Eink / Epaper смартфон од Hisense

[moongose]

Не треба многу за ова, промени треба само од аспект на GUI-то. Всушност ОС-от е тој што ги работи повеќето од тие работи за апликациите. Еднаш кога ќе има прилагоден ОС тогаш апликациите ќе се портираат/прилагодат релативно (по)лесно... Комбинирано со соодветен хардвер/SoC (на пример не ти треба 3D за е-инк GUI), подобрувањата и тоа како ќе бидат осетни.

Тие промени не се баш така едноставни, особено кога целиот оперативен е развиван во сосема друг правец. Втор чекор е секоја апликација да се прилагоди на тие промени. Ама ограничувањата што ги наметнува не се баш едноставни за прилагодување. Особено што треба да се прави за многу тесен профил на корисници.

Функционалноста апсолутно нема да биде значајно засегната. Освен ако за тебе „значајна фукционалност“ е анимација на текст при скролање наместо едноставен моментален page up/down (ова како пример го давам). Browser-от пак ќе го прелисташ со page up/down наместо анимиран скрол. Вестите/временската прогноза/итн ќе ги прочиташ. Текстот во маилот пак ќе го прочиташ...

Анимацијата и скролот на интефејсот не се проблем. Ти пак се базираш на функционалноста на е-читач каде главно се читаат книги. Веб страниците се многу подинамични од книги, имаат движечки содржини, анимации, бараат многу одење нагоре-надолу, не е баш исто со читање книга. А и не се испраќа само текст по апликациите за комуникација, има и анимирани содржини и видеа.
А многу напор е сето тоа да се замрзне на ниво на прелистувач или апликација, настрана што така може и да се наруши изгледот и функционалноста на самата страница.

А што правиме со пишувањето? Секоја буква бара ново освежување, макар и само да се ограничи на местото на пишување. Само еден мејл да напишеш, екранот ќе потроши како да си вртел книга од 300 страници.

И сето тоа само за екранот. Каде е достапноста на апликациите за чет и друга комуникација, кои треба да се постојано онлајн за да функционираат? А тоа е најголемиот потрошувач моментално, кога телефонот не се користи.

Со тоа што надвор на сонце ќе можеш ко човек да читаш, наместо да појачуваш светло и контраст на (енергетски захтевен) максимум. Или да се буташ во затворен простор за уредот да ти биде читлив а не мачење да го читаш. Не знам дали си приметил, ама преносните уреди повеќе се користат надвор. И освен ако не си вампир (или тинејџер), надвор обично си дење а овде окулу ~300 денови во годината е сончево... Е-инк екран на мобилен уред има многу повеќе смисла од лцд и дериватите.

Денешниве екрани немаат проблем да се гледаат на јако сонце. А надвор не значи директно пладневно сонце.

Но надвор секој ден се стемнува и е ноќ. Каква видливост имаат овие екрани ноќно време? Или во темни простории? Треба или позадинско светло што троши енергија или да си носиш лампичка да го осветлиш екранот за да воопшто видиш што има на него.

Екраните се, но сѐ друго не е така црно-бело како што сакаш да го прикажеш.

 

[Lokvan]

Пријател, моментот кога очигледната предноста на е-инк екраните ја релативизираш со „новите лцд-а немало проблем да се гледаат на сонце“... Јасно покажуваш дека игнорантно пристапуваш.
Пак ќе ти кажам, ти или никогаш не си користел уред со е-инк приказ - или водиш инает.

За приказот: Разликата е огромна. Навистина нема потреба јас и ти да се објаснуваме што е подобро и за очите и за комфорно користење надвор дење. Ти можеш да спориш дека со поновите генерации можеш да ја видиш содржината на екранот (за разлика од постарите), но тоа не значи дека читањето на лцд екран дење надвор е нешто што е удобно и нешто што некој свесно би одбрал да го прави ако има можност да влезе внатре (или да користи е-инк приказ). Луѓето едноставно ги користат лцд уредите и надвор затоа што им треба уредот додека мора/сакаат да се надвор, не затоа што лцд приказот е добар за користење надвор.

Што се однесува за користењето навечер, секако дека е-инк уредите имаат и можност за позадинско осветлување (барем повеќето од тие што се произведени во последниве 10-ина години). Разликата е што навечер е-инк уредите може да се читаат и на собно светло, за разлика од лцд уредите кои мора да се читаат со позадинското светло на самиот екран. Нема ваљда сега и за тоа да се „докажуваме“ што е подобро за очите и за комфорно читање? Или ќе спориш дека подобар е приказот со позадинско светло?

Мислењето е автоматски споено: 1 април 2024

Анимацијата и скролот на интефејсот не се проблем. Ти пак се базираш на функционалноста на е-читач каде главно се читаат книги. Веб страниците се многу подинамични од книги, имаат движечки содржини, анимации, бараат многу одење нагоре-надолу, не е баш исто со читање книга. А и не се испраќа само текст по апликациите за комуникација, има и анимирани содржини и видеа.
А многу напор е сето тоа да се замрзне на ниво на прелистувач или апликација, настрана што така може и да се наруши изгледот и функционалноста на самата страница.

А што правиме со пишувањето? Секоја буква бара ново освежување, макар и само да се ограничи на местото на пишување. Само еден мејл да напишеш, екранот ќе потроши како да си вртел книга од 300 страници.

И сето тоа само за екранот. Каде е достапноста на апликациите за чет и друга комуникација, кои треба да се постојано онлајн за да функционираат? А тоа е најголемиот потрошувач моментално, кога телефонот не се користи.

Ајде (уште еднаш) по ред:

• баш анимацијата или поточно самиот eye candy дизајн на GUI-то на смартфоните е замислен како за лцд приказ кој ионака мора да троши енергија за секое едно освежување во секунда (кај некои модели иде и на троцифрена бројка фрејмови)
• едноставно е во апликациите да има можност за прикажување на мултимедиа како статични слики, што би требало да е дифолт мод од кој може да се излезе (по потреба, не по дифолт)
• уредот не мора да е 24/7 онлајн, може да има рифреш на секои хх минути и мануално или автоматски да влегува во онлајн мод кога ќе се започне активност како чет/итн

Очигледно е дека ние суштински не се разбираме. Ти изгледа не можеш да прифатиш концепт на штедлив комуникациски уред со компромиси како минимум мултимедија, ама затоа со голема независност. За тебе уредот мора да е преносен компјутер/таблет.

Во твоја одбрана, и никогаш не ти ни било понудено нешто друго. Но еднаш кога вакви уреди би станале подостапни (и пофункционални), сигурен сум дека и ти би имал и еден ваков уред. Ако не за секојдневна употреба тогаш за повремена. Предностите се премногу очигледни и големи.
Ако си човек што секојдневно поминува многу време надвор - едноставно ти треба ваков уред. Ако не си таков човек, но сепак повремено си надвор - сеуште ти треба ваков уред за повремена употреба. Еднаш кога би го имал, секако би го користел.

Проблемот е да разбереш дека ваков уред не е директен конкурент ниту замена на таблетот кој го нарекуваш „смартфон“ а кој го користиш како преносен компјутер. Ова е специфичен комуникациски уред за луѓе со специфични намени. И уред за сите луѓе во специфични ситуации.

 

[moongose]

Пак тоа па тоа го верглаш.
А сѐ е веќе напишано во претходните објави зошто (не) е така.

 

[mdeni]

View: https://www.youtube.com/watch?v=xwTub7_we0w