може да те лажам дека нема да ти фалат некои ситници, но се е ствар на навика. Прифати промена и терај понатаму, а не кенкај на форуми ко некои .

Од друга страна, аргументите за виндоус се познати и не би ги коментирал. Сите сме израснати на него и ни е „мајчин“ ос.

 

[thrw]

Се надевам нема да бидам разбран како застапник на една или друга страна во тоа дали вреди да се вложи пола од цената во брендот отколку перформансите што ги нуди лаптопот, ова важи и за оние посточките брендови што напукуваат големи брендови маржи за квалитет што нема врска со „apple“

Ова е моето искуство:
Јас завршив Финки во КНИ(старата програма) и пола студирање се „грабав“ со моите родители и роднини за земање за нивните лаптопи за работа. Односно немав лаптоп до 3-та година и само имав еден солиден статички систем зошто долго време мислев дека лаптопите се печки што топлат колена и се со краток рок на траење(нема потреба да ме убедувате, тоа било во минатото).
Поради тоа што Алгоритми и Податочни Структури беше бурно и не можеше еден ден без лаптоп да се појавам, истото и за База на Податоци и некои од изборните предмети со работа во облак или со високи перформанси; успеав некако да се задолжам и да си го исплатам после 4-та година лаптопот. Нешто што ми фалеше е што лаптопот беше многу спор при стартување. Земав лаптоп колку да се каже и имав големи проблеми со предметот со високи перформанси зошто 4 „гигабајти“ „рам“ меморија беше толку лошо што само издржуваше 15-30мин каде поради спората пресметка и проток на податоци ме исклучуваше серверот на Финки па професорот го намести серверот да работи во помала количина на податоци за да можеше серверот да не го исклучи. Процесорот чинам беше „A12-9730P“ и мислам не беше нешто проблем за работа. Кога дојдов во 4-та година, софтверите за Податочно Рударство и Паралелно програмирање многу се мачеа на мојот лаптоп и дури паднав на колоквиум поради тоа што целиот проект се коруптираше при пишување код.

Да не одложувам многу со темава, јас силно препорачувам да земеш 6 јадрен процесор со архитектури од 2019 навака(важно е само доколку сакаш помала потрошувачка на струја да одиш со „АМД“ а работата со „Интел“ е што повеќето програми-во годината на мои студии беа посредени да работат со него). Колеги имаа проблеми со предметот „микропроцесори“ зошто имаа многу стари лаптопи на „АМД“, јас само на почетокот превземав една библиотека за емулација на инструкциите од Интел и во ред си беше до положување.
Друго што препорачувам е минимум 12 „гигабајти“ „рам“ меморија и пола „терабајт“ склад меморија зошто ќе правиш многу многу тест кодови што ќе бидат неоптимизирани. Во врска со екранот, сум чул и за и против користење на помали екрани. Немам силно мислење дали мора да биде 15,13,17 инчи. Оставам на претходните мислења, во пракса ти значи зошто ќе имаш повеќе прозорци отворени што ќе бидат текст процесор, работна околина за код, сигурно некоја презентација/видео/документ, и над тоа потребните софтвери за работа во крајните години на студирање што се движат од многу лоши до многу добри со спецификациите што ги бараат. Ако имаш потреба да работиш во „Адобе“ програми, последните верзии многу ама многу бараат од минимум спецификации за работа.

Ако ти значи, имаше професори и студенти со „мак“ лаптопи и извноредно си работеа на нив ама некогаш, имаше арогантни асистенти кои ги тераа сопствениците на „линкус“ и „мак“ оперативни системи да прават виртуелки за „виндоус“ да речам беше изолирано отколку често сценарио од колега до колега(претпоставувам некои машини беа толку стари немаше друга опција).

Благодарам однапред за трпението и времето посветно на читање на овој долг текст.

 

[sasemkd]

Laptop Dell precision 7720 i7 7920HQ

Dell Precision Mobile Workstation 7720 Manufacturer Refurbished Intel Core i7-7920HQ Processor (Quad Core, 3.1 to 4.1GHz) 16GB 2400MHz DDR4 Memory NVIDIA Quadro P4000 256GB ssd nvme 2 slot ssd nvme...

forum.it.mk

40000 den
bez ssd

 

[SiPy`]

Имаш солиден буџет за лаптоп и треба да размислиш на каков тип машина сакаш да ги потрошиш. Во суштина за твојот буџет има 3 вида на лаптопи:

1. Гејмерски
Овој тип на лаптопи не ти го препорачувам од причина што е тежок, габаритен и со многу послаби перформанси во однос на батеријата.
Големина 15.6“/17.3“

Anhoch PC Market Online - Notebook HP Pavilion Gaming 15 Ryzen5 5600H 8GB/512GB SSD/RTX 3050 4GB/15.6" FullHD/DOS

Anhoch PC Market Online Лаптопи и опрема Преносни компјутери (Лаптопи) Notebook HP Pavilion Gaming 15…

www.anhoch.com

2. Best Bang for Your Buck
Ефтина изработка, слаб дисплеј, океј перформанси на батерија, НО одлични во однос цена-перформанси.
Големина 15.6“
Ултра буџет + рам - https://www.anhoch.com/product/5992...-5300u-4gb256gb-ssd156-fullhddosultraslimgray

3. Ultrabook/Light & Portable
Ова е категоријата што мислам дека тебе ти треба. Главните карактеристики на овој тип лаптопи се одликуваат со добра/квалитетна изработка, солиден дисплеј и солидна батерија. Во заден план се ставени процесорот/рамот/графичката/ссд-то и сл.
Големина 15.6“/14“/13.3“

Anhoch PC Market Online

Anhoch PC Market Online е најголемата IT интернет продавница во Македонија, која обезбедува системи и компоненти со врвен квалитет

www.anhoch.com

 

[GoranMak]

Ова мислам е моментално најдобро што може да се земе за сума од околу 50к

Лаптоп Lenovo IdeaPad 5 Pro 16ACH6, сива боја

Алуминиумска шасија, Рајзен 7 ЦПУ, 16г РАМ и 512Г ССД. Плус и голема батерија.

 

[Banjifiko]

Ова мислам е моментално најдобро што може да се земе за сума од околу 50к

Лаптоп Lenovo IdeaPad 5 Pro 16ACH6, сива боја

Алуминиумска шасија, Рајзен 7 ЦПУ, 16г РАМ и 512Г ССД. Плус и голема батерија.

1. Не е од локална продавниџа (еден од условите)
2. Не се бара најдоброто за 50К, туку најсоодветно за Финки во тој ценовен ранк.
3. Чешка тастатура.

 

[GoranMak]

Штом првиот услове не е задоволен тогаш ништо

Имам видено Yoga 7 од жирафата со таа чешка тастаура и не изгледаше страшно.

 

[hawk]

Јас студирам на ФИНКИ и можам да ти препорачам Macbook Air M1 base model(8 со 256), моментално е на некоја акција со Mastercard картичка во iStyle за 58900. Кај мене беше клучно што е лесно пренослив и компактен, а сепак има одлични перформанси. Батеријата држи добри 8-9 саати работа, што ретко се наоѓа кај друг лаптоп. Мислам дека во iStyle можеш попуст да добиеш и со индекс, цената редовна му е 62900. И тастатурата и тракпадот се out of this world.

 

[Nikola100]

View: https://youtu.be/O5IZvAlCzwg

Рајзен 5700U
Во однос на батеријата колку ќе ти држи - Рајзен У серијата се одлични - а ти кој сакаш модел земи си...

 

[StOrMK]

Другарче додека студираше на финки нон-стоп маваше со јабуки по јабучарите вклучувајќи ме и мене.
Откако се вработи, му фрлија Macbook Air 13" 8/256GB и го закопаа. Па откако престана да хејта, почна да ги воспева па дури и пред некој месец и самиот ајфон си купи.
Сума сумарум, доколку си во можност да купиш Apple лаптоп не се ни мисли. За хардверот не би коментирал многу многу иако тоа M чиповите им се гром (добро е што на актуелнава генерација конечно им ставија full hd камера, смешно беше со 720p за таа цена), но macos е авион. Windows може вода да им носи и на него и на Linux. Кај мене ни со 20GB рам пак не се однесува саглам Windows. Доколку планираш да гејмаш, батали Apple. За мир у куќа формулата според мене е: Mac + Playstation.

 

[ARMac]

Што и да одбереш ако зимаш PC гледај тоа да е со некој процесор од 12ген. на интел. Тие E cores чуда прават со батеријата. 60Wh ми трае по цели денови нет + јутуб + работа со милион прозорци, ексели итн.

Два тестирав, еден е i5 1235u другиот е i7 12700H. Мислев дека i5-ката ќе тера многу повеќе батерија ама не е така. Разликата е саат време + во негова корист, ама многу е послаб и има 14" екран, додека другиов е со 15.6"

Сега го користам i7 секојдневно и не ме разочарува. Не сум видел ни процент да изгуби со спуштен капак (стендбај).