Стани премиум член и добиј попуст на 2000+ производи и куп други бенефити!
  • Важно
    Имате проблем со најава или регистрација на it.mk?
    Побарајте го решението на вашиот проблем ТУКА!

Рецензија Gree GCF300CKNA филтер за пречистување воздух

Lokvan

Unbeatable
12 јануари 2016
3.910
5.393
SK
Ова ќе биде повеќе фото-рецензија, отколку некој обемен текст. Од мојот личен кориснички аспект за кратково време за кое го користам уредов можев да ги забележам следните работи кои ќе ги наведем по хронологија на некоја моја логика.
Прво, уредот доаѓа исклучително добро спакуван, на исто ниво како пакувањето на клима уредите од Гри. Не ми се снимаше unbox-инг ама ако некој има желба да ја види амбалажата, може да ја фотографирам.

Од физички аспект испадна релативно поголем отколку што очекував во однос на фотографиите и видеата кои ги имав гледано на нет:

Gree 01.jpg Gree 02.jpg Gree 03.jpg

Уредот тежи 10 килограми што не е незанемарлива тежина, но обликот и 3те отвори во горниот дел од задната страна го прават релативно лесно подвижен за просечна возрасна индивидуа (од било кој од двата пола).


Gree 04.jpg Естетиката на уредот е допадлива. Од функционален аспект воздухот го зема странично од левата и десната страна, потоа минува низ филтрите и прочистен се исфрла нагоре.


Gree 05.jpg
Овде можете да ги видите спецификациите.
Зависно од модот на работа потрошувачката оди до 64 вати, а јачината на звукот што притоа го прави работата на уредот оди макисмално до 48 децибели.
Потрошувачката е навистина занамарлива, ама звукот не е, на најсилниот мод на работа уредот е прилично бучен. Од друга страна во тивок мод на работа звукот е сосема поднослив.
Ова веќе е работа на лични преференци, и кога во пар наврати го демонстрирав уредов на пријатели и на блиски, приметив дека лесно се „заборава“ буката, освен кога е во најсилниот мод на работа кој ионака се препорачува само на кратки интервали кога е важно набрзина да се исфилтрира загаден воздух.

Јас лично сум пропонент на тишина и одам до екстреми за да дојдам до неа (компјутерите никогаш не ми се сместени во просторијата во која се работи со нивните периферии). Затоа (и пошто засега имам само еден) уредов го шетам од дневна во спална. Обично навечер уредот е во дневната соба и таму останува и наутро па се додека не дојде попладне и времето за гледање филмови или слушање музика или други активности. Тогаш уредов го преместувам во спална додека не дојде време за легнување, кога пак го враќам во дневна.
Во план ми е изработка на мој филтер уред, или можеби и набавка на уште еден нов филтер уред. Така ќе имам по еден уред во секоја од просториите и нема да има потреба да ги преместувам.

Друго од спецификациите што треба да се напомне, е волуменот на воздух кој се филтрира во еден час. Тој за овој уред изнесува 260 кубни метри на час. Гри вели дека уредов е „подобен за простории од 40тина метри квадратни“ но тоа земете го со резерва и пресметајте го вашиот вкупен волумен на воздух во дадената просторија, па пресметајте ги вашите потреби.

На пример еве за мојата спална соба (15тина м2, 2.5м висина), тоа е 15х2.5=37.5 кубни метри воздух. Уредов филтрира 260 кубни метри на час, тоа поделено на 37.5 е еднакво на 6.93 филтрирања на час на целиот волумен на воздухот од просторијата. Дневната која е дупло поголема, ќе има ~3.5 филтрирања на час.
Ова е различно од препораките за менување на воздухот во еден час, прво заради тоа што секое наредно филтрирање после следното е се помалку ефикасно (воздухот е веќе исфилтриран), второ затоа што во градовите како Скопје постојано менување на воздухот (вентилација) е рамно на желба за самоубиство заради загаденоста на надворешниот воздух.


Gree 06.jpg
^
Еве ги составните делови на делот за филтрирање. Вентилаторот низ филтерот вовлекува воздух и потоа исфилтиран го вентилира нагоре од најгорната страна на уредот. Гледано од лево кон десно, веднаш после вентилаторот се наоѓа прво делот со активен јаглен:
Gree 08.jpg
После него доаѓа рамката со ХЕПА филтерот:
Gree 07.jpg
ХЕПА филтерот е во плавата рамка, на страната спротивно од вентилаторот има некој слој од материјал со плава боја. За ова Гри во упаството пишуваат дека е нешто што го нарекуваат „HIMOP филтер“. Пребарував и најдов нешто подетално од овој германски текст:
What is a HIMOIP filter?
HIMOP (High Efficiency Multi Oxidation Pottery and Porcelain Granule): A highly efficient ceramic filter using biopolymer materials with highly oxidative properties. The basis is technically treated grain, which is arranged in the form of small spheres with a porous surface in a plurality of juxtaposed combs over the entire filter surface. In a natural way, the organic pollutants in the room air are detected by the filter surface and are split into water and Co2 (carbon dioxide).
Текстот ме наведува дека ова може да е некој активен дел, нешто во електрониката. Не го разбирам, ако некој може нека објасни.
Уредот исто така има јонизатор, но неговата работа е целосно необјаснета. Како што на други теми се кажа, лошо е ако јонизаторот испушта озон и во тој случај би требало да се користи само кога во собата нема жители. Но навистина не знам дали се испушта озон, ова го нагласувам за ако некој знае повеќе, да се разјасни ова.

Нејсе, после овие делови од филтрите доаѓа крупна решетка и поголема комора низ која се вовлекува воздух од страничните отвори на уредот. Последен доаѓа предниот поклопец кој се става и вади прилично едноставно.


Во следниот пост ќе ја покажам електрониката (лимит од 10 слики по пост).
 

Lokvan

Unbeatable
12 јануари 2016
3.910
5.393
SK
Малку ќе ја документирам електрониката која ја контролира работата на уредов.
Gree 09.jpg

PCB-то е заштрафено со три штрафа за пластичен дел кој и самиот е заштрафен со три штрафови за телото на уредот.

На плочката има два конектори, едниот оди кон делот со вентилаторот а вториот го поврзува сензорот за партикли:
Gree 16.jpg Gree 14.jpg Gree 15.jpg
Останатите делови од електрониката ако некој е расположен да објасни, нека повели. Еве подетални фотографии:
Gree 10.jpg Gree 11.jpg Gree 12.jpg Gree 13.jpg

Добро е што плочката е со hole mounted компоненти, тоа значи дека ќе биде полесно поправлива за аматери како мене - на пример ако треба да се замени некој подуен електролитски кондензатор (како тој плавиот до дупката за штрафење во последната фотографија).

Тоа лево на последната фотграфија треба да е еепром чипот со фирмверот:
http://www.datasheetcafe.com/24c02wp-datasheet-pdf/

Под него шифт регистер:
http://www.st.com/en/interfaces-and-transceivers/uln2003.html

Parallel-Out Serial Shift Register:
http://www.ti.com/general/docs/lit/getliterature.tsp?genericPartNumber=SN54HC164-SP&fileType=pdf


За сензорот за партикли, се работи за Sharp dust sensor GP2Y1010AU0F:
http://www.sharp-world.com/products/device-china/lineup/data/pdf/datasheet/gp2y1010au_appl_e.pdf
https://www.sparkfun.com/datasheets/Sensors/gp2y1010au_e.pdf
GP2Y1010AU0F is a dust sensor by optical sensing system.
An infrared emitting diode (IRED) and an phototransistor are diagonally arranged into this device. It detects the reflected light of dust in air.
Especially, it is effective to detect very fine particle like the cigarette smoke. In addition it can distinguish smoke from house dust by pulse pattern of output voltage.

Еве интересен текст за точноста на овој сензор (поврзан на Ардуино) и спореден со Dylos DC1100 Pro Air Quality koj важи за еден од подбрите и прецизни сензори:
http://www.howmuchsnow.com/arduino/airquality/
sharpdyloscompare1.gif


Прилично блиску до мерките од Dylos.
Всушност ваков сензор ќе гледам да нарачам деновиве, а чекам да ми дојде и Shinyei PDD42, па ако не закаснат премногу со испораката од Кина ќе има и некои мерења за ппм.


До тогаш, за крај на оваа кратка рецензија само ќе кажам и мое субјективно мислење за ваквите уреди. Само да нагласам дека зборувам за сите уреди кои се со слична физичка величина со Gree GCF300CKNA, затоа што истите ограничувања ги имаат сите вакви уреди.

Прво, навистина сите се прексапи за уреди кои всушност се вентилатори со филтри. Од добрите страни, дефинитивно на долги патеки филтрираат доста од пм честичките (ако внесот на истите во просторијата е контролиран и релативно мал).

На жалост тука завршуваат добрите страни.
Негативностите: Деловите со активен јаглен им се премали за да направат реална разлика на волуменот на целата просторија. Јонизаторот помага, ама за ниеден уред не сме на чисто дали испушта озон. Во најсилниот мод на работа сите мали уреди се бучни.

На крај сепак понудата е таква каква што е, а фактот дека живееме во средина со исклучително загаден воздух - ме убеди да купам ваков производ. Само заради фактот дека филтрираат пм честички, вреди да се има еден филтер за воздух.


За Гри се одлучив од неколку причини. Прво имам две Гри инвертор клими од кои сум задоволен. Второ, цената. Гри ме чинеше 9 илјади денари, со попустот кој @sumi го обезбеди за купување на неколку уреди.
Сличните уреди од winix одат по 3-4 пати поголеми цени. Тие на Цептер се над 800евра (650 ако се земат два). :eek:
Шиаоми идат некои ~200 долари, плус скап шипинг од ~150 долари, плус царина и ддв.

Другите причини заради кои го одбрав Гри, заменските филтри се достапни локално и заради едноставната четвртаста форма на ракмата - изгледаат лесни за замена во сопствена изработка со сопствени поевтини материјали.

Окулу цените на заменските филтри.
- ХЕПА филтрите за Гри во Гримак коштаат 1000 денари.
- Заменски филтри за winix не знам колку чинат, нека кажат корисниците (кои ги имаме неколку на форумов)
- Заменски филтри за Шиаоми моментално нема ни на Али ни на Геарбест, ова е најевтино што најдов:
https://www.ibuygou.com/p-xiaomi-mi-air-purifier-filter-6661.html
42 долари, што е окулу 2.5 илјади денари (плус поштарина од некои 20тина долари, плус царина и ддв).

Значи незанемарлив трошок за користење ќе има заради заменските филтри. Една од причините заради која го одбрав Гри е фактот дека заменските филтри изгледаат многу едноставни за ретрофит. Треба да се најде локално каде се продаваат вакви материјали на метар, или поедноставно директно од Кина на мала количина:
https://www.aliexpress.com/item/DIY...-SKG-XIaomi-ect-Air-Purifier/32634528689.html


Поздрав до @sumi кој беше многу професионален во групната нарачка. Малкумина се пријавија, ама сепак за 4 уреди добивме цели 10% попуст. За пар денови од муабетот на врата дојде комбе од транспортен сервис и уредите ги имавме доставени дома.
Се на се позитивно искуство.

Тоа би било тоа од мене. Ако има прашања, ќе се потрудам да одговорам.
 

Gaston

Unstoppable
9 февруари 2011
1.709
3.124
Gaston's setup  
Audio
AR
Фала многу за текстов.
Ме натера да размислувам во насока на самоградба. Но од она што ми оди во глава за сега е некој многу гломазен, а веројатно и бучен систем.
Идејата која ми е дојде е од тој Sharp сензорот кој функционира на сличен начин како уредите за испитување издувни гасови во станиците за технички преглед (Cartec, Maha, Nussbaum), односно се работи за опациметар.
За идејава која ја имам би се користел DPF филтер од возило кои се со карактеристики да чистат честички со дијаметар помал од 2.5 μm.
Веројатно остварливо и пресметливо до ниво на перфекција, но во куќа и тоа во процес на изградба. За стан е речиси SciFi зашто би барало спуштање на ионака низок плафон, бушење на ѕидови, сместување на работната единица на тераса со што бучавата би се слушала внатре. Башка што треба да се смисли дополнителен уред за регенерација на DPF-ите...
 

psyside

Rising Star
4 септември 2008
30.213
31.380
psyside's setup  
Processor & Cooler
Ryzen 5 [email protected] + PCCooler X5
Motherboard
Asrock B450 HDV
Storage
970 EV0 Plus 500GB
PSU
Evga 750W BQ
RAM
2x8GB Hyper X Predator@ 3200
Video card
Asus RTX Dual EVO 2060 Super
Case
CM Masterbox E500 with ODD
Mouse
Cooler Master Storm Spawn + Corsair 140/Zalman ZM-F4
Keyboard
Logitech G910
Monitor
Asus PA328Q Pro Art
OS
WIN 10 Pro X64
Одличен напис - рецензија, браво другар, иде важна инстантно!

Не биди скромен, далеку е ова од не обемен или не детален текст! :cool:
 

Lokvan

Unbeatable
12 јануари 2016
3.910
5.393
SK
Фала Псај, сега гледам сум оставил едно чудо секакви грешки - ама се брзав да завршам пред идење во кино... :)



Една работа што заборавив да ја спомнам, од задната страна има држачи за закачување на зид кои се исти како тие на бојлерите. Само што се пластични а не метални, но претпоставувам дека се дизајнирани да ја издржат тежината на уредот.
Можеби на некој ќе му значи нешто информацијата.



Во меѓувреме разгледав за цените на заменските филтри на Winix:
http://www.winixmk.mk/winix-p450-filter/
http://www.winixmk.mk/procistuvaci-vozduh/filter-winix-u450/
Цената на ХЕПА филтерот им кошта цели 4000 денари (4500 за филтерот со активен јаглен).

Во комбинација со цената на уредот кој кошта 19500 денари, очигледно дека Winix е многу поскапа опција за нешто што е сосема споредлив уред со Gree GCF300CKNA (според димензии и спецификации). Има нешто поголем проток на воздух, но кошта дупло повеќе и заменскиот филтер му кошта 4 ПАТИ повеќе.
За споредба Gree GCF300CKNA чини 10 илјади малопродажна цена, и заменскиот ХЕПА филтер чини една илјада денари. Верувам ако го прашате Суми, би следел и некој попуст.

Од аспект на цена/перформанси Гри останува неприкосновен победник на пазарот, исто како и кај инвертор клима уредите.




@Gaston мислам дека нема шанси да употребиш DPF филтер за пречистување на воздух во простории. Јас колку што разбирам, DPF собира саѓи од недосогорена нафта во издувниот систем и потоа саѓите се спалуваат. Не знам како го решиле тоа, но сосема извесно концептот бара голема концентрација на партиклите каква (за среќа) немаме во воздухот.

Ова е чисто мое лаичко размислување, тапа се разбирам во аута. ;)
Инаку не си далеку во претпоставката, пошто најголемиот дел од пм содржината во скопскиот воздух (и во тој од поголемите градови) е токму од недосогорени саѓи од дрво, разно ѓубре, и фосилни горива. Проблемот е само како волуменот од воздухот да го компримираш во нешто како ауспух. :)

Спомна самоградба, на општата тема за филтри поставив линк кон планови и други ресурси за DIY филтер уред комплет со CAD фајлови и скици.
edit: еве ги:
http://aaaiiirrr.org/?page_id=163
https://github.com/Nosanon/AirLV
Ако најдеш добри и големи индустриски вентилатори - да ми кажеш обавезно, јас секако планирам некогаш да направам еден голем и тивок DIY филтер уред.
 

Gaston

Unstoppable
9 февруари 2011
1.709
3.124
Gaston's setup  
Audio
AR
@Lokvan затоа реков дека ми е само размислување и затоа ја спомнав регенерацијата (согорувањето на насобраните саѓи). Регенерацијата на DPF филтер може да се реализира на повеќе начини, зависно од изведбата на самиот систем. Најчесто се извршува пасивно (голем проток, висока температура = автопат). Затоа реков дека треба да се смисли и дополнителен уред за регенерација - екстерен или интегриран.
Ме поттикна оној Sharp опациметар кој го има во твојот Gree. Со опациметри во станици за технички преглед сум инволвиран професионално.

И незнам зашто помисли дека зборев за онакви домашни кутии. Зборев за голем (огромен) систем за вентилација кој прочистувањето би го вршел надвор од просториите - куќа во изградба.

Но нели, ваквите големи системи за централно кондиционирање на воздухот однапред мора да се предвидат како да се заштитат од размножување на микроорганизми, мувла и сл. за да не излезе на крај повеќе штетен отколку корисен овој систем.

Накратко: идејата ми беше за самоградба на голем систем на вентилација и прочистување - централна климатизација надополнета со филтри за ПМ честички.

Уште пократко: си фантазирав на глас.

Gree GCF300CKNA по спецификации е поблизок до Winix U/P300 или U/P450?
 

Lokvan

Unbeatable
12 јануари 2016
3.910
5.393
SK
@tomi Гримак е дистрибутерот, ама јас ти препорачувам да земеш преку @sumi



идејата ми беше за самоградба на голем систем на вентилација и прочистување - централна климатизација надополнета со филтри за ПМ честички.
Се може да се направи ако се сака.
Во вакoв проект обавезно и рекуператор. :)
 

moongose

Unbeatable
19 јули 2013
3.910
4.736
@Lokvan, баш ми е драго што и сам се увери дека уредиве функцинираат според дадените спецификации, дека производителите не лажат во врска со спецификациите и дека не се плацебо играчки како што толку сигурно тврдеше. И покрај тоа што е помал од плишано мече :)
 

Lokvan

Unbeatable
12 јануари 2016
3.910
5.393
SK
Всушност @moongose сеуште сметам дека ваквите уреди продаваат многу плацебо. Сите функции освен механичкото филтрирање им се плацебо (а и тоа само донекаде е функционално). Јас само се соочив со реалноста дека нема набрзо да направам DIY филтер. Додека да се случи тоа, земав комерцијален филтер.

Макар и само заради каква-таква филтрација на пм честички вреди да се има еден филтер уред. Колку и да е прескап уредот за цената на материјалите и цената на изработката, пак вреди заради бенефитот од филтрацијата на пм честички.

Погледај ги фотографиите од погоре.
Деловите се:
- вентилатор
- релативно едноставна електроника за контрола на вентилаторот (и разните тра-ла-ла функционалности)
- механички ХЕПА филтер
- пластично тело на уредот

Сите, па најскапите филтер уреди, се направени така - вентилатор, електроника, механички филтер. Од тој аспект гледано, цените на ваквите филтер уреди се тотално забегани за уреди кои во основа се многу едноставни и евтини за изработка.
Gree го одбрав затоа што цената им е најмалку забегана во однос на цените на конкуренцијата. Некои од ваквите уреди идат и по цели 800+ евра, или накај 50.000 денари за Цептер филтерот??
За тие пари ќе купам 5 Gree GCF300CKNA.
Или можеби 6, ако ги пазарам од Суми! :p


Значи уште еднаш - не го променив мислењето. Сеуште сметам дека функционалноста на хемиската филтрација на ваквите филтер уреди е повеќе маркетинг, отколку реална функција која прави некаква разлика. Сеуште сметам дека сите овие филтри се едноставни уреди со вентилатор и механички филтер (и еден куп маркетинг за глупости како сребрени решетки, антибактериски својства и друго).
Гри барем вреди за парите.

Токму тоа го напишав погоре:
...за крај на оваа кратка рецензија само ќе кажам и мое субјективно мислење за ваквите уреди. Само да нагласам дека зборувам за сите уреди кои се со слична физичка величина со Gree GCF300CKNA, затоа што истите ограничувања ги имаат сите вакви уреди.

Прво, навистина сите се прексапи за уреди кои всушност се вентилатори со филтри. Од добрите страни, дефинитивно на долги патеки филтрираат доста од пм честичките (ако внесот на истите во просторијата е контролиран и релативно мал).

На жалост тука завршуваат добрите страни.
Негативностите: Деловите со активен јаглен им се премали за да направат реална разлика на волуменот на целата просторија. Јонизаторот помага, ама за ниеден уред не сме на чисто дали испушта озон. Во најсилниот мод на работа сите мали уреди се бучни.


На крај сепак понудата е таква каква што е, а фактот дека живееме во средина со исклучително загаден воздух - ме убеди да купам ваков производ. Само заради фактот дека филтрираат пм честички, вреди да се има еден филтер за воздух.
 

maci

On your way to fame
2 април 2008
3.240
832
и оваа цена е за мене прескапа.зошто?
пластично куќиште со еден вентилатор,два три филтри и да инфра ред сензор за прашина...
кога ќе ми текне дека една клима(внатрешната единица) со никаков филтер па колку микро прашина може да собере не па ова :)
и дома немаме сите толкава загаденост ко што што има надвор.
највеќе по домовите имаме од онаа микро прашина,синтетички влакна кои се добиваат од триење на облеката,ќебиња..мебел штофот и слично
или калолифер кој работел една две години па видете го колку прашина ќе собере на неговото куќиште.
хом маде,како најпроста идеја,земете фан 12 ка со адаптер,ставете го во соодветна кутија на која како влез ке имате една женска чорапа како филтер па за ххх време ќе видите собрано микро прашина :)
 
Последна промена:

Lokvan

Unbeatable
12 јануари 2016
3.910
5.393
SK
Јас секогаш навивам за DIY, ама од аспект на реалноста - кoлку кубни метри проток на воздух има типичен вентилатор од 12 сантиметри, на 12 волти?
Од аспект на изборот на филтер, женска чорапа секако е добра за соблекување ама како филтер само најкрупното ќе го задржи на себе. ;)

DIY изведба се прави, но ќе треба добар индустриски вентилатор со доволно cfm и квалитетен ХЕПА филтер. Со компјутерски фанови и женски чорапи...
 

sumi

On your way to fame
8 април 2007
1.137
790
Кавадарци
www.uhost.mk
sumi's setup  
Processor & Cooler
AMD Ryzen 9 5900HX
Storage
1TB NVMe
RAM
2x16GB DDR4
Video card
nVidia RTX3060
Case
Notebook Lenovo Legion S7
Mouse
Logitech MX Anywhere S2
Monitor
15.6" FullHD 1090x1080 LED
OS
Windows 11
Мало дополнување и од мене.
Го земав истиот уред, иако ги продаваме не ги користевме па решив да го променам тоа воедно да бенифицирам од почист воздух во домот. Оној кој нема деца не разбира колку глупости купуваме за нивна бенефиција :) .

Основата на реценцијата е генерално тука некаде. Одлично спакувано, одличен квалитете на изработка ( пластика, копчиња и слично ) , добар дизајн може да се вклопи во секој современ дом, можност за закачување на ѕид што е бенефиција за да е надвор од дофат на мали деца кој не разбираат па може да го наполнат со триста глупости и слично.

Единствена маана ( ако можам да ја наречам маана бидејќи е составен дел од секој уред кој циркулира воздух ) е звукот кој не е премногу гласен но за да користиш прочистувачот неможеш да го избегнеш, секој екстра уред во домот носи дополнителна бучава. Истата не е премногу голема и неподносливо и зависи од брзината на која е вклучен уредот. 90% од звукот доаѓа од природното струење на воздухот што значи самиот вентилатор е тивок.

@Lokvan пиша дека е за околу 40м2 и да се земе во резерва јас пак сметам дека може и повеќе бидејќи основната намена е константно одржување на чист воздух а штом постојано работи би можел да задоволува и простории нешто поголеми од 40м2 . Пали/гаси да би бил толку 40тина м2 но ако е постојано вклучен тогаш не гледам зошто на пример за 80м2 просторија не би бил доволен бидејќи постојано ке има филтрација и веќе прочистениот воздух ја намалува самата загаденост на воздухот.

Јас го користам на AUTO вклучен постојано ( и кога не сум дома ), мене многу ми е битно уредите да имаат добра автоматска контрола, животот е премногу полн со други обврски па да имам обврска да палам/гасам/намалувам/менувам модови и слично за мене е воопшто непрактично. До сега AUTO модот работи одлично. Прилика при детекција на мирис ( парфем во случајот беше ) уредот веднаш го осети ( добри сензори ) и се активира на помоќен од за да го прочисти непознатиот мирис ( odor ), штом исчезна истиот ( за кратко време ) исто се врати на ниска работа.

Сега за сега работи одлично и го препорачувам на секој кој бара вакво нешто. Уредот е одличен квалитет и одлично со ја брка работата а е меѓу најефтините ( ако не и најефтин ) на пазарот без притоа да има значајна разлика или загуба на перформанси. Конкурентни модели како што напоменаа се минимум со ДВОЈНА цена а во најмала рака се со исти перформанси. Ако платам нешто х2 очекувам да добијам х2 бенефиции/услуги/перформанси.

Малку да навратам и околу цените на уредите. Исто мислам дека се малку високи, барем за наш стандард но треба да се земе во обзир дека истите немаат МАСИВНО производство и употреба во светот со што производството на истите верувам дека е поскапо одколку друг тип на уред со ист калибар. Штом почнат почесто да се користат ке почнат и почесто да се призведуваат, ке се зголеми конкурентноста и сето тоа ке придонесе за пад на цената. Ако трошокот за еден производ е 100евра на пример на излез од фабрика данок, транспорт, царина итн.. не е ист доколку истиот при излез од фабрика чини 50еу. 20% од 100 и 20% од 50 не е исто :) така да очекувам со време полека да се намалуваат цените како ке почнат помасивно да се користат и кај нас и секаде во светот.
 

JasSum

Unstoppable
8 мај 2007
2.167
2.504
@Lokvan
Gree GCF300CKNA по спецификации е поблизок до Winix U/P300 или U/P450?

Помеѓу п150 и п300

п450 е далеку помоќен по спецификации. Филтрите се исто различни во димензии.

@Lokvan, измери ги филтрите. Би било добро да има инфо за димензија (ширина х висина).
 

Lokvan

Unbeatable
12 јануари 2016
3.910
5.393
SK
@JasSum ова као предизвикуваш на дет'меч, Gree GCF300CKNA vs Winix P300?
Ајде! :)

Gree GCF300CKNA vs Winix P300
Димензии 24.5× 39.6 × 57.6 vs 23 X 42 x 55 cm
Проток на воздух 75/150/230/300 m3/h vs 66/150/240/330 m3/h
Тежина 10kg vs 6.1kg
Цена: 10.000 ден vs 15.500 ден
Цена на заменски ХЕПА филтер: 1.000 ден vs 4.000 ден
(извори: Гри, Виникс)


Значајните разлики се болдирани. ;)
(на што ли Winix заштедиле 4 кила, или 40% од тежината)

Ако претпоставиме дека два ХЕПА филтри годишно ќе се употребуваат, тогаш Winix P300 е годишно поскап 6.000 денари. На тоа иде и 5.500 ден разлика во чинење на уредот. Значи само во првата година во старт е 11 илјади поскап, и секоја година уште по стотче додавај (евра).
За 5 години разликата ќе стане 500евра (за заменски филтри) + 5.500 ден почетната разлика, севкупно 600 евра. :innocent:

Практично излегува дека со одбирање Гри наместо Winix, секои пар години имаш гратис Gree GCF300CKNA и 2-3 ХЕПА заменски филтри. :D



Морав... Малку да се пошегувам. :p




Пали/гаси да би бил толку 40тина м2 но ако е постојано вклучен тогаш не гледам зошто на пример за 80м2 просторија не би бил доволен бидејќи постојано ке има филтрација и веќе прочистениот воздух ја намалува самата загаденост на воздухот.
Работата е во тоа што наведените се генерални вредности. Кога реков дека секој треба да види според сопствените потреби, мислев на тоа дека секаде се различни условите (кај различни корисници). На пример некој повеќе чисти од некој друг, некаде е почисто од некаде на друго место. Некаде природно надвор има помалку прашина, некаде помалку. Затоа 40м2 не се секаде исти. :)

Инаку целосно се согласувам со кажаното за постојано филтирирање наспроти повремено филтирирање. Најдобро е уредот цело време да биде пуштен, на ауто или на sleep (најтивко). На тој начин и послаб уред може да биде поефикасен во поголем простор.
 
  • Ми се допаѓа
Реакции: sumi

Misko6000

On your way to fame
5 април 2015
1.089
974
Има ли некој мерач,индикатор за PM честички?

Sent from my HM NOTE 1LTE using Tapatalk
 

JasSum

Unstoppable
8 мај 2007
2.167
2.504
Има ли некој мерач,индикатор за PM честички?

Sent from my HM NOTE 1LTE using Tapatalk
@krale што бидна со мерачот? Кога ќе може да видиме како функционираат и да ги тестираме уредиве.

@JasSum ова као предизвикуваш на дет'меч, Gree GCF300CKNA vs Winix P300?
Ајде! :)

Gree GCF300CKNA vs Winix P300
Димензии 24.5× 39.6 × 57.6 vs 23 X 42 x 55 cm
Проток на воздух 75/150/230/260 m3/h vs 66/150/240/330 m3/h
Тежина 10kg vs 6.1kg
Цена: 10.000 ден vs 15.500 ден
Цена на заменски ХЕПА филтер: 1.000 ден vs 3.500 ден
(извори: Гри, Виникс)


Значајните разлики се болдирани. ;)
(на што ли Winix заштедиле 4 кила, или 40% од тежината)
Морав да те корегирам. Грее е драстично послаб од виникост 260 Vs. 330 м3/ч
Филтрите кај виникс се менуваат еднаш годишно, грее 2-3. Кај виникс доаѓа во пакетот 4 предфилтри од активен јаглен. За грее треба да си ги докупуваш. Одржувањето доаѓа околу 2.500 за грее спрема 3500 за виникс. Но толку е и соодност за филтрирање. И капацитетот на филтрирање е сличлно различен. Останува и гаранцијата на виникс од 2 години, наспрема 1 кај грее.

Е сега на долги стази...
Со користење на грее, се труеш со озон, умираш млад и заштедуваш пари. Јас планирам со виниксов да трошам до длабока старост :)
Морав ;)
 

Lokvan

Unbeatable
12 јануари 2016
3.910
5.393
SK
Хаха, „Филтрите кај виникс се менуваат еднаш годишно, грее 2-3“!
Ок, така со хендикеп изваден од ракав може да се приближат трошоците.
Сериозно, а зошто толку воздржано со само 2-3 филтри годишно за Гри? Ако веќе вадиш од ракав, зошто не кажеш на пример 12 - по еден филтер месечно за Гри? А за Виникс, кажи дека еднаш на десет години се менува. Можеби е така пошто Виникс е дупло полесен на тежина, ваљда затоа што е „поквалитетен“ и неговата плазма „не генерира озон“. ;)

Морав да те корегирам. Грее е драстично послаб од виникост 260 Vs. 330 м3/ч
Корегирај го ова: :)
upload_2017-1-5_2-29-27.png
https://www.manualslib.com/products/Gree-Gcf300ckna-3954076.html


Гледај, можеме ние да се зезаме до утре ама ти сеуште ќе плаќаш 4 пати поскапи заменски филтри (кои ќе се прљаат еднакво брзо како и моите, ако и ти живееш во Скопје а не на Пелистер).
Сеедно е дали навистина веруваш дека пола милиметарскиот „предфилтер“ со активен јаглен прави нешто друго освен плацебо.
Кај Гри имаш филтрација со активен јаглен низ слој кој е подебел барем за 10 пати од тој на Виникс, па пак ни тие 10мм не прават ништо повеќе од плацебо. Едноставно и тоа е премалку. Со Гри ХЕПА филтерот идат неколку такви резервни плави предфилтри за кои Гри напишале некакви HIMOP „магични својства“. Тоа е она плавото на ХЕПА филтерот што се гледа на фотографиите. Не ни спомнав дела идат такви гратис со ХЕПА филтерот пошто јас барем разбирам дека е се работи за обичен механички предфилтер премачкан со змијско масло. :)


На скриншотот од упатството гледаш дека максималниот проток е 300 м3/ч а не 260. Но на крај пак е сеедно пошто ни Гри ни Виникс никој нормален нема да ги користи на максималната јачина и да слуша бука како авион на полетување. Напротив, 90% од времете уредите ќе се користат на двете најниски вредности кои исто така се малтене исти, 150 м3/ч е втората „брзина“ и кај обата.

На крај пак останува дека за малтене исти спецификации (димензии, проток) виниксот кошта цели 55% повеќе, а заменските филтри му коштаат цели 400% повеќе. Тоа се фактите, па сеедно како ќе ги вртиш и спинуваш.
Понатаму, Гри е гигант со илјадници производи (најголем светски производител на клими). Дури и Гримак да пропадне некој друг дистрибутер ќе се најде да биде застапник локално. Ова ти го кажувам само затоа што кај Виникс ниту за производителот, ниту за дистрибутерот не можеш да бидеш ни одблиску толку сигурен дека утре воопшто ќе имаш достапни заменски филтри за да ги купиш.
 

Атачменти

  • upload_2017-1-5_2-27-22.png
    upload_2017-1-5_2-27-22.png
    435 KB · Прегледи: 20

psyside

Rising Star
4 септември 2008
30.213
31.380
psyside's setup  
Processor & Cooler
Ryzen 5 [email protected] + PCCooler X5
Motherboard
Asrock B450 HDV
Storage
970 EV0 Plus 500GB
PSU
Evga 750W BQ
RAM
2x8GB Hyper X Predator@ 3200
Video card
Asus RTX Dual EVO 2060 Super
Case
CM Masterbox E500 with ODD
Mouse
Cooler Master Storm Spawn + Corsair 140/Zalman ZM-F4
Keyboard
Logitech G910
Monitor
Asus PA328Q Pro Art
OS
WIN 10 Pro X64
Фала Псај, сега гледам сум оставил едно чудо секакви грешки - ама се брзав да завршам пред идење во кино... :)


Пиши пп што треба да се едитира, ќе средам :)
 

Misko6000

On your way to fame
5 април 2015
1.089
974
Хаха, „Филтрите кај виникс се менуваат еднаш годишно, грее 2-3“!
Ок, така со хендикеп изваден од ракав може да се приближат трошоците.
Сериозно, а зошто толку воздржано со само 2-3 филтри годишно за Гри? Ако веќе вадиш од ракав, зошто не кажеш на пример 12 - по еден филтер месечно за Гри? А за Виникс, кажи дека еднаш на десет години се менува. Можеби е така пошто Виникс е дупло полесен на тежина, ваљда затоа што е „поквалитетен“ и неговата плазма „не генерира озон“. ;)


Корегирај го ова: :)
Погледнете го атачментот 51364
https://www.manualslib.com/products/Gree-Gcf300ckna-3954076.html


Гледај, можеме ние да се зезаме до утре ама ти сеуште ќе плаќаш 4 пати поскапи заменски филтри (кои ќе се прљаат еднакво брзо како и моите, ако и ти живееш во Скопје а не на Пелистер).
Сеедно е дали навистина веруваш дека пола милиметарскиот „предфилтер“ со активен јаглен прави нешто друго освен плацебо.
Кај Гри имаш филтрација со активен јаглен низ слој кој е подебел барем за 10 пати од тој на Виникс, па пак ни тие 10мм не прават ништо повеќе од плацебо. Едноставно и тоа е премалку. Со Гри ХЕПА филтерот идат неколку такви резервни плави предфилтри за кои Гри напишале некакви HIMOP „магични својства“. Тоа е она плавото на ХЕПА филтерот што се гледа на фотографиите. Не ни спомнав дела идат такви гратис со ХЕПА филтерот пошто јас барем разбирам дека е се работи за обичен механички предфилтер премачкан со змијско масло. :)


На скриншотот од упатството гледаш дека максималниот проток е 300 м3/ч а не 260. Но на крај пак е сеедно пошто ни Гри ни Виникс никој нормален нема да ги користи на максималната јачина и да слуша бука како авион на полетување. Напротив, 90% од времете уредите ќе се користат на двете најниски вредности кои исто така се малтене исти, 150 м3/ч е втората „брзина“ и кај обата.

На крај пак останува дека за малтене исти спецификации (димензии, проток) виниксот кошта цели 55% повеќе, а заменските филтри му коштаат цели 400% повеќе. Тоа се фактите, па сеедно како ќе ги вртиш и спинуваш.
Понатаму, Гри е гигант со илјадници производи (најголем светски производител на клими). Дури и Гримак да пропадне некој друг дистрибутер ќе се најде да биде застапник локално. Ова ти го кажувам само затоа што кај Виникс ниту за производителот, ниту за дистрибутерот не можеш да бидеш ни одблиску толку сигурен дека утре воопшто ќе имаш достапни заменски филтри за да ги купиш.
Дајте бе некој тест, на пример за колку време го чисти вашиот стан од 200 на 50 PM2,5 или нема индикатор кој го покажува тоа? Ако го нема, јас би ризикувал да се ослонам на Ми апликацијата и да си го командам од каде сакам.
btw мојот е тежок само 6 kg, ама тоа баш ништо не докажува за моќноста.
 

JasSum

Unstoppable
8 мај 2007
2.167
2.504
@Lokvan гледам што пишува на декларацијата на производот. Си ја сликал и неа. Види на фотките. Токму затоа не купив грее. Едно е декларирани, друго се испорачува. На фб и на сајт едно, во дуќан друго.

Колку често се менуваат филтрите ми кажаа во дуќанот. Факт дека грее има повеќе филтри, колку сака нек се пласебо, механички постојат.
Ко да кажеш дека катализатори на коли не вршат работа. Си бркаат работа филтрите секако.

Го земав п450
17.500 вс 9.000
Дупло пари, дупло перформанси.
Нема озон. Сакам на потивко да работи.

Математиката е речиси иста.
Заменките ги имам низ цел свет. Кај грее не баш...
 

sumi

On your way to fame
8 април 2007
1.137
790
Кавадарци
www.uhost.mk
sumi's setup  
Processor & Cooler
AMD Ryzen 9 5900HX
Storage
1TB NVMe
RAM
2x16GB DDR4
Video card
nVidia RTX3060
Case
Notebook Lenovo Legion S7
Mouse
Logitech MX Anywhere S2
Monitor
15.6" FullHD 1090x1080 LED
OS
Windows 11
Со користење на грее, се труеш со озон, умираш млад и заштедуваш пари. Јас планирам со виниксов да трошам до длабока старост :)
Морав ;)

Исправка,

НИКАДЕ не е потврдено дека грее озонира, освен на линкот кој го прати кој е од сомнителен извор од некој блог БЕЗ ДА ПИШЕ како проверил/измерил/увидел дека озонира. Тоа ти е исто како сега јас да пишам Winix испушта ебола вирус кога работи :).
За озонирањето се консултирав и со гримак и со Gree директ од двете места ми потврдија дека нема ништо такво барем е во овој модел на уред. Без никаква потврда дека озонира воопшто нема логика да се обвини за истото. Башка и текстот од блогот е за сосема друг модел.

Околу менувањето на филтрите зависи од начинот на употреба и загадувањето кое го имаш во околината. Во иста просторија исто ке се менуваат без разлика дали е GREE, Winix или Мерцедес ако се работи за слична технологија на филтрирање а во случајот се скоро исти. Во најоптимистички случај што и да се очекува да се добијат 10-20% подолг век на филтерот ако истиот е на пример од некој подобри материјали или процес на изработка направен.

Тоа ако Winix класифицирале еднаш годишно а GREE 2-3 пати годишно е сигурно поставено на основа на различни услови на работа, просторија, загадување и слично. Со кратко гуглање не најдив некој стандард како би се мерело колку често треба да се прави предвидена замена на потрошни материјали.

Прочистувачите на воздух се нешто прилично ново и кај нас и во светот, без голем user experience па така останува на нас самите да правеме споредби и анализи :)
 

Misko6000

On your way to fame
5 април 2015
1.089
974
Еве после 6 месеци непрекидна работа со тоа што летото многу малце се вклучуваше на поголемо филтрирање.
ПС ако не е ок што постирам за Mi тука ,нека се премести во соодветната тема.
8f7b83dfc9a31cac840559b5134ee6df.jpg
565207ee2224a46efd66817c4bee890e.jpg


Sent from my HM NOTE 1LTE using Tapatalk
 

Lokvan

Unbeatable
12 јануари 2016
3.910
5.393
SK
@JasSum дај малку објективност. Не знам со какви наочари читаш, изгледа се розови. :)
Како што Гри има макс проток од 300 м3/ч (а не 260), така и на линков подолу се вели дека Виникс п450 кошта 19.500 денари (не 17.500).
http://www.winixmk.mk/procistuvaci-vozduh/winix-p450/

Јас кога пишував за Gree GCF300CKNA требаше како цена да ја наведам малопродажната цена, или цената со попуст кој сум го добил во групното купување? :)
Такви математики... Сировите (сурови?) факти велат дека Виникс п450 кошта ДУПЛО ПОВЕЌЕ од Gree GCF300CKNA. Три заменски филтри за Виникс п450 коштаат колку цел еден Gree GCF300CKNA плус 2 заменски филтри за истиот Gree.
Заменски филтри за Гри се по 1000 денари, ама тие за Виникс п450 коштаат по 4.000 денари парче.
http://www.winixmk.mk/winix-p450-filter/


И што добиваш ти за дупло поскап уред, и за четири пати поскапи филтри.
Ајде да споредиме. Виникс п450 е 12 сантиметри поширок, и 11 сантиметри повисок од Гри. Тоа не е дупло повеќе од Гри. Не е ниту приближно до дупло, а Виникс п450 кошта дупло повеќе од Gree GCF300CKNA.

Протокот?
Виникс п450 има максимален проток од 492 m3/h. Тоа е повеќе од Гри, ама не е дупло повеќе. Реалноста е дека ни Гри ни овој Виникс никој нормален нема да ги користи на максималната јачина (и да слуша бука како авион на полетување).
Во 90% од времето уредите ќе се користат на двете најтивки вредности кои се:
- Гри 75 и 150 m3/h
- Виникс 84 и 186 m3/h
(извор: Гри, Виникс)

Прифаќам дека Виникс п450 е нешто подобар уред. Ама не е ни блиску до дупло подобар, всушност се работи за нијанси кога ќе ги погледеш релевантните разлики изразни во бројки. А разликите во цени се од дупло (за уредот) до четири пати повеќе (за филтрите).

При сето ова примети и дека Виникс п450 е за 1.5 килограми полесен од Гри.
Кај вакви едноставни уреди во кои нема многу делови, можам само да претпоставам дека во Виникс има потенки и поевтини пластики, можеби и понеквалитетен мотор. Не гледам на што друго Виникс можат да „заштедат“ тежина.
Се разбира, ова се само мои размислувања кои не мора да се точни. Нешто како твоите размислувања за ознот, а се ослонуваш на „ветувањата“ од Виникс дека нивните уреди не произведуваат озон.
Со користење на грее, се труеш со озон, умираш млад и заштедуваш пари. Јас планирам со виниксов да трошам до длабока старост :)


едит:
Тоа ако Winix класифицирале еднаш годишно а GREE 2-3 пати годишно е сигурно поставено на основа на различни услови на работа, просторија, загадување и слично. Со кратко гуглање не најдив некој стандард како би се мерело колку често треба да се прави предвидена замена на потрошни материјали.
Како нема стандард? Филтерот се користи се додека сензорот не покаже аларм на прљав филтер. Тоа „една година“ го пишува во упатствата и на Гри и на Виникс, тоа е некоја општа проценка. Исто како кај Гри и кај Виникс велат дека се менува „на една година, или додека не светне светлото за прљав филтер“.
 
Последна промена:

Нови мислења

Последни Теми

Статистика

Теми
47.288
Мислења
977.868
Членови
35.578
Најнов член
Milena Milkova
На врв Дно