Генерирање видеа со OpenAI Sora

[cogscape]

Пред некој час од OpenAI презентираа нов ВИ модел од класата текст-во-видео, односно модел кои што според внесен текст генерира видео, во случајов со должина од 1 минута.

Јас сум импресиониран од видеата што ги презентираа како демо (можете да ги погледнете тука) и искрено очекував дека овој квалитет на генерирани видеа би го виделе дури за 4-5 години од сега, но очигледно со креативност и иновативно размислување може многу подобро да се искористи постоечката процесирачка моќ.

Видеата се со одличен континуитет и навидум се држат до законите на физиката. Исто така според промптовите (имаме ли подобар збор за ова?) може да забележите и дека моделот прецизно ги следи инструкциите, слично како што прави и DALL-E 3 (опис на сцена, раса на кучиња, облека итн.). Џим Фан од Nvidia шпекулира дека има можност моделот да е трениран на огромен синтетички сет на податоци генерирани со Unreal Engine.

Моделот сеуште не е достапен за јавноста и е моментално во фаза на тестирање за начини на кои што може да биде злоупотребен. Според оригиналниот пост од OpenAI, не е сигурно дали ќе биде дел од Чат-ГПТ апликацијата.

 

[Маша]

Ѕирни ги и овие Runway - Advancing creativity with artificial intelligence.
Имаш во фри верзија, лимитирана минутажа, чудесии за играње

 

[cogscape]

Познати ми се и Runway, нудат интересни способности за многу ефтини цени (со оглед на големите инфраструктурни трошоци) но Сора е сосема друга категорија во рингот. Не само што нуди 3 пати подолги видеа, туку е интегрирано и со алгоритми кои што ја "разбираат" физиката. Не сум стручен да ја опишам поконкретно поврзаноста но истата му дава сосема друга димензија на моделот, не само рендерирање на кохеретни фрејмови. Дополнително и колку што забележав споредувајќи со ранвеј е и многу попрецизно следење на инструкциите (промпт-от).

Технолошка импресивност на страна, Ранвеј ќе остане корисна алатка и со тек на време сигурно ќе понуди исполирани варијатни од ова што е денес иновативно, исто како Midjourney во споредба со DALL-E 3. Сепак, Microsoft, OpenAI и Google целат кон ВГИ (AGI) а не кон вакви алатки.

 

[Ron26]

Може филмови ќе се снимаат вака у иднина, без камери, со текст аито ќе прочита одма што треба да се изведе и ќе скоцка.

 

[-Ata-]

За филмови/серија во некоја малце подалечна иднина веројатно секој сам ќе може да си дефинира каков сака да гледа во моментот.... после некое време ќе здосадат. Ништо нема да биде исто.

 

[Goran995]

Малку се заиграа и заборавија.

АИ гласови, AI помошници, AI текст, AI слики, AI generative fill, AI видео...
Посебно ова со видеата е језиво и мислам дека повеќе ќе биде штетно отколку корисно. Многу повеќе.

 

[Ron26]

Малку се заиграа и заборавија.

АИ гласови, AI помошници, AI текст, AI слики, AI generative fill, AI видео...
Посебно ова со видеата е језиво и мислам дека повеќе ќе биде штетно отколку корисно. Многу повеќе.

на овие целта им е да го заменат човекот скроз со свое АИ и роботи на планетава. Делува дистописки, али тоа се тешки психопати што се у АИ навлезени.

 

[Metuzalem]

И AI-то ќе ги гледа филмовите, па во некој момент ќе добие свесност, ќе се сврти против човештвото, ќе има војна, прво AI-то ќе прати машина назад во времето да ја убие мајката на водачот на движењето на отпорот, а потоа тој млад водач на отпорот ќе прати друга машина да ја заштити.

 

[kirev]

И AI-то ќе ги гледа филмовите, па во некој момент ќе добие свесност, ќе се сврти против човештвото, ќе има војна, прво AI-то ќе прати машина назад во времето да ја убие мајката на водачот на движењето на отпорот, а потоа тој млад водач на отпорот ќе прати друга машина да ја заштити.

Сме го глеале Terminator (1984) 8.1 | Action, Sci-Fi

 

[petkotrajko]

И AI-то ќе ги гледа филмовите, па во некој момент ќе добие свесност, ќе се сврти против човештвото, ќе има војна, прво AI-то ќе прати машина назад во времето да ја убие мајката на водачот на движењето на отпорот, а потоа тој млад водач на отпорот ќе прати друга машина да ја заштити.

Аууу, срашно!!!

Сме го глеале Terminator (1984) 8.1 | Action, Sci-Fi

Шо збораш бе, и филм имало на темата???

Ок, шала на страна, ова веќе не е шала.
Веќе не ќе се можи да се верува во ништо снимено, во смисла дека ни видео записите од некој настан нема да бидат како веродостојно и неспорно сведоштво дека тоа што го гледаш на екранот навистина се случило (па, на некој начин, видео надзорот би изгубил смисла?)

А од друга страна, не дај боже да се најди чоек во ситуација кај што го „наместиле/намонтирале“ во некое видео, па оди објасни се дека не си ти, не си бил таму или слично....

 

[Metuzalem]

Сме го глеале Terminator (1984) 8.1 | Action, Sci-Fi

Од критична важност е прашањето дали АИ-то ги гледало.

 

[Ron26]

психопатија е ова дечки, видеата ги гледав, и се ненормален квалитет. Којзнае колку измами ќе праат. Ќе мора у иднина некој днк тест за секоја трансакција да приложува човек дека е он.

 

[krema]

Тек кога ќе почнат да генерират прон содржини, па па па .....

 

[boro1]

Тек кога ќе почнат да генерират прон содржини, па па па .....

ahem.. AI influencers are getting filthy rich... let's build one

 

[JasSum]

Скоро сите видеа имаат грешки. Поточно, видеа со луѓе се со грешки. АИ копира без разбирање па затоа и ги прави грешките.

Инаку да, одлично е за генерирање заебанции и превари.

 

[Avid]

Скоро сите видеа имаат грешки. Поточно, видеа со луѓе се со грешки. АИ копира без разбирање па затоа и ги прави грешките.

И сеа на ова следува риплај од типот „да брат ама ново е, ќе се усовршува, којзнае што ќе биде понатака“ итн.

 

[M@RKO]

Како поточно ова функционира?

Пример дали може ова да ми креира видео во кое јас би бил во видеото и нешто би правел играл на музика, пеел, трчал, јадел и друго?

 

[cogscape]

Мене ова не ме плаши и воопшто не верувам дека ќе наштети на филската индустрија. Дури не верувам дека ќе помогне и во измама, веќе со дипфејкови бидна тој проблем.

Филмската индустрија секако е одамна предводена од Холивуд и ова не може да е повеќе штетно од тоа. Зошто? Бидејки технологијата сама по себе е неутрална или не одликува самите нас (влијание од материјалот на кои што е трениран моделот), додека пак Холивуд е масивна пропагандистичка операција. Згоре на се и во изминативе 20-тина години имам чувство дека е во пад квалитетот и се помалку креативни и по плитки се новите содржини, со исклучоци. Истиот тренд се забележува и во музичката индустрија.

Исто како со Midjourney, верувам дека ова ќе овозможи создавање на многу повеќе естетски привлечни содржини и фокус на суштината а не на техничката изведба. Дополнително, добро би било и (барем дел од) тие стотици милијарди долари од Холивуд да се прераспределат надвор од елитните кругови и можеби кај некои нови уметници и научници. Тоа е барем мојата, оптимистична, гледна точка.

Едит: Појаснување поради мала контрадикторност - не оечкувам дека би наштетило на индустријата од финансиски аспект, бидејќи и они ќе ја користат технологијата, иако во последниот параграф изразувам желба да има и таков импакт. Финансиски може да ги намали трошоците за пост-продукција и да го намали бројот на работни места од тој тип.

 

[M@RKO]

Ова ќе биде од корист за музичари кој немаат финансии големи да платат добра екипа за снимање видео спотови. Ќе им заштеди пари, време особено ако сето ова е бесплатно или барем има бесплатна верзија.

 

[JamesKirk]

Јако е нема што:

View: https://www.youtube.com/watch?v=HK6y8DAPN_0

 

[crossfire_hurricane]

ќе бараш рука да ти покаже gg ez

 

[Avid]

И, нешо ново од ова?

 

[Chiller]

Јас искрено го чекам Adobe да почне да интегрира во премиер. Има да биде лудница само гарант многу подобри графички ќе мора да се купуваат.
AI Video Editing - Adobe Premiere Pro има видео објаснува што се може да се прави.