Избор на клима уред (линк со резултати од мерења има во првиот пост)

[ante1]

Веќе подолг период вентилаторот е наместен да дува во 2 брзина, а и во тој период на тестирање при премин од 25 на 23 степени вентиларот дуваше во 2 брзина. Да напоменам дека во првите 2 месеци климата работеше во 1 брзина на вентилаторот и зададени 25 степени.

П.С. Дали успеа да најдеш како се менува хоризонталната позиција на перките?

@ante1 Сликата каде што е прикажано вкупното време на работење на климата е во формат денови, часови : минути. Во моментот на сликање : се скриени (бидејќи трепкаат на секоја секунда), па крајниот резултат е дека климата работела вкупно 30 дена, 1h и 43 мин.

Во врска со дефростите, за овие 3-4 месеци климата мн ретко влегува во дефрости и тоа најчесто во утринските часови (мислам на оние долги дефрости од по 5-7 мин.). Овие дефрости мн ретко сум ги забележал кога сум во просторијата, само неколку пати и немам приметено да дува ладен воздух воопшто.

@Necromancer Мерачот го купив од Меркур.

Да Lokvan ми одговори дека тоа е 1ч и 43мин тие точките ме збунија што ги немаше... Иако не беше поставено до мене ќе ти одговорам пошто е истиот дизајн и кај мене, хоризонталното движење се подесува рачно на средината има пластичен држач и тој се поместува лево или десно каде сакаш да се наместат перките, значи се фиксираа и не се движат потоа како кај поскапите модели...Добро е што не дува ладно за време на дефрост, мојата Вивакс Аеци ме отепа со тоа за време на магла...сепак кинезите го средиле и тој проблем во овој модел...
Поздрав и долго да те служи

 

[FLEGMA]

П.С. Дали успеа да најдеш како се менува хоризонталната позиција на перките?

Перките како што виде се неверојатно примитивно и глупо изведени.
Енивејс. На средината има едно јазиче со кое се насичуваат лево или десно.

 

[Lokvan]

Волуменот нема врска со греење туку топлотните загуби на просторот.
Се што е важно е загубата.

Како волуменот тоа „немал врска“? Исто е да грееш 20 квадрати со плафон на 2.2 метри, и 20 квадрати со плафон на 4 метри?
И жити се како ќе ја споредиш разликата во топлотните загуби, ако не преку потрошувачката за единица волумен? Ќе баеш на гравчиња? Ќе вадиш рандом калкулатори од нет за загубите?

Не разбирам што ти е тезата. Сакаш да кажеш дека е нерелевантно споредување на потрошувачка на електрична енергија за единица волумен од просторот што се грее?

Што е релевантно за тебе бе Дени?

Сметката од ЕВН ти е порелевантна?
Од каде знаеме дали жена ти секој ден готви доручек и ручек, или те праќа да купуваш бурек и готови јадења во Веро/Тинекс (дали шпоретот ти е релевантен потрошувач на струја или служи за украс)? Од каде знаеме дали се бањаш еднаш неделно или два пати дневно, и дали бољерот ти е вклучен 24/7? Дали имаш машина за миење садови или рачно миете садови и бољерот во кујна ги врти киловатите?

Нас не не интересираат сметки за сите електрични потрошувачи во еден стан, ние овде зборуваме ЗА ГРЕЕЊЕ СО КЛИМИ. Не интересира колку струја трошат климите.
Како ти ќе изразиш мерење на на потрошувачка на електрична енергија при греење со клими, ако не со мерење на потрошена струја за единица волумен од просторот што се грее?

Волуменот не бил важен, потрошувачката не била важна, раскажување на приказни по форуми биле порелевантни!
Абе Кајгана муабет... Или ај па ете вие со Пинки кажете како да споредуваме потрошувачка, пошто потрошена енергија за волумен простор не ви одговара на вашите „критериуми“ за споредба. Дај да научам (научиме) нешто ново.



Убаво си кажа Флегма, мора една одделна тема да се отвори.
И таму во таа одделна тема да има само конкретни резултати од мерење на потрошувачката за зададена температура, со површина и волумен на просторот. Па после овде на оваа тема слободно кој сака нека философира, кој сака нека јаде си бурек до бесвест. А кој сака да споредува факти нека ја гледа новата тема со резултати од мерењето. Или па идета на Кајгана, таму уште потаман е за празни муабети.

Затоа, без понатамошнo одложувањe и дрвење... Дами и Господа климаџии, еве ја новата тема каде нема да има буреци и гурабии, туку само факти и мерења и податоци:
Резултати од мерење на потрошувачка на клима уреди и други уреди топлотни пумпи (читај правила)

Повеќе пати беше барано, и еве сега има одделна тема само за податоци и факти.
Повелете и постирајте ги вашите резултати од мерењата за потрошувачка, само ве молам прво прочитајте го уводниот пост и правилата.

 

[vlavot]

FH35VE потрошувачка за месец Јануари 2018.
Температура 22-23-24-25
Навечер 18-19.

Sent from my iPhone using Tapatalk

 

[pinky]

Како волуменот тоа „немал врска“? Исто е да грееш 20 квадрати со плафон на 2.2 метри, и 20 квадрати со плафон на 4 метри?
И жити се како ќе ја споредиш разликата во топлотните загуби, ако не преку потрошувачката за единица волумен? Ќе баеш на гравчиња? Ќе вадиш рандом калкулатори од нет за загубите?

Не разбирам што ти е тезата. Сакаш да кажеш дека е нерелевантно споредување на потрошувачка на електрична енергија за единица волумен од просторот што се грее?

Единствена релевантна единица за пресметување и споредба на потрошена топлинска енергија е површина на топлотни загубари (и нивна точна загуба ако одиш уште подетално). Топлотни загубари се единствено ѕидови + прозори, под и таван. Волуменот не е.

Проблемот е што површината на тие топлотни загубари не се зголемува правопропорционално со зголемување на m2 простор, како што е случај со волуменот.

Според твојата математика, за 50m2 е потребно 100% повеќе топлина отколку за 25m2, затоа што има 100% повеќе волумен. Ама не е така. Во 50m2 има 70% поголема површина на загубари во споредба со 25m2, па затоа е потребно 70% повеќе топлина.

Пример:
Простор од 25m2
5*5*2.5 = 62.5m3
(5+5+5+5) * 2.5 + 25 + 25 = 100m2 (порвшина што прави топлотни загуби)
(ѕидови) * висина + под + таван

Простор од 50m2
7.1*7*2,5 = 125m3
(7.1+7.1+7+7) * 2.5 + 50 + 50 = 170.5m2

 

[Lokvan]

Според твојата математика...

Не друже, немам намера да се губам во непотребни комплицирања.

Прва работа што не ја разбираш: Јас правев споредба на неговата и мојата потрошувачка на електрична енергија за загревање. За да направам реална споредба меѓу мојот и неговиот различен простор (70м2 со 2.5 метри висина кај мене, и 17м2 со 2.2м висина кај него), јас пресметувам потрошувачка на струја по метар кубен кој се загрева.
Таа потрошувачака за метар кубен можам да ја споредам меѓу двата различни простори.

Втора работа што не ја разбираш е дека „мојата“ математика е заснована врз база на достапните податоци. Достапни, во смисла на познати, податоци.

Податоците кои ги знаеме за Caki, се следниве:
- површина и волумен на просторот кој го грее (17м2, со 2.2м висина, и 37.4м3 волумен)
- количина на енергија која ја потрошил (279.8 киловат часови електрична енергија потрошена за 34 денови)

Податоци кои НЕ ГИ ЗНАЕМЕ за Caki, а кои се потребни за „твојата“ математика:
- какви градежни материјали се употребени во неговиот објект (и каква термална спроводливост имаат W·m−1·K−1)
- какви изолациски материјали се употребени во неговиот објект (и каква термална спроводливост имаат W·m−1·K−1)
- колкава површина е во прозори и врати, кои нели имаат различни изолациски карактеристики од ѕидовите и изолацијата (ако ја има)
- каква столарија има, и каква термална спроводливост има
- итн, уште десетици фактори кои треба да влезат во оваа калкулација
Дури и да ги знаеш наведениве побарувања, тие пак ќе бидат само спецификации кои нели, во пракса не мора да бидат точни.

Се надевам дека сега почнуваш да разбираш колку е непотребно да се заглупуваш со сложени калкулации за топлотни загуби, кои имаат десетици непознати, а од друга страна веќе имаш готови достапни податоци за потрошувачката на енергија за загревање на тој простор - кои може да се споредат со истите податоци за друг простор.

едит: лапсуси.

 

[FLEGMA]

@caki
Дали набави WiFi модул? И ако да како си задоволен?

Иначе денес и јас измерив потрошувачка од 300W при наместена температура од 25 степени. Се работи за детска соба (15m2 > 4.75 x 3 со 2.80 висина)
Без никаков проблем постигнување на температура. Еве вечерва гледам дека и со вентилатор на „кец“ климата одржува па дури и знае компресорот во целост да изгасни.
Ова се, нормално, налбатски описи за состојбата и деновиве ќе документирам (ако успеам)

 

[pinky]

...

Исто како што во твојата пресметка нема земено предвид градежни и изолациски материјали, столарија и други десетици фактори, така нема ни во мојата. Пошто не ги знаеме, ги игнорираме во случајов сите тие параметри. Пишав во претходниот пост, ако сакаш точно да пресметаш, можеш и тие податоци да ги искористиш. За ориентациски, може и без нив.

За ориентациска споредба е потребно да се знае само должина и висина ѕидови + под + таван, т.е. само еден податок повеќе (должина на ѕидови) од тоа што имаш ти, за кој може да се искористи и претпоставена вредност, без да се промаши многу во крајниот резултат.

Со користење волумен место површина на загубари, како што можеш да прочиташ тука, имаш промашување од 70% во споредбата со Цаки.

 

[Lokvan]

За ориентациска споредба е потребно да се знае само должина и висина ѕидови + под + таван, т.е. само еден податок повеќе (должина на ѕидови) од тоа што имаш ти, за кој може да се искористи и претпоставена вредност, без да се промаши многу во крајниот резултат.

Јас нема да се заглупувам со „ориентациска споредба“, затоа што јас веќе направив реална споредба. Во споредбата што ја направив, користев измерена вредност (наместо твојата „претпоставена вредност“).

Со користење волумен место површина на загубари, како што можеш да прочиташ тука, имаш промашување од 70% во споредбата со Цаки.

Тоа мое претпоставено промашување од 70% го пресмета со твоите „ориентациски споредби“ направени врз основа на „претпоставени вредности“?

 

[pinky]

Алал да ти е за реалната споредба со само еден податок - волумен. Така да се правеле реални споредби и пресметки, ќе можевме за една минута да им кажеме на дечкиве што прашуваат каква клима да си купат.

Иначе, ти пишав овде пример со точни вредности, каде многу лесно може да се воочи дека со податок волумен се добива грешен резултат.

 

[Lokvan]

Алал да ти е за реалната споредба со само еден податок - волумен.

Не.
Волумен И количина на потрошена електрична енергија за дадено време.

Добиената потрошувачка по метар кубен е реална вредност, која реално можам да споредувам за различни простори (соби или станови).

Иначе, ти пишав овде пример со точни вредности, каде многу лесно може да се воочи дека со податок волумен се добива грешен резултат.

Јас таму воочувам само вежби по аритметика од 6-то одделение, неповрзани со муабетов за споредба на потрошувачката меѓу мене и Цаки. Но ти очигледно намерно го игнорираш фактот дека јас зборував за едноставна споредба на потрошувачката на струја (наместо за непосточката дилема која упорно ја наметнуваш).

Не можам да се одлучам... Тролаш, или природно си ваков?

 

[pinky]

Не те тролам, само пробувам да ти објаснам дека kW/m3 е исто релевантен податок како и потрошни kW по број на столици во една просторија

Со споредбата што ја направи, се добива слика дека имаш 100% поефикасна клима или изолација, или комбинација од двете, во споредба со него, затоа што имаш 50% помала потрошувачка по метар кубен.

Целиот муабет ми е дека ако користиш правилна формула (од вежби по аритметика за 6-то одделение) за компарација на загуба на топлина меѓу два различни простори, се добива резултат дека уствари имаш 30% поефикасна клима или изолација, или комбинација од двете.

Ако не сфаќаш зошто тоа е така, пробај уште еднаш прочитај ми ги претходните постови. Ако пак не сфатиш, не можам да ти помогнам. Еве нека проба некој друг.

 

[Lokvan]

Со споредбата што ја направи, се добива слика дека имаш 100% поефикасна клима или изолација, или комбинација од двете, во споредба со него, затоа што имаш 50% помала потрошувачка по метар кубен.

Тие слики за „ефикасност на клими и изолации“, се само твои слики. Јас едноставно споредив разлика во потрошувачка на струја меѓу мене и него, а за иста единица мерка волумен.

Никаде не се обидов да пресметувам топлотни загуби, ниту па да ги споредувам истите.
Затоа ајде полека, повтори го тоа уште еднаш: Споредувам разлика во потрошувачка на струја меѓу мене и него. Не претпоставена, не ориентациона, туку со мерач измерена потрошувачка. Ок? Потрошувачка на струја! ...ОК?


Ова до сега ќе го разбереше и некој со IQ колку бројот на чевлите кои ги носи. Пошто ти не изгледаш на таков, очигледно дека намерно правиш некој филм. Е сега кој ти е филмот, тоа искрено и не ме интересира. Мислам дека доста беше безвезни муабети за вечерва, ај лека ноќ.

 

[pinky]

Епа ондак извини што не сфатив дека споредбата за потрошувачка на два клима уреди во тема "избор на клима уред", не била никако поврзана со ефикасноста на клима уреди

 

[moongose]

Јас не „претпоставувам“. Јас пресметав.
Го пресметав токму тоа што и го напишав: колку јас и Цаки сме потрошиле за загревање по метар кубен, за еден месец (и некој ден).

Цаки потрошил скоро дупло повеќе електрична енергија од мене, по единица мерка кубен метар. Тоа се фактите.

Никаде не се обидов да пресметувам топлотни загуби, ниту па да ги споредувам истите.
Затоа ајде полека, повтори го тоа уште еднаш: Споредувам разлика во потрошувачка на струја меѓу мене и него. Не претпоставена, не ориентациона, туку со мерач измерена потрошувачка. Ок? Потрошувачка на струја! ...ОК?

Tочно. Си измерил потрошувачка на ел. енергија на климите. И тоа си го поделил со волуменот на просториите. Затоа што само тоа ти било на располагање. И тоа точно си го пресметал. И знаеш што значи резултатот што си го добил?

Ништо. Едно големо ништо.

Зошто?
Затоа што во пресметката ти фали енергијата, таа топлинската. Таа што се надокнадува заради топлинските загуби на просторијата. Истата таа загуба која ти упорно ја игнорираш, а заради која се грееме.

Џабе ти е таа вредност до која си дошол, ако не знаеш колку е стоплен тој воздух. Воздухот, кој постојано се лади затоа што својата топлина ја губи преку ѕидовите, прозорците и останатите отвори во просторијата. Не се лади заради волуменот. Се лади заради топлотните загуби на просторијата. Затоа го грееме со климите.

Најважната работа во пресметката, таа што се пресметува, ја имаш испуштено. Тоа е колку топлина внела климата во тој простор. Тоа треба да го знаеш, тоа е предметот на споредба. И повторно, тоа соодејствува на топлотните загуби на просторот, независно од неговата површина или волумен. Кога ќе ја знаеш таа вредност, треба да ја ставиш во однос со потрошената електрична енергија. И тој резултат ќе е релевантен. Тоа го има на еуровент, што цело време тежнееш да го дискредитираш.
А потоа резултатот сакаш дели го на квадрати простор, сакаш на кубици волумен. Како ти е полесно да го сфатиш, така дели си го.

Не биди тврдоглав да идеш контра по секоја цена. Застани малку, подразмисли, препрочитај ги постовите од оваа и претходната страна и конечно разбери. Не е страшно да признаеш дека си згрешил. Нема да ти се ситиме, ќе бидеме среќни што си сфатил.

 

[DelphiUser]

Се тупате во гради дека сте подобри од кајгана, ама терате во тој правец. Кажавте што имате и прекинете, не мора да се тера инает.
Инаку моето мислење е дека површината на ѕидовите (надворешни ѕидови, изолација, пвц, под и таван) и нивната топлопропустливост (секој објект има коефициент на топлопропустливост) е важна за пресметка на топлинските загуби на еден објект. Доколку го пресметате волуменот на воздухот во собата ќе видите дека климата произведува ~10 пати повеќе енергија од потребната да се загрее само воздухот од просторијата на зададените 24 степени. 9/10 од топлината одат за загревање на ѕидовите кои постојано испуштаат топлина.

 

[Lokvan]

... тоа точно си го пресметал. И знаеш што значи резултатот што си го добил?
Ништо. Едно големо ништо.
Зошто?
Затоа што во пресметката ти фали енергијата, таа топлинската. Таа што се надокнадува заради топлинските загуби на просторијата. Истата таа загуба која ти упорно ја игнорираш, а заради која се грееме.

Констатацијата дека сум добил ништо е твое мислење. Во животот човек може да се прави паметен колку сака, но на крај пак ќе се соочи со реалноста дека мора да се служи со тоа со што располага.

Наместо вештачкиве дилеми кои ги наметнувате, ајде да се вратиме на првичниот проблем. Да потсетам, колегата Цаки праша дали неговата потрошувачка на електрична енергија е просечна за просторот кој го грее. Човекот кажа колкав простор грее (површина и висина), и кажа колку електрична енергија потрошил.

Помина време и никој од вас стручњаците за топлотни загуби не му одговори на човекот.
Јас му одговорив.

Знаеш зошто не му одговоривте ти, Пинки или Дени?
Затоа што многу добро знаеете каква компликација е пресметка на топлотни загуби, и колку непрецизни резултати се добиваат. Не ви се губи време калкулирање на равенка со десетици непознати, кои претходно секоја треба да ја добиете како информација од Цаки кој можеби ниту ги знае тие варијабли, ниту ги разбира (а можеби човекот не знае ни што материјали се позади бојата на ѕидот).

Епа ни мене не ми се замара со тоа. Но јас му ги покажав моите мерења, и му кажав каква изолација имам. Му пресметав потрошена струја по метар кубен. Му дадов шанса да спореди меѓу потрошувачката кај мене и кај него. Има глава човекот, способен е да размислува па нека дојде сам до заклучок дали мојата термо фасада од 10см и сендвич ѕидови со минерална волна меѓу нив, дали таа изолација е некаков фактор во тоа што кај мене е дупло помала потрошувачката по единица волумен. Нешто сепак му дадов, за разлика од вас стручњаците.


Инаку јас никаде не кажав дека топлинските загуби не се важни.
Реков дека работам со тоа што го имам, наместо да се правам умен и ништо да не направам.

И да, фали добиената топлинска енергија, која е потребна за за да може да се пресметаат и топлотните загуби. Ама тоа пресметување ќе ви го оставам на вам кои сакате да ги пресметувате загубите. Имате таму на нет објавени COP вредности за климите, имате и метео историја за измерени температури во минатиов месец. Можете да пресметате добиена топлинска енергија. А можете и да отидете кај Цаки па да евидентирате што градежни материјали се употребни кај него, каква изолација, какви и колку големи прозори и врати. Најдете термална спроводливост изразена во W·m−1·K−1 за сите тие варијабли (и дузина други кои не ги набројав) па пресметувајте и помогнете му на човекот кој побара помош.

Ајде повелете бидете конструктивни и пресметувајте. Ставете го калкулаторот таму каде што ви е сега устата (ок де, прстите на тастатурата).

Пошто вака на бурек јадење се сведува работава.


едит:

Епа ондак извини...

Извинето нека ти биде, и за ова и за сиве други вештачки дилеми кои ги продуцираш.

 

[moongose]

Точно. Му даде одговор, но погрешен. Со пример @pinky ти покажа зошто е погрешен.
Сега ако твојот на начин на пресметка го примениме на проблем 2x+4y=10, ти го решаваш така што велиш:
x и y се непознати, затоа ќе ги игнорираме и ќе работиме со тоа што ќе остане, тоа е 2+4=10, и заклучуваш дека 6=10.

 

[Lokvan]

^
Тоа што му го одговорив на човекот е точно, а „равенката“ горе не соодејстува со ситуацијата за која зборуваме.

Човекот не побара да му ги најдеш x и y, со точност до n-та децимала.
Човекот само праша дали со зголемување на x и y, дали ќе дојде до резултатoт што го сака (помала потрошувачка).
Прочитај го прашањето, па ај кажи дека не е така.

Дали сметате дека потрпшувачката е ОК имајќи во предвид дека просторијата е без ПВЦ столарија и без изолација и дали потрошувачката драстично би се намалила доколку се променат прозорите и се стави изолација?

Хммм... Дали човеков прашува совет за намалување потрошувачка, или бара да му дели памет за пресметки за топлотни загуби со десетици варијабли?


Некои проблеми се токму толку сложени, колку што човек сам ќе ги направи.
Ама егото е заебана работа, па после излетување тешко некако иде соочување со реалноста.

Најпосле инвестирање во изолација е најбезбеден совет што може да се даде на човек, на вакви дискусии. Кој може да си дозволи (а понекој што не може), прва работа што треба да направи за заштеда во загревање - е да вложи во изолација на објектот.

@caki
Дали набави WiFi модул? И ако да како си задоволен?

Иначе денес и јас измерив потрошувачка од 300W при наместена температура од 25 степени. Се работи за детска соба (15m2 > 4.75 x 3 со 2.80 висина)
Без никаков проблем постигнување на температура. Еве вечерва гледам дека и со вентилатор на „кец“ климата одржува па дури и знае компресорот во целост да изгасни.
Ова се, нормално, налбатски описи за состојбата и деновиве ќе документирам (ако успеам)

За ваквите мали простории, важно е климата да има можност за ниска модулација. Тивко постојано дување е подобро од престанување со работа и потоа појако дување, па можеби климата ќе го искористи времето да направи и краток дефрост (ако е така програмирана). И ете ти беља. Ај да те замолам кога ќе можеш да кажеш подетални искуства за во малата просторија. Треба на пријател да му препорачам нешто поевтино за мала соба а ниедна од поевтиниве понуди нема модулација под 400вати. Мојата Gree Change има релативно гласен дефрост, знае да смета во спиење.

 

[FLEGMA]

За ваквите мали простории, важно е климата да има можност за ниска модулација.

Моментално сум на мобилен и ме нервира да пишувам. Покасно ќе пишам подетално. Битно климата не престанува да дува но компресорот често гасни (и се пали) така што потрошувачкта се движи 450 (кратко), 300 подолго и потоа компресорот гасни (потрошувачка 15 вати) и одново. Сето ова @24 степени со вент. кец (денес е сончево)
Во мојата равенка има две деца на 7 и 8 години кои редовно заборават врата, рипаат и скокаат плус мора да се луфтира. Во мојот случај меродавно ќе биде мерење на празна соба или навечер додека спијат .
Дефростот или го немам приметено или е супер тивок и брз што ме чуди затоа што вчера врнеше од пладне до рано утрово .

Другата AERI која е во спална соба влезе во дефрост (на дисплејот пишува DF) ама го заврши за околу 2 мин. без звуци на чкрипење и пукање или пак шуштење. За жал не можам да го слушам или следам компресорот кој е 3м. подолу со 6м. цевка .

 

[caki]

@caki
Дали набави WiFi модул? И ако да како си задоволен?

Иначе денес и јас измерив потрошувачка од 300W при наместена температура од 25 степени. Се работи за детска соба (15m2 > 4.75 x 3 со 2.80 висина)
Без никаков проблем постигнување на температура. Еве вечерва гледам дека и со вентилатор на „кец“ климата одржува па дури и знае компресорот во целост да изгасни.
Ова се, нормално, налбатски описи за состојбата и деновиве ќе документирам (ако успеам)

WiFi модул не сум набавил бидејќи реално немам потреба. Иначе пробај користи ја климата на зададени 24 степени во 2 брзина на вентилаторот, ќе добиеш потрошувачка под 300w и поголема температура во собата. Сепак овие неколку дена надворешните температури се по карактеритични за пролет, кога ќе бидат помали, 1ва брзина на вентилаторот може да не ја постигнува зададената температура.

 

[Bravo]

За сите шо навлагате у квантна физика и формули - според мене треба да гледате дали сте или не сте згреани и дали ви е висока или ниска сметката за струја.
Се друго е шиткање м.да за бубрези.

 

[FLEGMA]

За сите шо навлагате у квантна физика и формули - според мене треба да гледате дали сте или не сте згреани и дали ви е висока или ниска сметката за струја.
Се друго е шиткање м.да за бубрези.

Добро.
Седи петка!

 

[Lokvan]

Па и не е дека донекаде не е во право. Од негов аспект може и целосно да биде во право. Се е фино и денди со разглабањето теорија, ама ако не можеш да ја примениш во пракса тогаш слабо фајде од неа.

Барем 90% од луѓево ги интересира да бидат згреани и да имаат што помали сметки. Штом се решиле за клима и СЕ загреани, веќе е завршена најголемата работа - пошто колкава и да им е сметката сепак ќе биде многу помала од алтернативите.

Така да освен ако некој стрикно не побара теорија, многу пополезно би било да му се даде практичен совет. Затоа ако некој ме праша колку јака клима да пазари, јас нема да го упатам да пресметува термални загуби со десетици променливи - едноставно ќе го советувам да се грее неколку денови со обични греалки и да ми го каже просекот на киловат часови кои ги потрошил. На нашиве експерти по термални загуби колку и да им смета тоа, подобар совет не можат да дадат. Освен ако не отидат кај човекот и не посветат пар денови на детална анализа и пресметки (што нема да го направат). Се разбира, слободни се да се обидат да ме демантираат ако сметаат дека не сум во право.

 

[Bravo]

Добро.
Седи петка!

Не ми се седи, само што ручав и прилегнав малку.
Ова шо го пишуем е основата и целата поента на греењето со клими.

И те молам немој вака заповедно у иднина, многу сум осетлив, ќе ме навредиш.