Македонија нема заштита од хакерски напади

[AMD_fan]

Иво Ивановски

Доставување барања за лични документи, дозволи и информации за граѓаните преку интернет, вака треба да изгледа информатичкото општество што треба да се изгради во Македонија. Но, ниту интернет страниците на државните институции не се заштитени од недозволено влегување, урнување или преземање на доверливи податоци.

„Некои институции имаат такви сектори, но повеќето немаат. Тоа е реалната слика бидејќи имаме голем дефицит на информатички кадар од компјутерски науки во државната администрација. Платите се ниски и токму затоа имаме проблеми“, изјави Иво Ивановски, министер за информатичко општество.

Во Македонија, хакерите не сакаат да зборуваат пред камера, но велат дека не е воопшто тешко да се влезе во интернет сајт на некоја наша државна институција.

„Прво со пробивање на лозинката или наоѓање на некој друг начин да се добие контрола врз компјутерот на којшто е наоѓа и софтверот којшто го покренува сајтот. Втор вид на напади се врши со праќање на сигнали до серверот од разни страни. Најчесто се работи за стотици или илјадници компјутери што се вирусирани претходно, кои праќаат барања до серверот за да го преоптоварат и потоа тој не може да ги опслужува реалните посетители“, вели Филип Стојановски, програмски координатор на фондација „Метаморфозис“.

И министерот за информатичко општество се согласува дека заштитата од хакерски напади во моментов е слаба.

„За напади врз Република Македонија е разговарано со Центарот за управување со кризи. Тие ќе формираат тим кој ќе биде професионално обучен или во ЕУ или во САД. Тие ќе се грижат за упадите на територијата на РМ’’, рече Иво Ивановски, министер за информатичко општество.

Во македонија единствено банките имаат добра заштита од напади на хакери, бидејќи не штедат на набавка на опрема за заштита. Недоволно добрата опрема, велат упатените, е причината што неколку пати досега беше урнат сајтот на Министерството за одбрана.

Извор: А1

 

[igorkrst]

Абе пари треба да им дадат на тие луѓе. Сите им избегаа...

 

[Stane]

Еее конечно им текна. :bravo: за одлуката.

 

[Vavo]

Јас колку што сум чул..за тие бари што им ги даваат на ИТ луѓето што се буџетари...добро што Word и Excel инсталаците им ги одржуваат.

Ги стискаат парите до максимум а бараат многу повеќе

 

[taranenik]

Македонски ИТ синдром!:lut2:

 

[fuUuUzZzZy]

хмммз..

„За напади врз Република Македонија е разговарано со Центарот за управување со кризи. Тие ќе формираат тим кој ќе биде професионално обучен или во ЕУ или во САД. Тие ќе се грижат за упадите на територијата на РМ’’, рече Иво Ивановски, министер за информатичко општество.

Ајде баш да видиме колку ова ќе се исполни..

 

[Commie]

Ако се исполни колку толку ќе се заштитат некои веб страници.

 

[Aleks]

А зошто Македонија нема ??? Ако Македонската администрација нема заштита не значи дека секој македонец кој си има свој сервер или веб страна не е заштитен од упади.

 

[D]

http://it.com.mk/index.php/Damjan-Arsovski/Internet/Za-makedonskite-mediumi...-povtorno

 

[AMD_fan]

Интернет страниците на државните институции, лесна мета за хакерите

19.08.2008 17:47
Во светот веќе постојат начини за заштита од хакерски напади, кои само треба да се применат. Една таква иницијатива е доставена до Владата минатиот ноември, но засега ништо не се презема.

„Тим од домашни стручњаци прво да овозможи анализа на сите релевантни меѓународни стандарди кои што се однесуваат на безбедноста на информациите, а потоа да даде предлог кои од тие стандарди, постапки, процедури се применливи во нашата средина“, изјави Филип Стојановски, фондација „Метаморфозис“.

Од новото Министерство за информатичко општество велат дека засега само ги унифицирале веб страниците на државните институции, но нема централна институција за нивна заштита.

„Тоа е затоа што во минатото сите министерства имаа некоја фирма кој што им ја обработуваше веб страницата и после тоа ги одржуваа. Бидејќи нивните договори сеуште се во тек, не сакавме да ги раскинеме договорите“, вели Иво Ивановски, министер за информатичко општество.

Во Македонија нема направено анализа до кој степен се напаѓаат интернет страниците на државните институции, ниту пак некоја институција дала отчет во јавноста, иако досега барем неколку пати беше напаѓан сајтот на Министерството за одбрана.

Извор: А1

 

[D]

Omg omg omg omg!!!

Не се тачни медиумиве..

 

[zlochko]

Луѓе.. да ви посочам еден момент во изјавата на Иво Ивановски. Доколку не приметивте да ви кажам дека г-дин Иво Ивановски сега најавува дека поголемиот дел од страниците сега ќе бидат превземени од некое тело кое ќе се создаде во склоп на министерството за Информатичка технологија, а тоа тело, како што вообичаено бива, ќе направи договор со некоја приватна компанија (веројатно новооформена) која ќе ги изработува, хостира и понатаму оддржува сите тие страници за министерствата и останатите државни органи.
Колку јас би сакал да имам процент во таа фирма, па макар само и во наредните 4 години. :shtedenje:

И сето тоа благодарение на војната во Грузија.