• Здраво и добредојдовте на форумот на IT.mk.

    Доколку сеуште не сте дел од најголемата заедница на ИТ професионалци и ентузијасти во Македонија, можете бесплатно да се - процесот нема да ви одземе повеќе од 2-3 минути, а за полесна регистрација овозможивме и регистрирање со Facebook и Steam.

Мислења за смерови на факс

  • Ја почнал/а темата
  • #1

las23

Intern
5 март 2021
1
1
Здраво,
би сакал да слушнам ваши мислења на една тема. Како матурант треба да се запишам на факултет и имам неколку избори што ги мислам цело време. Понатаму, ако ми се погоди среќата, конкретно би сакал кариера во формула 1. Не како возач се разбира. Па прашањето ми е, кој смер би бил идеален за ваква кариера? Јас ги разгледував смеровите на ФИНКИ, на ФЕИТ за автоматика и роботика и конкретно смерот за моторни возила на машински.
Благодарам. :)
 

hipo

Practice makes perfect
27 јануари 2011
1,699
1,512
sistrum.mk
Најдобро би ти било за запишеш Физика. Во Ф1 многу повеќе е битна аеродинамика, термодинамика, оптика, триење итн итн
 

Vladimir Filevski

Gaining Experience
17 февруари 2019
147
303
...ако ми се погоди среќата, конкретно би сакал кариера во формула 1. Не како возач се разбира. Па прашањето ми е, кој смер би бил идеален за ваква кариера? Јас ги разгледував смеровите на ФИНКИ, на ФЕИТ за автоматика и роботика и конкретно смерот за моторни возила на машински.
Послушај совет од стар инженер: одлично што имаш визија и одлучност да стасаш до Формула 1, но размисли што ако случајно тоа не можеш да го постигнеш (од разни причини на кои не можеш да влијаеш)? Значи, имај си во резерва и План Б: одбери смер кој ќе ти обезбеди сигурна егзистенција, а попат ако успееш да дојдеш до Формула 1 - тогаш супер!
Во Формула 1 се вклучени бројни различни струки (како што духовито забележа @gamon, таму има работа и за лекари!), па сè она што самиот го наброја од насоките (плус физика) е релевантно за таму. Едноставно одбери ја онаа насока што најмногу те влече, па ако ти се посреќи за Формула 1, уште поарно.
Туку, ако успееш за во Формула 1, се надевам дека ќе се сетиш на мене, имам само една малецка желба - ќе може едно крукче? :)
 

Dajman

Gaining Experience
19 септември 2020
59
98
Здраво,
би сакал да слушнам ваши мислења на една тема. Како матурант треба да се запишам на факултет и имам неколку избори што ги мислам цело време. Понатаму, ако ми се погоди среќата, конкретно би сакал кариера во формула 1. Не како возач се разбира. Па прашањето ми е, кој смер би бил идеален за ваква кариера? Јас ги разгледував смеровите на ФИНКИ, на ФЕИТ за автоматика и роботика и конкретно смерот за моторни возила на машински.
Благодарам. :)
Моја топла препорака е во никој случај да не одиш на медицина (особено тука во македонија) ако целта ти е на крај да работиш во Ф1.
Мислењето е автоматски споено:

За Ф1 барај стипендија од MIT/Cambridge.
Не мора баш овие, меѓутоа студии во странство во квалитетни универзитети ти овозможуваат најголема спремност и шанса да работиш во таа бранша.
Со такви амбиции овде во УКИМ ќе си го истрошиш капацитетот за џабе,ќе бидиш закопан во еден корумпиран систем на чие чело се наоѓа мафија од медиокритети и истот на крај те остава пак на square 1 од аспект на спремност и пак ќе мораш да бараш чаре во странство за до-едукација.
 
Последна промена:

stefan_mkd

Gaining Experience
18 март 2015
461
269
Што сакаш учи, исто ти се фаќа на крај :)

Работа на проекти и пракса е тоа што ќе ја направи разликата во професонална кариера. Тоа дали си учел на ФИНКИ, ФЕИТ или МФС исто ти се фаќа. Инженер си, ќе отвориш книга па и да не знаеш, ќе научиш
 

Vladimir Filevski

Gaining Experience
17 февруари 2019
147
303
Ајде уште еден совет од стар инженер: заврши тука факултет (ако веќе не можеш во странство), научи што можеш (високите оценки не се на одмет) - колку повеќе толку подобро, ќе ти треба. Прати ги редовно огласите за студентска размена или проекти во странство. И да не успееш да одиш во странство за време на студирањето - ништо страшно, седи тука и учи си, оди на пракса во наши фирми. Учи (и теорија и пракса) повеќе од тоа што се бара на факултетот! По дипломирањето е битно што ќе работиш како инженер, гледај да се запослиш во фирма во која ќе имаш услови за напредување и за работа на големи, по можност странски проекти. Ако се покажеш со својата работа, биди сигурен дека ќе те забележат таму каде треба. А и сам ќе можеш да се пофалиш со тоа што си сработил.
Неколкумина мои врсници од гимназиските денови, кои тука во Скопје завршија разни факултети - електро, градежен, медицина, ..., потоа се запослија исто тука, па за некоја година отидоа во странство: кој во Америка (USA), кој во Канада, кој во Германија, ... И сите успеаја да го оствараат својот сон - работа во струката, на висока позиција, со голема (или огромна) плата. Но тоа не го остварија лесно: тие со медицински факултет мораа да дополагаат испити практично колку за уште еден цел факултет, а и не им даваа да работат на „живи луѓе“, па се пробија како одлични патолози, или како менаџери (директор на болница!), а некои станаа професори на тамошните факултети. Но сите тие претходно бриљираа на нашиот медицински факултет, со просек 10 или блиску до тоа, а кога се запослија тука кај нас, за кратко време продуцираа сопствени научни трудови објавени во престижни странски медицински списанија. Такви објавени научни трудови се влезница и препорака за било каде во светот.
Мој другар беше градежен инженер, работеше неколку години во една наша градежна фирма, правеше проекти за фабрички хали, згради, мостови,... па кога отиде во Канада, им ги истури на маса сите тие проекти, Канаѓаните се фатија за глава и веднаш го примија на работа. Сега е државен (канадски) инспектор за мостови.
Мој колега од електро факултет, после кратка инжинерска кариера тука во Македонија, отиде во Канада и веднаш го примија на работа, кога им покажа што работел од областа на микроконтролерите. Колку за илустрација, во тоа време уште не постоеја Mikrochip PIC или Atmel микроконтролерите , сè се правеше со Zilog Z80 или Intel 8085. Малкумина тогаш го умееја тоа.

Тоа е светлата страна. Темната страна е дека воошто не е лесно да работиш во странство - во многу земји ќе останеш за нив странец до крајот на животот, без оглед на твоите лични или професионални квалитети. Некои после успешна кариера во странство, на крај сепак се вратија назад - едноставно не можеа да го издржат тамошниот начин на живот. А на некои таквиот начин на живот им погодуваше, па можеа лагодно да се концентрираат само на професијата.

И така натаму... Или те бива, или не. Зависи исклучиво од тебе.
 

Нови мислења

Последни Теми

Статистика

Теми
43,566
Мислења
846,633
Членови
29,351
Најнов член
Catcatcat
На врв Дно