Најдобар бојлер кај нас

[Astro]

Кој е квалитетен бренд за бојлери кај нас?

 

[krema]

Кој е квалитетен бренд за бојлери кај нас?

@FLEGMA велит Ting Кочани

 

[FLEGMA]

Кој е квалитетен бренд за бојлери кај нас?

Тинг, а останатото слободно заборави го. На прв поглед е поскап (да не кажам значително) а на подолг рок се исплаќа повеќе затоа што е во состојба да ја држи топлината и нема топлотни загуби.
Тинг си ја знаат работата.

Леов се мести за душмани. Леов не може да ја задржи топлината повеќе од 5-6 саати.


[edit]
Ако сте во можност и ако ви треба тогаш задолжително комбиниран за соларно а уште подобро соларно + парно.
Овдека уште повеќе доаѓа до израз квалитетот на Тинг затоа што користат квалитетни изменувачи кои нема да скапат па да почнат да ти мешаат антифриз со вода за пиење.
На Флегма ова му се има случено пред 20-ина години. Имавме страшна среќа.

 

[Astro]

@FLEGMA велит Ting Кочани

Кочани?
Абе од Кочани метла не земам а не па бојлер или жена скраја да е.

 

[krema]

Тогаш од Велес си земи.

 

[FLEGMA]

Мајка кочанка татко кочан

Ting е сериозен играч. Ме чуди како не сте слушнале досега. Казаните им се инокс а со инокс нема утка.
20 години гаранција

 

[igor_igor]

Кога веќе збориме за болјери, ја би една препорака до @gokica.
Проточен бојлер Siemens DH21400M со пластични цевки го имавме многу одамна 10 години беше во функција на единаесетата му дојде крајот склопката реагираше, имаше внатрешни оштетувања и крај.
Во моментов го имам овој Siemens DH24100M веќе 6 години за разлика од претходниот овој е со бакарни цевки, мислам дека гаранција имаат 5 години и е екстра.
Првиот проточен болјер кога го ставивме пред 16 години и никогаш повеќе не помисливме на бурињата.
Секогаш имаш топла вода кога и да посакаш во денот, и што е најважно можеш да се тушираш 15 минути или бесконечно без страв дека ќе снема топла вода.
Истиот може да биде поврзан со повеќе чешми така да секаде имаш топла вода во секој момент.
Единствено неможе да се користи на места каде што притисокот на водата е слаб, бидејќи ако е слаб протокот на вода воопшто не уклучуваат греачите.
И за разлика од бурињата кои што зафаќаат многу место (доколку имате помало купатило) со проточниот ви останува и те како голем простор.

 

[Avid]

Ме чуди како не сте слушнале досега.

Да да, многу чудно.

 

[krema]

Казаните им се инокс а со инокс нема утка.

20 години гаранција

 

[DrMTR]

Сите комшии што имаа Велешки бојлери го сменија, или протекоа после 4-тата година или имаа проблем со гумата кај греачот. Јас имам Ting Inox по препорака на монтер веќе 6-та година. Супер се. Малце скапи ама тоа е.

 

[Ragnar]

Кога веќе збориме за болјери, ја би една препорака до @gokica.
Проточен бојлер Siemens DH21400M со пластични цевки го имавме многу одамна 10 години беше во функција на единаесетата му дојде крајот склопката реагираше, имаше внатрешни оштетувања и крај.
Во моментов го имам овој Siemens DH24100M веќе 6 години за разлика од претходниот овој е со бакарни цевки, мислам дека гаранција имаат 5 години и е екстра.
Првиот проточен болјер кога го ставивме пред 16 години и никогаш повеќе не помисливме на бурињата.
Секогаш имаш топла вода кога и да посакаш во денот, и што е најважно можеш да се тушираш 15 минути или бесконечно без страв дека ќе снема топла вода.
Истиот може да биде поврзан со повеќе чешми така да секаде имаш топла вода во секој момент.
Единствено неможе да се користи на места каде што притисокот на водата е слаб, бидејќи ако е слаб протокот на вода воопшто не уклучуваат греачите.
И за разлика од бурињата кои што зафаќаат многу место (доколку имате помало купатило) со проточниот ви останува и те како голем простор.

Имам од истиот со бакарни и можам да потврдам дека е супер. Мало кутивче, топла вода секогаш, а бе милина Само треба да имаш соодветна електрична инсталација за да ставиш проточен бојлер.

 

[bxxxn]

Да додадам само за SIEMENS проточните бојлери. Постарите се со DH ознака, H им е од хидрауличен прекинувач, новите се со DE или Е од електичен прекинувач.

За првите мора да има одреден притисок за да се вклучи 1, 2 или 3 грејачи (што поголем притисок, повеќе грејачи) истите можат да прават проблеми во згради или каде има слаб притиок.

Вторите имаат електроника, се вклучуваат на слаб притисок и може и температурата да им се подеси на дисплеј. Единствено што мислам дека е недостаток кај вторите е што има електроника, покомпликуван дизајн и веројатно има што да се поквари.

Инаку за проточните, нешто што научивме на потежок начин е кога ќе снема вода и потоа ќе дојде воздух некоја минута, треба да се исклучат осигурачите. Водата ја одзема топлината од грејачот, а воздухот не доволно и може да прегрее (ова за осигурачите е само кога ќе се пушти чешмата, инаку без проток на вода/воздух нема проток на струја).

Инаку самите бојлери имаат во спецификација што кабел треба, 21 КW oдеше со минимум 4 мм2, посилните со 6 мм2. Плус осигурачи од 32 ампери на секоја од трите фази.

 

[loris]

Само ТИНГ, бојлерот е само казан, што е инокс, значи нема мака.
Инаку колку има гаранција толку ќе оди, чичко ми од Велешките Леов 3 комада смени додека не се опамети.
Разликата во цена и не е толку голема ама земеш животен век - 2-3 бојлери леов од 4-6к и еден тинг 10к.
Останатите делови (грејач и термостат) се потрошни делови.

 

[SaleSk]

Јас би ти го препорачал Горење. Емајлиран казан, одлична изведба на грејач и пропратни елементи, докажан квалитет.
Тинг Инокс - Кочани не ти го препорачувам од проста причина: Во гарантен рок му сменија три термостати, од кој едниот ке ми направеше пожар. Четвртиот се погоди, побогу. И тоа мислам дека мајсторот ми стави половен а добар, зошто му беше срам колку пати дојде да го сервисира бојлерот. Вика што ми даваат, тоа вградувам. Казанот е иноксен, но само тоа е квалитетно на бојлерот. Друго ништо. Но ова е мое лично искуство.
Аристон ти е Ок, но има еден проблем. Грејачот и останатите пропратни делови се лошо поставени и за многу кратко време фаќаат каменец. Мораш на секој 6 месеци да го чистиш и да се ебаваш. Искуството е од мој другар, комшија и роднина. Истата работа им се случува на сите.

Убав ден и пријатна работа.

 

[NanoCell]

Бидејќи не нагласи каков бојлер бараш, моја препорака за проточен. Има неколку компании кои застапуваат Vaillant производи кои заедно со Siemens/Bosch се сметаат за доста квалитетни производи во тој сектор. За капацитетот т.е јачината ќе си процениш сам. Додатната инвестиција за таков бојлер ја враќаш во релативно краток период поради подобрата енергетска ефикасност и достапноста на топла вода во било кој момент е додатен плус.

Доколку се одлучиш за стандардните бојлери со казан, немам конкретна препорака, но како што нагласија неколку членови, избегнувај ги Leov. Протекуваат за 3-4 години (лично искуство).

P.S. Има проточни бојлери во Сетек

 

[Трајче Дрварчето]

Порано на секои 4-5 години менувавме бољер, протекуваше казанот. Последниот беше Леов. Решивме да му смениме само казан, од прохром. Петнаесетина години фура без мака. Ама во Битола, има предност водата што не е со бигор и нема гајле греачот.

 

[DareDevil]

А да го смените форумов во форум за бела техника и е-цигари?
Во последно време се гледам освен разговор за IT.

 

[Lokvan]

Бидејќи не нагласи каков бојлер бараш, моја препорака за проточен. Има неколку компании кои застапуваат Vaillant производи кои заедно со Siemens/Bosch се сметаат за доста квалитетни производи во тој сектор. За капацитетот т.е јачината ќе си процениш сам. Додатната инвестиција за таков бојлер ја враќаш во релативно краток период поради подобрата енергетска ефикасност и достапноста на топла вода во било кој момент е додатен плус.

+1
Проточен дефинитивно. За јачината, со температурата на скопската вода, јас би рекол 20 до 22 киловатни модели. Не се големи разликите во пари и до најмоќните модели.
Друг избор е меѓу т.н. механички модели, и модели со електроника. Тоа е во однос на како се мести темперетурата на водата. Јас претпочитам механички, помалку простор за дефекти ама и потешко местење посакувана температура. Од друга страна механичките идат со бакарни цевки (наместо пластични).

едит: Чисто за илустрација еве дата за Сименес механичките проточни бојлери, колку мининимум притисок на вода треба, итн:

 

[bicikle]

Најдобар да знаев кој е јас ќе го земев, али и јас имам проблем со леов, скапа за 5-6год. Не е протечен сеуште ама ја мати водата.
Абе или сум тежок скептик или комунизмот има уште влијание на мене, ама сигурни се овие проточниве? Зградава е постара од мене, земја не знам дали има или е нулована, а знаеш пред 20 -30 год дека велеа „не се капи со пуштен бољер, ќе те утепа струја“, али еве уште сум жив, а не дека сум исклучил бољер, друго фасцинантна работа тие кујнските бољерчиња сеуште никого не утепале, а никој не ги исклучува, ама ете пусти страв. Ем инжинер ми објаснуваше како хемиските елементи во водата може да ја нагризат заштитата околу наталот и тоа баш од кај што зема фаза греачот и баш мене да ме утепа Поседуваат нешто за безбедност ?

 

[vlavot]

Кога сме веќе кај бојлери, конвенционален 3kw е завршена работа одаамна, освен ако не ти треба како буфер.

Секако дека се зима само и само проточен.

Врвот го држи овде Stiebel Eltron, http://www.elipso.mk/kupi/stiebel-eltron-protochen-bojler-per-18-21-24/

особено оној со точниот потенциометар за температура на водата.

Го имаме 5 години и сеуште работи како првиот ден.

Пријатели блиски купуваа Siemens но неколку пати се јави проблем со топлината и лошото мешање на водата.
И регулацијата на ладна топла заклулно од притисокот.
Проточниот зависно од притисокот се ставаат такви сита за вода со поголем или помал притисок.
И некогаш ладната, ја турка топлата и тешко можеш да погодиш температура.
Што не е проблем со Stiebel Eltron конкретниот модел што ти го посочив, само местиш температура со тркалцето на 46 или која и да е температура на вода со која се бањаш, и пушташ само топла вода, самото мешање го правио самиот проточен бојлер.
Милина

 

[alexandar11]

16 години имам Кончар и е како нов. Нема никакво оштетување. Во тоа време сите се излажаа и купија Велешки, им протекоа за кратко време.

 

[skullmonkey]

Проточен си размислил да земеш? Јас имам Vailant дигитален кој работи на минимален притисок. Претходно имав аналоген исто таков но имав проблем кога ќе падне притисокот. Разликата е што кај аналогните ти ја мешаш водата преку чешма за тоа колку да ти биде топла. Со дигиталниот на него ставаш температура и пушташ само топла и тоа е тоа. Ако ти е блиску до кадата со притискање на него, ако ти е далеку доаѓа со далечинско. Околу 500 евра беше.

 

[sostius]

Тинг. Не гледај друго.

Испратено од ONEPLUS A6003 преку IT.mk форум апликација

 

[lynx]

Аристон воопшто незадоволен, пред некоја година купен со две години гаранција на истек на втората година се дупна. Комплетно ми го сменија затоа што внатре се полни со пур пена или што и да е таа изолација и се пластични казаните што значи не се менуваат или лепат. После тоа тераше уште две години и пак се дупна, нормално гаранција нема. За 4 години два пати два различни се дупнаа и на крај го фрлив во канта.

После тоа земав Динамо Хит, исто велешка фирма прохромски ака инокс што викате. На втората година откажа термостатот, инаку казанот нема мака 20 години гаранција. Квалитетот им е за нијанса поарен од оној на Леов, ама и они не се совршени, како што кажаа другите делови нечинат, греачи, термостати и сл. Значи Тинг, Хит и слични наши брендови тој е квалитеот, само зимање прохром, а за останатите делови како ќе ви се погодат.

Инаку на времето беше Динамо Леов една фирма двајца газди, после се разделија и едниот остана Леов, другиот направи нова фирма Динамо Хит.

 

[Lokvan]

Пријатели блиски купуваа Siemens но неколку пати се јави проблем со топлината и лошото мешање на водата.
И регулацијата на ладна топла заклулно од притисокот.
Проточниот зависно од притисокот се ставаат такви сита за вода со поголем или помал притисок.

Се обложувам дека е модел со механичка регулација на темературата на водата... Манипулирање со механичка регулација, е помалку незгодна работа. Наједноставно би ја опишал како обивање на сеф, полека го вртиш винтот за топла вода и слушаш кога ќе се вклучи релеј колото (кое е осетливо на притисок). Ама се се учи. Јас сега немам проблеми, само треба човек да биде свесен за тоа дека кога се додава ладна вода ослабува притисокот во цевката за топла вода. Тоа кога еднаш ќе се разбере (и оставање „вишок“ притисок на топлата вода после клик од релето), после нема проблеми.