Идеја за бизнис понуда

[389mk]

Работам во македонска компанија на не-ИТ работна позиција, не сум ИТ кадар и немам големи ИТ познавања, но имам елементарни познавања, и преку алатките кои ми се достапни преку моите претпоставени дадов обична идеја и изработено рудиментирано софтверско решение до инхаус ИТ секторот и до менаџерите за ИТ решение кои би го олеснило производствениот процес, но идејата беше наводно одбиена, не верувам ни дека стигнала хиерархиски високо.

Но верувам дека ако идејата биде правилно предложена до менаџерскиот тим, со финансиска конструкција, од надворешна ИТ компанија, има барем 60% шанси да биде прифатена, а тоа би било и од финансиска корист за ИТ компании кои се занимаваат со хардверски и софтверски решенија. Во зависност од тоа што би вклучувало предлогот, проектот може да кошта од неколку илјади до неколку десетици илјади евра.

Е сега сакам да бидам некој вид на „консултант“ на надворешна компанија на која за одреден процент ќе ја дадам идејата и ќе дадам насоки како би се зголемиле шансите да биде прифатена.

Прашањето ми е дали ова би било етички и законски исправно од моја страна?

 

[Astro]

Идејата е твоја. И ако е стварно твоја, и имаш доказ дека е твоја и дека е одбиена, тогаш и етички е исправно од твоја страна да работиш приватно на неа. Но ако тоа не се крши со договорот што го имаш со твојата компанија да не работиш на слични проекти или да си конкуренција на компанијата тогаш и законски е исправно да си работиш на неа.