Маркетинг 101:Како не треба... лекција 3

[D]

Стевче Дачев, Чарлс Марвин-Тафи и Тоше Проески
Фондација „Тоше Проески“
Претседателот на седиштето на Фондацијата „Марита“ во Скопје, Стевче Дечев, пред трагичната смрт на нашата најголема ѕвезда Тоше Проески предложи да се организира фондација што ќе го носи неговото име. Но, за жал, овој голем план пропадна со смртта на нашиот најголем пејач и хуманист.

„Во вторникот наутро, кога одев на работа, со такси поминав покрај Католичката црква и малку подолу како глас да ми довикна, како некое претчувство да ме тераше да се завртам кон канцеларијата на ’Аворд продукција‘, продукцијата на Тоше Проески. Се завртев, во канцеларијата имаше некој и во мислите се потсетив дека деновиве треба да се видам со Тоше и со Лилјана. Договорот беше веднаш по гостувањето во Австралија и концертот на Градски стадион да се видиме и да го договориме дуетот меѓу Тоше Проески и Чарлс Марвин-Тафи (Афроамериканец од Норвешка), како и промоција на Тоше во Норвешка преку пријателите на Фондацијата ’Марита‘.

Видео и аудиоцедињата од Тоше ми ги даде Лилјана следниот ден по промоцијата на ’Игри без граници‘. На повидок беше нов дует меѓу вокали од светски рамки - Тоше и Тафи. Нивното запознавање како да беше вчера. Седевме на иста маса и заедно се молевме на Молитвената вечера организирана од Фондацијата ’Борис Трајковски‘.

По вечерата клекнав до Тоше и му реков: Бог бара срце кое е целосно посветено на него. Бог ги создава луѓето за одредени цели и мисии. Бог те љуби, Тоше, преку Исус. Бог те даде да бидеш светлина. А светлината не се става под капак, светлината се става на видно место да им свети на луѓето. Тоше ми го даде бројот од својот мобилен и сакаше да ја продолжиме темата. Тоше го сакаше Бог со сето свое срце, сета своја душа и со сиот свој разум. Тоше ги сакаше и сите други како самиот себеси. Тоа се двете најголеми заповеди според Библијата. Тоше ги практикуваше.

На Молитвената вечера, на разделување, му реков: Тоше, правиш хумани дела и големи дела. Допираш до многу луѓе. Бог има прекрасен план за тебе. Мислам дека е време да формираме Фондација ’Тоше Проески‘ преку која твоите дела ќе се дуплираат. На Тоше му се допадна идејата.

Ден по промоцијата на „Игри без граници“ идејата ја презентирав и во ’Аворд‘ и пред Лилјана.

Договорот беше да се видиме по концертот на Градски стадион.

Токму пред два дена идејата ја доби својата форма и завршната верзија. Со голем фан на Тоше од Хрватска - Лена дури се договоривме дека е добро да има и музеј на фановите на Тоше. Лена ја отстапи и својата куќа во Задар за оваа идеја. Трета идеја како составен дел на фондацијата беше и академија што ќе го носи неговото име и ќе им помага на младите таленти.

Се' беше подготвено. Идејата беше Тоше да биде претседател на фондацијата. Деновиве требаше да се случи и состанок. Деновиве. Но, Тоше, деновиве ти веќе не си со нас. А беше договорот за деновиве.

Почивај во мир, Тоше. Бог ги сака ангелите во своето царство“, вели Дечев.

--
Превземено од Утрински Весник... 19.10.07
-------------------------------------------

Голем минус за фондацијата Марита.... како бе вака на туѓа несреќа ќе сакате да останете забележани и да се промовирате? Срамота!

Ако сакате да формирате фондација коja ќе го носи името на Тоше и ќе ги прославува неговите дела и ќе ги, не дуплира туку што повеќе од тоа, направете го тоа сега! Зошто да ви пропадне планот!

Бај д` веј, не ми е јасно како се создава таква фондација само за неколку дена? "Се' беше подготвено." по само неколку дена... хм!

На ваква статија, во вакво време - не и е место во весник... Не требало ни претседателот на фондацијата Стевче Дачев да ја напише воопшто доколку имал мала совест во него.

Целата статија е за него и неговата фондација... што направил тој, како нему му текнало, како се сретнал со Тоше и Лилјана, како бил на свечена вечера организирана од Фондацијата Борис Трајковски, како преку пријателите на неговата фондација Тоше ќе станел славен и во Норвешка, за "познатиот" Тафи, како Тоше нему му го дал бројот од мобилниот.... како тој и неговата фондација ова она...

Неам ништо против, нека си прават што сакаат, но ми се гади од народ кој профитира на туѓа несреќа, деновиве гледам и домените tose4ever.com, toshe4ever.com се купени моментално по веста. Еден од нив веќе има AdSense на сајтот... Не знам ок бизнис е бизнис некој ќе рече, но како што самиот Тоше велеше "Јас никогаш нема да газам по лешеви за да стигнам до целта"... луѓето треба да имаат бар каква таква почит!

Неам ништо лично ни против Утрински Весник.... гледам што се случува и коментирам... ако на некого му смета - so be it!

 

[D]

Статија за пример!

Ок, не го баш сакам Јани Макрадули, но еве ја неговата статија од Утрински, која можете да ја споредите со онаа на претседателот од фондацијата - веќе и го заборавив името а ме мрзи да листам надолу...

Превземено од Утрински Весник (ете, не објавувам само лошо за утрински) 19.10.07

Тоше не' сакаше сите, не' сплоти сите, наметна вредности кои треба да не' поттикнуваат и да ги следиме
За жал, трагичниот настан од вторникот го потврди она што сите го чувствувавме, дека Тоше е единствениот човек во Македонија кого сите го сакаат, приближно онака како што тој премногу не' сакаше сите нас. Човек со единствен глас, неповторлива насмевка, исклучителна хуманост или, како што напиша навивачката група „Комити“ на транспарентот на фудбалскиот натпревар: беше ГОЛЕМ човек.

А, кога нервозно и со надеж оти некоја програма ќе ја демантира веста го вртите далечинскиот управувач, сфаќате оти Тоше подеднакво го сакале и целиот Балкан, Европа, свет. Сфаќате оти беше најдобар, беше најквалитетен, беше навистина ГОЛЕМ човек. Така мислат сите и верниците и атеистите, и музикалните и оние без слух, и фановите и оние кои никогаш не го слушале.

Деновиве некои стихови и интервјуа на Тоше премногу индикативно изгледаа, автобиографски, стравотно предупредувачки: „Да можам пак да се разбудам... Уморна приказна... Скинати страници... Празни, неиспишани... Вечно паѓање...Пораз ќе остане...“

Не бе Тоше, ти ќе се будиш секој ден со сите што те сакаат, а тоа е цела Македонија, страниците од твојата приказна се скинати за да ги чуваме до срце, за да ги читаме по сто пати, а се полни и изнапишани со стиховите од твоите песни, полни со верба, радост и љубов. Тоше, легенди како тебе не паѓаат, вредностите што ни ги понуди ти траат вечно и се движат само по нагорна линија. Тоше, некни сите изгубивме, но, ако сме паметни, ќе победиме ако ги преземеме твојата насмевка, скромност, добрина, вредност, хуманост. Навистина, Тоше, ти беше ГОЛЕМ човек.

Кога ќе го погледнеме последното интервју на „Вртелешка“, сфаќаме колку ние луѓето сме биле себични, колку нашето задоволство од неговите песни, концерти, сме го чувале само за нас. Сакавме да уживаме во гласот на Тоше. Сакавме да го исцрпуваме до последниот атом, без да не' интересира, дека Тоше е поставен во машинерија која го уморува, дека ја прескокнал младоста, станал пресериозен за годините, дека Тоше живеел во режим каде што и шопингот по продавници е забранет. Дека Тоше го мачи тоа што не може да зборува за својата љубов, што посакува да ужива со пријателите да вечера надвор и да запее некоја песна, дека играњето одбојка со неговите другари од Крушево е недоволно да се наполнат неговите батерии, кои безмилосно ги празневме сите ние. Сите ние, себично го сакавме само за нас.

За жал, предоцна сфативме колку во суштина бил суров животот на најдобриот, најталентираниот, најобожаваниот. За жал, нас не не' интересираше животот на Тоше, не ни пречеше пребрзото трчање низ сопствената младост, не не' интересираа неговите отсуства од родителите и најблиските кон кои беше преемотивно приврзан, некои злобници со сласт ги читаа текстовите за дискредитација на неговата личност, се ситеа на злобните наслови. А Тоше брзаше насекаде, единствено сакаше да пее, се трудеше и успеваше да не' расположи со својот глас, да ги воодушеви светските музички критичари, трчаше да стигне на секој хуманитарен настап, не гледаше дали е ден или ноќ, не знаеше за одмор, не знаеше за граници. Навистина беше ГОЛЕМ човек.

На Тоше не му требаа формални одлуки за да биде најдобар амбасадор на Македонија, на Тоше не му требаа купени награди за да докаже оти е најдобар глас, на Тоше не му требаа подарени позиции за да сработи многу повеќе за Македонија отколку оние увезени само за сликање квазиексперти. Тоа се одлики на ГОЛЕМ човек.

Ние споменот за Тоше мораме да го чуваме и во нашите срца и околу нас. Свесен сум дека и сите училишта, болници, спортски сали кои ќе го носат неговото име ќе бидат недоволни да се возврати на неговото дело, споменот мораме да го негуваме како што тој не се штедеше да биде секаде, да помогне секому.

Плоштадот „Македонија“ мора да биде едно од местата каде што споменот на Тоше треба да биде видлив, вреден, достоинствен на неговиот лик и дело. Иако и за толку ГОЛЕМ човек и тоа е малку.

Не смееме да дозволиме песната да го одминува Крушево, да ги заборавиме неговите родители, најблиски. Крушево мора да го живее животот како Тоше да е во кафулето „Планет“, како да игра одбојка со соиграчите, или како да се натпреварува со другарите во некои компјутерски игри.

Тоше не' сакаше сите, не' сплоти сите, наметна вредности кои треба сите да не' поттикнуваат и да ги следиме, остави јасни патокази како треба да се однесуваат најдобрите, како се сакаат најблиските, како се подава рака на оние кои им е најпотребна, тоа е најмалку нешто што можеме да го направиме за ГОЛЕМИОТ Тоше.

Горд сум што лично те познавав...

(Авторот е пратеник)

http://janimak.blog.com.mk

 

[trajcenightmare]

Токму и од ова се плашев...Искористување на Тоше во комерцијални цели после неговата смрт...Ја знаеме психологијата на 99% од бизнисмените... ова штотуку почнува...

 

[D]

Токму и од ова се плашев...Искористување на Тоше во комерцијални цели после неговата смрт...Ја знаеме психологијата на 99% од бизнисмените... ова штотуку почнува...

http://www.vreme.com.mk/DesktopDefault.aspx?tabindex=0&tabid=1&EditionID=1230&ArticleID=79134

Владо Бучковски , некогашен премиер, министер, пратеник, се смета за интелектуалец во државата, професор по право

 

[Dare]

D kade vide deka ima adsense na nekoj od sajtovite?
Utrinski ne e tolku popularen vesnik i vakvite ocajni raboti nema da mu donesat popularnost. Nema nikakov value, ne se razlikuva od ostanatite vesnici, nikakov brend...

 

[D]

D kade vide deka ima adsense na nekoj od sajtovite?

 

[Andrijeski]

Welcome to the Earth yo