Космофон пикиран од Мобилком и Телеком Словенија

[AMD_fan]

Проценките се дека Космофон вреди околу 300 милиони евра и дека продажбата би завршила за девет до 12 месеци

Мобилниот оператор Космофон ќе се продава откако ќе се официјализира влезот на Дојче Телеком во грчки ОТЕ. Тоа значи дека германската компанија ќе учествува во управувањето во ОТЕ и на тој начин настанува и директно учество, односно контрола и врз Космофон, кој поседува 33 проценти од мобилниот пазар во Македонија. Ваков можен развој на настаните најави Панагис Вурлумис, претседателот на Управниот одбор на ОТЕ. Според него, продажбата на Космофон мора да се случи бидејќи фирма-ќерка на Дојче Телеком во земјава (Т-Мобиле Македонија) контролира околу 55 проценти од пазарот и поради регулативата еден од двата оператора ќе мора да се продаде.

Сепак, Вурлумис најави дека ОТЕ нема да брза со продажбата на Космофон. Прво, влезот на Дојче Телеком во ОТЕ треба да се официјализира откако ќе биде одобрен од ЕК со што германската компанија ќе има управувачко мнозинство во ОТЕ. Тој момент ќе предизвика нов монопол во мобилната телефонија во Македонија што е предмет на анализа на Комисијата за заштита на конкуренцијата која има рок од 90 дена да се произнесе во врска со концентрацијата што ќе настане.

Космофон вреди 300 милиони евра
Извори на ВЕЧЕР велат дека во Космофон веќе се подготвуваат да бидат продадени. Проценките се дека за тоа ќе бидат потребни од девет до 12 месеци. Како потенцијални купувачи се спомнуваат австриски Мобилком кој е газда на операторот ВИП, како и Телеком Словенија. На Мобилком би му одговарало да го купи Космофон кој се проценува дека вреди меѓу 250 и 300 милиони евра бидејќи ќе наследи приближно 650.000 активни телефонски линии, плус фиксна телефонија, вајмакс и 3-Г лиценца со чии услуги од компанијата најавуваат дека ќе стартуваат деновиве. Одличен залак Космофон би бил и за Телеком Словенија. Кога различните телекомуникациски услуги на оваа компанија би се споиле со интернет услугата што ја нуди неговиот Он.нет, би можел да стане вистинска конкуренција на Дојче Телеком на македонскиот пазар.

Дојче рашири чадор на Балканот
Договорот овозможува Дојче телеком да ја купи целата компанија ОТЕ, но со согласност од следните грчки влади. Зделката треба да биде одобрена од парламентот и од Европската комисија за конкуренција. До 2011 година Германците можат да докупат уште 15 отсто. За Дојче Телеком, преземањето на ОТЕ значи пристап до пазари како Бугарија, Романија, Србија и Албанија, проширувајќи ја дејноста во Централна и Источна Европа - од Балтичко до Средоземно Море.

Извор: Вечер

 

[Niki]

Ај нека го продадат веќе еднаш

 

[stefan007]

ја мислам дека мобилком ке го земе, ке се подели пазарот на пола 55% има т мобиле и 45% ќе има вип

 

[Laki Luciano]

Тогаш не би бил и Мобилком со два оператора што нели не е дозволено? И да наложат цените да ги спуштат на минимум тоа би бил мислам појак удар за Т-Мобиле.

 

[goran_67]

Како и да свртиш не чини,ако го купи ВИП ке спаднеме на 2 оператора во мобилна и збогум паѓање на цени.Од друга страна Онтел преку Телеком Словенија е пак под Дојче телеком па така на овој или оној начин ќе си имаат зацементирано позиции и во фиксна,мобилна а и добар дел од интернет пазарот,само кабловските ке му бидат конкуренција.А овие со вајмаксот тотално утнаа со рокови,знам поставуваа уреди и антени во Аеродром,почнаа да се рекламираат и за фиксна ама док не видам више никому не верувам.Не работи кој како стигне.

 

[Majestic]

На Мобилком би му одговарало да го купи Космофон кој се проценува дека вреди меѓу 250 и 300 милиони евра бидејќи ќе наследи приближно 650.000 активни телефонски линии, плус фиксна телефонија, вајмакс и 3-Г лиценца со чии услуги од компанијата најавуваат дека ќе стартуваат деновиве.

Аман бе.. не знаев дека до скоро е работата за 3-Г. Многу ме интересираат спецификациите на пакетите и слично.

Во врска со продажбата, не сум многу во тек.. но како и да е, ситуацијата во поглед на конкурентност на пазарот би се влошила не? :chudenje:

 

[Taurus]

Тогаш не би бил и Мобилком со два оператора што нели не е дозволено? И да наложат цените да ги спуштат на минимум тоа би бил мислам појак удар за Т-Мобиле.

Дозволено е тоа бидејќи не преставува монопол.

 

[TheSpeedy]

Cosmofon правеле тестови низ Македонијава за 3G, еве и слика, извор www.solipamet.com

 

[Niki]

Јас правев тестирања во Август и се покажа доста добра
3Г мрежата, ја има во сите градови каде што бев а во скопје
треба уште БС за да се допокрие асално. Видео повиците се
оневозможени да си знате!!!

Нели требаше да почнат од 1ви ?

 

[Laki Luciano]

Од друга страна Онтел преку Телеком Словенија е пак под Дојче телеком

Од каде ова? Истото беше спомнато и во една друга тема, па баш ме заинтересира и по подолго време листање на официјалната страна на Телеком Словенија, јас не најдов дека Дојче има барем 1% од фирмата.

 

[Mr.Alien]

Интересна работа на сајтот на ONTEL (www.ontel.mk). На долната страна лево стои логото и на Telekom Slovenije Group. Има нешто, има нешто....:ermm:

 

[Laki Luciano]

Интересна работа на сајтот на ONTEL (www.ontel.mk). На долната страна лево стои логото и на Telekom Slovenije Group. Има нешто, има нешто....:ermm:

Тука нема сомнение... Онтел е под Он.Нет, а доминантен сопственик на Он.Нет е Телеком Словенија. Зборот ми беше за Дојче Телеком дека има удел кај Словенците.

 

[markomake]

Da imase vo druga tema za toa. Tocno e deka dojce telekom ima del od telekom slovenije, bidejki znam deka i lugeto od nasiot telekom idea vo slovenia na obuka a tamu gi obucuvaa luge od dojce telekom. A ova za prodazbata na cosmofon, dojce telekom ke si napravi da ja prodade na svoja firma i zavrsena rabota. Davaat li toe razraboten biznis drug da go zeme i da gi stane konkurent.

 

[AMD_fan]

Update:
ВИП САКА ДА ГО КУПИ КОСМОФОН

 

[goran_67]

Ако ВИП го купи Космофон пак ќе паднеме на два оператора,а тука веќе ќе си се договараат со цени.Значи пак ќе мора тендер за трет оператор,со тоа што на претходниот имаше само еден заинтересиран, ВИП.Прашање е ќе има ли сега заинтересирани.Се на се,ќе си плаќаме високи цени уште некое време.